Ke Aloha Aina Oiaio, Volume I, Number 3, 3 December 1896 — NA HAULI O KEKAHI POE. [ARTICLE]

NA HAULI O KEKAHI POE.

Ia makou i hoea aku ai i ka Poalua nei, na lena iho ka ike o kekahi poe kalaiaina i ko makon kino a hoomaka ae la e olelo: loa e lanakila." Ka! kupaianaha no keia mau olelo, oiai eia no makou i na la omaka moa o ke komo ana aku iloko o ka rina poepoe o ke kalaimanao, a e hele aku ana hoi iinua o ka loa a me ka laula o ka aina me ka paio ana me ka wiwo ole na enemi o Hawaii e hoo-

maikeike aku ana ia lakou i ke alahele o ke pookela o ke aloha aina oiaio nana e mukii paa loa nei i ka puuwai o ka hapanui o ka lahui Hawaii. Aka, he haohao makou i na olelo o keia auo i hoea ae mailoko mai o kekahi hapa hea la o ka lahui, a i iho la makou iloko o makou o "na hauli iho la no ia o kekahi poe." Ua maopopo me ka hiki ole ke hoohewahewa ia ua ike ia ka laau ma kona hua-a pela makou i manao ai e ike ia mai ana makou ma ia ano, a eia ke koilipi ke waiho nei malalo o kela a me koia laau e hoohua mai ana i na hua ino. A o ke kanaka hoi wahi a kahiko: "He maia ke kanaka a ka la no e hua mai ai." Nolaila ke lawe nei makou i ke kahua o kela mau hopunaolilo kaulana a molia aku i lahui ne ko lakou hookipa ana aku ia maina makou e hua ana i ka hua ino, ua maopopo e moku ana makou i ke kua ia ilalo; aka, ina o na enemi o Hawaii ke hua ana i ka hua ino a lapuwale e like me na mea i ike ia i keia mau la iho la, alaila, eia ke koi lipi ke waiho nei malalo o ko lakou mau kumu a he hina wale mai no. No makou iho. aole o makou kanalua iki i ka lanakila, oiai o ko makou kahua e paio aku ai oia no ke aloha oiaio i ko makou aina hanau me ke pookela hoi o ka paila ana o na manao wela iloko o ko makou punwai nona, ka mea hoi i eha ai o ko makou ili a pela pu hoi me ka ili o ka lahui Hawaii, a o na paio a na poe kakaikahi iloko o ka lahui Hawaii me ka manao o ka lapuwale i inai ia me na hana malu o ka poholalo, oia ka makou i makemake ai e hoohiolo a e kanu ia ilalo a make loa.