Ke Aloha Aina, Volume XVI, Number 36, 9 September 1911 — MANAOIA O KALE AKI OPIO HE PAKE. [ARTICLE]

MANAOIA O KALE AKI OPIO HE PAKE.

Ua hoike ae ka nupepa Hoku o ka Poalua nei i kekahi hoike ma kona mea kakau e noho la ma Kapalakiko. Ma ka huli ana aku uei a William Charles Acho, ke keiki a ko makou makamaka Kale Aki i ke kula, mahope o kona hoohala ana iho nei he mau mahina ma kona home nei. Ua hoopaaia oia ma ka papa inoa o na ohua, Pake o ka mokuahi Siera, nolaila ua hooleia kona le le ana iuka o ka aina. Mahope o kona hoike ana aku aole oia he Pake piha a he ekolu hapaha koko Hawaii iloko ona, a he nui a lehulehu kona manawa i kaahele ai iloko a i waho o Amerika Huipuia, , akahi no oia a hookuu ia mai e lele aku iuka o ka aina. E huli hou ana oia no ke Kulanui o Stanford i kona wa i hala wai ai me keia kuia ma kona alahele.

Kulanui o Stanford i kona wa i hala wai ai me keia kuia ma kona alahele. Aole keia o ka makamua o ka paa ia ana o na keiki Hawaii i awiliia e ke koko Pake, aka, he nui a lehulehu ia poe a nolaila, o ka lakou hana naauao, o ke kiʻi mua i na hooiaio maanei e hooia ana, he mau kuna Amerika lakou ma ka hanau ana i Hawaii nei. No Aki opio, aole oia he malihini, aka ua pine pine ko a kipa ana aku i ke awa o Kalakiko, a me he mea la he kuhihewa keia i hanaia ai e na makai kiai awa.