Ke Aloha Aina, Volume XIX, Number 53, 10 October 1914 — NUHOU KUWAHO. [ARTICLE]

NUHOU KUWAHO.

LADANA, Oct. 6.--Ua hoopau ae nei ka Emepera Wiliama o Kelemania ia Kauna von Moltke, ke kuhikuhi-puuone a Alihikaua nui o na Pualikaua Kelemania, mai kona kulana ae, ana i paa ai mai ka 1906 mai. Ua hoikeia'e aole i apono o von Moltke i ke ano o ka hawelawe ia ana o ke kaua, a aole loa hoi he ae o Wiliama e hoololiloliia kana mau hoolala ana. E kkala loa no keia ano hakauu, a aole no o lana kamailio, aia wale no a ma na mea o ka oihana koa. * * * MILANA, Italia, Oct. 8.--Ua hoikeia mai nei ka lohe mai Viena mai, e hooiaio ana i ka lono no ka lawe ana ae o Kelemania i ka mana o ka hookele ana i na puaikaua Auseturia ma Galicia, me ke kue i na hoohalahala ana a ka Emepera O Auseturia.

LOAA MAI NA HOOIAIO. Ua hoalaia mai i keia mau la na noonoo ano hookalakupua e pili ana i ko Perusia mau pomaikai. Ma ka makhiki 1849, i ka wa o ke kaua kuloko, ua mahuka aku o Wiliama I, (kupunakane o Emepera Wiliama o Kelemania i keia wa) me kona makuahine, me ka manao e holo loa i Pelekane. Oiai laua ma ke ala, na halawai iho la laua me kekahi wahine kilokilo. "Heaha na mea e hoea mai ana no'u?" wahi a Wiliama. "E houluulu i ka makahiki 1849 me kona mau huahelu iho no," wahi a ke kilokilo. Houluulu iho la oia, "1849 me I me 8 me 4 me 9, ua hiki i 1871." "Ae, ma ia makahik i1871, e lanakila ana oe ma ke kaua, a e lilo ana oe i Emepera." (Ua hookoia keia.)

"A mahope aku, pehea!" "E ho{illegible} i keia makahiki hou elike nohoi me kea mamua, a o ka haina, o kou makahiki ia e make ai." "Ae, 1871, me 1, me 8, me 7 me 1, ua hiki ia 1888." (Oiaio no.) "A pehea hou aku!" wahi a Wiliama me ka leo haalulu. "E hoouluulu i keia makahiki hou elike nohoi me mamua." "Ae, 1888 me 1, me 8, me 8, me 8, ua hiki i ka 1913." "Oia ka mahiki hope o kou aupuni Emepera, no ka mea, e nalohia ana ia i ka makahiki mahope mai, mamuli o na hana hoomainoino a kau mau pua." O ka 1914 keia, a ua hoopiiia ae nei na Kelemania e na Belegiuma. imua 'o Peresidena Wilisona, no na hana hoomainoino ma ke kahua kawa. Kupanaha io no.