Ke Aloha Aina, Volume VIII, Number 47, 22 Nowemapa 1902 — Page 3

KE ALOHA AINA

 

HOOKUI HE PAKE ME KE KAAAHI.

 

            Ma ka auina la Pakahi nei, oiai, ke kaaahi lawe ukane e huli hoi mai ana no ke kulanakuahale nei mai lalo mai o Honouliuli ua hookui iho la me ia he Pake ma Kalauwao.

            Ma ka hoike a na poe o luna o ke kaaahi e holo ana ke kaa me ka mama nui a i ka hiki ana o ke kaaahi ma kahi i hoike ia ae la na ike ia aku la he Pake e hoao ana e holo ma kekahi aoao o ke alahao, oiai, ke kaaahi he 15 kapuai wale no ka manao mai iaia aku. Ua loaa koke aku ka Pake i ka palau o ke kaa a kiola ia aku la ma ka aoao o ke alahao me ka hookui ana aku o kona poo iluna o na pohaku e waiho ana ma ka aoao.

            Ua hoopaa koke ia ka holo o ka kaaahi a haawi koke ia aku la na kokua i ka mea poino e waiho maule ana me ka lawe ia ana mai no ka lapaau ia ana ma Honolulu nei. Ma ka hoea ana ma ka haukipila ua nana koke ia kona wahi i poino e na kauka Kupa a me McDonald. O ka ike a na kauka na hana kona puniu poo, a e kamau ana no ka hanu ola iloko ona.

            Ma ka hoike a na poe o luna o ke kaaahi ua ike ia aole lakou i hewa, aka, he ulia keia i hiki ole ia lakou ke pale ae.  O ke ano mau iho la no keia o na Pake aole o lakou noonoo nua e hoopakele i ko lakou ola, oiai, lakou e hele ana ma na alanui a ma na wahi pilikia e ae, aka, aia no a kokoke ka poino alila hoao e hoopakele ke ola, i kahi ua wa haiki ka manawa, a o ka hopena o ko lakou kino no ka luahi.

 

HOOPAI IA O BENI HAAHEO

 

            Ma ka Poakahi nei i hooloheia ai ka hihia hoeha me ka mea make o Beni Haaheo, maluna o Mrs. Becky Houghtailing imua o Lunakanawai De Bolt. Ua hoole o Mrs. Houghtailing  i ka hoopai ia ana o Haaheo, me kona noi aku ia De Bolt e hookuuia ka mea i hoopi ia a e uhuhi hou mai oia i kana hoopii. O ka pane i waihoia mai hihia keia mawaena o ke aupuni a me ka mea i hoopii ia, nolaila, aole he mea hiki iaia a i ole i ka Aha ke hoopau wale i keia hihia. he nui na manawa a Becky Houghtailing i hoao ai e hoo ialau i kana hoike ana, aka, ua hiki ole nae iaia ke hana peia oiai kana mau olelo ike ma ka Aha Hookolokolo Apana, ua lawe ia aku imua oia aha me na hana weliweli a pau a Haaheo i lawelawe ai.

            I ka apu ana o na hoike ua a'o mai ka Lunakanawai i na kiure e ka pae ae lakou i ka manao o ka wahine e hoao ana e hoopakele i ka mea  i hoopii ia, a e lawe aku hoi lakou a noonoo i ka hewa a me ka ole o ka mea i hoopii ia. Mahope ole o ka mea i hoopii ia. Mahope o ka a'o ana a ka Iunakanawai ua komo aku ia na kiure iloko o ka rumi, a i ko lakou puka ana mai ua haawi mai ia lakou i ka lakou olelo hooholo e ahewa ana i ka mea i hoopii ia no ka hoeha ana ia Becky Houghtailing me kekahi mea make. E like me ka ahewa ana a ke kiure pela i hookau aku ai o Lunakanawai De Bolt i kana hoopai, e noho o Beni Haaheo maki o Kawa no umi kumamawalu mahina.

 

NA KA LILI I KONO MAI E LAWE I KE OLA O KANE KANA.

 

            Ma ka hoea ana mai la o ka mokuahi Kalaudina, ua lawe mai la oia i na hoike piha e pili ana i ke kumu i make ai o Kapena Andrews oia hoi, i hanai maoli ia no oia e kana wahine i ka laau make ma ke kakahiaka Poaono. Mahope o ko laua hoohaia ana i ka po mamua iho iloko o na papa-leo oolea, ua haalele  iho la ke kane i ko laua home a hele aku la me kekahi wahine okoa aku. I ka hoi ana mai o andrews i kauhale i kona paina kakahiaka ma ia kakahiaka Poaono, oia no ka wa o Mrs. Andrews i hookomo ai i ka laau make iloko o ke kope. Aole i nui ke kope a Andrews i inu ai, no ka mea, ua hoomaopopo iho la oia i ka mulea o ke kope. I ka pau ana o kona paina kakahiaka ua hele aku ia oia i ka hana, aka aole oia i hiki aku ilaila ua hoomaka mai la oia e loaa i kekahi ma'i ikaika loa. ua lawe koke ia oia no ka haukipila, me ka haawi ia o na lapaau ikaika ana iaia, aka, ua ikaika nae ka umii ana a ka make a lele loa ae la kona hanu ma ia kakahiaka. Imua o ka aha korone ro ua hoike aku o Mrs. Andrews nana i hana i keia laau make iloko o ka mea ai a kana kane, a ua ulu mai keia hana mamuli o kona lili i na hana a kana kane. Ua waihoia aku la ka hihia o Mrs. Andrews i ke kiure.

 

MAKEMAKE E HELU HOU IA NA BALOTA.

 

            He hoopii kai hana ia e na luna hooikaiaka o ka aoao Repubalika o Hilo no ka helu hou ana i na balota o ka mahele koho o Puna, wahi a lakou aole i pololei ka ka helu ia ana o ka balota, a ina i helu pono ia ina ua puka ka o Kiwini a me kekahi mau moho lunamakaainana e ae. Ma ka hoea ana mai o ka mukuahi Kalaudina ua hoea pu mai o Kiwini maluna ona, ma kana hoike aole oia kekahi i komo iloko o keia mau hana kue a na Repubalika e helu hou ia na balota o ka mahele o Puna.

 

KUAI HOEMI NUI OIKELAKELA

NO HOOKAHI PULE WALE NO

E hoomaka ana Poakahi, Nov. 24.

MAKAHI O

N. S. SACHS DRY GOODS CO.

Kihi Alahui Papu me Beretanai.

 

HE EIWA MAU KUMUKUAI LIKE OLE.

            1. Pale Pakaukau Liliha Damask Keokeo 2 ia laula 60@  o ka ia.

            2. Pale Pakaukau Lilina Ulaula me Bolu 50c o ka ia.

            3. Tawela Keokeo he 5c o ka ia.

            4. Halii Moe i paa mua no na moe nuni i 50c pakahi.

            5. Pale Uluna paa mua 42x36 elua 25c.

            6. Uhimoe laula nui $1.75 pakahi.

            7. Huluhulu Moe Keokeo, Ahiehie me Ulaula 85c o ka paa.

            8. Halii Moe Keokeo 25c o ka ia.

            9. Keokeo Farwell hookahi ia laula 12 ia $1.00.

 

E Makaala i ka Makou Hoolaha Karisimaka ma Keia mua iho.

 

N. S. SACHS DRY GOODS Co.

 

KII PAANI! KII PAANI!

Ma Ke Alo Ulaula.

 

Kihi a Alanui Nuuanu a me Moiwahine. Honolulu.

 

            E loaa no na Kii Paaui Karisimaka Nani mai ka 5 keneta a pii aku. E loaa pu no ma ko makou halekuai na Lole Aahu o na Kane Papale, Kamaa me ka emi loa. Pela me na lako hele ua. Nolaila, mai poina i ke kipa mai i ko makou halekuai.

 

Ke Alo Ulaula.

Kihi Alanui Nuuanu & Moiwahin

 

Ka Hui Hoolewa o Honolulu.

 

            KE KOMO ANA ILOKO O KA HUI.

            He elua papa o na iaia, oia hoi ka Papa A. No lakou ke kokua e like me $100.oo a me ka Papa B. Nona ke kokua he $50.00; -- E hiki no i kela a me keia mea i loaa ke ola kino kupono mawaena o na makahiki hookai a me kanahiku (koe na kanaka o ka Hikina) ma ka uku ana i ka uku komo he hookani dala ($1.00) me hapalua ma ka Papa A. a he hapalua (50c) dala maloko o ka Papa B.

            AOLE HE uku ku mau ma ia hope mai, aka, i@a lua lawa ole na dala i kela a me keia lala o ka papa, a o na lala, o ka Papa B. ma ka hapalua.

HONOLULU MUTUAL ASSOCIATION.

            KA MANAO O KEKAHI POE

            E na mea i mahaloia:--Ua hoo makaukau ko oukou Hui nokela a me keia lala he hoolewa kupono ma ka uku haahaa loa, a ua hoomama ia na mea apua i makaukau ole ina manawa apua,

            Me ka mahalo,

            KA MAKUA H. VAENTIN

            E na mea i mahaloia: --Ke haawi oluolu aku nei i kuu apono i ka Honolulu Mutual Burial manao a ke manaoio nei au he mea e pomaikai ai na kanaka.

            "Kakauinoala" H. H. PARKER.

            E kipa mai ke Keena o Ke Kakau olelo, Helu 393. Kihi o na Alapui Beretania a me Miller. Telepona Blue 571.

 

Olelo Hoolaha.

 

            O ka Hale Hana Kupapau ED. A WILLIAMS ua nee aku no ke kihi o ke alanui Beritania a me ke alanui Mila me ka Hui Hana Kupapau Townsend. Aole ona kuleana me ka hale kupapau e lawelaweia nei e Mrs. Williams a i ole e Mr. Fred Weed o ke alanui Papa. O na hana pili kupapau a pau no keia au hou me ka emi pu o ka auhau. He kaa kupapau hou a ua lako piha me ka oihana hana kupapau maloko nei o ke Teritori.

 

HOOLAHA HOOKO MORAKI

 

HOOLAHA KUAI A KA MEA PAA MORAKI

 

            Ke hoolaha ia aku nei ma keia no ka hooko ana aku i ka mana hoolilo o kekahi moraki i hana ia ma ka la 30 o Sepatemaba, 1901, e Tom Lum, Pan Lum Man Gem, Tom Mon@ Sun Wo a me Chock Wa, no Honolulu, Mokupuni o Oahu, Teritori o Hawaii nei, lakou a pau, aoao mua ia Andrew Dempster o Lihue, mokupuni o Kauai, Teritori o Hawaii i oleloia, aoao elua, a i hoopaaia ma ke Keena Kope Aupuni, Oahu. buke 236, aoao 434-6, ke manao nei ka aoao elua e hooko i ua moraki ala i oleloia no ka hahakiia o ka aelike, oia ka uku ole ia o ke kumupaa a me ka ukupanee i ko laua wa uku.

            Ke hoolaha hou ia aku nei ma keia o ka waiwai i hoakaka, kuai, a hoolilo ia ma ua moraki ala e kuai kudala ia ana, ma ke keen kudala o James F. Morgan, Alanui Moiwahine, Honolulu, Poaono, la 29 o Novemaba, 1902 hora 12 awakea.

NA WAIWAI I HOAKAKA IA MA KA MORAKI.

            Oia keia aelike hoolimalima i hanaia ma ka la 1 o mei, 1900, mawaena o Hattie K. Vivichases o Honolulu ma ke ano mea hoolimalima a me Tom Lum, Pang Lum, Man Gem. Sun Wo a me Check Wa mua paa hoolimalima no ka manawa o 20 makahiki mai ka la 1 aku o Iune, 1900, ma ia e haawi ana i na pono, inoa a me ke kuleana a pau o ka aina i na mea paa hoolimalima ma kela apana a i ole mahele o ka aina e waiho ana ma Kapalama, Honolulu i oleloia, maloko oia ua hoakaka ia e hookuu pu ia me na wawai a pau.

            ANDREW DEMPSTER,

            Mea Paa Moraki.

            Kuike ke dala ma ke gula Amerika; lilo palapala kuai ma ka aoao o ka mea kuai. No na mea i koe e ninau ia Holmes me Stanley, na leio o ka mea paa moraki.

            Honolulu, Okatoba 11, 1902