Ke Aloha Aina, Volume VIII, Number 48, 29 November 1902 — Page 6

KE ALOHA AINA

POAONO, NOVEMABA 29, 1902

 

WELIWELI HOU NA HANA A KA PELE.

            Guatemala, Nov. 14. O na hoike no kekahi luku weliweli a ka pele o Santa Maria eia ia ke hoea mau mai nei i keia a me keia la. He nui na haneri oia i iuku ia a pela hoi me na waiwai i oi ae ko lakou nui hewahewa i ka luku o Mauna Pelee. O na aina a pau e kokoke ana i ka lua pele ua hoea aku ke kiekie o ka lehu i ke kaupoku hale. O na apana mahi kope waiwai nui ua pau i ka hoopoino ia. He nui na kumu kope i nalowale iloko o ka lehu, a o na kumu i uhi ole ia e ka lehu pele ua pau i ke ahi. O na poe i hoopoino nui ia ko lakou mau waiwai oia na kupa Amerika a me Geremania. He elua a i ole ekolu lua pele hou i puka ae ma ka aoao o ka lua pele mua.

            Kapalakiko, Nov. 13. Ma ka hoea ana mai la a ka mokuahi Newport ma ka la inehinei mai Panama mai na lawe pu mai la oia i ka hoike o kekahi luai pele weliweli i hana ia e ka lua pele Santa Maria, nana i hooneoneo aku i ka oihana mahi kope o Guatemala. Aia na kanaka ke kali ala no na moku hoopakele no ka hookaawale ana aku ia lakou mai ke kahua aku o ka poino. Aole loa he manaolana e loaa hou ana kela nani o Guatemala i ulupa ia iho la e ka pele. O na mahi kope ma Costa Cuca, Chuwa, Reforma, Palmor, Costa Grand, a me Kolhutz ua uhi ia iho e ka lehu pele no ehiku kapuai ke kiekie. He mau tausaui o na bipi i make a o ka nui o na ola i make ua olelo ia he koikoi loa.

            I ka wa o ka Newport ma Champerico he nui ka pihoihoi i ike ia iwaena o na kanaka, a o ka mokuahi Acapulco e holo ana no ka hema ua lawe aku oia i na kanaka a pau i hiki iaia ke lawe. O na hoike ma kahi koikoi loa o ka poino he paakiki ka loaa ana mai. O Peresidena Babrera o Guatemala aia oia ke hoao ala ma na ano a pau e huna ia na hoike poino mai ke ao holookoa aku. O na telegarapa a pau ua kiai ia me ka makaala loa, a o na poe akenui e loaa na hoike mai na apana i hoopilikia ia he nuku loa na mea i loaa mai ia lakou.

            O na taona i luku ia e ka pele ma ka hoike a ka Newport oia no o Palmar, San Felipe, Colombia, a me Coatepec. O keia na wahi i hoopoino ia e ka luaipele mai Santa Maria mai. O na taona o Retbalbulen, Mazatenango a me Quelaltenango na pakele lakou me na wahi poino uuku. O ko lakou kumu palekana aia lakou ma ka'aoao mamao loa o Santa Maria mai ke lua pele aku, aka aia na poe ola mau wahi iloko o ka pihoihoi nui, oiai ka pele ke a ala me ka ikaika, a ua makemake ole hoi lakou e loohia ua haawina ehaeha i loaa i na taona kokoke i ka lua pele ia lakou. Aloha no keia mau ola i lilo hou aku la i moepuu na ka pele.

 

NOI O SENATOA AKI E HOOLALA IA KA BILA KULANAKAUHALE.

            Ma ka noho ana o ka Aha Senate ma ke kakahiaka Poalua nei ua lawe ia mai la he olelo hooholo e Senatoa Aki a e heluhelu ia ana penei:

            Ehooholo ia, o ka Peresidena o ke Senate o ke kau kaikawa he mana kona e koho i komite o elima no ka hoomakaukau i ke kanawai Kalana a me Kulanakauhale no ka waiho ana mai ma ke kau mau o ka Ahaolelo.

            Kue o Senatoa Isenabaga i kela olelo holoholo. Na Senatoa Kaiue he hoololi e hookomo ia ma ke komite i ekolu Home Rula. Kokua o Nakapaahu i keia manao.

            Kue na Senatoa Balauwina, Dickey a me McCandless i keia olelo holoholo, oiai, ma ka lakou manao aole keia o ka wa e noonoo ia ai oia hana. Ma ke koho ana ua kakoo na Home Rula eono i huipu ia me Kale aki i keia manao a he elima Repubalika i hoole.

            Na Senatoa McCandless he olelo hooholo e koho ia i komite o ekolu no ka nana i ke keena o ka Papa Ola, apono ia. O keia ae ia no na mea ano nui i hana ia e ke Senate ma ia la, a na hoopanee ia na hana ma ka hora 11 o ia kakahiaka a noho hou ma kekahi la ae.

           

E HOEA MAI ANA HE MOKU KAUA BERITANIA.

            Vitoria, Nov. 14. Ma ka Poaha o keia pule aku e haalele iho ai ka mokukaua Beritania Shear water ia Esquimalt, no ka mokupuni Pitcairn ma ke alahele aku o Honolulu. Mamuli o ka ike ia ana o ka ulia poino i halawai ai me ke Condor he makahiki a oi i hala ae nei. Nolaila, ua hooholo ka oihana kaua moana e hoouna e iaia he mau pule mamua ae o ka wa i haalele ai ke Condor a i ka wa e hoea mai ai ka ino o Dekemaba, ua mamao oia mai na latitu o ka ino i ike mau ia ai.

            O ka loihi mawaena o Esquimalt a me ka mokupuni Pitcairn he 7,500 mile. He hookahi o na mokukaua e kipa mau ana i keia mokupuni i keia a me keia makahiki. O ka mokupuni Pitcairn oia kahi o na mamo a keia poe hoohaunaele o ka moku Bounty i ka 1787 e noho nei.

 

LOAA HE LUAHUNA KUPANAHA.

            Hermvillo, Mekiko. Nov 13 He moolelo i hooiaio ia kai hoike ia mai i na luna aupuni no ka loaa ana o kekahi luahuna waiwai nui ma. Tepic, e kekahi kahunapule nona ka inoa o Pablo Mertino. O na hoike a ke kahu napule ua hooialo ia mai e kekahi poe i hiki ke hilinai ia, ua hoea aku kekahi poe Amerika malalo o ke alakai ana a kekahi kanaka huli i ke ano noho ana o na kanaka i ke au kahiko i kapaia kona inoa o Heverick, he mau pule lehulehu i hala ae nei, a hele aku la mai ia wahi aku no na mauna i ukali ia a ekolu mau Mekiko kamaaina. O na kuhikuhi o keia kanaka huli mea pohihihi, ua lawe ia mai ia mai kekahi papa pohaku e hoikeike ia nei maloko o ka hale hoikeike lahui o Mekiko. Ua loaa aku keia ana nui ma kekahi mauna e kokoko ana i Icsca. E ku ana na kii pohaku nui maloko ona. Ma kekahi aoao o ua ana ala e ku ana he kuahu nani a maluna ae ona e a ana he lapalapa ahi nana e hoomalamalama ana ia loko o ua ana ala, a o kahi i loaa mai ai o kona aila e kahe mai ana mai kekahi wahi nakanaka pohaku mai.

            O ka loihi o ka hoomalamalama ana a keia lapalapa ahi i keia keena ua koho waleia no na keneturia loihi. Ma kekahi ke ena e pili pu ana me ke keena haipule ua loaa aku he nui na waiwai makamae a me na lako e ae e hoike moakaka mai ana he ana ia i noho ia e kekahi lahui i manao ia o ka lahui kanaka Aztec a i ole no kekahi lahui kahiko loa i paa ole kona moolelo. He umi kumamalua mau holoholona nana i halihali aku i na waiwai mai keia ana aku no San Bias. Ua olelo ia ae o ka nui hewahewa keia o na mea kahiko ia loaa ma Mekiko i ike ole ia mai kinohi mai.

 

            KAUOHA IA NA MOKUKAUA E HOLO NO HANKOW.

            Vitoria, B.C. Nov. 11. Ma ka hoea ana mai la a ka mokuahi Emepera o Inia, ua lawe mai la oia he hoike mamuli o ka ae ole o ke aupuni o Kina e hookau ia na hoopai koikoi maluna o kona mau luna aupuni i komo pu aku iloko o ka luku ana i na misionari ma ka apana o Hunan, ua hoole aku la ke Kuhina Beritania i na kono a ka Moiwahine o Kina, a he eha mokukaua Britomart, Phoenix, Rosaria a me kekahi moku okoa aku i hoouna pupuahulu ia aku la no Hankow. O keia mau moku aia lakou malalo o ka hoomalu ana a Adimarala Bridge.

           

            Ka Huihoolewa O Honolulu.

            KE KOMO ANA ILOKO O KA HUI. He elua papa o na lala, oia hoi ka Papa A. No lakou ke kokua e like me $100.00 a me ka Papa B. Nona ke kokua he $50.00; E hiki no i keia a me keia i loaa ke ola kino kunpono mawaena o na makahiki hookahi a me kanahiku (koe na ka@ku o ku Hikina) ma ka uku ana i ka uku komo he hookahi dala ($1.00) me @ ma ka Papa @ a he hapalua (50¢) dala maloko o ka Papa B.

            AOLE HE @ ku mau ma ia hope mai, aka, ina ua lawa ole na dala ma ka Waihopa alaila, e uku kokua hou na lale o ka Papa A, ma ka pakahi dala i kela a me keia lala o ka papa, a o na lala o ka Papa B. ma ka hapalua.

 

HONOLULU MUTUAL ASSOCIATION.

KA MANAO O KEKAHI POE

            E na mea mahaloia: Ua, hoo makauka ko oukou Hui no kela a me keia lala he hoolewa kupono ma ka uku haahaa loa, a ua hoomama ia na mea apau i makaukau ole ina manawa apau.

            Me ka mahalo,

            KA MAKUA H. VAENTIN.

            E na mea i mahaloia: Ke haawi oluolu aku nei i kuu apono i ka Honolulu Mutual Burial manao a ke manaoio nei au he mea e pomaikai ai na kanaka.

            "Kakauinoaia" H H. PARKER.

            E kipa mai ke keena o ke Kakau olelo, Helu 393. Kihi o na Alanui Beritania A me Miller, Telepona Blue 571.

 

Olelo Hoolaha.

            O ka Hale Hana Kupapau ED. A WILLIAMS ua ne aku no ke kihi o ke alanui Beritania a me ke alanui Mila me ka Hui Hana Kupapau Townsend. Aole ona kuleana me ka hale kupapau e lawelaweia nei e Mrs. Williams a i ole e Mr. Fred Weed o ke alanui Papu. O na hana pili kupapau hou a ua lako piha me ka oihana hana kupapau maloko nei o ke Teritori.

 

KAUKA HANA NIHO IAPANA.

M. Asahina

            Ke hoike ia aku nei ka lohe i na poe a pau ua nee mai ko'u Keena Hana ma ke kihi o na alanui Beritania a me Nuuanu.

            Na hora hana: 8 a.m., a 5 p.m.

            7 p.m., a 8 p.m.

            Ke kono ia aku nei na poe a pau he niho eha ko lakou e kipa mai ma ko'a keena, a e loaa no na laapau maikai ana me ka uku haahaa.

            KAUKA M. ASAHINA

            Honolulu, Oct 9. 1902

 

HOOLAHA WAAPA LOAA

            Ke hoolaha ia aku nei ua loaa kekahi waapa kao i ka poe kilipaki lawaia malalo o ke awa o Puuloa i ka Poalua iho nei a eia ke malama ia nei ma Waiakamilo, ke kauohaia aku nei ka mea nona keia waapa @ kii koke mai, m ka uku pu mai i ka hoolilo hoolaha me ka uku o ka loaa ana o keia waapa. Ina aole e kii koke mai a hala na la he umikumamalima e i lo loa keia waapa i ka mea nana i loaa. Ina e makemake e ike e ninau i ka makeke pakaukau a Kaliu.

            Owau no me ka oiaio.

            TINAUA,

            Waiakamilo, Nov. 20, 1902.

 

Allen me Robinson

            He mau mea kuai Papa, Na Lako Kukulu Hale, peua ame Aila a pela pu no hoi me ka Nanahu.

            Keena Hana ma Alanu Moiwahine.