Ke Aloha Aina, Volume IX, Number 2, 10 Ianuali 1903 — Page 3

KE ALOHA AINA

 

POAONO, IANUARI 3, 1903.

 

KE APUKA KAULANA O KE AO

NEI UA HOPUIA.

 

            Parisa, Dec. 29.  O na poe o ka ohana Humbert i hopu ia mai nei ma Madarida no ka lawelawe ana i kekahi hewa apuka nui ma keia kulanakauhale, ua hoea mai la ia i anei i ka hora 7.40 o keia kakahiaka, a lawe ia aku la no ka hoopaa ana ma ka halepaahao Conciergarie.  He uuku loa na poe makaikai ma kahi hoolulu kaaahi, eia nae na nui hewahewa na koa kanalio a me helewawae a me na makai i hoea aku ilaila no ke kiai ana i na alanui a pau.

            O na kane a me na wahine o ka ohana Humbert aole lakou i hoohuikau ia i ko lakou wa i lawe ia mai ai mai Madarida no Parisa nei, aka, ua hoea mai lakou iloko o na mahele elua.  Ua kaalo ae na pio ma na alanui imua o na koa i hoonoho paina ia ma keia a me keia aoao o ke alanui.  O na poe a pau ma parisa nei eia lakou me ka manao pihoihoi no keia poe, a ua nui na puulu hoohaunaele i hooulu ia ae no ka hoopoino ana aku i na lawehala.

            O ka hewa o ka ohana Humbert i hopu ia iho la oia no ke apuka ana i kekahi huina o $20,000,000 makani.  O keia mau dala ole wale, na olelo ia na hooili ia i ka wahine i ka wa i make ai o kekahi kanaka Amerika Ona-miliona nona ka inoa o Crawford i ka 1878 ia Therese d'Aurigoec, a i mare ia Humbert he keiki na kekahi loio kaulana.

            O keia mau miliona ua manao ia na pololei ka palapala i hana ia no ka wahine, aka, na ala mai he mau kue ana mai na pilikoko aku o ka mea make.  He 20 makahiki o ka malama ia ana o keia hoopaapaa no ka waiwai o Crawford mawaena o Mrs. Humbert a me na pilikoko o Crawford.  O ka hoike a Mrs. Humbert ua hana ia he palapala e Crawford e hooili ana he $20,000,000 iaia ma mua o kona make ana.  O keia mau miliona ua oleloia ua lakaia iloko o kekahi pahu hao nui e ku ana maloko o kekahi halepohaku he ekolu hale ke kiekie.  O na kanawai o Ferani e waiho malie a na waiwai a pau e hoopaapaa ia ana e hiki i ka ike ia ana o ka aoao pololei.

            Iloko o keia mau makahiki loihi o ka hoopaapaa ana ua haawi mai na banako i na kokua ana i ka wahine me ka manao ana me @@ dala @@ waiho @la ma@@ko

 

[entire section that is unreadable at the bottom of column one]

 

            No kekahi manawa loihi ua komo iho la ka hooh@@i i na poe mea banako he mea pono e wehe ia keia pahu hao no ka nana ia ana.  Ua hoea aku ka lakou hoopii i ka aha hookolokolo a na hooholo ia ma ka la 9 o Mei e wehe ia ai ua pahu hao ala no ka nana wale ana no ina aia no na dala iloko o ka pahu hao.

            O ka lohe no ka wehe ia ana o keia pahu hao e hoopaapaa nui ia nei na pahola ae me ka awiwi a ua nui na poe i hoea aku e makaikai i kona wehe ia ana.  Aka, o ka mea kupaianaha nae aole o Mrs. Humbert a i ole o kana kane i hoea mai i ka wehe ia ana o keia pahu hao.  Ua nalowale pu me ke kaikaina o Mrs. Humbert a me kona kaikunane.  I ka wa i hoea aku ai o ka huli i ka hale ua hoike mai la na kauwa ua haalele iho ka ohana Humbert i ka home he elua la mamua iho, a o ko lakou wahi i hele aku ai aole i maopopo ia lakou.  He mau hora ka wehe ana o kekahi mau kanaka hana laka i ka pahu hao, aia hoi ua hemo ae la kona pani.  O ka mea kupaianaha i ike ia aole na miliona dala i olelo ia aia iloko o ka pahu hao, a o na mea i loaa aku maloko o ona, he poho ili ulaula maloko o laila he pohaku aniani i like me ke daimana nona ka waiwaiio he $2.00, he mau palapala paa mahele no kekahi mau maina i ike ole ia ko lakou waiwai.  A me kekahi mau nupepa e hoike ana i ka $20,000,000 i hooilina ia ia Mrs. Humbert, aka, aole nae keia mau miliona dala.  Ua hoopiha ia na kanaka hanako me ka pihoihoi a holo aku la i ka home o ka ohana Humbert no ka ka huli ana ina paha he mau meheu kekahi e hoike mai ana no keia mau dala, aka, he neo nae ka mea i loaa ia lakou, a o ka moku holo lealea o na ohana ala, oia ka lakou i hopu aku.  Ua aila koke ia ka home o ka ohana Humbert me ka hoomaka koke ia o ka huli no lakou ma Europa a me Amerika.  O ka manao kuhihewa o kekahi poe ua kuai lakou i moku no lakou a holo aku la no kekahi wahi ponalonalo o ka honua e pee ai.

            Ua hoakaka ae o Waldeck, ke Kuhina Nui o Farani o ke apuka akamai lua ole keia o keneturia.  Ua lawelawe ia keia mau hana e Mrs. Humbert me ka noeau loa mai @ la ana i kukala ai iaia he @@@@ina no $20,000,000 a ma ko @@@@ mahuka ana me ka malu

@@@ i Parisa aku.

            I kona wa i lilo ae ai i hooilina @ keia mau miliona ua komo koke he hoopii hoopuuipuai na kekahi mau Crawford e koi ana o laua na mea i kuleana maoli i keia mau miliona dala.  O keia mau Crawford he mau keiki hoa hanau laua na ke Crawford n@na mai keia mau waiwai e hoopaapaa ia nei.  A e like me ka maopopo oleia o ke Crawford nona keia waiwai e aumeume ia nei pela no keia mau Crawford na laua ka hoopii.  Ua olelo o Mrs Humbert i kona mau la opio e noho kane ole ana na loaa iho la iaia keia ulia pomaikai mai ia Crawford mai mamuli o kana mau kokua aloha ana i kona wa e waiho ana i ka ma'i ma Nice.  O na loio o Henry a me Robert na keiki hoahanau a Crawford, ua waiho pu aku lakou i ka lakou mau hoopii no kekahi palapala hooilina i hanaia e Crawford no keia mau keiki ia la hookahi e haawi ana i kona waiwai a pau no laua.

            Ua pii aku keia hihia mai kahi aha aku a kahi aha o Farani.  O na aelike wahahee i hanaia ina e hoopa ka wahine i keia mau miliona dala e nele ana oia ina pomaikai a pau, mamuli o ka hilinai nui o na hanako aia he mau miliona dala iloko o ka pahu hape hoopaapaaia nei, ua hemo mai na dala o na banako i ka wa a Mrs. Humbert e makemake ai i ke dala.  O ka oiaio maoli aole he hookahi keneta o loko o keia pahu hao, aka, he keikei kulana hale wili wale iho no; aohe no he ona miliona ma ka inoa o Crawford i ikeia a i loheia ma Parisa, aole no hoi he mau keiki hoahanau a Crawford i hoea aku imua o ka aha mai ka wa i hooloheia ai keia hihia no 25 makahiki, mamuli o na hana apuka a keia wahine a me kekahi poe i huipu aku, ua poho na banako ma kahi o $12,000,000 mamuli o ka ike a me ka manao kuhihewa o na banako he dala io ka keia wahine iloko o keia pahu hao, eia ka aole.  Nolaila, o ka hopu ia ana mai la o keia ohana apuka oia kekahi hihia ano nui iloko o ko Farani mau Ahahookolokolo.

 

HOIKE KULA EUANELIO A KA

HOOMANA NAAUAO.

 

            E hoike ana na kula Euanelio o ka Ekalesia Huna o ka Hoomana Karisitiano Naauao ma ka luakini o ka Olinookamalamalama, Pauwela, Maui, ma ka la 4 o Ianuari, 1903, hora 10 a.m.  E pono na alakai a pau e kela papa a me keia papa e a@@@ ae malaila me ka makaukau.

            Me ka mahalo,

                                    Mrs. Lepeka Kekipi.

Kakauolelo o na @@@@@@@@@@@@@

                        na Ekalesia i Hulia.

 

NA MEA HOU O KA IA HA-

MAULEO O AIEA.

 

            E ka nupepa KE ALOHA AINA, ka p@u hana o na manao kal@@aina naauao a pau.

            Aloha oe: - E oluolu mai kou ahonui e hookomo iho i keia wahi hunahuna m@teri@ ma kekahi wahi kaawale o kou mau kolamu, i ike iho ai na kini makamaka puni mea hau o kana e noho ana mai ka @@hiki mai ma Kumukani a ka welina a ka la i ka ilikai o Lehua.  Oia keia malalo iho:

            Ma ke ahiahi Poakolu oia ka la hope o ka makahiki i hala.  Ua malama ae ka hui Lei Mokihana Dancing Club o Aiea, he aha hula hula haole i noho peresidena ia e Chris B. Menes@a me na luna malalo iho, oia o G. M@lina, Lunahoohana nui, Kakauolelo a Puuku; Frank Sylvester, Kumuaohulahula, T. Kalawaia hope kumu, T. Keola hookani pila, @@kai hulahula, a ua weheia na hana @@@ ka hora 8 ahiahi ma ka hula Gr@nd march, Lei Mokihana Lancers, Waltz, Deux, Temps, Scholtiehs, Minuet Polka, Aiea Lancers, Walz, Polka, York, a hoomaha i ka hora 11 oia po a iloko oia manawa i n@nola ia mai ai kekahi papaaina i hoomakaukauia, ua hele wale a luluu pono ina ono o kela a me keia ono i hui puia hoi me na ono (hoolelehu) a ka haole auwei he ono hoi kau.

            I ka hiki ana i ka hora 12 ponoi, ua malamaia na hana hoomanao haipule a me na leo kaukau no ka hanu hope loa o ka makahiki i hala me kana mau hana, a kau mai laua hoomanao ana no ka makahiki hou, a mahope iho o keia, ua noho iho kela a me kela e nuu ina kohi kelekele a ka puukolu, a mahope o ka nau ana o ka ai ana i ka hora 1:30 oia wanaao, ua hoomaka hou ke keene o na lealea ma ka hulahula Lancers, Spanish Waltz, Clapping Polka, Deux Tempts, Single Lancers, Waltz, Heel and Toe, Aiea Waltz, Lancers Deux Temps, Vizzsviano, Rye Waltz, Muz@ka Extra Home Sweet Home.  A o keia no hoi ka palena o na lealea haole i hoikeike ia mai e na keiki Hawaii ponoi imua o ke anaina makaikai e noho aku ana e nana a puka no hoi ka la i ke kakahiaka Poaha ae au hoomau ia na lealea a po ia la, oia hoi na hoonioni "mikini" ina pauku kino, e hoo@@@@@ "hooweli ana ina kumuhana" kikala io i anei, e hoopii ana a e hooiho ana na aoao elua a he lewa mai hoi kau, ilaila wale no ia i miliopu ia mai ai haalulu e kalolohia.

            Nolaila, me keia mau wahi kauna @o Olepe o Ewa nei, ke haawi aku nei ko oukou mea nahu mea hou i kealoha makahiki hou i na keiki @@@anei o ka nupepa KE ALOHA AINA.

                                                CHAS. MOKUANA