Ke Au Hou, Volume I, Number 13, 27 Iulai 1910 — HE NUI KA POMAIKAI A KA LAMA [ARTICLE]

HE NUI KA POMAIKAI A KA LAMA

Ua hoopomaikai laula mai ka waiona, ua hoola ia na ma'i, ua huikala ia na lepela, ua hele na oopa, ua hoola ia na kuli, ua pau na ma'i hilo, ua hemo- na mimi paa, ua hooikaikaia na wahine hanau, ua hoopiha mau ia na loaa aupuni e na auhau laikini, ua ohi manaku na aupuni i na auhau aupuni o na loaa dute o na aina nunui, na hale nani, na hui mahiko, na kula hanai holoholona, a pela wale aku, i noho ona ia e ua poe ulakolako ala, mamuli o ke dala i loaa mai, mai ka waiona mai, elaa na hale kukaa, ame na hale kuai liilii, a hale puhi rama maoli, a ua hooluolu pu ia aku na poe lawe Hookuonoono o Kaupakulua, no na dala i loaa mai loko mai oka lakou imi waiwai he waina, i kanu a kaomi maoli ia no e lakou, a wahi a na hoike a kekahi mea kuai rama, eia lakou ke uku nei ike aupuni no ko lakou mau auhau ponoi oka akahi hapakolu a oi o na loaa aupuni, a mawaho ae o na mea a pau, ke hana nei ka poe ilihune oiai ke lawe nei lakou nei i kekahi kaumaha, a lehulehu aku napomaikai awaiona. Io» ua makemake oe e ai noa ia ka rarna ejike nqe ko keia )a, e koho AOLE.