Ke Aloha Aina, Volume XXII, Number 37, 14 Kepakemapa 1917 — HE HOOLA KA I'A ALALAUA I KEIA MAU LA. [ARTICLE]

HE HOOLA KA I'A ALALAUA I KEIA MAU LA.

Moe kao o na kanaka like ole i ka hele i keia mau la i ke kamakoi i'a alalaua, kane, o ka wahine, o keiki a piho na uwapo. He mau la i hala a'e nei, ka hoomaka ana o ke ku ana mai o ke alalaua iloko nei o ke awa, e hoomaka ana mai na uapo mai e kokoke ala ma Kawa a hele loa i ka uapo ma ka nuku o ke awa. Ua pau me na haole i ka hele i kamakoi alalaua i ka po, no ke ano lealea paha ko lakou hele ana, aka no kekahi poe he hoola maoli no i keia mau la pipii o ke kumukuai o ka i'a, a halea'e no hoi ia kuai i'a ana. Ina no ka liuliu loa o ke ku ana o keia alalaua iloko o ke awa o Honolulu nei, he mea maopopo loa, e ku a pilikia aku ana na i'a e a'e o ka makemake. Na ke Akua no keia mau hana, o ka ho-a ana mai i keia i'a iloko nei o ke awa, no ke kala ana a'e i ka pilikia o na kanaka mai ka umii ana a na poe kaipa i'a He mea pono i ka lehulehu e hele nei e kamakoi i'a e haawi aku i na hoomaikai i na Lani no keia mau kokua nui, a makou e manao nei, e hoonui hou mai ana ka Makua Lani i na i'a like ole i oi aku mamua o keia.