Ke Aloha Aina, Volume VIII, Number 48, 29 November 1902 — Page 7

KE ALOHA AINA

 

KE ALOHA AINA, POAONO, NOVEMAPA 29, 1902

 

MOOLELO HOONI PUUWAI

NO KE:

KAKELA LANAFODA

Ka

Ipuka o ke Kuewa me ka Aea.

Ka

Pua Lilia Ahiu o Sanadela.

 

MOKUNA XXX

 

NA LA HOPE O KA MOI KANE- MOE ILOKO O KA MALUHIA- KA HAKU LANAFOKA- KA HOPENA

 

            E aneane aku ana ina la e hulihia ai o ka noho@ o ka Moi Kemi, ua hoea mai la i keia ao malamalama he Hoku Lanafoda hou, ka hua hoi mailoko mai o na puhaka o na Haku o Lanafoda a me Semafila, a i ka wa a ka ahaolelo i kahea mai ai ai i ka Haku Lanafoda i hoa hanohano a kaukanawai pu no ko lakou hale hanohano, aia hoi, ua hoea hou mai la i keia ao ka lua o na hoku opio o Lanafoda.  Ma ka aoao o ke haku kane, ua lawe a koho iho ia ia i ka laua hiapo oia ha Haku III o Lanafoda (Third Lord of Langford), a o ka hanau muli hoi ua lawe ae ka haku wahine iaia a kahea aku o ka Haku Makuita III o Sememafila a o laua iho la no hoi ka hoo@ o keia mau hale.  O na waiawai me na pono a pau o ke Kakela Lanafoda ua ili aku la maluna o ka hanau mua, a oia wale no ka mea kuleana a me kana mau mamo aku, a pela no hoi me ka hanau hope, o kona kuleana pilipaa a pau a kao aku i kana mau pua o ke Kakela Semefila a me kona mau pono a pau

            O kela mau kamaiki ae la elua o laua wale no na hoa i loaa loa haku waiwa a moi @ nui hoi o Pelekane ia mau la, e like me ke ano mau o na makua e makee ana no ka laua mau hua ohana aloha, pela no keia mau haku i puiama a mailani ai a e a'o a kula ana hoi ia laua ina ike a me na pono o keia noho honua ana.  I ka hiki ana o ko laua mau makahiki loa la e olelo ia ai ua loaa ia laua ka ika a me ka noonoo e hoopaopopo ai, ua hookomoia aku laua no kela home imi naauao kahi a ko laua makua i @ ai i kona momona oia ka helekula nui o @ ioda, a la laua i kemo mai ai he mau kanaka opio laua i piha me na kalena ike o ka naauao, a i kupono hoi e noho ma kekahi oihana aupuni i makemakeia no ka laua mau hooko oihana ana no ka pamaikai holomua o ka aina.  Aka, aole nae pela na ouli a me na haawina a ua @ i haawi mai ai no laua.  O ke kulana koa, ka lil@ makee no ka hanohonoo ko laua mau inoa ohana, a me ka inaina makee i ko laua hee aloha i hehi holoo wale ia ana.

            O keia na haawina paakiki loa hiki ole e holohe mai ka umauma aku o keia mau kanaka opio a hiki i ko laua hopena, aole loa e naha ke alia i uwepa ia a paa ma ko laua puuwai he aloha laua no ko laua Hae Aloha, a he minamina makee o ka lili no ko laua inoa, malalo o ke kulana koa e oniu ana i ka laua pahikaua.  O ka hanohano laahia a kulana kanaka koa oia ke anuu mua loa a ua mau Haku Opio ala i hei iho ai a hoika ae ia laua iho e lilo a e loaa ia laua ia kulana, a ua ikeia malalo o na pa koa me ua a'o ana a kko laua makuakane aoo, au helu ia laua he mau kanaka opio no na medala kila like ole, a ola ke ko laua makuakane i hoomanao mai ai me na olelo mahalo o ka hoomaikai.

            E a'u mau keiki, wahi a ua haku aoo nei, malalo o ka hanohano o ke ike i a'ole la olua a olua i @ mai ko olua makua nei aku, ke @ aku nei au, he mau koa @ ia ma ke kulana papa ekahi.  Aka i ka loaa ana ae la o keia kulana hanohano ia olua, alaila, heaha ka bus e hoikeie ai ka wiwoole o ko olua kulana koe, no na m@ kile.

            Ua kauohaia ka maua mau medala kila e oniu a e makee me ka lili no ko maua inoa ohana, ina e hoino a hoohaahaa wale ia, a ke hoohiki nei maua a kukala aku i ke akea, he enemi no maua kela kanaka a me kela kanaka e hoohaahaa ana i ka inoa o ka Hale o Lanafoda a me Semafila, me ka nana ole i kona kulana, ina he koko alii la a i ole makaainana paha, wahi a ka laua keiki i pane mai ai.

            Ua hoopuiwala ka Haku aoo Lanafoda ua hoomanao hou aku la oia me keia ninau: Mamuli o ko olua hoike maopopo ana mai i ko olua manao makee o ka lili no ka hanohano o ko olua inoa, alaila, ina na kekahi lala a mamo paha o ka hale o Lanafoda a i ole Semafila e hoino ana i au mau ino ala, alaila, heaha ka olua pane malaila? Oiai ke kau mai la i ko'u mau hoomanao ana ka @ hope o ka olua olelo, a ka manaolo nei au me ka hoohewahewa ole, a nohahaha aku ana ka noho ohana ana o keia mua aku.

            O ka pane a kana mau keiki, ua paa ka lana hoohiki a aole loa he mea e poioi ia ai ina o ko laua koko ponoi ka ipuka e wehele ai ke kukula pahikaua no ka hii a me ka makee i na i ka hanohano o ko laua moa ia hoohaahaaia.

            Alaila o kau ia e hopohopo nui nei.  O ka hoohiki a olua i hoopaa a i kukala iho nei, he hoohiko ia e hiki ole ai i kekahi kanaka ke holoi a wawahi ke ole a laweia mai a hooponopono me ka oi o ka maka o na medala kila.  Aohe alii aohe he makaainana e hiki ai e hoopau i ka mana o kela olelo hoohiki, ke ole e loaa na huaolelo hoihoi hope no ka mihi. Pela no hoi olua e kuu mau keiki i keia la, aia olua malalo o ka inoa Haku a alii like ola, a he hookahi wale no nae wahi i hoea mai ai.  Aka, i ka hoino ana o Lanafoda, i ka hanohano o Semefila a i ole ia o Semefila paha i ka hale o Lanafoda, alaila, e hoea mai ana ka minute me ke kali ole i ka wehe ia ana o ke kukala kaua kue mawaena o ka mua a me ka hope, e hooliloia ai ka ula ohelohelo o ke koko e holo ana mawaena o laua i meapaakiki a puanuanu o ka noho onemi ana o kahi me kekahi.  E nana aku ana oe e kuu hanau hiapo maluna o kou pokii me na maka o ka inaina o ka lili nui, a o oe hoi e ka'u hanau hope me kou mau maka hoowahawaha a piea lili me ka in a inaina e nana aku ana hoi maluna o kou kaikuaana, a hoopuka i ka olua mua olelo inaina e poina ai ko olua kulana me he ala aole olua he mau hoahanau a io ponoi mai ka puhaka hookahi aku.

            Aka, e kuu mau keiki: ua hapauea kou mau la a ua kokoke pu mai hoi kou hopena e hoi aku ai au no ka lepo, a haalele iho ia olua e paio a e kakoko me na inoa ai me na luhi moeuhane mua ola la o ko keia ola honua ana.  Aka, mamua o ka hoea ana mai ola manawa, a me ka manawa paha e hookola ai na ouli o ka olua hoohiki he mea pono iau e hoike aku i ka moolelo e pili ana iau oiai kou mau la opio, a na olua ia e lohe a hoomaopopo no olua.

            O keia home Kakela Lanafoda, ke ika nei au a hoomaopopo me ka hoohewahewa ole, oia no ka ipuka nana i hoolilo mai ia'u i Kuewa a i Aiea maluna o ka honua, oiai ua mau la opio nei o'u, a o keia home kakela no hoi ka malumalu kahi e oili mai ai na manao, oia hoi olua ma o'u nei ala, a malalo no hoi o kona malumalu o keia la i kukala iho nei olua i ka olua olelo hooh@kipas.  Ae e a'u mau keiki, mai na ipuka ponoi aku o keia kakela i hooliloia ai au i kuewa a i aea e kou makula kane ponoi a kupunakane no olua. Mamuli o kou mare ana i ko olua makuahine aloha, me kona ae a apono ole, na hoike mai ola i kona mau manao ahewa ikaika me na olelo inaina o ka huhu iau a me ko olua makuahine aloha i komo mai ai, a mamuli o ko'u makee minami na no ka @ a'u i aloha ai, au hoolohe ole a ku la au i kana mau olelo nuku o ka hilahila a halau iho la au i kona mau lima aloha a'u i hoolilo ai i punahele na'u a huli aku la ia ia iwaho imua o ke ao akua no ka paio ana no ko maua pono i hooneiaia iloko o ka hilahila nui, me ka manao hou ole mai he pono ka ka makua a laila o ka huaolelo ku makena o ke kukala a ua lua@ makuakane nei o;u i luia mai ai, alaila pani mai la na puka o ke kakela mahope o maua e hoonele ana no ia'u ina pono a nau a hele pu hoi i ke kuleana hooilina no ke Kakela Lanfoda nei.

            Oia mau olelo awahua o ke kumakena na lawe mai a moni me ka hoohikipaa ma ko'u lehelehe, aole loa au e hoi hoo mai malalo o ka manu o keia home kakela ke ole e haule iho kuu makuakane lokoino maluna o kona mau kuli a noi me na huaolelo mihi no kana mau hua olelo hoino i ka le@ a'u i lawe ai i ko koolua no'u ma keia oia ana, au hookoia ia hoohiki a'u i hoohiki ai.  Ua nui kana uwalo ana mai ia'u e huli hoi aku a haalele i ka mea a'u i aloha ai aka aole loa au i maliu mai i kana mau leo kahea.  O keia inoa kuewa a @ o Lanafoda na lawe au a hiipoi laia me he ala ua hanau pu ia mai oia me a'u.  A hiki i keia la oia no ola iloko o ka'u hiipoi ana a na ka make e hookaawale ae iaia.

            Ae       he kanaka Kuewa a @ au maluna o ka honua e hakoko ana no ka pono'o ka'u mea i aloha ai a e paio ana hoi no ka hanohano o keia inoa hilahila i loaa ia'u a iloko o na moolelo poina ole o na kahuakaua o ko ka Moi Kale Kuaka nohoalii ana, ua lilo kela inoa hilahila i ka@ maluna o ko olua makuakane nei i inoa mahalo a a weli ia a me ka aoao kahi a'u i haawi ai i ka'u mau hooko ana au hosana ae lakou me he la he akua au. 

            He kuewa wale iho no au i hoohilahilaia mai na ipuka aku o Lanafoda.  Aka, he kuewa nae a ko kakou aoao aupuni e hana mai nei e lilo aku i alakai no na puali kana aina ke kulana hoi a'u i paa ai no iwakalua kumakolu makahiki a in a aole he kue a me ka liko ole mawaena o ka hale a me na mamo o Kuaka penei ao la ana no au ke paa nei i keia kula oihana aupuni.  O ka lawe ana ae i ke kulana alakai no kekahi aoao a kue aku i kekahi aoao oia no nae mailoko mai o ke koko hookahi ua mau aoao ala a elua, he kipi maopopo la malalo o ka'u olelo hooholo o ke kaulike

            Nolaila, o na kahea pili aupuni ana mai a keia mau aoao ia'u no ka lwe hou ana ae i keia kulana alakai no na pualiko na waiho a hae lele aku au me na manao makee o ka minamina.  O ka ulu ana ae o ke kuee a me ka mo@uahan@ iloko o he ohana Kuaka e alako ana i keia a me keia aoao kalai aupuni a kukala a e hooka@ i ke koko no ka pono o ka aoao a lakou i ke@ ai he hoike ana mai ia i ka noh@ a me ka helelei o ke kahua hele o na kuaka i kukulu ai a o ka holo pumehana ana o na koko pili oiaio hiki ole ke hoole ia ua puanuanu iho la e like me ka hoonele ia ana o ka puuwai i ke koko i ke holo ana @ o na @ koko a me ka akemame e waiho ana i kana mau mea pa@hana paum@ po ke hooikaika wau i ke koko i holo mai ka puuwai aku, aka aole au e kamailio uo lakou.