Ke Aloha Aina, Volume XXII, Number 28, 13 July 1917 — HOLO MAI KA MAKAI NUI PUA NO HONOLULU NEI. [ARTICLE]

HOLO MAI KA MAKAI NUI PUA NO HONOLULU NEI.

Ma ka Maui o ke kakahiaka sabati nei Hioea mai ai ka makai nui Bam P«ft o "Hawaii no Honolulu nei ; no ka hoomaopopo ana no ke kakau inoa o na kanaka kupono no ka oihana koa i kulike ai me ka manao o ke kanawai o ka hooholoia a ane ka Ahaolelo lahui no ke kakau inoa ana o na kanaka opio mai ka 21 a ke 31 makahiki, Ua hoike pu a'e ka makai nui i lia mea e pili ana i ka ma'i e laha nei i na holoholona a o ka oi loa aku i ka bipi, aole i laha ia ano ma'i ma Hawaii } aka, ma Oahu nei, Maui ame Kauai kahi i laha ia ano ma'i, pela ka hoike a na poe hanai holoholona. Ua. olelo a'e ka makai nui, ua loaa aku ka lohe iaia he mau pule i hala a'e nei no ka nui o ka make 0 ka ilio raa Pahala, a ua manaoia o keia ano ma'i la, eia ka he.laau make na kekahi mau kanaka elua, he Kepani ame ka Pilipino; ma ka huli ponoia ana aku, ua loaa aku la akika ke kumu make nui o na ilio. Ua hoike pu a'e ka makai nui, ina aia he mau hoohuoi ana ma Hawaii e pili ana i na Kelemania, aia ke hana ia ala me ka ma-Iu loaj o keia ae la. na olelo a ka makai nui maka a o ke Kalana o Hawaii. Ua hiki pu mai ko Kauai makai nui no Honolulu nei maluna o keia ninau hookahi.