Ke Aloha Aina, Volume XII, Number 42, 19 October 1907 — Pepehi Hoomainoino o Kaapana i Kana Wahine [ARTICLE]

Pepehi Hoomainoino o Kaapana i Kana Wahine

Iloko o ka ona kupouli ma ka po Poaha nei i pepehi hoomainoino aku ai o Kaapana i kana wahine nona ka inoa o Akaka, he wahine kuai lei, ma Niolopa, Nuuanu, ko laua wahi noho, a me he mea la e kau ana ka ahewa pepehi kanaka ma luna o Kaapana. Ua lohe no kekahi poe e noho ana ma alanui Nuuanu ma kahi kokoke i kahi o Keoni Kamaki, i kahi mau mea e hoopaapaa ana, aka, aole nae lakou i ike i ka hakaka ana. Eia o Akaka ke waiho nei ma ka Haukipila, ua pehu kona mau maka ua haki kona mau iwiaoao, ua moku kona waha a ua nui na palapu e ae ma kona kino. Ma ke kakahiaka o nehinei i hiki aku ai o Kaapana a haawi aku ia iaia iloko o ka lima o ka oihana makai, a hoike aku la ua hoeha oia i kana wahine i kona wa ona. He wahine o Akaka i kamaaina nui i ko Honolulu nei poe, a e ike mau ia ana oia ma ke kahua kuai lei nona na makahiki he 30, o kana kane ua piha iaia ke 40 makahiki. Ina o Akaka e make ana, alaila, e li ia ana oia. Ke manao nei o Akaka aole oia e ola ana. Aole he mea i maopopo i ke kamui i ulu mai ai keia pilikia mawaena o ke kane a me ka wahine, oiai ua pau ka hoomaopopo ana o ka wahine, a o ke kane eia no ke paa nei i ka Halewai me ka ae ole ia o kekahi mea e hele aku e ike iaia. Ua olelo ia ae ua ino pu no me ka wahine. Ma ke kakahiaka nui o nehihei i loaa aku ai o Akaka a waiho ana ma kapa alanui ua pulu i ka ua, a me he mea la malaila no oia i pepe hi ia ai o Kaapana a haalele ia e naje, I ka hora 6 o ke kakahiaka nui i lawe ia aku ai o Akaka i ka Hauki pila, a mai ia manawa mai a hiki i ka auina la aole i loli ae kona kulana. Eia oia malalo o ka lapaau ana a Kauka Hoffman. Ua nana ae na kauka i na ua poino kona lol@ ma na palapu e kau ana ma ka helehe lena ua manao ia malaila o Kaa pana i paluku ai i kana wahine me kona lima a me kekahi mau wahi e ae ua peku ia i ka wawae. Meneme ne ole na hana a keia kane i kana wahine. Ma ka hora 9 o ke ahiahi nei make ai o Akaka maloko o ka hau kipila, mai na palapu a kana kane i pepehi hoomainoino ai. Aloha no ia makuahine Hawaii. - Me ka hookolokoloia ana o ka hihia laipiia o Sonuma ia Walaka ua hookuuia o SOnuma. E hoike ana ka nupepa Ke Kilo hana, o ka nui o na lala o ka Hui Kauikeaouli o na Kane o Hilo, ke aneane aku la i ke 80 nui kela.