Ke Aloha Aina, Volume VIII, Number 48, 29 Nowemapa 1902 — Page 8

KE ALOHA AINA

 

MOOLELO HOONI PUUWAI

NO

Kuu Aloha i na Pua, Kuu Ipo o na Launahele!

 

K Makaikiu Kupaianai

 

MOKUNA XLVI.

 

KA HOOHIKI WELIWELI I HOOPAAIA ILOKO O NA KAHAWAI AHI--A HIKI AKU I KA LA HOOKOLOKOLO-- ILOKO O KA HEILA A ME KA UWILA:

            Alaila, me keia mau olelo huikaia a ke kiu me ke kunou saluta ana a kona poo, aia hoi pii ae la kona mau lima iluna me ka awiwi loaa; a i ka hoalu ana iho o kona pauku kino ilalo, auwe ! imua o na maka pahaohao o ke kaikamahine Dane kote, e ku ana ma kahi o kela oaele ka makaikaiu Heneri Baleinahama, a o na helehelena hapa eleele keokeo, aole iho la ia, aka, he keokeo hoolookoa keia.

            Oh! ma i; he kupaianaha maole no oe o na kupaianaha: Ua hoopahaohao mai kau mai hana ia'u: Aole no ou i manaoia loa ooe io no keia malalo o kela aahu huna o ka lahui paele, ua lohe au i kona leo a ua kamaaina hoi iaia, aka, o ka ho oaiaio maoli ana iho aia he kanalua nui o ka manaoia kapekepeke no ka hookipa ana aku ia oe. Aka, heaha ka nuhou, a heaha hoi na ulie makapaa e halawai mai ana me oe ma kau huakai?

            E hoike aku no au ia oe e kuu Kauna wahine mahope iho o ka makaukau ana e kipa ike hou mai ia oe ma ke ano pili oihana, wahi a ke kiu, A laila, he umi minute wale no i hala ae, aia ke kiu a ame ke Kauna wahine Danekota  e noho ana maloko o ke keena heluhelu buke o ke kakela me ke Kauka Kilifoda, a me ka Ela o Kalivi i hui pu mai ia mai la ma keiia laua kamailio ana, ua hoike aku ua kiu ala i na mea hou o kana huakai holoholo oia kekahi aka a hiki i kona huli hoi ana mai a ua hoohamama ia na pepeiao a me na waha o kona poe hoolohe no ka piha lealea loa no kana mau hana hamabaga o ka hoopunipuni i lawelawe ai ma ke kuea o ka Opera Ladana.

            Alaila, ua loaa anei ia oe ka me heu o ka lima koke nana i hoopoino kuu haku? wahi a Lede Sileveia i ninau mai ai me ke pihoihoi.

            E kala mai e kuu Kauna wahine no ia mea; Aole hiki ia'u ke hooiaio aku i kela wa, aka, no ka hopena o ka'u hana, e kuailo mai i ko'u lanakila a me ko'u walawala pahu ana iloko o ka nele, a me he la o keia paha ka hihia pohihihi loa a'u e lawelawe aku ana malalo iho o na lani mai ko'u la lilo ai he makakiu e hiki i keia la. Aka ina o ua kokua pu naa mai kekahi a na mana lani, alaila, e kapalua kuhihewa ole anaeu au ke olelo ae-- ua lanakila au i jka hopena. He kana ha kumahiku o'u makahiki i keia wa a mailoko mai oia huina he iwakalua kumaiwa mahikiki i ka oihana, a iloko o keia mau makahiki lehulehu aia ke mau haneri hihia lehulehu wale a'u i lawelawe a i hooko ai i ka hanohano o ke oihana. O ka'u hihia mua loa ilawelawe ai no ka hoopakele ana ia'u iho mai na hookauhihi a hoope'a wale ia ana mai e hoihoi ia ai kela uku makana o kanalima tausani dala i kuniia ma ko'u lae, oia ka hihia a'u i olelo ai he pohihihi ia o na pohihihi, aka, a hoea mai la kela hihia pepehi kanaka ike oia ia o ka Haku Meia o Ladana nei, ua olelo hou me la au, o keia ka hihia pohihihi loa i oi aku mamua o ka'u hihia mua i lawelawe e hooko ai i ka hanohano o ka oihana kiu.

            Ua hoopuka ae au ina olelo pela, no ka mea, aole he mau hooia aole hoi he mau hoike e hiki ai e hookolo ia ka meheu o ka limakoko, oiai o na lawelawe a me na hooko ana a ka puuwai eleele i kana mau hana menemene ole, na hana wale a no me ka noeau nui e hooka ia ai ka ike huli a me ke akamai hanu o na kakaikiu kaulana o Europa nei, a ua hooko pu ia hoi me ke keena oihana makakiu o Ladana, kahi a'u e noho hana a lawelawe nei. Maka lokomaikai o na lani, ua hoike mai la oia ia'u eia no ka imua ponoi no o ko'u mai puka ihu a me na maka a e a! aku ana ka powa a me ka limakoko nanan i lawe ke ola o ka Huku Meia.

            Hala akula ia me kana mai pohihihi, hoea mai la hoi ka hihia haalele wahine kumakaia a ka haku e waiho nei iloko o ke poino me kana pohihihi, aka, ua ike oe e ke kauna wahine ina hoike oia mea, oia hoi kela kii i kakahiaka me ka eleele penikala; Okeia kii hookahi wale iho no ka hoike nui nana i hooia mai o kela Alika Lema o ka haalele wahine kumakaia a me ka haku poino e waiho nei iloko o ka pilikia he hookahi no ia.

            O kana kumuhana holo mahuka ina kapakai o ka poepoe komohana, a me kana mau hana e hoopuhili ia ka mana o ka oihana makaikiu, ua hele puia oia kekahi o na hihia pohihihi i oi ae i ko ka mua, aka, ua hoohaahaaie iho ia e kela hihia o ka hooilina nalowale o Ravenaka ila a mea kau hihia hope loa iho nei, a loaa ae nei i kau kauoha. O keia na hihia a'u e olelo ae nei he oi loa ae ke pohihihi a me ka paakiki o ko laua alahele imua o ko na hihia e ae a pau a'u i lawelawe ai, kua, ua holopono wale no nae a pau, a o ka hihia hope pale no ka mea i koe oia hoi ka hihia apuka huna aupuni, Ina aekona hope loa o ka loaa ana

 

KUAI HOEMI NUI OIKELAKELA

NO HOOKAHI PULE WALE NO

E hoomaka ana Poakahi, Nov. 24.

MA KAHI O

N. S. SACHS DRY GOODS CO.

Kihi Alanui Papu me Beritania.

 

HE EIWA MAU KUMUKUAI LIKE OLE.

            1. Pale pakaukau Lilina Damask Keokeo 2 ia laula 60c o ka ia

            2. Pale Pakaukau Lilina Ulauia me Bolu 50c o ka ia.

            3. Tawele Keokeo he 5c o ka ia.

            4. Haili Moe i paa mua no na moe nunui 50c pakahi.

            5. Pale Uluna paa mua 42x36 eina 25c.

            6. Uhimoe laula nui 41.75 pakahi.

            7. Huluhulu Moe keokeo, Ahiehie me Uiaula 85c o ka paa.

            8. Haili Moe Keokeo 25c o ka ia.

            9. Keokeo Farwell hookahi ia laula 12 ia $1.00

 

E Makaala i ka Makou Hoolaha Karisimaka ma Keia mua iho.

 

N. S. SACHS DRY GOODS CO.

ia'u o ka lanakila e paa ai o ua hihia ala ia'u, aia hoi, ua hoike e ae la ka leo kahea no'u a haalele iho la i kela hihia e pakele hou mailoko aku o kp'u[intentional typo] mau lima, aka he hihia nae ia a'u e olelo ae ai i keia wa, aole i oi ae, kona pohihihi mamua o keia. O kaela hoohiki weliweli i hoopaaia iloko o na kahawai ahi, oia wale no ke alanui pohihihi a me ke  alahele maopopo ole a'u nei a Heneri Beleinahama e imi a e hooeolo aku ai a hiki i ka hopena e ike ia ai, owai ka laepaa lokoino nana keia mau hapa puuwai eleele a i he diabolo paha oia me kona mana pih ao ke ikaika e hiki ai e hoohoka ia Heneri Beleinahama.

            Ae, e kuu Kauna wahine Danekota. O keia ka hihia pohioi loa malalo o ka'u mai lawelawo ana, ke hoomake mai nei e o ka elua o ko'u mau lauoho a mamua o ko lakou lilo loa ana ae i mau kahiki keokeo o ke alai, e lanakila au maluna o keia hihia e pono ai a ina he mau ninau e ae kakahi a uokou o ka nele maluna o keia hihia, ana no ka manawa o haawai mai ai a e pane ia aku no na haine me ke kali oia.

 

HE HOOMAIKAI.

 

            Owau o kekahi o na moho hala Lumamakaainana Kuokoa Home Luia o na Mokupuni hui o Maui a oukou i koho ai ia'u i ka la 4 o Nov. M. H. 1902.

            Ke haawi aku nei ai i ko'u lima akau i ko'u lulu lima pumehana ana me oukou iloko o ke apa kuikahi o Ke Aloha, A oiai, ua haawi mai oukou na mahele koh oBaloka apau mai ka Pahu Ekahi mai a hili i ka Pahu koho Mahele 15. Apana 3 Teritori o Hawaii. Ia'u i ka huina o na Baloka he 137. Ua hookiekie ae oukou na poe i loaa ka manao koho Baloka no ka heluna i hoike iaa ae la no ka oukou kauwa moho L.M. nei A maluna o keia poe i loaa ka mana hoko ia lakou ia'u ke haawai aku nei au i na mahalo keikie a me na hoomaikai he nui ia oukou.

            A mai poina i ka oukou kauwa nei no ka ka makahiki 1904 a hoea mai ana.

            Na ka Uhana o ke Akua e kiai ia oukou apau a pela hoi i ka oukou moho L.M. nei no ke kau hou ale e hiki mai ana.

            Aloha oukou,

            G.P. Kauimakaole

Makaale Hana Maui Nov. 21, 1902.

 

 

AHAMELE NUI

MA KA

Hale Keaka Opiuma

 

I Keia  Ahiahi Poano Nov. 29 1902 E Hemo ana ka Puka i ka Hora 7pm Hoomaka na Hana Hora 8 pm.

 

PAPA KUHIKUHI O NA HANA.

 

Hui Himeni.

Hula Paiumauma--Aia i KHawaii Kilauea.

Hoikeike: Kanaloakuaana Kane a Kaikilani,

Kaikilana Kaikamahine a Kukailani Wahine a Kanaloakuana Moiwahine o Hawii mahope aku o Keawenui

 

Hui Himeni.

 

Hula Pahu--Moe oni ole i Hilo iluna ke alo.

Hoikeike: Lonokamakahiki me Kaikilani e holo ana maluna o ka waa no Kauai

HUi Himeni.

 

Hula Ili-- Pau hone i ka wai.

Hoikeike: 1.--Konane ana; 2: Ka lohe ana i ka leo e kahea ana i Kaikilana. 3. Ka huhu ana; 4 Ka hili ana me ka papa ko nane; 5. KA haalele ana ia Kaikilani

Hui Himeni

 

Hula Puili-- Aia i Honolulu kuu pohaku.

Hoikeike: Lono me Kaikilani i loko o ka hauoli o ke kane a wahine mai ko laua kaawale loihi ana,

Hui Himeni.

 

Hula Uliuli-Kalanianaole, Kamehameha

Hula Alaapapa-- Ku i Waialua ke pou Hale.