Ke Aloha Aina, Volume XXIII, Number 27, 5 Iulai 1918 — KANAHIKUKUMAMAHA KEIKI KULA I HALA AKU NO MAKAWELI, KAUAI, I KA HANA. [ARTICLE]

KANAHIKUKUMAMAHA KEIKI KULA I HALA AKU NO MAKAWELI, KAUAI, I KA HANA.

Mamua iki o ka holo ana aku o ka moku no Kauai, i ka'i ae ai he 74 mau keiki no kai o ka uwapo no ke kau ana aku maluna o ka moku no Kauai, Makaweli, no ka hana ana ma ka mahiko. Me he mea la, ma ka nana aku i na helehelena o kela poe keiki, ua hauoli loa lakou i ka hele ana no na mahiko e hana ai. O kela mau keiki mai a kula no ia o Honolulu nei no lakou keia poe inoa mahope ae nei: Kula A'o Kumu; Kula Kiekie o McKinley; Kula o Kehehuna lolani ame Kanalui. Oiai lakou e ka'i ana ma na alanui o Honolulu ma ke ahiahi o ka Poakahi nei, e himeni ana lakou no ka nui mai paha o ko lakou hauoli i ka hele aku ma na mahiko. He mea maikai io no ka hoomaamaa ana i na keiki e hana i ka wa liilii i wahi no lakou e mahui ai i ka hana a i ko lakou oo ana ae, ua ike mua lakou i ka hana, aka, aole paha kela o ka hana kupono no lakou i keia manawa, aka, aole e hiki ke alo ae mai ka hele ana aku no na mahiko, mamuli o ka pilikia maoli o na mahiko i ka limahana ole i keia manawa, mamuli o ka pau loa ana o na limahana i ka lawe ia e ka oihana koa o ke aupuni e hiki ole ai i na mahiko ke aua aku. Ina no ke kaheaia mai o ka helu 2A a hiki i ka helu 4A, he mea maopopo loa e nui ana ka pilikia o na mahiko i ka limahana ole, o ka hopena aku ana paha ma keia mua, oia ka pau an o ua keiki e hemo mai nei mai loko mai o na kula i ka hele i ka hana ma na mahiko.