Ke Au Hou, Volume II, Number 3, 18 January 1911 — HE WAHI PUAA NAAUAO [ARTICLE]

HE WAHI PUAA NAAUAO

Ma Kailua ae nei, ma ka home o John Kalaukoa i ke awakea Sabati, lanuari i, ua a ae la ka imu, a i ka enaena ana ua miki aku la ka mea ka]ua i ka puaa ana i ho-o ai iloko o ka pahu i na minute mamua koke iho, a ike iho la ua olokaa ia ka pahu a huli ka waha iluna e kahi holoholona piha akamai, a ua puhalahi'u kela a nalowale iloko oka ulu kuawa iau wale ka la. Imi iho la, aohe loaa; hele aku la e noi i ka kekahi poe puaa, no ka minamina i ka a o ka imu, aia hoi a kalua, holo keia e kuai i puaa na lakou, hoole mai la hoi ia poe me ka olelo mai no ka Nuia ka lakou puaa, a e holo keia i Honolulu i puaa hou nana. Aohe oia nei ekemu hou aku, o ke kau iho la no ia ma ka lio no Kaneohe, a loaa ka puaa a hoea hou i kauhale no hookahi hora wale no, e o ana no ka imu, a pela i loaa ai ka Hape Nuia. O kahi puaa mua hoi, he 3 la mahope iho ikeia iluna o ka pali, o ka wehe no i;l o Uwahi a nalowale, pau ka ikena. Malia, e hoi kauhale aku ana paha i keia mau la. aohe hewa o ke kiai wale mai. Apiki ka mamo a Kama.