Ke Aloha Aina, Volume X, Number 47, 12 Nowemapa 1904 — HE KANAKOLU LA O KEIA KAU AHAOLELO. [ARTICLE]
HE KANAKOLU LA O KEIA KAU AHAOLELO.
Ma ka manao o kekahi moho Repubalika i hoike mai ai ia makou o kona manaoio ua hiki no ke pau na hana a keia ahaolelo iloko o na la he kanakolu, no ka mea he hookahi no aoao kalai aina iloko o keia Kau Ahaolelo e noho mai ai oia no ka Repubalika. O ka bila kanawai a kekahi hoa e waiho mai ai e hooholo lokahi ana lakou. Oiai, no loko no lakou a pau o ka auna hookahi. Aole mau hoopaapaa waiwai ole e ikeia ana maloko o ka Ahaolelo i keia Kau. O ka manaoio keia o kekahi moho i puka ae la, oia paha ka oiaio aole paha na ia manawa e hoike mai.