Ke Aloha Aina, Volume VIII, Number 46, 15 November 1902 — Page 1

KE ALOHA AINA

 

KA HOIKE A KOMISINA MITCHELL.

 

He Nui na Hoololi o ke Kanawai Kumu o ke Gteritori nei e Hana ia Ana.

 

            Wasinetona, D.C., Nov. 2.  O ka hoomaka ana o na hana hooponopono kanawai no Hawaii ma Wasinetona nei, e hoea mai ana ia ma kahi o elua pule, ka wa o na Komite Senatoa i manaoia ai e akoakoa mai ana maanei.  O Senatoa Mitdhell o Oregon, eia oia ma kona alahele no anei a na haalele aka oia ia Oregon he mau ia i hala ae nei, aka, oiai nae he nui kana mau wahi e kipa ae ana ma kona alahele, nolaila, aole oia e hoea mai ana maloko o hookahi pule a i ole o umi la aku.

 

            O na mea i hoomaopopoia ua hoole ke Senatoa i ke kamailio nui ana i na mea e pili ana i na noi@ ana a ia komite i lawelawe ai ma Hawaii i kela kau mehana aku nei.  Mamua nae o kona haalele ana aku ia Oregon, ua kamailio akea ae la oia maloko o kekahi nupepa oia wahi he mea i hana ole ia eia ma kekahi wahi e ae.  O ke ano iho la no nae i ike ia o kekahi mau kanaka kalaiaina.  O keia iho na olelo a Senatoa Mitchell i hoolahaia ae e ua nu pepa ala:

 

            “O ko’a Komite ua hoakoakoa mai ina ike he nui no ka waiho ana aku imua o ka Ahaolelo.  I keia wa e noonoo akahele ana makou i keia mau ike me ka hoomakaukau ana i ka makou hoike.  E hui ana ke Komite ma Wasinetona i ka la 12 o Novemaba, a e hoomaka ana na hana ma ka waenakonu o keia mahina, nolaila, e hoomaopopo oe he ekolu no pule a makou e hana ai a noho mai ke Ahaolelo.  O ke ano o ka makou mau hoakaka e waiho aku ana aole i makaukau no ke@ kama ilio ana ae, aka, o ka makou hoike oia ke kahua nana e lawe mai ana i kekahi mau loli nui maloko o ke aupuni o Hawaii.  O na ka na wai malaila he hemahema—he hemahema loa.  Ua hoea aku makou i na mokupuni iwaena o ka wa e lawelaweia ana o kekahi mau hana ekaeka.  He mau hooponopono hou kai makemakeia no ke Kanawai Kumu o ke Teritori.  I keia wa he aupuni kiekie loa oia i neie me na hooponopono kanawai e loaa ai ke kaulike.  O ke Teritori aole ona mau Keena Aupuni i like me ko kakou mau Okana Aina a i ole Kulana kauhale.  O na mea a pau aia malalo o ke Kiaaina a me ke Kakauolelo o ke Teritori.  O keia mau mea ae la he mau hunahuna kakaikahi wale no ia o ka makou no@i ana.”  Aia me Senatoa Mitchell he heluna o kona mau kii i pa’i ai @aia ma Hawaii, ma ke noi a ka mea kakau nupepa ua hoike ike mai oia.  He hookahi o lakou e hoike ana iaia iloko o ka ulu wehiwehi o na pua he mea i maa i na malihini i kipa aku ia mau mokuouni ke kahiko mua ana ia lakou mamua o ke pa’i ana i ke kii, ma ka nana iho i keia mau mea hoomanao oa ulu mai la ka ninau ina he wahi maikai o Hawaii no ka noho ana.

 

            He wahi nani, i panai mai ai ke Senatoa, he like me ka Paredaiso, aole nae o’u i@ui e noho malaila.  O kona kau he hoonawa liwali i ke oia o ke kanaka o na Istitu Akau.  E hoomaopopo iho oe aia oia iloko o ka poai wela.

 

NA HANA NIHO

O KEIA AU HOU

He Nui ke Emi

 

            Ina he makemake oe e hana i kou uiho e bele ae i na Kauka Kauiana i ka Hana Niho ma ka Ar@ogton Block, 215 Alanuni Hotele ma kai aku nei o ke Alanui Uniona.  He eleu a mikioi laua ma keia oihana a ua lawelawe ia e laua no kekahi mau makahiki loihi.  O ka nana ana aole he uku.  He Lede Hawaii kekahi e kokua nei ia laua.

 

Papa Niho Gula………………….)                Hoopihi me ke Gula………………$1 a pii aku

Papa Niho Dala………………….)  $5          Hoopiha me ke Dala………………50 keneta

Papa Niho Maoli…………………)                @                                            ……..50 keneta

 

O ka maua mau lako paa @ no kala@ pau e haua ia @ ko lakou @ oiaio he paa loa no @a.

 

KOHO BALOTA NUI MA AMERIKA HUIPUIA.

 

UA PII AE LA KE KULANA IKAIKA O NA DEMOKALAKA I KEIA KAU.

 

 

            Wasinetona, Nov. 5.  O na hoike hope i loaa mai la a hiki i ka hora 10:30 p.m. e hoike ia oa na Repubalika e hoomalu hou ana i ka Haie o na Lunamakaainana ma o ka puka ana he 205 Repubalika, a o na Demokalaka 180, me hookahi apana koho o Tenesi i maopopo ole kona hoike.  He elua Demokalaka o Kaleponi he Union Labor.  Okeia huina maiuna ae ua manao ia oia ka pololei o na hoa i puka no ke Kaua Ahaolelo kanalima kumamawalu.

 

            O ka ikaika o na Repubalika ma ka hale o lalo i ke Kau Ahaolelo kanalima kumamahiku i hale aku la he 21 Lunamakaainana Repubalika a o na Demokalaka 156, oia hoi he 45, aka, i keia kau koho balota ua ike ia he 26 wale no ka oi o na Repubalika mai na Demokalaka aku.

 

            O ka nui o na Senatoa Repubalika i ke Kau kanalima kumamahiku i paa he 55, na Demokalaka he 33, he 22 ko kalou oi i kela kau i hala, aka, i keia kau e noho mai ana o ka oi ae o na Senatoa Repubalika i na Senatoa Demokalaka he 11 wale no.

 

            Nolaila, ina me keia ka pii mau o ke ohohia ia o ka aoao Demokalaka he mea maopopo e akelekele loa ana keia kau koho balota aku o ka 1904, o ka Peresidena, na Senatoa a me na Lunamakaainana.

 

KE ALUALU I NA OIHANA AUPUNI.

 

            Imua o ke Komite Mana Hooko o ka aoao Repubalika i waiho aku ai keia mau inoa malalo iho nei i ka lakou mau noi no kekahi mau kulana o ke aupuni e waiho hakahaka nei me na kulana maloko o ka Ahaolelo e hiki mai ana a na ia aha e hooikaika aku e loaa keia mau pomaikai ia lakou, penei ua noi like ole i hana ia:

 

            Puuku no ke Teritori—A J Campbell, H M Dow, Theo F Lanring, Geo B McCellan J H Fisher.

 

            Ka kauolelo Kiekie Keena o na Hana Hou—Chas L Beal, e G Keen, Chas F Murray, G E Smithies, Clarence M White.

            Luna Hooia no ke Teritori—J M Riggs.

 

            Kakauolelo no ke Senate—W H Coney, William Savidge, C F Buckland.

 

            Makai no ke Senate—Wm. H Thornton.

 

            Elele no ke Senate—D Piiko@ Okuu, E C Aldrich.

 

            Kahunapule no ke Senate—Rev J M. Ezera.

 

            Pulumi hale no ke Senate—Solomon Paawela, Geo. P Paunini.

 

            Pulumi Hale o na Lunamakaainana—Moses Keliiaa.

 

            Elele Hale o na Lunamakaainana—David Kama.

 

            Mahele Olelo Hale o na Lunamakaainana—W J Coelho.

 

            Kakauolelo Hale o na Lunamakaainana—A H. Moore.

 

            Makai Hale o na Lunamakaainana—James E Shaw

 

            Aole wale keia o na poe e alualu nei i keia mau kulana, aka, he nui a lehulehu aku, me ka huua ia lakou iho a hiki i ka wa e maopopo ai ia lakou e loaa ana ia lakou ia hanohano, alaila, hoike ae.

 

            Glasgow, Oct 28.  O ke kapili maoli ia ana aku o ka Shamrock III e hoomaka ia ana ia maloko o elua pule.  O na laau o loko a me ke kila oa hoomaka ia ka ha na ana i keia wa.