Ke Aloha Aina Oiaio, Volume I, Number 3, 3 Kekemapa 1896 — Na Hunahuna Huikau. [ARTICLE]

Na Hunahuna Huikau.

Puanuanu keia mau kakahiaka. O ka Mariposa ke ku mai ana ma ka la 10 mai Kikane mai E puka aku ana ka makou nupepa puka pule i keia pule ae. Ke lilo mai nei na huina alanui i keena pili oihana no kekahi poe. Keu no hoi ka hahana ikiiki o ka wela o ke kehau iniki ili o keia mau po. Ua pohala a maha ae nei ke omaimai fiva o ke Kuhina Amerika Wilsi. E kuai nui i na aina e hoolaha ia aku nei i keia la, aole no e hewa ke ninau ae ia Kale Aki. E hoomaka aku aua ke Kao-Eli-awa i ke omo ana i ka lepo o ka uwapo Pakipika a luai miai ma ka aoao mauka. Aneane loa mai nei ka La Karikimaka me kona mau hiohiona hikimua o ke onipaa o ka Ahahui Aloha Aina Oiaio. He heihei waapa me kinipopo anai wawae mai nei ko Hilo ma ka la hoalohaloha Akua, Poaha i hala ae la Hora 12 o keia la i kuai kudala ia ai na laikini awa o ka mokupuni o Oahu nei me ke alo iho o ka Hale Mana Hooko. He mau luina Hawaii me Kepani ko ka moku kalepa Rosalie i keia wa, a e holo aku ana lakou no na aina e ma keia mua iho. Aole makou e pane wale aku ana i na poe e hailuku wale mai nei ia makou me ka loaa ole o ke kahua naauao e paio ai. O ka ponei iho la ka wa e ulele puupuu ai o Toma Sharkey me Robert Fitisimona ma Kapelakiko no ka mea o laua.e lanakila. Aia he 1,000 apana home noho mawaho o Kapiolani Paka, a e kuai ia aku ana. E ninau ia W. C. Achi, (Kale Aki,) e nana pu ae i kana hoolaha. Daimana Hila, Dek. 3, malie maikai ke aouli, me kahi oaniani makani huihui mai ka akau mai. He mau ouli no ka haule ua i keia mua iho. E haawi Ahamele ana na kaikamahine o ke Kula Hanai o Kawaiahao ma keia mua iho. Eia lakou ke hoomaamaa mai nei no ka uniki aku. He 58 ka nui o na make no ka mahina o Novmaba i hala iho la. Ma ka mahelehele ana he 27 Hawaii, 13 Pake, 7 Pukiki a me 8 Kepani.