Ke Au Hou, Volume II, Number 1, 4 January 1911 — Na Kuhinia o ke Kalana [ARTICLE]

Na Kuhinia o ke Kalana

Maikai na hauoli makahiki hou a ko makou mau keiki. Mai Hilo Hanakahi mai na wehi lei lehua, ano Haupu mai ka ohu mokihana. Nui na ohu hoope onaona. O Keauhou i Kona, Keauhau i Puna, Ke Au llou Moku, Kf, Au Hou Buke, hauoli makahiki hou. Ehia Ke Au Hou? Oia, imiia a loaa ia oe, nau ia, a nana hoi oe. He 630 ka nui 0 na kaa otomobile i paa ma ka hoike a ka oihana makai* a he 72 ka nui o na kaa haikikala ea, aole i maopopo ka nui o na kaa baikikala maoli, kaapi'o a ano e ae. Ua loheia mai, e lilo aku ana oJ. Kekuku i luna mahiko no Laie ma kahi o Cummings e waiho ana. Minamina no kana hana kokua luna ohi auhāu, oiai, ua ikeia kona kupono ma ia hana. Ua hoopauia kahi hoahu leta o Hauula, Koolauloa, a ua hoihoiia i hookahi hale leta ma Punaluu, he mile aoi ka mamao. He keuka luhi, wahi a ko Hauula poe. i ka apa no a papaa loa na wahi ttiea kuke» « He 100,000 dala ka hoopii koi pono a ke Kanikela Pake Liang Kwo Ying ia Hee Fat Pake o Honolulu nei no ka laipila. Eia ke kiai ia nei ka hale o ke Kanikela e na makai, no ka makau o hoopahuia e na pake. Ua hoike ae o agena Royal D. Meat nana i lawe mai na limahana Pilipino i Hawaii nei i ko lakou kupono, ua nana ia lakou apau e ke kauka, a ua ike ia aohe mai. He maij tausani kapuai papa ka ka moku kuna Fred J. Sanders no Leilehua, no ke kukulu ana i mau hale hoolulu no na pualikoa hou e hoea mai ana no Hawaii nei. E hoohui ia ana ma ka mare o Miss Helene Irwin, kaikamahine a Mr. W. G. Irwin o Honolulu nei me Templeton Croker o Kaleponi ma ka la 15 ae nei o Feberuari 1911. Mamuli o ka nyi o ka ino o ka makani me ka ua, ua hiki ole i na kao eli awa o Puuloa kt hana, ua hoopanee ia a ka wapono. O na kaikamahine opiopio ame kamalii kahi mau limahana Pilipino e hoolu'e ia mai nei, o ka oi aku no oka maikai i wahine wale 110. Ola na mahiko.

llanaio ka haole moku lele i Moanalua, i Kahauiki hemo ka umoki. Maikai ka haole. Ua hoopai ia o William Green he Meia no Topeka, Kansas, he $5,500 no kona uhai ana i kana olelo hoopaa e mare me Miss Selina Dalvympale kana kaikamahine hoahanau, a pau hoole # Aiala! Hemo. Ua olelo ae kekahi mau hoa Lunakiai hou, e noonoo akahele aku ana ia papa no ka hoomahuahua hou ana ae i ka uku o na keiki puhi ohe. Aohe mau halawai o na luakini o Maui waena i malamaia ma ka la Karikimaka nei ma ka pahola ana oka ma'i laha. Ua malama ae no o Rev. Kaumeheiwa i kana halawai Karikimaka ma ke ano ohana. Farani, Dec. 30—Ua lele ia mai nei e Tabuteau ma ka moku lele he 327 mile iloko 0 6 hora a oi, ua like me 54 mile aoii ka hora. Ua manao ia o keia ka manawa oi loa o ka holo. . Oka hapanui 0 na kanaka Hawaii ka poe hauoli loa no ke apono mai o ke Senate oAmerika ia Cotrill i luna dute awa, piha ku'i ka uwapo i ka Poalima nei i ka poe makaikai i na mokuahi, no ka manao e hoea mai ana ua paele naauao la. I keia la i puka mai ai he nupepa namu hou nona ka inoa o ka Paredaiso o ka Pakipika. Maemae no na mea ai o kona papaaina elike me ka makou mau mea ai kuhikuhinia. He pepa puka pule keia. Ma na lono i loaa mai ia makou, ua hoole ae o Minewa Kalama i ka lawe ana i ke kulana kamaliiwahine holo pa-u no kahanohano o ka mokupuni o Maui. No ka nui o ke aloha o kekahi kaikamahine Nipona kuai meaono ma alanui Hotele ia John Peter, ua ninini wai ia iho la a pulu loa kona paa lole, a ulu ae la he hana nui a laweia imua o ka Aha e hooponopono ai. a o ka hopena ua hoopaiia o Peter 110 kekahi inau mahina hoopaahao. I ka hora t 2 o ka Poaono nei Dec. 31. i waiho ia aku ai iloko 0 ke pao o ka lalani alii o ka Moi Kalakaua kona kii i hana maiau ia. e huli pono ana i ka puka konio. mamua pono o kahi i waiho ai ua lani alii la. i uhi ia i ka ahuula, malalo o na hooponopono maiau ana a John F. Colluun ke kahu malam.i waiwai. malaila pu ae ke kamaaliiwahine D. Kawananakoa ame J. K. Kalanianaole, ame kekahi anaina nui makolukolu.