Ke Aloha Aina, Volume VIII, Number 46, 15 November 1902 — Page 5

KE ALOHA AINA

 

UA KO KA MAKEMAKE O NA REPUBALIKA UA LANAKILA AE NEI; O KO OUKOU HOI KOE A HOOKO IA

 

            O ka kakou mea nui e nana aku ma keia mua iho, o ka hooko mai o na Repubalika nei a like me ka lakou mau olelo i kakaliki nui mai ai ma na kahua holo balota o lakou o na la i hala koke aku ia; e kalahea ana imua o ka lahui me na huaolelo moakaka: Ina a huli aku ka lahui a koho i na moho o ko lakou  aoao Repubalika a lanakila, alaila, o ke ola no ia o ka ilihune o ka lahui a me ka aina, aole hoi e like me keia wa i ike nui ia ai ka pilikia o ka aina malalo o ke kaa ana o ka lanakila i ka aoao Home Rula maloko o kela mau makahiki elua i kaahope ae la. Nolaila, ua lanakila ae nei ua aoao Repubalika nei i oleloia aia iloko o ko kakou poli kahu i waiho @ o na pono a me na pomaikai a pau, a ma o ko lakou lanakila ana no hoi e komo nui mai ai na waiwai iloko nei o ka aina a nui hoi ka hana e haawi ia i na poe Hawaii hana ole e noho mai nei iloko o ka ilihune a me ka nele, a e nana mua ia ana ko lakou pono e ua poe Repubalika nei mamua o na lahui e. I ka hookaoia i keia mau olelo la, oia ka kakou mea no e nana aku ai o keia mua aku, no na pomaikai e hoea mai ana mamuli o ka lanakila ana ae nei o na Repubalikia nei mai ke Elele a na hoa o ko kakou Ahaolelo kuloko nei, oiai, ua ko hoi ko lakou makemake, a o ko koukou hoi koe o ko ka poe nana lakou i koho aku nei a loaa iho la ka lanakila ma keia kau.

 

POINO KA MOKU MA KA MOANA

 

            Waginetona, Nov., 6 O Kapena K@ye me kana wahine a me eiwa luina o kamoku pe`a Beritania Florence B. Edgett, a lakou i haalele ai ma ka la 15 o Okatoba, mahope o kona upaia ana e kekahi ino nui a hiki ole ke hoohana hou i a aku, ua hoea maalahi mai la lakou i anei i keia la maluna o ka mokuahi Grenada mai Trinidad mai. I ka wa i haalele ai na luina ua lawe ae la lakou i ka waapa loihi, a mahope o ko lakou hoomanawanui ana no umi la ua hoea aku la lakou i Trinidad ma ka la 25 o Okatoba ua like me 1450 mile i holoia e keia poe maluna o na waapa. E holo ana ka mokupea Edgett mai muliwai Ben@ mai no Buenos Ayres me ka ukana papa.

            Ua hopu ia o Alabama Mitchell no ke kuai i ka waiona i kekahi keiki opio.

 

NA KEKAHI KUMU I HAOLE AI KA HOME RULA I KEIA KAU, MA KA OLELO A KEKAHI REPUBALIKA

 

            He oiaio a nei keia lono i lawe ia mai i o makou nei e olelo ana he $250.00 ke kumukuai i kipe ia ai kekahi "kanaka nui" o ka aoao Home Bata," o ka lilo no ka ia o ke kino ka uhane mai ke poo a na wawae i ke Repubalika. O ka mea nana i lawelawe keia hana he moho oia no ua aoao la i holo iho la a haole; o ke kumu o kaai ia ana me keia mau wahi dala omilumilu ae ae ia "e hoopaakiki oia i kona manao a e koe ikaika i keia hana hoohui i ka Home Rula me Demokalaka a ka Elele Wilikoki me Cayoless i hana ai "mamlui o ka makau o ka poe Repubalika i loaa ka ikaika a lanakila hou no auanei ka aoao Home Rula i keia @ mali o ka hoohui ana i keia @ aoao elua. Hele no hoi a ma he oiaio ua hana ia keia hanaino, ua like maole no me ka powa a pepehi okoa ana i ka lahui a he oi aku ka lapuwale o na lapuwale a pela no e loaa ai ka uku panai oia mau hana ino:

            Ua haole ka mea nana ke kipe i hana, a ua ha@le pu hoi ka manaolana o ke mea nana i hooko ia hana aole i loaa ka lanakila e like paha me kap@ i bilin@ kuhihewa ai e mau ana ka lokahi o ka lahui e like me Kuu i hala.

            Aole loa e loaa hou ana la lanakila i ka lahui me keia hope aku he lalau ke ano o na alakai ana. O kekahi k@ la keia i haole ai na Home Rula. Aole i pau, e hoike hou aku ana no makou ma kekahi wahi okoa o ka makou pepa nei.

            O KA HAOLE NO KA HAPANUI MA KE NOI OIHANA

 

            Ma ka p@painoa a ka poe noi oihana i puka ae nei ma ka nupepa haole P. C. Avalataisa o ka la 14 nei, o ka haole no ka hapanui e noi nei i na noho Puuku a Kakauolelo Kiekie o ke keena o na Hana Hou a me L@ Hooia a me na oihana e ae a ehia la mau Hawaii. Oia iho la no ke ano o ka haole he poe eleu aohe i ka bilabila heaha la ia mea ia lakou; a e ike aku no ananei kakou  ia e hakake mai ana no ka haole iluna olaila ma kahi o kela mau oihana kiekie. No kanaka Hawaii e hele wale no ko lakou akamai a me ka makaukau a nui aole no ia he mea e hapai ia ae ai iluna ma ia mau kulana, aka, e noho mau no lakou e paana malalo aku o na haole ina wa a pau, a na lakou ala no e hoonuu na wahi nui o ke dala a pau. Ua li

 

///////////////////////////// end of second column - begin ad////////////////////////

 

ke me Kaiwi ke kanaka waiwai a me Lakalo ke kanaka iluhune. Ai no ua kanaka ala i na mea ai ono a pau i hoopiha ia maluna o kona pakaukau a o na hunahuna i helelei iho ilalo oia ka Lakalo; pela ne lakou e hoomaopopo ai i keia mau mea. O ka haole ina @ ia he malihini a aole oia i lawa loa i ka makaukau e like me kekahi poe keiki Hawaii i noho loihi ma na keena oihana aupuni o kakou, e lilo koke ana na wahi kiekie nui o ka uku ia lakou, a o oe e ke kanaka Hawaii malalo iho no oe o ka haole me kahi uku haahaa.

 

POULI KA LA LEHU PELE.

 

            San Diego, Nov. 6. O ka mokuahi Luxor ua uhi ia oia e ka lehu pele ma San Benito, ma ka aoao hema o Mekiko, iaia i pau ai ka hoolei ukana ana a e kali ana no kona palapala hookuu mai na luna aupuni Mekiko mai.

            Ma ka hora 10 o ke kakahiaka iua ike ia aku l ahe ao eleele i ka nee mai iluna o ka lewa ana piimahuahua ae kona nui a hii i ka wa i uhi pu la ai ka lewa, a ma ka hor 2 o ka auina la ua aaki paa iho la ka pouli me he la ua poaleele, alaila, haole mai la na lehu pele aeae loa e uhi ana i ka moku me ke koino iloko o na puka ihu. O na ohua maluna o ka moku ua uhi ia ko lakou mau ihu a me ka wahe me ka hainaka pulu i wahi no ka lehu e komoole aku ai iloko o lakou.

            Ua nui ka makau o na ohua, a ia was i kuupau ia aku ai ka holo o ka moku no Salina he 190 mile ka mamao. He koikoi loa ka pouli a na hoea aku ka haole ana o ka lehu he 300 mile ka mamao. Ma ke koho a kekahi mau ohua ua hoea mai keia lehu pele mai ka luapele mai o Quemando. O @taona o Q ku ana

 

////////////////////////////////////////////////////////////// advertisement here /////////////////////////////////////////////////////

 

malalo o ke kumu o keia lua pele ke @aoao ia nei na luku ia na ola a pau malaila. He koikoi loa ka haole ana o ka lehu ma na kapakai nona kamamo he 60 mile mai ka lua mai.

 

UA HALA AKU LA I KAUAI

 

             Ua hala aku la maluna o kekahi mokuahi holo piliaina no Kau ai ke Keikialii Kalanianaole, me kekahi mau hoaloha kakaikahi a me ka nui himeni Kawaihau, no ke komo pu ana iloko o ka ahaina nui a na Repubalika oia mokupuni, i haawi ae la no ka lanakika i loaa ia lakou ma ka la koho balota iho nei. E huli hoi mai ana lakou ma ka moku o ka la apopo.

 

            KA LA HANAU O KA MOI KALAKAUA

 

            O ka la apopo Novemaba 16, ka la hanau o ka Moi Kalakaua, kekahi o na moi i aloha nui ia e keia lahui. He la noi loa keia i kona wa e ola ana, aka, mamuli o kona lawe ia ana e kamake ua nui  mai na hoomanao ana o keia la: E malamaia ana he mau hoomanao ma ia la e na Keikialii Kawananakoa e me Kalanianaole me ka heihei moku liilii a me ka ahaaina mawaho o Pualeilani.

            Ma ka la 13 iho la i haalele aku ai ka mokuahi Kinau ia Kaalakiko, pela na hoike i loaa mai la ka Hui o Waila ma.

            He elua wahine haole a me eha haole kane i hopu ia no ka walaau po, he ekolu o keia mau haole he mau luina no luna o ka mokukaua Nu Ioka.

            He mea pono  i na kanaka a me na wahine a pau e komo iloko o ka Hui Hoolewa o Honolulu, i ole ai e hookaumaha ia ko kakou mau ohana i ko lakou wa e make ai. He emi loa ka uku komo.

 

 

/////////////////////////////////////////// advertisement ///////////////////////////////////////////////

NA WAIWAI HOU I LOAA MAI

 

Lei Ai Kane

On a ano like ole, i pakiikii a nakiikii oleia, a pela aku 25c a me 50c

Lole Hooluolu Kane

Nani iloko o na ano like ole mai ka $1 75, $2 25, $2 50.

Hainaka

L@a maoli o na wahine, humulau ia aiana ole ia, 10c a me 15c.

Palekoki

Elele Satine o keia au hou $1 25 $1 50 $1 75.

Bibibe

O na waihoolu nani a pau Liberties, me Satin Taffetes 20c 30c 40c

 

Whitney & Marsh Ltd.

Honolulu, Alanui Papu.

 

Lole Piliili Wahine

O na ano maikai a pili pono 50c a me 75c

 

Mamlu

He hui na ano like ole, kuau hao, a pela aku $1.00, $1 50, $2 00, $2 50.

Mikilima

Keokeo, elele me na waihooluu e ae, 75c a me $1 00.

Falanela

He elua pahu o na ano like ole, 10c, 12 1/2c, 15c.