Ke Aloha Aina, Volume VIII, Number 47, 22 November 1902 — Page 6

KE ALOHA AINA.  POAONO,  NOVEMABA 22, 1902.

6

 

AHEWAIA O KIMO BOE ME B. H. WRIGHT.

 

            Ma ke kakahika Poakolu nei i waiho aku ai ke kiure niele i ka lakou hoike piha imua o Lunakanawai Kaapuni De Bolt e pili ana no Kimo Boe, e ahewa ana iaia no ka hewa ap@ka i kekahi mau dala o ke aupuni i hiki aku ka nui ma kahi o $4,100.  Mahope koke iho o ka waiho ana aku o ke kiure i ka lakou hoike imua o Lunakanawai De Bolt, ua hoopuka kokeia he palapala h@pu no Kimo Boe.  He elima mau manawa like ole ana i lawe ai i ke dala ma ke ano apuka, penei: 

Iulai 7, 1899   $1,600.

Mei 12, 1901 50.

Iune 25, 1901  500.

Maraki 27, 1902          200.

Iune 18, 1902             1,650

Huina  $4,100.

            Ua waiho pu aku ke kiure i na ahewa ana ia B. H. Wright, ke Kakauolelo Kiekie a Kimo Boe, no elua manawa like ole ana i lawe ai i ke dala o ke aupuni me ke kuleana ole, penei:

Augate 25, 1902         $3,289.53

Sepatemaba 6, 1902    4,982.10

Huina  $8,271.60

            O keia mau dala i laweia ai e Komo Boe, ua olelo ia he mau dala ia i ukuia iaia no kekahi mau aina aupuni i kuai a i hoolimalima.  Mahope o ka waiho ana o ke kiure i ka lakou hoike no ka @@@ia o Kimo Boe a me B. H. Wright, ua hoopuka koke ia he palapala hop@ no Kimo Boe e Lunakanawai De Bolt, no ke apu ka i kela mau tausani dala i hoikeia ae la maluna, ma @a auina la no @a p@@ aku la oia i ka hopu ia e Makai Nui Baraunu, ma ka hora 3 ua hoea aku la o Kimo Boe me H@mepera kona loio imua e Lunakanawai De Bolt, a ninau @o ka @ona.  O ka pane a Hope Loio Kuhina Do@thitt, o kela $3,000 bon@ i nanaia mamua aku nei no ka hoopaa wale ana no ia Kimo Boe e hoea ae imua o ke kiure niele, aka, aole nae keia bona i hana pu ia no kona hoea ana imua o ka Aha.  He ekolu mau hihia o ka mea i hoop@@ia e hiki ai oia ke papalima ia iho kona hoopai a e noho ai hoi oia ma Kawa a pau ke ola, malalo o na kanawai e hoakaka ana ia hihia, nolaila, ma ko ka @olo Kuhina manao aole he nui o kela bona o $10,000 ke hooka@ia aku maluna o Boe. 

            O ko Humepera manao aole ana mau k@@ no keia bona.  Ua haawi mai o Lunakanawai De Bolt i kana olelo hooholo e kau ana i ka bona o $10,000 maluna o Boe, a e hook@@ia ka mea i hoopii ia i ka wa e loaa ai o ka poe nana oia e bona, malalo o ke kia@ ana a Hope Makai Nui Albert McGurn, ua hele aku la o Boe e huli i poe nana oia e bona.  Iloko o hookahi hora ua hoea hou aku la o Boe imua o Lanakanawai De Bolt, a hoike aku la i na inoa o ka poe nana oia e noho bona, oia E. C. Winston, L . L. McCandless, John F. Bowler a me W. H. Cornwell, a ua aponoia keia mau inoa i mau hope nona me ka hookuuia mawaho nei a hiki i ka wa hookolokolo. 

 

AHEWA KE KIURE IA PUUKU WRIGHT.

 

            Imua o Lunakanawai De Bolt o ka Aha Kaapuni i waiho aku ai ka aha kiure niele i ka lakou hoike piha e pili ana no ka hihia apuka o W. H. Wright, ka Puuku o ke aupuni i puhalahio aku ai i Amerika Huipuia, e haawi ana i ka lakou olelo hooholo, oia hoi, mahope o ko lakou noii ana me ke akahele ua loaa aku la ia aha ua lawe io no o Wright i kekahi p@@ dala o ke aupuni i hiki aku ma kahi o $17,949.91 ma ke ano apuka me kona ike no aole nana ia mau dala, aole no hoi i ae aku ke aupuni e lawe ia keia mau dala mai kona waihona aku.  Nolaila, ua kau aku la ka hewa apuka maluna o Wright i keia wa a he kanaka hoi oia na ke kanawai i kona wa e loaa aku ai.

            Ma ka hihia o Nigel Jackson ua haawi mai ke ki@re i kana olelo hooholo e ahewa ana ia Jackson no ka hewa puhi ahi ma ke degere ekahi.  O ka nui o na hihia karaima i hoopai ia e ka aha kiure niele mai kona noho ana a hiki i ka Poalua nei he kanakolu, aole no i pau na hihia karaima i ka hoolohe ia. 

 

KE KOKOKE MAI NEI NA LA HOPE O KO LAKOU OLA ANA.

 

            Aia maloko o ka halepaahao o Kawa e kali nei he eha mau pepehi kanaka no ko lakou la e make ai maluna o ka @mana @@ kanaka.  O ke kanaka mua i maopopo kona la e make ai oia no o Tanahara ke Iapana i lawe ai i ke ola o Kapena Jacobsen ma ka moana.  O kona wa e make ai ma ka la 26 no ia o Dekemaba, a o na poe mawaho ae ona oia o Kimura, i pepehi ai i kekahi wahine Iapana malalo o Waialua; Yoshikawa De@igiro, ka Iapana pepehi kanaka o Kauai a me G@o.  Ferries ka haole nana i hou i ka pahi a make o Watson ma kai o Kakaako.  O na lako a pau o ka li ana i keia mau kanaka eia ia k@ waiho nei me ka makaukau maloko o Kawa no ko lakou wa i makemake ia ai.  Aole he nui o na poe e ae ia ana e makaikai i ka make ana o keia mau pio a ke kanawai, aka, he mau luna aupuni kakaikahi, na kauka na poe kakau nupepa a me kekahi poe i kono ia e Ilamuk@ Amerika Hend@y.

            Iwaena o na poe i ahewa ia e make he hookahi o lakou i hoike mai i kona kulana nawaliwali no keia hoopai weliweli e kau aku ana oia o George Ferries.  O ka poe lawehala a pau aia lakou ma kahi kokoke loa o kahi i kahi, aka aole nae lakou i ae ia e kamailio aku kahi i kahi. 

            Me keia poe eha e kali nei no ko lakou hopena eia hou aku no he elua kane a me hookahi wahine e kali nei no ko lakou hookolokolo ia no ka hewa pepehi kanaka ma ke degere ekahi. 

 

LOAA HE WAIWAI I UPU MUA OLE IA.

 

            Hiawatha, Kans. Nov. 9.  He leta i kakau ia mai i kekahi nupepa o keia kulanakauhale no ka hoolaha ana e hoike ana i ka make ana o kekahi elemakule ma Seattle, a ua waiho iho ola he waiwai i hiki i ka $1,000,000 no Lizzie Boyce o keia kulanakauhale no ka hana aloha i hoike ia aku o keia kaikamahine iloko o kona wa o ka ehaeha.  O ke kumu i hookomo ia ai o keia leta iloko o ka nupepa ua manao ia ma ia ano e loaa ai keia wahine opio. 

            O Lizzie Boyce, he kaikamahine oia na Elijah Boyce, he kanaka mahiai, e noho koke ana ma Hiawatha nei.  Aole he manaoio o Miss Boyce no keia hoike i lawe ia aku iaia a hiki i kona ike maoli ana i ke dala.  Wahi ana, ke hoomanao nei oia he ehiku makahiki i hala ae nei ua kipa aku he elemakule a me kana luahine ma kahi kokoke i ko lakou home.  E na ana ka elemakule ma o kekahi ma'i ikaika i loaa iaia, ua haawi aku oia i na kokua ana i ka mea pilikia a i ka wa a na elemakule i haalele iho ai iaia ua haawi mai la ke kane i na hoomaikai iaia me ka hoike pu mai e loaa no iaia he hoike e pili ana nona ma kekahi la e hiki mai ana.

 

HOOHANOHANO IA ME KA INOA MAKIUSA.

 

            O Haku Hopeto@@, i kipa mai i Honolulu nei, mahope o kona haalele ana aku i ke kulana kiaaina kenerala no Auseteralia no ka uuku loa o ka uku ola kulana he $50,000 wale no o ka makahiki, i hiki ole ke hoolawa ia kona makemake a pau, oiai, a paa ana ia kulana, ua hookau ia aku la ka inoa hanohano Makuisa o La@lithgow maluna ona o ka Moi Edewad@.

 

HULI KA MOKU O KE KEIKIALII A PAKELE KE OLA.

 

            No hookahi hora a oi ka paio ana o ke Keikialii Kalanianaole a me kona mau hoaloha ekolu me na ale huhu o ka moana mawaho aku o ka boe bele mamua o ko lakou hoopakele ia ana mai ko lakou kulana kupilikii ae e kekahi waapa i hoouna ia aku mai ka hale waapa aku o ka Matala.

            E holo ana ke Keikialii me kona mau hoaloha maluna o kona moku heihei Princess no lalo o Puuloa.  O keia la he la ia a na kikiao makani e pa ana me ka ikaika loa, aka, ua lilo nae ko lakou hiona weliweli i mea ole, a ma ka hora 9 o ua kakahiaka la, ua hiu ae la na pea a kamoe aku la ka nuku o Mamala.  I ka wa o ka moku e holo ana mawaena o ka boe bele a me ka boe peahi ua halawai iho la ka moku me kekahi kikiao makani ikaika loa a mamua o ka hiki ana i kona mau pea ke hoalu ia, ua huli aku la ka moku me ke kiola ana i na mea a pau maluna ona no loko o ke kai. 

            O ka mokukaua Oregona e ku ana mawaho o ka nuku he ekolu hapaha mile wale no kona kaawale mai ka moku kiakahi poino aku, aka, aole nae he wahi kokua i haawi ia mai, aole no hoi he wahi hoailona @ hoike mai ana ua ike na poe o luna o ia moku i keia ulia poino. 

            Na ka poe maluna o ka hale waapa Matala i ike i ka huli ana o ka moku kiakahi a me ka hookaulua ole iho ua holo koke aku @a kekahi o lakou e hoike i na hoahanau Young a hoouna awiwi ia aku la kekahi waapa mokuahi e kii aku e hoopakele i na olulo. 

            I ka wa o ka hoopakele i hiki aku ai e hoolana ana no ke Keikialii Kalanianaole me kona mau hoa ma ka paa ana i ka aoao o ka moku i huli ke alo ilalo.  E ulupa ia ana lakou a e uhi ia ana e na ale a ua ano nawaliwali hoi lakou, aka, ua laki nae aole ola i lilo aku.  Ua hoihoi ia mai na olulo me ko lakou moku poino no loko nei o ke awa.  O ka hoi ana mai no ia o ke Keikialii ma ia wanaao mai kana huakai aku nei i Kauai.

 

KORELA MA PILIPINE.

 

            Manila, Nov. 9.  Eia no ka ma'i korela ke hoomau nei i ka pahola ana ma kekahi mau wahi like ole o Pilipine.  O ka nui o na ma'i a pau i hoike ia mai he 105,000, a o ka nui o na make he 78,000.