Ke Aloha Aina, Volume VIII, Number 46, 15 November 1902 — Page 6

KE ALOHA AINA

POAONO, NOVEMABA 15, 1902.

 

KOMO O AUKINA ILOKO O KONA KEENA ME KA IKE OLE O KA MAKAI.

 

            Ma o ka maopopo ole ia makai Muliet@er ka helehelena o aukina ka Luna hooia o ka Aupuni, i kipaku ia mai kona keena aku e Kiaaina Dole, a nona hoi na maki i hoonohoia no ke kiai ana iaia mai kona komo hou ana aku iloko o kona keena, no ia kumu ua komo maalahi aku o Aukina iloko o ua keena ala ona i hookapuia ai a lawe mai la i kekahi mau palapala ana i olelo ae ai nona ponoi ia mau waiwai. O ka moolelo o ke komo ana aku o Aukina iloko o kona keena me ka ike ole ia, penei no ia: He mau la pokole i hala ae nei he elua mau makai i hoonoho ia ma ke Kapitala he hookahi no ke kiai ana i ke Keena Luna Hooia no ke kua ana mai ia Aukina i kona komo hou ana aku, a he hookahi no ke kiai ana i ke Keena o na Hana Hou no ke kue ana kau ia Kimo Boe.

            Ma ka Poalua nei ua lawe ia mai la na hihia o Aukina a me Kimo boe e hoolohe maloko o ke kiure niele, a no ia kumu ua hoemiia iho ka ikaika kiai ma ke Kapitala i ka hookahi makai. O Mulietner ka makai e kiai ana i ka wa a Aukina i komo mai ai ma ka puka komo makai o ke Kapitala, mamuli o ka lilo o ka makai i ka heluhelu nupepa, nolaila, aole oia i nana pono mai i keia kanaka e komo aku nei, ke kuleana hoi o kona hoonoho ia ana malaila. Ua ike no oia ia Aukina i ka pii ana iluna aka, aole nae oia i hoao e kue aku iaia, ua komo aku o aukina iloko o ke Keena Hooia a hele loa aku la ma kekahi keena mahope kahi o kekahi mau palapala waiwai nui ana i makemake ai e loaa.

            I keia wa aole o Luna Hooia Kuikawa Meyer maloko o ke keena, oiai oia ua kaawale ma ke ano he hoike no ka hihia o B.H. Wright imua o ke kiure niele. He umi minute o ke kuekaa ana o Aukina i ke Keena Hooia mamua o ka loaa ana aku i ka maki kiai ka lohe, aia ke kanaka i hoonohoia ai oia e kiai ke nou ala i kekahi mau palapala maloko o ke keena i hoikeia ae la, me ka hikilele nui ua holo koke aku la o Mulietner a haawi aku la i ke kauoha a ka Makai nui ia Aukina e kaiehu ana iaia mailoko aku oia keena.

            Ua ae aku o Aukina i keia kauoha a ka makai, aka, ua lawe pu mai nae oia he mau palapala ana i hoike ae ai nona poni ia mau waiwai. He nui ka pioo  i ikeia ma ke Kapitala ia mau minute i keia mau hana a Aukina. O ka hopena i loaa i ka makai no kona hemahema ana i kana lawehala, ua kauohaia oia e hoi aku i ka halewai a ua hoouna houia mai he makai no ke pani ana iaia. O ke pale a ka makai ma kona aoaoa aole oia i ike ia Aukina mamua aku, o na hiena nae o keia kanaka i haawi ia aku iaia he kanaka poupou o Aukina a he umiumi keokeo kona, ua ike no oia i ke komo ana mai o Aukina, a oiai aohe he wahie hiona i kulike me ke kanaka ana e kiai makaala ana, nolaila, ua hookuu aku la oia ia Aukina e hele ma kona alahele me ke keakea ole aku.

 

NUI KA HAUNAELE MA HAUULA.

 

            Ua loaa mai kekahi hoike haunaele ma Hauula, Koolauloa, Oahu nei, i malamaia ma ka la koho balota iho nei, nana i kono mai i ka Makai Nui Baraunu e hoouna aku i kona Hope no ka kuli pono ana i ka oiaio. Wahi a na lono i loaa mai i ka oihana maikai, mamuli o ka ikeia ana ua koho o Geo. Parker i ka balota Repubalika, nolaila ua nui ka hae o na kanaka iaia. He keiki hoohoi bipi ua kiola aku oia i kana kipuka ili maluna o Parker a kauo aku la iaia, a ua hoopakele ia o Parker e na makai. O na makai ekolu e kiai ana i ka maluhia ma kahi koho balota ua haawi aku lakou ina kokua ana ia Parker,  a ua loaa pu ia lakou he mau palapu mai ka pholima mai o ka poe hooohaunaele.  Ua waiho mai la o Parker he hoopii no ka hopuia ana o ka poe nana i hooweliweli i kona ola ma ka la koho balota.

            O ke kumu nui no nae o keia haunaele i hoea mai ai, mauli no ia o ka ona i ikeia iwaena o kehai poe olaila ma ia la.

 

ENAENA KE AHI A KA WAHINE.

 

            Ma ke telegarapa i loaa mai ai na hoike mai Hilo mai, e hai mai ana i keia kulanakauhalae aia ka luahine Pele ke ho a hou ala i kana mau kapuahi kuni ma kona home lua ma Halemaumau. Ma ka po Poakahi nei i pahu hou ai ka Pele i oi ae kona ikaika mamua o na pele i ikeia iho nei iloko o na makaiki he iwakalua.  aia ke ikeia ala na ia=ahi; O ka papaku o Halemaumau nona ka loa he 600 kapuai he loko ahi ia i keia wa.

            He nui na poe o Honolulu nei i haupu mua, e hoea hou mai ana he mau hoike no kekahi lua pele ma o ka hoi hou ana mai o ka ula nokonoko i ke alaula kakahiaka a me ka liula o ke ahiahi; wahi a ka hoike a kekahi kanaka. Iaʻu e hele ana ma ka hora 6 o k ahiahi o ka Poakahi nei ma alanui Alakea, mawaena o na alanui Beritania a me Hotele, ua hoike mai ka liula i kekahi mea aʻu i ike mua ole ai, oia hoi, ma na wahi a pau a koʻu mau maka e haule aku ai mai na hale a na kumu laau me he mea ala ua pena ia lakou iloko o ka waihooluu ulaula. Ua ika mau au i keia mau hiona ula o ke ahiahi, aka, aole nae he oi aku o ko lakou nani i ko keia.

 

AOLE I MAOPOPO KE KAKAU OLELO.

 

            Maloko o ka nupepa Hoku o ka Poalua nei ua hoopuka ia ae la na olelo a ke Keikialii Kalanianaole, penei: Ua ninau ia mai au ina paha e holo koke aku ana i Wasinetona, a owai la kaʻu i koho ai i Kakauolelo naʻu? Aole au i hoolalal i keia wa i koʻu wa e hiki aku ai i Wasinetona mamua paha, a i ole mahope paha o ka wehe ana o ka Ahaolelo. O ka mea mapopo no nae aole au e holo koke aku ana.

            Eia no ka nui o o na hana maanei e lawelawe ia ai no ka hooponopono ana i ko kakou mau makemake a me kahi e hiki ai e loaa.  O na ninau a pau he koikoi wale no e hiki ole ai ke lawelawe pupuahulu ia. O koʻu manaoio o ka onou aku aku i ko kakou mau pilikia a pau i ka Ahaolelo Nui, aka, aole oʻu makemake e hoopau manawa wale ia ma ke alahele huhewa. Aole au i koho i kaʻu kakauolelo i keia wa ma koʻu hoomaopopo iho he nui ka wa i koe no ia mau hana e lawelawe aku ai.

 

MOIWAHINE LILIUOKALANI NO WASINETONA.

 

            Maluna o ka mokuahi ventura i hala aku la no Kapalakiko i haalele hou iho ai o Kalani Aimoku i na kaiaulu aloha o kona one hanau a au hou aku la i ke kai ma ke alahele no ke kapitala o Wasinetona no ka naʻi ana i kona mau pono i kaili ia mai iaia aku no ka hoihoi ia mai e ka Ahaolelo Nui o Maerika Huipuia ma kekahi ano e hiki ai ke loaa iaia he uku panai kupono no ka lewa i hana ia aku maluna ona. O na hoahele o Kalani Aimoku oia no o Miss Myra Heleluhe a me John Aimoku. O ka  KE ALOHA AINA  mau upu ana e hoea maalahi aku o Kalani Aimoku i ka pahu hopu o kana huakai.

 

MAKE I KA LAAU MAKE.

 

            O ka make ana mai la o Kapena Robert Andrews o ka oihana makai o Hilo me he la he pakui hou ana aku ia i ka papa hoike loihi o na karaima pepehi kanaka e lawelawe ia nei maloko o ke Teritori nei i keia mau la. O ka make o Kapena Andrews aole ia he make ulia, aka, i hanai maoli ia no paha e kana wahine i ka laau make. He wahi hoike uuku wale no kai loaa mai i keia kulanakauhalae me ke telegarapa uwea ole mai, aka, he me la ma ka mokuahi Kalauhina o keia Poaono e loaa mai ai na hoike piha o ka make ana o keia Kapena Makai.

 

Ual hala aku la maluna o ka mokuahi Ventura o E Cayless Wasinetona.

 

HE MAU MOKUAHI HOU.

 

             Kikako, Oct 28. Eia ka huilaina mokuahi Harriman ke koomakaukau mai me no ka hoomahuahua ana ae i ka oihana kalepa mawaena o P talana a me Asia. Me keia mau manao e hoopuka ia aku ana he kauoha ma keia mua no ke kapili ia ana he eha mau mokuahi nunui loa no ka holo ana mawaena o na awa o Potalana a me Asia. O ka lilo o ka moku hookahi mawaena no ia o $2,000,000, a me $3,000,000, a o ko lakou mau tona kaumaha e like aku ana no ia me na moku e kapili ia nei no ka laina mokuahi Hill.

 

            He nui na hana pepehi kanakae lawelawe ia nei maloko o ke Teritori nei i keia mau la.

 

            E alawa ae e na makamaka heluhelu i ka makou mau hoolaha e puka aku nei ma ka makou pepa o keia la.

 

            Ua hoopuka ae nei ka nupepa Avalataisa o ka Poakahi nei e lilo aku ana o R.W. Wilikoki i Repubalika a kakoo i ke Keikialii Kalanianaole, pela kana lono e hauwawa ia nei.

 

KA HUI HOOLEWA O HONOLULU,

 

KE KOMO ANA ILOKO O KA HUI.

            He elua papa o na lala, oia hoi ka Papa A.   No lakou ke koua e like me $100.00 a me ka Papa B. Nona ke koua he $50.00; E hiki no i kela a me keia meia ia loaa ke ola kino kupono mawaena o na makahiki hookahi a me kanahiku (koe na kanaka o ka Hikina) ma ka uku ana i ka uku komo he hookahi dala me hapalua ma ka Papa A, a he hapalua dala maloko o ka Papa b.

            Ole he uku ku mau ma ia hope mai, aka, ina ua lawa ole na dala ma ka Waihona alaila, e uku kokua hou na lala o ka Papa A, ma ka pakahi dala i kela a me keia lala o ka papa , a o na lala o ka Papa b, ma ka hapalua

HONOLULU MUTUAL ASSOCIATION.

 

KA MANO O KEKAHI POE

           

            E na mea i mahaloia: Ua hoomakaukau ko oukou Hui no kela a me keia lala he hoolewa kuppono ma ka uku haahaa loa, a ua hoomama ia na mea apau i makaukau ole ina manawa apau.

Me ka mahalo,

KA MAKUA H. VAENTIN.

 

            E na mea i mahaloia: Ke haawi oluolu aku nei i kuu apono i ka Honolulu Mutual Burial manao a ke manaoio nei au he mea e pomaikai ai na kanaka.

"Kakauinoia" H.H. PARKER.

 

            E kipa mai ke Keena o ke kakou olelo, Helu 393. Kihi o na Alanui Beritania a me Miller, Telepona Blue 571,

 

 

OLELO HOOLAHA.

            O ka hale Hana Kupapau ED. A WILLIAMS ua nee aku no ke kihi o ke alanui Beritania a me ke alanui Mila me ka Hui Hana Kupapau tonwnsend. Aole ona kuleana me ka hale kupapau e lawelaweia nei e Mrs. Williams a i ole e Mr. Fred Weed o ke alanui Papu. O na hana pili kupapau a pau no keia au hou me ka emi pu o ka auhau. He kaa kupapau hou a ua lako piha me ka oihana hana kupapau maloko nei o ke Teritor.