Ke Aloha Aina, Volume XIX, Number 53, 10 October 1914 — Hoohenehene na Wahine i na Kane Kaomi Moena o Kauhale. [ARTICLE]

Hoohenehene na Wahine i na Kane Kaomi Moena o Kauhale.

LADANA, Sept. 17 - UA hoala ae nei na wahine elekane i ka Hui o ka Hulu Keokeo, a o ka hana a ia hui, oia no ka hokau ana i na medala o ka hilahila maluna o na kanaka Pelekane opio, kino ikaika, i komo ole a e komo ole ana iloko o ka oihana koa. O ka Lede Maxwell, ka wahine a Lutanela-Kenerala Sir John Grenfell Maxwell o ka puali "Na Kiai Eleele o Na Hilana," ka wahine nana i hoala mai nei i keia hui, no ka nonoi maoli ana aku no imua o na kane e komo i ke koa. "a ku ae kela ame keia kanaka iloko o Kelemania ame Palani--koe ka poe hapauea, ka oopa ame ka mai--a hooko aku i ka hea a ko lakou aina, a ua hele aku e hoike i ko lakou kulana koa, a i ole, e make. O na kane Pelekane anei ke noho ma hai o kapuahi e milo lopi ai? "E hilahila anei makou no ko makou wahine Pelekane ana mamuli o ko makou ike aku ia oukou e holopee ana ma na kauhale, e nana ana paha i na paani kinipopo, e lolo ana paha iluna o ka mauienie, me ka paekana a oluolu, oiai na kanaka opio o Europa, e hookahe ana i ko

lakou koko maluna o na kahua kaua? E ala! E ala! Ina aole oukou e pane mai i ka leo o ka o-le {illegible} e maliu mai hoi oukou i ka leo o na wahine e paio no lakou a no ka lakou poe keiki. He wahine au, a, auwe! ua hala aku ka'u kane, a ina he mau keikikane ka'u e hooun {illegible} aku no au ia lakou apau e paio no ka pono o Pelekane. "E ae anei oe i na Kelemania e kuhi mai ia oukou he lahui o ka poe hohe wale? Ua kapa mai lakou ia oukou he poe malama halekuai. E hoowahawahaia mai anei oukou e ka lahui o ka poe kuene? Eia nae, ua hoolei ae nei ua kuene i ko lakou mau epani, a hele aku la i ke kaua. Aole anei e hiki i ka poe malama halekuai ke pani ae i ko lakou mau puka, a e hooiaio aku he poe kanaka koa no lakou? E ninau anei makou na wahine, "Aia la ihea na kanaka ui o Pelekane? E moe ana paha, ua make paha! Anenne 100,000 i pane mai i ka leo kahea o ka o-le, aka, pehea ka miliona e hoololohi nei i hope? Ua komo aku anei lakou iloko o ka puali o ka poe 'ili manuheu ole'?" {illegible}