Ke Aloha Aina, Volume XXII, Number 11, 16 March 1917 — Hahana ka Paio a na Hoa Hanohano o Hawaii [ARTICLE]

Hahana ka Paio a na Hoa Hanohano o Hawaii

Ma ka Poakahi nei i hapai ia mai ai ka noonoo ana maluna o ka bila helu 169 o ka Hale ka bila hoi a Lyman mai Hawail mai, he bila e hoolilo ana i ka aina aupuni e noho ia ala e na kanaka Hawaii ma Piihonua. I ka manawa i hapai ia mai ai ka noonoo ana, ua ku mai o Lymnn ka mea hanohano mai Hawaii Hikina mai, a olelo mai aole he kupono o ka noho ana o na kanaka Hawaii ma kela aina, a he mea pono e lilo ia wahi i ke kula kiekie o Hilo. Ua ku mai ka mea hanohano Kelekolio a paio no ka pono o na Hawaii e noho ala ma kela wahi, me ka olelo ana he nui loa na aina aupuni e ae i kupono no ke kula, nolaila he mea pono e moe ka bila ma ka papa. Ma ke koho ana ua make no i ka manawa mua, aka mahope o ka hpololi ana o kekahi mau hoa hanohano i ko lakou koho ana i holo ai ka bila e like me ka makemake o Lymato; o keia mahope ae nei na poe i hooloH i ko lakou koho ana: O. K. Kawaha, Hawaii; J. Brown, Maui; H. L. K%wewebi, Hawaii; atne J, C. Jevers o Kauai. O na olelo a ka mea hanohano Lyman i ke kupono ole o ka noho ana o na Hawaii ma kela wahi, he mau olelo hoohaahaa loa ia i na Hawaii e noho' ala ma Piihonua a makou e manao nei ua haawi mai kekahi o kela poe Hawaii i ko la- ' kou mau haloka no ka mea hanohano ma ke kau koho i hala a]cu »ei a pela no paha i na kau mftmua aku nei me ka matia<J e hana ia aku ana kekahi mea e pono -ai no lakou, eia ka atianei he ino ka mea © hana ia aku ana no lakou a lakou '*■ *5 moeuhahe mūā ole a'na. Ma ka aoao o ka lunamakaainana poko, ua hakaka aku oia no ka 'pono o na Hawaii e noho &īu ma Piihonua. ua lanakila no ma ke koho mua ana, aka, mainuli o ka hoololi ana o keia mau hoa hanoi ko lakou koho ana rnai ka aoao e pepehi i ka hila a i ka aoao e kakoo ana, ua holo aku la ua hila nei e hookuke ana i na Hawaii mai Piihonua aku. Hihi kaunaoa hihi i Mana, aloha wale ia laau makua ole.