Ke Aloha Aina, Volume XXII, Number 11, 16 March 1917 — PAU NA AMELIKA I KA PIHOLO. [ARTICLE]

PAU NA AMELIKA I KA PIHOLO.

BOKEKONA, Mar. 15.—Ua hoike ae na akena o ka hui moku Warren i keia la, ua loaa aku he mau hoike ia lakou mai Beritania aku no ka piholo ana o ka moku Pelekane Sagamore me elua mau kanaka Amelika mamuli o ka hoopahu ia ana o ka .moku e ka mokuluu Kelemania ma ka la 21 o Feb. Ua hoolako ia no keia mokuahi me ka pu ame na mea kaua. OLYMPIA, Wakinekona, Mar. 14-—He kanaka ma ka inoa Gharles L. Wagner ka mea i hele aku i ke keena o ko kiaaina me ka pu panapana a hoomaka'uka'u aku la i ke kiaaina Ernest E. Lister a ua haalele mai kiaaina i kona keena, ua lawe ae keia kanaka i ka noho kiaaina ana no kekahi manawa, aka ua hopu koke ia. E noho halawai kuikawa aka Hui Uniona ī. L. ma kal wahi maaniau nia keia ahiahi Poalima. E oluolu e na lala e hiki ae. * * • ,Ho ahamele ke malama ia ana ma Phoenix Hall i ka Poaono la 31 o keia uiahina nā ka Hui Uuiona o na limahana. E oluolu e ua Poola apau o haawi a'e i ka oukou kokua ana, ame ua hoaloha.