Ke Aloha Aina, Volume XIX, Number 53, 10 ʻOkakopa 1914 — KA'U MAU HOOMAIKAI I O'U MAU HAKU MAKAAINANA [ARTICLE]

KA'U MAU HOOMAIKAI I O'U MAU HAKU MAKAAINANA

Koena mai kela pule mai. Nou e ka mahele 3, Mahele 4, a me ka Mahele 5; ke homaikai aku nei au ia oukou e kap oe i kakoo mai iau, a me ka poe no lakou ke aloha o hiki mai, e hoomanao, ke papahi nei au i ko oukou lokomaikai no na pua i loaa ia'u mai a oukou mai, a pela au e nonoi ae nei ko Akua kiakia loa Nana e hoonui aku a hooia oa aku nohoi i ko oukou ikaika apau, no ka a koho a hoea mai, i noho mana ka pono maluna o ku hewa oia ka makemake o ko'u uhane i keia la, aole no hoi me ka hookamani aku imua o oukou e o'u mau haku no lakou na lei i haawi mai ai ia'u he 81, me ka mahalo a nui ia oukou, a na ke aloha o ko kakou Haku o Iesu Kristo e hoopakele ae ia kakou pakahi apau mai na-ino e popoi ana maluna iho o kakou. Amene.

Nou hoi, e ka mahele 6, nau ka heke o na pua, ua oi pakeu wale aku, ke hele ala a kike ke ala i ka lihi wai o Punahoa 151 kikoni ana i ka minute, wela ka hao ina keiki o Kakaako, ke hele a moe kokolo ka uahmi o kula, i ka noe a ka uahi paua a ua keiki hookala kupua nei, a no oukou e na 'lii moku o na kalapu like ole ko'u hoomaikai kiekie loa a na ko kakou Akua ka mea nana i hana i ke kino ame ka uhane e hoomau aku, a hooi hou aku i ke koena o na pua i koe no ka la koho iloko o Nov. 3, e hiki mai ana me ke aloha ia oukou a nui mai Iaia mai.

Nou e ka mahele 7, 8, 9, 10, 11, ke hoomaikai nui nei au i na kaIapu apau i kukuluia iloko o ko oukou mau mahele pakahi, ua loaa no ka ikaika ia oukou e hiki ole ai ia kakou ke alo ae mai keia nalu nui e popoi iho aua maluna o kakou; aka, aole no ia o ko kakou ikaika, eia'ku imua o ka loahi aia ko kakou palekana, me ka nana ole ae i na mea i hala, kikoo aku kakou ina mea omua. Oia ke lanakila o ka aoao. Nou e ka mahele 12, aia Pauoa ka liko lehua, ka iini pauole a ka makemake. Ua makemake au e ike nui aku, i ka lawe haaheo a oukou e na mana koho no ka la e hiki mai ana. 87 no pua i loaa iau, a hoaloha iho oe me Kalehuawehe ua like a liek ke koni ana a aka olua mau manai, aole no i hala ka hopuna a ka ua i ka lani ua hele no a hoa'lii me ka ua i hanakahi, ke hoomaikai nui nei au ia oe e Pauoa no na mea i loaa ia'u, a ke hoomaikai pu aku nei nohoi au i na kalapu no lakou na kakoo ana mai ia'n, a me na lii o ua mau moku nei (kalapu) a ke nonoi aku nei au imua o oukou me ka haahaa, i ka oukou kakoo ana mai iu'u no keia kau koho a hoen mai; no ka mea, o ko kakou ikaika ma ko kakou lanakila: me ka mahalo a nui. Ka oukou kauwa haahaa. ROBERT K. KAIWT.