Ke Aloha Aina, Volume XXIII, Number 27, 5 July 1918 — HOOPUIWA IA KA OIHANA MAKAI KIU. [ARTICLE]

HOOPUIWA IA KA OIHANA MAKAI KIU.

Ua nui ka hooluhiia o ka oihana makai kiu ma ke Sabati i hala aku nei i ka noke i ka huli i kekahi eke i manaola, he mea ua pepehiia a make ka haukae o ke eke i ke koko makai o kekahi uwapo o Honolulu nei. I ka ike ana o kekaki o na kanaka kiai o ka uwapo i kela eke na hele a haukae i ke koko, aole oia i houlolohi iho i ke kelepona ana mai i ka-oihana makai no kela mea ana o ka ike ana; o ka mea apiki nae, iaia no ka hele ana o kelepona mai i ka oihana makai, na pau like mai la na poe apau ma ia wahi no kahi o ke kelepona, aole he poe i koe aku no kahi o ke eke. I ka hiki ana o kekahi o na makai kiu no ka uwapo a i ka hele ia ana e nana ke eke i manao wale ia he mea make ko loko, aole iho la ke eke ma kona wahi o ka waiho ana, ua hoaa iho na makai o ka miki ana aku me ka mea nana i kelepona mai; ua lilo ia i hana nui o ka noke ana i ka huli. Mahope o ka huli pauaho ole ana ua ike ia aku kekahi kanaka Hawaii e auamo ana i ua eke nei, me ka hoohakalia ole iho ua holo aku la na makai a hoopuni ae la i keia kanaka me kana e auamo ana i ka puni ana o keia kanaka ua hoopuiwwa loa ia oia no keia hoopuni ia ana ona, aole he maopopo iaia kana mea e hana ai. I ka huli ia ana o ke eke i manao wale ia he mea make ko loko, ua loaa aku la he eke ake hipi hou loa, ma ia wahi, ua kuu iho la [illegible] puna a na makai no keia hooluhi wale ia ana o lakou o ka holokiki ana no kai o ka uwapo mamuli o kela kelepona puapuahulu me ka nana mua ole i na mea oloko o ke eke, me ka hooluhi ia ana o na makai e holo hele ma-o a maanei. Haa[illegible] a'o makai, aole pono e pulale i ka ike i ka maka, aka, he mea pono ka imi pono mua ana, i ole e ha[illegible] me ka puapuahulu a hooluhi wale ia ka oihana. makai e holo pokaakaa a kokoke e pau ke aho. ——;o:- — LADANA, Enelani, Iulai 1. —Ua lawe ae na Kelemania ia [illegible], ke Kapikala o Caucasus, a ke hoomaka ala ia hoakoakoa ana i na koa o na Kelemania ame na Auseturia, eia na koa i paa mai ma ke kahua kaua; pela ua lono mea hope loa o ka loaa ana mai. Eono haneli kanawalukumamawalu mau hihia o na keiki oo ole maloko o ka aha a Lunakanawai William H. Heen o ka hoolohe ia ana; e hoomaka ana mai Ianuari a e pau ana i Iune 30. Ma keia puka ana mai nei o ka alemanaka a Baldwin ma, aole e like me ka mau ka paa o na manawa holo o na moku Keleponi. Mamuli no ia o ke noi a na ona mokuahi aole e hoopaa ia ka manawa holo o na moku Eia ke loheloheia aku nei na moho senetoa a na Repubalika i keia mau la, aka, aole nae e hiki ia makou ke hooiaio, a oili ae na poo iluna o ka iliwai,