Ke Aloha Aina, Volume XXIII, Number 27, 5 July 1918 — HE MOOLELO NANI -NOVELOLETA A I OLE Ka Ui MAhope o Kana Mea i Aloha A A ME -HONEKA Moi o ke DAla i Hoopaaia ma Kahi Mokupuni Roseriga [ARTICLE]

HE MOOLELO NANI -NOVELOLETA A I OLE Ka Ui Mahope o Kana Mea i Aloha A A ME -HONEKA Moi o ke Dala i Hoopaaia ma Kahi Mokupuni Roseriga

I ko laua hoea ana aku no ka hale o ke Kauna, ua hookipa ia aku la laua nei e ua Kauna apuhi nei iloko o kona home me ka ohaoha, me ka hiki ole hoi i ka kakou Ui Nohea Veloleta ke ike a hoomaopopo mai no keia Kauna pauaka, oiai nae ua Kauna nei e nana hoomau mai ana faluna o ka mea ana i fini a i aloha ai me na manao pihoihoi o ka hauoli, me kona {illegible} loa ana aku ia laua no ka rumi a ke Kadinela opio e moe ana me na kauka e nonoho ana ma ka {illegible} o kona moe ame ke Kaunawa hine kiekie Iulia e noho ana ma ke poo o ka moe o ua Kauna nei oiai i hoi na kauka i kuku ae ai ilu na a haalele mai la i ko lakou mau noho a puka aku la iwaho me ke Kauna no ka rumi hookipa. Ua hoike aku la na kauka i ua Kauna nei, aole no he kukonukonu loa o ka eha i loaa i ke Kadinela opio, koe wale no e moe ana oia ma kahi moe no kekahi mau la loihi A no ka kakou Veloleta hoi i kona ike ana i kana keiki i ka waih mai iluna o kahi inue me ka paa o kona kino i ka wa-hi ia, ua kulou iho la oia ma ka aoao o knna keiki a uwe īho la wa ka ehaeha, a pela pu no hoi me ke Kadinela Macao {illegible} {illegible} {illegible} o kana moopuna kualua, a ua Kadinela opio nei hoi i huli ae ai a nana aku la i kona {illegible} makuahine me ka honi ana aku i kona lima me na minoaka oluolu maluna o kona mau papalina

iaia i kamailio aka ai; "Mama, aole oe e kaumaha no'u, oiai, aole he nui ioa o keia wahi eha i loaa ia'u." "Pehra o Hiki ai ia'u ke uumi iho i ko u kaumaha nou, oiai, he hookahi wale no oe ; ina no kou poino ; . aole au e ike ame kou tutu nei nou. "He oiaio no ia, aka, mai kaumaha olua no'u i keia mauawa oiai aole no paha e loihi loa ana e oluolu no au." "O kou manao paha ia, aka no'u ame ke kupunakane aloha o kaua, he kaumaha maua hou no keia ulia i loaa ia oe." "U'oki e mama, ua hana aku au i ka hana aloha me ko'u nana ole no ko'u ola ponoi iho, oiai au e hoao ana e hoopakele ae no ke ola wale iho no o kekahi makuahine maikai me kana bebe aloha elike me a'u ame oe e mama, ame kekahi ola uhane mawaho ae o laua. "Nana aloha aku la o ,Veloleta maluna o kana keiki me na manao hauoli iloko ona no kaua keiki iaia i kamailio aku ai me ka leo oluolu malie o ka makuahine e makee ana no ke ola o kana lei aloha a lei a-i hoi he keiki. "* "Ua piha a hu wale aku kuu uhane me ka hauoli no ia hana au i hana ai me ka wiwo ole, me ke kaumaha no nae o kuu puuwai no keia poino i loaa ia oe e ka hua'a o'u puhaka. "E mama, e nana oluolu mai ia'u me ka nanaina kaumaha ole, i oluolu koke ae no keia wahi eha i loaa ia'u." Hohola ae la na minoaka waipahe maluna o na papalina nohea o ua Veloleta nei no keia mau olelo a kana keiki ana hoi i moeuhane mua ole ai oia iho la na olelo mae mae a kana keiki e kamailio mai ai iaia, oia hoi, ma kahi o kona kaumaha ame ka luuluu, he mau. olelo hoolana wale no ka kana kei-

ki iaia, me kona honi ana aka ma kona lae me keia mau wahi olelo oiaio o ke aloha: "O ka puuwai o kou luaui makuahine nei, ua piha me na hunahuna lepo hagulagula o ke aloha, a o oe e kuu lei ka laau kanu iloko o kuu puuwai nana e hoohauoli mai i na la apau o kuu ola ana." Minoaka iho la ua Kadinela opio hei iaia i puana ae ai i keia mau olelo me ka leo malie loa. "Mama, ua aloha au ia oe e like me ka nui o kou aloha noʻu, kau keiki, a i oi loa aku hoi, eia no me {illegible} ke aloha oiaio o kuu tut ame ke Kauna Abe o Napela nei ka mea nana i pulama mai iaʻu ute me ka naau aloha. "Owau pu me oe ma iu manao, e kuu lei, no ka mea nana i haawi manawalea wale mai i na kokua ana ia oe," wahi a ua Yeloleta nei me ka leo liilii a laua hoi i hoomaopopo ole ae ai, aia he mau pepeiao e hoolohe mai ana me ka hialaai

nui i hoopiha pu ia me ka pihoihoi nui no keia mau olelo a laua, oia no hoi kela Kauna apuhi Abe o Roma o hoowaiki mai ana ma kekahi rumi e aku e pilipu mai ana me ka rumi nioe o ke Kadinela opio e moe ana, nana no hoi i hoonaue pu aku i ka puuwai o kekahi au mea elua o noho kokoke mai ana ia laua i lohe mai ai i na olelo i kukai ia mawaena o ka makua ame keiki. "E kala mai ia'u, ina e oluolu ia ana au e huipu aku me oe," wahi a kekahi leo i pa-e mai ai mahope o laua,, a kaomi iho la hoi kekahi mau lima palupalu maluna o na poohiwi o ua nohea Veloleta nei, al ua ui nei i huli a nana ae ai iluna a ike ae la oia i keia wahine aoo kulana hiehie i ano like aku me kona luaui makuahine, ka mea hoi nana i hoihoi mai i na hoomanao ana no kona home aloha ame kona mau makua aloha ole, ana hoi i kamailio aku ai me ka leo malie. "He oluolu ame ka hauoli pu au ke huipu aku me oe e ka makuahine maikai. "Mahalo," wahi a ua wahine nei iaia i hoomau mai ai i kana kamailio ana me ka leo oluolu a kuoo. "E ae mai ia'u e ke kaikamahine ui a'u i ike ole ai i kou lua ma ke kulanakauhale nei o Napela apuni, a'u hoi e hoolauna ponoi maoli aku nei no ia'u iho imua ou, owau ponoi no ka Hakuwahine lulia o Koko Napela nei, a'u no hoi e noi aku nei i kou oluolu ame kou ahonui no ka'u ninau." Kunou malie aku la ua Yeloleta nei me he ala e haawi aku ana oia i kona ae i ua Haku wahine lull nei o Napela. "O kau keiki ponoi no anei keia?" wahi a ua Hakuwahiue nei me ka leo ulolohi malie.

"Ae e kuu Haku wahine kiekie, o kaʻu lei ponoi no keia i hoeha ia." A hui ae la laua iloko o ka puili lima pumehana ana o ke aloha me ka hoomau ana mai hoi o ua Hakuwahine Iulia nei i kana mau olelo e papahi ana maluna o ke Kadinela opio, nana hoi i hoopiha loa aku i ka puuwai o ka makuahine opio, kaka puuwai o ka makuahine opio, ka kakou Veloleta hoi iloko o ka hauoli nui: "No kau keiki kanaka ui kaʻu mau hoomaikai kiekie loa no kona koa lua ole o ka hoopakele ana i kuu ola, kuu bebe kuu kauwa wahine. A o kuu kalaiwa wale no ka mea i hoeha kukonukonu loa ia e moe ai oia ma kahi moe no kekahi mau mahine loihi. "A owai hoi kou inoa, e ka wahine opio ui ame kau keiki opio kuu hoopakele?" O ke kumu ninau o keia Hakuwahine ia Veloleta no kona maopopo ole no i ke kulana o ka wahine opio ame kana keiki e like me na hawawa ma na wahi like ole apau o Napela e pili ana i kona hoopakele ia ana e ke Kadinela opio Macao. "Naʻu e hoolauna aku ia oe e kuu Haku whine kiekie o Koko Napela nei," wahi a ke Kadinela aoo Macao, me kona ku ana ae iluna mai kona wahi e noho ana a hele mai la me na kapuai haalulu a ku iho la mamua o Veloleta ame ka Hakuwahine, oiai ke Kadinela opio hoi e nana mai ana maluna o kona makuahine ame ka Hakuwahine ana i hoopakele ai iloko o na olelo hoolauna a kona kupunakane me ka leo malie.

"Ke hoolauna aku nei au imua ou e ka Hakuwahine kiekie o Koko Napela nei i kaʻu moopuna ponoi, ke Kaunawahine opio kiekie Veloleta Maeilina o Lomabade Milana, ame kana keiki, kaʻu moopuna kualua, kou hoopakele, oia ponoi no ke Kadinela opio Macao o Napela nei a i ole, ke Kauna opio kiekie Honeriga De Vila o Lomabade." "E hoomaikai ia na Lani, e kuu mea kiekie, e apo mai ana au ia laua me he kaikamahine ala na'u a moopuna hoi na'u kana keiki," wahi a ua Hakuwahine Iulia nei iaia i honi iho ai i ka lae o Veloleta ame ke Kadinela opio, he hooia hoi ma kona aoao no kana mau mea apau i kamailio ai, pela no hoi o Veloleta ame kana keiki i panai mai ai no keia mau olelo a ka Hakuwahine Iulia, a lakou hoi i noho iho ai iloko o na kamailio haanui a ua Hakuwahine nei e pili ana no ke Kadinela opio. A ke Kadinela aoo Macao hoi i haalele mai ai ia laua ame ke Kadinela opio, a hoi aku la maloko o ka rumi hookipa nui mahope iho o kana mau moopuna me ka Haku wahie kiekie o Koko Napela. A ia Veloleta no ame ka Hakuwahine lulia e nanea ana i ke kamailio a ke Kadinela opio hoi e aka iki iho ana i kekahi manawa no na olelo a ka Hakuwahine iaia e moe malie mai ana ma kahi moe. Oia no ka wa o ke Kauna i komo mai ai, a ke Kadinela opio hoi i ala koke ae ai iluna me ka nāna ole i kōna eha a hopu aku la i ka lima o kona luaui makuahine, me keia mau olelo me ka hoihoi nui nana hoi i aphaupu au i na kukaiolelo ana mawaena, o Veloleta ame ka Haku wahine Iulia.

"E mama, ke hoolauna ponoi aku nei au ia oe imua o ke Kauna Ade o Roma. E abe, o koʻu luaui makuahine keia." Ua lilo keia mau olelo hoolauna a ke Kadinela opio i mea e hoopihoihoi ia ai ka puuwai o kona luaui makuahine opio, oiai waimomona, a no Veloleta hoi, iluna me ka nana ana aku maluna o ke kino maloeloe a hiehie maikai o ua Kauna nei e hiki ole ai i ka, aoao palupalu ke kupaa nona iho i ke kulana kanaka ui maoli no o ua Kauna apuhi nei o Roma, a oukou e o'u mau hoa uhai a-holo o

keia nanea i kamaaina ai nona, oia ponoi no ka Haku opio Sepa o Roma. Ua lalu koke aku la ua Kauna nei i na lima o Veloleta ka mea ana i aloha kupouli ai no kamanawa mua loa iloko o keia mau makahiki loihi i kaahope ae, me kona kau nui ana o ka hoea ana mai o ka wa e hooko ia ai o kana mau liʻa ana me ka haalulu iki ana iho hoi o kona mau kuli iaia i kamailio mai ai me ka waipahe nui me ke kulou haahaa ana iho hoi ilalo e like me ka rula iwaena o ka pohai o ka poe kiekie.

"Hauoli maoli au i koʻu halawai ana me oe, ka luaui makuahine aloha o ke Kadinela opio Macao aʻu i apo aku ai iaia me ke ano he keiki oia naʻu." A honi iho la ua Kauna nei i ka lima o ka wahine nana i hoohoka mau ku aiaia. Ka mea hoi nana i hoopii ae i ka ula ma na papalina o ua Ui Nohea nei iaia i panai aku ai i keia mau olelo me ka leo oluolu o ka wahine ui, oiai na maka o ka Hakuwahine Iulia e ono wale mai ana i kela mau hiohiona ui o ka Neneahiu o ke kapa muliwai o Olona. "Pela pu no hoi me aʻu e kuu Kauna kiekie ma ia haawina hookahi me ka mahalo a aie pu no kau mau hana maikai maluna o kaʻu keiki." "Mai nana no ia mea, oiai au i, apo aku ai ma ke ano he keiki a kekahi makuahine a makuakane e haaheo loa ai nona." Haalulu iki ae la o Veloleta no keia mau olelo a ua Kauna apuhi nei e kuu nei no i ka momona o kana punana meli hana wwaiumomona, a no Veloleta hoi, aole loa e hiki iaia ke hoomaopopo no ua Kauna apuhi nei, no ka mea, ua loli anoe maoli no ua eepa nei o Roma mai kona mau la opiopio mai e aumeume ana iaia mawaena ona ame ke keiki kua wahie o Rama ame keia manawa o ko kakou moolelo. A ke nana aku iaia i keai manawa, he kanaka ui oia o ke kulana hanohano e haaheo ai kekahi wa-

hine i na o ua Kauna nei kona piliaoao, a o kakou nae hoi e nana aku ai i na hoauiui o ka manawa e like me ka nee o keia moolelo ine ka hialaai nui. Ame keia mau olelo hoolauna i panai ia mawaena o Veloleta ame ke Kauna Sepa, ame na nanaina

hauoli hoi maluna o ke Kadinela opio no ke Kauna ana i paulele ai ua hoohala ia e lakou he manawa loihi ma ke kamailio ana no na mea wale no e pili ana i ke Kadinela opio. Ua hoohala ia hoi e Veloleta me kaua keiki he elua pule maloko o ka homekakela*o ua Kauna nei me ka paa mau i ke kiai ia e na kiai o ke Kadinela, a ua haawi hoi ua Kauua nei i kona taakaa)a ame kona ikaika m» ka huli auu i na juea e pouo ai o ke Ka<iinela opio, »o ka mea, mamuli o ka IoH anoe a»a ae o ka roa'i _o_ U8 Kadiī>e!a o|)io nei mu ke ano iiva ix*la iaua j ioihi loa ai iioko o ka home nani o ua Kaona nēij a he hookahi manawa ike o ua Kauaa nei i ke Kadinela opi» ame kona luaui makuahine iloko o ka la, a mahope iho o ka hala ana o keia pule elna ua ano oluolu iki mai la ua Kadinela opio nei. ! i ka loaa ana.o.ka ikaika kupono 1 ua Kaiinela opio nei, ua iho la o Veloleta ame ke keiki a huīi hoi aku la jjo ko lakou home kakela me m kiai o koaa kupunakane mt ka hauoli o ka puuwai o ua Ui nei no kana keiki i k<ma wa i oluolu maikai ae ai me ka makaala mau Oj na kauka o ke Kauna ame ke Kadi nela aoo, aole nohoi oia wale na mea nana i hoohauoli mai i ua Vcloleta nei no kana keiki, aka, ua hoohau oli pu ia mai oia no ka hookaulana loa ia o keia hana wiwo ole a kai a keiki ma na wahi apau o Napela No ke Kauna Abe apuhi hoi, he nui koua ike ame ka maalea maopopo i loaa ple kona lua, no ka raea, aole oia hiki hou aku no kahi o k( Kadinela "Maeao, aka, o kana hana akamai wawle no, oia ka hoouna mau aku i ke Kadinela Maeao e ninau mau aku ana no ke ola o ka opio, ua lilo keia mau haua a ua Kauna nei i mea e nlahalo loa ia ai Kadinela Maeao, a o keia man leta no hoi apau a ua Kauna nei e hoouna aku ai i ua Kadiuela nei, e haawi loa aku ana oia i Yeloleta, a ua Yeloleta.nei hoi i ike iho ai o keia Kauna kekahi keoniiuana oiaio loa i hui me kana keiki® me kona haawi ana iho i kona mahalo e like no me kona kupunakane me ka hoike ole aku i kana Koe iho no ka nlnau mau aku o kana keiki iaia i ke kumu o ke Kauna i hele ole aku ai e ike iaia, o kana wale no e olelo aku ai i kana keiki ; aia oia a oīuolu maikai. Me ka maopopo mua ole hoi ia lakou, aia aku mamua oia mea kekahi ao eleele panopano o ka popilikia ke neenee malie mai la me na *maka hoomakaleho o ka iliohae me he aihue aia. Pa haj>una pu mai hol ka Hakuwahine lulia i kekahi lei momi kumukuai nui i makana i ua dinela opio nei ame kekahi mau inakana e ae, a ua apo ia aku keia mau makana apau a ua Hakuwahine nei e Ye3oleta me na hoomaikai ma ka aoao o kana keiki. A i ka hala hou ana he elua pule a oi, ua oluolu maikai loa ae la eha o ua Kadinela opio aei, eia nae, aole oia i ae ia e hele koke i ke kula ia manawa, aka, īia hoomalu ia oīa e na kanka a hiki i ka piha ana o hookahi mahina mai ia manawa akn, ua lilo no hoi keia i mea maikai no i ka noonoo o keia opio, a maluna o na meakani ame na inele a kona luaui makuahine i a'o ai iaia © hoohala ai oia i kona manwaa mo|||ra o ka la. Nolaila. ma ke awakea o k/>V»?ti la a ua opio nei e nolio mehameha ana me kona luaui makuahine, a nO kona hoi ole i ka hookani maluna o na mea kani ame na huamele, a no kana wahi mea hana ole no hoi, ua huli ae la oia a nonoi aku la i ka oluolu o kona luaui makualiine no ke kamailio pu ana mai me ia me ka leo oluolu: "E mama, oluolu no anei oe e hoike mai i kou maoao maoli maluua

o kaʻu mau ninau apau e ninau aku ai ia oe!" "Ua makaukau kou mama nei no ka pane ana i kau mau ninau apane kuu mea kiekie." Hohola ae la na minoaka maluna o na papalina o ua Kadinela opio nei iaia i hoonee aku ai i koua noho a kokoke i kona luaui makuahine, me ka hoomaka ana aku e kamailio i kaua mea i makemake aiʻimua o kona luaui makuahine e nana ana maluna o kekahi wahi buke baibala nuku iaia i upoi ae ai i ua wahi buke nei a nana mai la me na make oluolu maluna ona. (Aole i pau.)

PEHEA E OLA HOU AI O HAWAii. He ninau ano nui keia i ka poe e aloha oiaio ana ia Hawaii, kona mau kualono; kona mau awaawa; kona mau kuahiwi; kona lahui ame kona mau hanauna o keia mua aku. He ninau keia ina aole i ninau ia e na kanaka Hawaii mamua, e pono no e ninauia i keia la; a ina aole i loaa ka pane mamua e pono e loaa ka pane i keia manawa. He ninau aole no hoi e hiki e pane ia me ka noonoo mua ole ia, a i ole me ka manao hoomaopopo ole.

E pane ana ko oukou mea kakau i keia ninau me ka manaolana hauoli, ame ka manao e loaa ana no he manaolana no Hawaii. Aole io no paha e like ana na pane a kakou maluna o keia ninau ano nui, aka, na na poe heluhelu ia e ike mai a e huli no hoi i loaa ia kakou ka hana pono e hana aku ai i loaa io ke ola. Ka mua, o ka imi i ke kumu o ka pilikia, a loaa, he mea ole ka huli ana aku i ka laau e ola ai. Me keia ke manao nei ko oukou mea kakau o ke ala ia e loaa io ai ka pane o keia niuau. O ka mai, i !oaa i lahui, aole he mai i hana ia e kekahi mea hookahi, aka, he mea i hana ia e ka lahui holookoa, no ka mea o ka mai he mai lahui, I ka loaa ana o keia mea, o ka ninau e ala hou mai ana, heaha ka hewa i hana ia e ka lahui i kau mai ai keia mai nui maluna o kakou apau, aole no hoi i ka pilikia a lohe mai i ke ao. Ke manao nei ko ōukou mea kakau, he hewa

i hana ia e na kupuna o kakou. A o ua hewa la oia no ka hoopunipuni ni ke Akua iā lehova. O ka hewa hoopailua loa a ke Akua, oia no ka hoomanakii, O keia ka hewa i loaa,ai ka a ke Akua, oia no ka hewa hoomanakii. O keia ka hewa i loaa ai ka pilikia. i ka lahui Isaraela, a o ka pilikia i loaa ia lakou, lie pilikia lahui. Ua lilo ia hewa a keia lahui i haJfc ai 5 kumu no Ipkou e hoouele ia ai i ka aiiia e liiki ia lakou e kapa iho no lakou ia aina; aole no hoi lie noho lahui ana oia poe kanaka mai ka manawa mai a lakou i hana hewa aku ai i ko lakou akua. Mamuli o keia mau kumu hoohalike ua manao wau oia kumu hookahi kai hana hewa ia e kakou. I ka hiki mua ana mai o na mikanele i keia mau pae moku ua haawi aku ko kakou mau kupuna i ka aina ame ka lahui no Iehova, a ke paa nei ia hoohiki a lakou a hiki i keia la, role mea mana e wehe. Aole o Iehova he Akua hoololi i kona ano ame kāna mau hana. O ka ae he ae ia iaia; a o ka hoole he hoole no ia iaia. Mahope o keia haawiia ana o keia lahui i ke Akua ia lehova, ua hoao no paha na kupuna o kakou e mala-| ma i keia hoohiki a lakou,.aka, aole' no nae ine ka hololea loa o ka naau. Ua ike kakou i ka oiaio o keia i ka manawa i kailiia aku ai ke ea o ka aina, ia ua lilo nae ia knilii'a ana j mea ike ia e lakou mamua o ka hiki loa ana mai o ka pilikia ao ka manawa pau ole. I ka loaa ana o ke kumu o ka pilikia, ua huliamahi ka lahui mai Hawaii a Kauai i ka mihi ' aku i ke Akua, a ua ike kakou i ka pane ā ke Akua ma kona aoao, ua loaa ka lanakila, no ka mea ua hoihoi hou ia mai ka mea i lawe ia aku a ua loaa hou ke kuokoa ou e Hawaii. Aole keia mea i hana ia ma ke kua, aka, imua o ke alo o ko kakou mau kupuna. I ka manawa i pii aku ai ka hewa a ko Ninewa poe a hiki i ke Akua, ua hoouna aku oia i kana kaula ia Iona e kukala aku ia poe, ina aole

lakou e noho iloko o ka mihi, e pau ana kela kulanakauhale i ka lukuia iloko o 40 la. Mahope iho o ko Iona ike ana aole e hiki iaia ke mahuka aku mai ke alo aku o ke Akua, a hoi oia e hooko i kana hana i kauoha ia aku ai, ua ike kakou, ua huli kela lahui iloko o ka mihi, a he mihi hoi i ike ole ia la mai a hiki i keia la. Ua palapala ia ua hookeai ka lahui holookoa ame na ho{illegible}. Mahope o ka hookeai ana no na la ame na po he ekolu, ua hoike hou mai la o Iehova ia Iona. ua huikala ia ka hewa o keia lahui aole lakou e luku ia ana.

Ma keia kakou e ike mai ai e ka lahui, i ka laaulapaau e ola ei keia ma‘i nui o keia lahui, Aole he kanalua lua ko‘u aoao, ina ke Aliio kakou, o' Liliuokalani, i haawi mai i ke kuahau e uoho ka lahui iloko o ka mihi ame ka hookeai, he manao ko‘u ina i keia la ke noho kuokoa nei no ka lahui Hawaii, Aka, ua hala aku ia ninau, a eia kakou ke ku nei no ka pilikia e ike ia nei i keia la, ka nele ame ka ilihome o kea lahui; ka make nui o keia lahui, ame na pilikia he lehuleu wale e ike ia nei e kakou. Aole he manawa i loaa ai he noho like ana o keia lahui; aole he manawa i ike ia ai he kokua aku keia lahui i

kekahi hoa Hawaii. O keia mau pilikia e ikeia nei e kakou, he mau mea liilii wale no ke loaa io i keia lahui ka ike ana i kona pilikia a huli akn e hoohaahaa i ke Akua.

O ka hoomanakii ke kumu pilikia o keia lahui ma ka nana aku. A ina oia ke kumu, he kumu ano nui io no. O keia la o ka hoomana Akua ana o kakou, aole paha he j hoomana i kukulu ia ma Hawaii !nei i noho me ka hololea o ka hooīuana ana aku ia lehova ke Akua, aka, ua nui na poe kahunapule & malama inai nei no i na liilii i hana oie i ka la&i ame ka honua. Ua ike ia no kekahi mau kahunapule e ku ana iluna o ka awai e haua ana i keia mau hana i kue loa ia e Xehtova. Malia paha e i mp-ī ana oukou, aole np he mauawa e pau ai keia mau. hana a ia poe kahunapuie, aka, ūia na poe e ike nei I ka |;towa oia hana e huli i ka mihi ma ke ano he mihi lal\ui, aole wau e hopo ke olelo ae, e lilo alia m lakou i luahi no ka lakou mau hana hewa tho i haua ai, O ka'u e makemake nei e ike aku 0 kela ame"teia pohāi e kuē loa nei 1 ua hana hoomanakii, e hui ae lakou, na' kahunapule 'o lakou ame na hoahanau a e waiho aku i ka lakou I mau leo' pule ahewa imua o !ke |Akua, a aole no oia e hoole mai ana ina ua pii aki/ia mau leo pule me ka haahaa ame ka oiaio, | O ka hewa hoomanakii ka»poo|kela o na Jiewa iloko o na kauawai jo lehQva, a e like ka nui ino o ia; [hewa pela no keia lahui e ike nei i na hoao a ke Akua nrnliin n 0 keia tahui. Ina ua ioaa ae la ka ma'i, a ua| loaa hoi ka iaau, hookahi no mea f koa. o ka ai aku i ua laau ia, | Ina he ko kakou i.ka la;kui o kakou, īna he inanao hooulu lahui io kekain iloko o kakou na hoa Hawaii,, o ke aia keia e hoopau ia ai na piHkia ou, e Hawaii aina ame Hawaii lahui. knmnlpi»? 0 keia laau, Aole he laau hiki ole e loaa. Aka, aia keia laau iiok<%o kela aine kei« home Hawaii. Aole keia he haua hewa, aka, he hana e ai ka huli hou ana o na papalina o Huwaii lahui ame aina iluna. Ea, oJs.a lohe ke ola a o ke kuli ka m«Vft JOHW H. WISE.