Ke Aloha Aina, Volume VIII, Number 52, 27 Kekemapa 1902 — Page 3

KE ALOHA AINA

POAOMO; DEKEMAPA 27, 1902.

NA LONO MAKAMAKA NO VENEZUELA.

 

Wasinetona, Dec. 12. Ua loaa mai la he lono Telegarapa i ke Keena Aupuni i keia la mai ia Kuhina Bowen ma Caracas, e olelo ana. Ua noi aku ke Aupuni Venezuela iaia e waiho aku i ko Venezuela manao ia Beritania Nui a me Geremania, e pili ana ina pilikia i ulu ae mamuli o ke koi a na kupa Pelekane a me Geremania no na poho a me na hoopoino i hanaia aku maluna o lakou i ka wa o ke kaua kuloko, e waiho ia aku ia imua o kekahi Aha Uwao.

 

Caracas, Venezuela, Dec. 11. Ua lawe ae la ke aupuni Venezuela ina kiai makaala ana ia La Guayra. O na kaa lawe nanahu a pau o ka oi hana kaua moana, a me na kaa a pau o na Pelekane o ke alahao o La Guayra ua laweia mai i ke kapitala nolaila ua hiki ole ina puali Pelekane a me Geremania ke lawe ia mai ke alahao. O Kenerala Ferier, ke Kuhina Kaua, ua hoohala ae oia i keia la holookoa ma ka wae ana i na kahua maikai ma na mauna no ka eli ana i mau auwaha kaua.

 

O ke Kiaaina o Caracas, ua hoopuka ae la oia he kuahaua oolea, penei: O na Venezuela a pau e noho ana ma na apana Federala mawaena o na makahiki he 18 me 50, e komo lakou iloko o ka puali koa lahui. O na poe a pau e hoole ana  i ko lakou komo ana iloko o ka oihana koa, e ikeia aku hoi imua o ka ahahookolokolo.

 

Ma ka la inehinei, mahope o ke kahi mau kuka loihi ana mawaena o Peresidena Castro a me ke Kuhina Amerika Bowen, ua loaa mai la he kauoha no ka hookuuia ana o na kupa Pelekane a me Geremania, he hora mahope iho ua hookuuia mai la lakou. He elima wa a Kuhina Bowen a me Kakauoelo Russel no ke kokua ana i na kupa paele Pelekane nawaliwali, O ka hookuuia ana o ka paahao he kalaiaina naau ao ia a Peresidena Casto.

 

O na poe a pau o Caracas eia lakou ke manaoio nei e hoeia mai ana he kaua, koe wale no ina e holo pono @na ka Kuhina Bowen mau hoao e waihoia na kuee imua o ke kahi Aha Uwao. Ua olelo ae ke kahi Luna Aupuni i kokoke aku ia Peresidena Castro, ua ae aku ka Peresidena ia Kuhina Bowen, e launa aku me na Aupuni o Ladana a me Berlin ma ke Keena Aupuni aku o Wasinetona, o keia wale no ke alahele i manaoia ai e pau keia kaua. O ka manao o na pualikoa o Pelekane a me Gerermania, oia ka lawe ana ae ina awa o La  Guayra a me Puerto C@bell .

 

He hoike i hiki ke hilinai ia, ua noi aku la ke Aupuni o Venezuela ia Kuhina Bowen, e lilo i mea uwao.

O ke Keena Telegarapa Pelekane ua hopuia.

 

HOOKO O BERITANIA I KA HANA.

 

Port  of Spain, Trinidad Dec. 10

 

I ka hora 3 o ka auina la o @nehi nei, i ka wa i piha au na hora he 48, ka manawa i kaupalenaia no Venezuela e pane mai ai no na koi a Geremania a me Beritania, aole nae he mau pane i loaa mai, nolaila, ma ka hora 9 oia po ua haalele iho @ ka waapa o ka mokukaua Charybd a me na luina no luna o ka moku kaua lawe hae Venezuela Bolivar, me ke koi aku iaia e haawipio mai, a ua hookoia.

 

He eha alii a me iwakalua kuma maha luina i hookauia aku iluna o ka mokukaua Beritania Alert. Ma hope iho o ka hopupio ia ana o ka mokukaua Bolivar ua hookauia aku la na luina o ka mokukaua Charybd @ds. Maluna ona, me ka huki pu ia ana o ka Hae Beritania, alaila, haalele iho la ia no ka hopu ana ina moku Venezuela.

 

 HE WAHINE ILOKO O KA HIAMOE KULIPOLIPO.

St. Louis, Dec. 7. O Mrs. J.R. Abernathy, i haule iloko o kekahi hiamoe kulipolipo i kona wa e heluhelu ana i kana kane i kekahi nupepa me ka leo nui ma ke kakahiaka Poalims nei, eia no @ ke moe nei.