Ke Aloha Aina, Volume VIII, Number 47, 22 November 1902 — Page 7

KE ALOHA AINA, PAONO, NOVEMABA 22 1902.

 

MOOLELO HOONI PUUWAI

:NO KE: KAKELA LAFODA

:KA: Ipuka o ke Kuewa me ka Aea.

:KA: Pua Lilia Ahiu o Sanadela.

MOKUNA XXX.

NA LA HOPE O KA MOI KALE -- MOE ILOKO O KA MALUHIA -- KA HAKU LANAFOKA -- KA HOPENA.

 

            He kanaha-kumamawalu wale no makahiki o ka Moi Kale i kela wa, alaila e hoomano iho, aole no oia i alu'a iho, aka, ma ka nana a kilo ana aku i kona oiwi kino me he mea ala aia oia i na la kanikoo o ke kanawalu a oi o ke kau mohala pua. O na helehelena ulu mahiehie o ka hoihoi, ua hekauia iho ia e na nanaina luuluu a kauma ha, a o ke kulana kilakila a haaheo o na la i hala, ua hooliloia i hapau ea i kokoke mai kona mau ia hope. Ma na huakai holoholo a ke alii e hoohala nei ma ke kua o na lio, ua hooala mai ia ina hoomanao ana o na la i hala, a oia kana i huli ae ai maluna o kona kenerala a alakai nui o na pualikaua aina a hoomanao me keia mau olelo.

            E kuu Haku: O ko'u mau la i koe ma keia, ola honua ana, ke ike nei au ua kokoke mai no ia i ka ho pena e hoi aku ai au e moe pu me ko'u mau poe kupuna. Aka, o na hoomano ana ae no na kahuakaua i hala, aole loa ia e poina ia'u. O ko'u mau la o ka noho moi ana no iwakalua makahiki, he mau la ia i kahakahaia me na moolelo weliweli o na hana hookahe koko, a mailoko mai oia mau makahiki loihi, aia he iwakalua mau makahiki a Kale Ku aka nei i noho aie ia oe no kona nohoalii. Ua hoohalike mai kau hana no'u me he la owau kou hanau mua ponoi, ua paio mai oe no ko'u pono a ua hakoko hoi no ko'u nohoalii, ana, he koko anei kekahi o ka hale o Kuaka iloko o'u? Aole loa!

            O ka puuwai aloha alii iloko ou oia wale no ka mea nana i hookikina ina manao koa o ka wiwo ole e ku ae oe a paio no ka hanohano 'o na mamo o ka hale o Kuaka, a ina aole i moe aku ka'u moiwahine i minamina nui ai me ka hoonele pu mai hoi ia'u me ka hooilina ole ina la i keia la eia no Kale Kuaka iloko o kona kulana o na la opio. Aka, ua make aku oia a ua make a kanuia kuu puuwai me ia a ke kali nei au no ko'u hopena a hoea mai, i hele aku ai au e huipu me ia. A e kuu Haku, wahi a n@ olelo hope a ua moi nei me ka lalau ana mai i ka limi o ka Haku Lanafoda a pu @ iho la, alaila hiolo iho la kona mau waimaka. Ke aie nui nei o Kale Kuaka ia oe, aka, o kona Hoku Alii e lilo no la i hoilina na'u ia oe he hoike no na manao aloha o ka hilinai ana o ka moi.

            Me keia mau olelo a ka moi ua wehe ae la ia i ka hoku alii o ka hale o Kuaka e kau mai ana hoi ma kona umauma, a omau mai la ma ka umauma o ka Haku Lanafoda, alaila huli ae ia ia maluna o ka Lede Lanafoda a hoomanao i keia mau olelo.

            E kuu Lede, a like me ko'u aie ana i kau kane ka Haku Lanafoda o Potugala, he hoomanao ana no ko'u moiwahine i kailiia e ka make, a e loaa pu hoi ka hanohano o na hoomanaoia ana ma ko olua mau puuwai no ko olua mau moi. Iloko o ko'u mau la aea o ke kuewa. Ooe ko'u hoopakele, a ina aole ia mau hana lokomaikai au i keia la aole au e noho moi hou ma ke kaluanu o ko'u mau kupuna, a aole hoi e loaa ia'u keia mau makahiki. Aka nae, ua kokoke mai na la e kaheaia mau ai au e waiho a haalele i na hana o ke aupuni honua nei, a o ka olua mau hana aloha alii oiaio, e lawe pu aku ana au ia mea me a'u ma keia ao.

            Alaila, ma keia wahi iho la i huli ae ai ka huakai alii a hoi no ka halealii, a ia lakou i komo aku ai no ka puka pa, ua huki ia ae la ka hae moi iluna, a lohe ia aku la ka leo o ka Lede Lanafoda e hoopuka ae ana i kana mau kanaenae -- Kuu Hae Aloha -- a ua lilo hoi ia mau olelo a ua poe ala i hoopuka ae ai i leo haawi kauoha e kauoha ia ai na ukali o ka moi e wehe ae i ko lakou mau papale no ka hoomaikai aloha ana no kela hae, ka hae hoi a ko lakou mau kupuna i haaheo ai no na keneturia makahiki i hala aku, ua hosana puia ae ke mele lahui Pelekane no ka hoonani a hoomaikai ana i ka moi, a ua ku iho ka huakai alii a kali no ka hopena o kela mele lahui kaulana loa. Malu na o na helehelena o ka moi i ka wa e mele ana o kela mele lahui ua hoike mai ia ina haawina a pau o ka ehaeha a me ka luuluu i wailiia me na nanaina o ke aloha a me ka makee.  Aka, e mau ana anei ia mau hiohiona me ua moi ala? Aole! no ka mea, eia kona mau la i ka hopena ua kokoke

            E like me ka hekau mau ana o na haawina luuluu maluna o ka moi, pela no hoi kona kino i emi mau iho ai, a i ka 1685 make a moe iho la ia iloko o ka malahia i ke kana lima a oi iki o kona mau makahiki, a i ka iwakalua-kumamalima hoi o na makahiki o kona nohoalii a hoo ponopono aupuni ana, a oiai he moi oia i nele me ka hooilina ole no kona nohoalii, nolaila, maka lokah@ ana o na hoa hanohano o ka aha mana @ooko, ua kohoia ke Keikialii Duke o Ioka i moi, a ua pii ae ua Duke ala e pani i ka makalua i hoo hakahakaia o ka nohoalii, a o ka Moi Kemi elua o ka hale o Kuaka.

            Ua holo ae ka lono kaumaha a puni ka aina no ka make ana o ka Moi Kale Kuaka, a ua kanikau iho ka lahui no na la he kanaono, a o ka Haku Kipili ua kohoia oia i Kahu aupuni no ka manawa a hiki i ka wa e koho ia ai ka moi hou, oiai kela mau la a ke aupuni a me ka lahui e makena kaumaha ana no ko lakou moi make i aloha la. Ua hoo kuu akea ia na kuea @lii no ka lehu lehu'e ike ana i ke kino lepo o ko lakou moi, a o ka hanohano a me ka maluhia o ke kino lepo o ke alii, aia no ia malalo o ka mana hoomalu o na koa e ku kiai ana i ka po a me ke ao.

            Ua uhiia ka halealii holokoa me ka eleele o ke kanikau, a o ka hae moi aloha o ua lahui ala, aia ia i hapalua like o ka pahu hae. O na keena poo'oinana aupuni a pau a me ke kulanakauhale holookoa o Ladana ua p@a like lakou i ke kani kau, a maloko o na paia anoano a @ehia o na luakini e ikeia ana no ia mau ano.

            Maluna o ko lakou mau owai hemolele o ka manaoio, ua puanaia mai na leo hoalohaloha no ka moi make imua o ke anaina kanaka nui i akoakoa ae, a maloko o na leo pule a na kahuna o ka aahu loihi, ua kahea ia ke oluolu a me ka lokomai kai hoano loa o na mana lani e hui kala mai ina he mau hewa kekahi a ka moi make i hana ai, a e hoo kipa aku hoi i kona uhane iloko o ka maha mau loa.

            Ua hala ae na la o ke kanikau ana o ka lahui, ua hoihoiia ke kino lepo o ke alii i kona wahi mau iloko o ka hanohano nui. E nakolokolo ana ka leo o na pukuniahi i kela a me keia minute, a i ka pau ana o na hana hoihoi ka lepo i ka lepo, ua hookoia na mea a pau no ke koho ana i moi e pani ma ka hakahaka o ka nohoalii i hooneleia i ka hooilina alii ole.

            A oiai, iloko wale no o hookahi makahiki a oi o ka noho moi ana o kela Duke o Ioka, ua hahaki iho la oia i kana hoohiki e lawelawe a e hooko ana i ka pomaikai holomua o ka aina, emoole lohe ia ae la ka leo hoahewa o ka lahui e kue ana iaia, a e kahea ana i ke Keikialii Wiliama i moi no lakou. Nolaila, ma ka loko maikai o ka lahui Pelekane a me ke Akua, ua kohoia ke keikialii i moi nana i alako mai i ke kue a me ka mokuahana iloko o ka hale o Kuaka, e hoopokole ia ai na la o ka noho moi ana o Kemi i ekolu wale no makahiki a make iho la ia, a pii ae la o Wiliama i moi e like me ka makemake o ka lahui.

            Nolaila, i ka wa i poha ae ai keia kuee a me ka mokuahana mawaena io ka aoao aupuni a me ka lahui e weheia ai ka poka mua loa o ke kukala kaua, ua waiho a haalele aku ka Haku o Lanafoda i kona kulana alihikaua, a nele iho la ka pualikaua aupuni me ke alakai ole, ua nui na noi a me na aua ana a ka moi no ka Haku Lanafoda e paa i kela kuana me ka haalele ole, aka, o ka olelo pale ma ka aoao o ka Haku Kuewa -- He mea menemene a mina mina nui nana, ke komo ana aku iloko o na kuee a mokuahana o ka makua a me ke keiki ma ka huli kue ana aku o kahi i kahi.

            Alaila, aole anei oe e hapai ana i kau pahikaua a kue aku no ka hanohano o ka hae kahiko aloha! wahi a ka moi.

            E hapai ana no au i ka'u pahikaua a oniu imua o kela a me keia enemi e hoino a e hoohaahaa ana i kuu Hae Aloha, aka, i ka hoopaa ana ia'u iho ano no ka hooko ana i ua hana aia, e ae mai ia'u e olelo ae e kuu moi, aole loa au e lilo i kipi a i kumakaia no ua hae aloha ala o'u, no ka mea, o keia hae hookahi no ka kela a me keia e hako@o nei. Malalo o kou hanau mua, ua ku ae au a makee no kona haaheo e hoao ia ana e hoohaahaa e ka enemi, a ooe ka hoike nui no na kahua kaua a pau a'u i haawi aku ai i ka'u mau hoopakele ana. I keia la, @e ku nei oe a hakoko no ua hae nei, a keia la no hoi ke ku mai la kela aoao a hakoko no ua hae hookahi aia no, alaika, heaha kela a me keia aupuni or Europa e nema mai ai? E hoopuka no lakou me ka leo hooho lokahi he haunaele kana, a kipi ku loko ko kakau, alaila ia wa e kuniia ai ka lae o kela a me keia Pelekane he kipi i kona hae. Nolaila, e @@ alii, ke waiho nei au i ka hana me ka manao maikai, a na ke Akua e kokua mai i ka hale o Kuaka.

            O keia na olelo a ka Haku Lanafoda, e huikala ana iaia iho mai @o na lilo hou ana i alakai no na koa aupuni, a ua hoopuiwa loa ia ka moi iaia i lohe ai, aka, ma na manao minamina o ka moi ua hiki hou ole iaia ke kamailio mai, a i ka manawa i holo ae ai o ka lohe ua waiho a haalele iho ua Haku Kuaka nei i kana kalana oihana, ua kahea ko@e ia mai la oia e ka aoao Lahui e lilo aku i alakai no ko lakou aoao. Aka, e like me kana pane imua o ka moi pela no oia i waiho aku ai i kana pane, a o ka hopena i ikeia mahope iho o kona waiho i ka oihana, ua huli hoi aku oia a me kana lede no ko laua home kakela e ku ana iloko o ka malu uliuli o na lau laau.

            Ua hala i ka make mahope iho o ka hoihoi moi ana na haku aoo o Lanafoda, alaila, o ka laua keiki hookahi wale iho no ka hooilina me@iuna o ko laua mau waiwai apau, a nana a me kana mau pua aku paha e uhauha a e lu ua waiwai ala aka, he haku hoomakaulii a aipaki ko keai haku hope o Lanafoda. Ua nui ka waiwai ia laua, a o na loaa makahiki mailoko mai o na aina holoholona a me na mahin@ mo mona o Semafila, aia no ia ma kahi o aneane o haneri tausani pauna ma ka helu dala Pelekane, alaila, he mau moi laua o ka waiwai a me ke dala, a ke ai nei laua i ka momo na i hoomakaulii ia e na makua.