Ke Au Hou, Volume II, Number 2, 11 January 1911 — KE KI-PU A NA LOEA KALAI AUPUNI [ARTICLE]

KE KI-PU A NA LOEA KALAI AUPUNI

(Mai ka aoao 27 mai.) I ka wa i puka mai ai o keia kauoha no ke ki ana, me ka pihoihoi nui o Hanare Kale i ki koke rnai ai i ka Senetoa, a ku lihilihi ae la kona kuka a pukapu. Aole iki aku o Renedope i keia manawa, oiai aole oia i pihoihoi loa e like me ke Kuhina Nui. Ina oia i makemake no kona make, he mea maopopo, e kau pololei aku no oia i kana pu aeku no o Hanare Kale me ka hala ole. E like me ka manao maikai o ke kanaka aole i loaa na manao lili pilikino, pela o Senetoa Renedope i hoohuli ae ai i ka waha o kana pu iluna a ki aku la i kana poka i ka lewa me ka hoeha ole ia o kekahi mea. Ua hele mai la na hoaloha o na kanaka elua, oia ka wa a Renedope i hele aku ai e huipu me ke Kuhina Nui, a oiai laua e lulu lima pu ana, ua pane aku la ka Senetoa ia Hanare Kale me keia mau olelo: "Aole au eki aku ana ia oe e Mr. Kale I Ina i ike aku ne,i au i ke diabolo iloko o kou maka no ka lawe ana i ko'u ola, —e hoololi koke no au i o'u manao."

"Ua hilinai au," wahi a Hanare Kale, "na ke Akua o}a mai kou pakele ike sekona i hala ae nei, aole loa au e hoopoino ia oe kia he mau tausani o na makana ame na pomaikai e kue mai ana ia'u no kou pono." Huli iho la ke Senetoa ma kona aoao, a ike iho la i ka puka o kona kuka i kela poka hepe a Hanare Kale i ki aku ai, pane hou aku la oia iaia. Ua puka ia kuu kuka ia oe e Mr. Kale, nolaila, ua aie oe ia'u i kuka hou." "Ua hauoli loa au aole he nui o ka'u mea e uku ai, oiai, he kuka wale no ko'u aie ia oe." Mahope iho o keia manawa, ua lilo iho la keia mau kanaka etua i mau hoalolm oiaio, e kokua ana kekahi i kekahi ma na kumuhana ano nui i waiho ia aku imua o ka Ahaolelo, a no laua ke kuiana a kakou i lohe wāle ai ma na moolelo o na kanaka akamai, ka naauao, ame na haiolelo alakai iloko ona hooponopono Aupuni ana o Amerika Huipuia.

Ua haawi papaaina hauoli ae ke Kama'liiwahine Kawananakoa ma ke ahiahi Poaono nei me 80 aoi poe i konoia. Na himeni a Kaai i hoonanea ae, a o Kahahana ka hula hoowali kaulana ka mea nana i hoohauoli ike anaina. Maikai na hoonanea ana.