Ke Aloha Aina, Volume VIII, Number 45, 8 November 1902 — Page 3

KE ALOHA AINA

 

POAONO, NOVEMABA 8, 1902.

 

MOOLELO HOONI PUUWAI

NO KE

KAKELA LANAFODA

KA

Ipuka o ke Kuewa

me ka Aea.

KA

Pua Lilia Ahiu o

Sanadela.

 

MOKUNA XXVIII.

 

KA MOI KUEWA MA KA NOHOALII KA

MOTO O KE AUPUNI LIONA - KA

LEOE HOLOLIO PUAHIOHIO.

 

            He wahi pahu h@naha uuku i sila ia a paa ka kela holoio eleele i haawi aku ai i ke alakai o na koa aupuni me na huaolelo pokole o ka hoolauna - Kuu Hae Aloha - alaila, na kela leo i hoohikilele ae i ke alakai o na koa aupuni a pane me ka awiwi.  Ah@ Kuu Pua Lilia Ahiu Ooe anei keia malalo o ke kulana naita hololio?

            Ae e kuu aloha, owau no keia o kau wahine malalo o ke kulana nai ta hololio, a he elele hoi e hooko ana i ka hanohano laahia o ka mea a'u i olelo mua ae nei - Kuu Hae Aloha - ua loaa ae ia'u ka hanohano no ka lanakila nui au i hana ai me ka hoihoi pu ia ana o ko kaua moi aloha ma kona nohoalii, nolaila, no ka hanohano o kela hae kahiko au a me a'u i aloha loa ai, ua hoolilo iho la au ia'u iho i elele lawe hae e ahai mai ana iaia mai ko kaua home ka kela mai a huki hou ae iaia e welo haaheo hou maluna o keia nahueae ana i kau haaheo ai ma makahiki i kaahope aku la.  Ano e kuu Hae aloha e lawe aku iaia a huki hou ae iaia maluna o kona pahuhae.

            Ua lalau mai la ka Haku Opio i kela pahu holowaa me ka puili pu ana mai i kana wahine, a komo aku la laua iloko o ka halealii, a he mau minute pokole mahope iho aia ka leo kani kapalili o ka @le ke hae hae ala ina eheu meha o ka manawa, a, aia pu he wahi puolo uuku ke pii ae la iloko o ka lewa ma ke kahi o na pahu hae o ka halealii, a i ke kau ana i ka huini o kela pahu hae, ia wa i hemo ae ai ua puolo ala i ka loa a me ka laula, a ikela ae la o ka Hae Moi no ia, ka hae kala unu alii o na mamo a Kuaka - Kuu Hae Aloha - oia na huaolelo i hoopuka hou ia ae e ka Pua Lilia Ahiu, a oiai ua haealii ala e welo ana me ka haaheo, a oia mau huaolelo he mau huaolelo i haule a poina ole i ke kamailioia e kela haku wahine opio a me kana kane, a i ka loaa ana o ka lana hapuu keiki, aole loa laua i nele a hoopoina i ka hoomanao ana no na mea e pili ana i kela hae, a ma ko laua moolelo ua hoike ia ke ala ana mei o ka mokuahana a me ka liko @@@ ka noho ana o keia hale, e huki ana kekahi ma ka inoa o ka hale o Lanafoda, a o kekahi hoi malalo o ka hale o Semafila.  Ma ke kukalakaua a ka Akau a me ka Hema ma ka ninau aupuni kauwa kuapaa, e ikeia ua hoea mai na manao o keia mau hale elua maluna o ke kahua kana aina a kukala ia laua iho he ma@ moho e paia a e hakoko ana no ka hae a laua'i aloha ai, e like me na mea e ikeia nei ina kumu na @aua i hookahua a hoonipaa ka mole o kela huaolelo - Kuu Hae Aloha.

            Maloko o ia moolelo e ikeia no ka ili ana o kela a me keia aoao no ka hae ana i koho ai ma hoino waleia ana kekahi aoao.  Ma ko aoao a ka Lede a Haku wahine o Lanafoda me Semafila, ka mea hoi nana i makia mua ae kela mau olelo - kuu h@e aloha, ua a'o a hoonaauao aku oia maluna o ka laua keiki muli, a me ka aoao hoi o ka haku kuewa, ua ao a hoonaauao aku ia i ka laua hiapo a i ka wa e moe iho ai ko laua mau maka iloko o ka hoomaha o ko ke ao nei hopena alaila, huki ae le kela a me keia keiki i ko laua mau mahele "share."  E lawe ana ka hanau mua e like me kona lilo ana he punahele na ko laua makuakane oia ka haku, a me ke alii nui o ka hale o Lanafoda a me kana mau mamo aku, a o ka hanau hope hoi i ka hale o Semafila, o kona hooilina pau ole ia a me kana mau mamo aku.  Alaila, mai keia mau keia aku i hoomaka ai keia mau hale e nohaha a e mokuahana, a he aneane e elua keneturia makahiki mahope mai a@a hoi mailoko mai o keia mau hale, ua puka a kukala ia ae la kela mau huaolelo - "Kuu Hae Aloha," e ka he a hoohanini ia ai ke koko o na kanaka opio elua i puka a i hoea mai mailoko mai o ka hale o Lanafoda a me ka hale o Semafila, a he mea kamahao a kupaianoha loa ka mokuahana a kuee ana o keia mau hale i hoohuiia i loko o ka noho lokahi a me ke aloha, mamuli o na h@na a me ka like ole iwaena o na keiki.

            O kela huaolelo kuu hae aloha, ua paanaau a lilo i huaolelo punahele na na mamo o Semafila a me Lanafoda, a i ka wa a ka poepoe honua komohana e waiho akea ana imua o na maka o ko Europa, aia na mamo o keia mau hale ua haalele iho ia Pelekane a holo no Amerika, a i ka wa o ke kukala kaua a ke aupuni makua me kona mau Panalaau, ua hoea mai kekahi o na mamo o keia mau hale malalo o ka malu o ka hae liona no ka paio ana no kona pono me ka hoopalahalaha pu ana aku i na palena o kona ma na hoomalu.  Alaila, ma kela kuka la kaua a ke aupuni makuahine me kona mau panalaau i halawai mua loa ae ai na mamo o keia hale e kue ana na mamo o ke aupuni panalaau i na mamo mai ke aupuni m@kuahi @e mai a @e ke kukala kaua kin@@@ kauwa kuapaa i hoohui hou ae i na mamo o keia hale maluna o ke ka hua kaua o ka uwahi @@@da malalo o kela moto "Kuu Hae Aloha."

            Nolaila, i ko kaua hoomanao ana ae no kela mau huaolelo, ua loaa ka hanohano o ka lilo ana o ka eo i ka Pua Liliau Ahiu ka Haku Wahine o Lanafoda a Makionesa o Semafila, ka mea nana i kukala mua ae me ka makee i na huaolelo haaheo loa e pili ana i k@n@h@e, a iloko o na anaina ike alii nui a me na mea pili oihana e lohe mau ia ana kela mau huaolelo e hoopuka mau ia ana e ua Pua Lilia Ahiu nei, a o ka lede holo lio puahiohio hoi ma o ke kulana elele lawe hae alii i ikeia ae nei he mau minute i haia, a ka no hoalii e hiki ole ai ke hoopoina i kona aie no na hana maikai a keia lede puuwai hamama.

 

MOKUNA XXIX.

 

KA HOOHUI AUPUNI ILOKO O KA MA-

LUHIA - KA MOIWAHINE O NA PELE

KANE - KE MELE LHUI MAU LOA.

 

            O ka noho mana ana me ka ika ika o na kanawai a me na rula ana a ka Moi Kale Kuaka, ka holomua o na hana e hoopomaikai ana i ka aina ma na hana kuloko a me ku waho, ke kau e nana ana mai a na maka o ko Europa i keia wahi aupuni moi uuku he kulana keikikane o ke alakai ma ka ikaika e hiki ai ke hoohuiia ua wahi mokupuni ala i hookahi aupuni iloko o ka maluhia, a i na he mau mano makahiki hou koe e ola ai keia moi o ka hale o na Kuaka, alaila, he mea maopopo me ka hoohewahewa ole e hui ana keia mokupuni a lilo i hookahi kino malalo o hookahi pookalenuu.  Aka, aole nae pela ka makemake o na lani.  Ua haawiia mai iloko o na la hope o ko ka Moi Kale Kuaka ole ana ka maluhia wale no e hookuikahi ia ai kona noho aupuni moi ana me na aupuni e ae o Europa, o ka lilo ana o na Pelekana, Sekotia, a me Irelani i aupuni hookahi, aole, Alaila, iloko o keia kulana maluhia, heaha ka mea i koe i ka Moi Kale, oiai kona mau la hope o ka noho poo kalaunu ana.  O ka loaa he kokoolua nona ma keia noho ana e loaa ai he hooilina nona ma ke kulaunu oia ka ninau nui i ala mai iloko o ka noonoo o ua moi ala, a o ka olelo hooholo i ponoia e ka ahakuka a hooko o ke aupuni e pono e loaa he hooilina no ka moi ma ke kanawai.  O keia olelo hooholo a ka ahakuka i apono ai na lawe ia mai a hookoia ma ka mare ana o ua moi ala me ke Kamaaliiwahine Katerina o Balanaga, he kaikamahine Pukiki, a i ke kanalima o na makahiki o ua Moi Kale Kuaka nei, aka, o ka mea kupanaha o ke ko ole ana o ka iini o ka aha kuka e loaa ona hooilina, no ka mea, ua make oia me ka loaa keiki ole ma keia wahine alaila, @@@@@ leana pili wale no i ka nohoalii ana ka laina pololei o ke Duke wale no o Ioka ke kaikaina ponoi hoi o ka moi.

            O ka la mare o na 'lii oia kekahi o na la mare hanohano loa, ua hookipa ia mai ke kamaaliiwahine Katerina ma Pelekane me ka hanohano nui, a o na hoohiwahiwa i pahola ia aku iaia, he lua ole ia, a ma n@ hoi kekahi o na ui o ka aoao palupalu i helu ia ma ka papa 'ekahi o na lede ui loa @@n@@u la.  Malalo o ka malu hemolele loa o ka mansoi@ o ka hoomana Romana i awaiaulu ia ae ai ka moi me kana wahinealii e sila ana ia laua aole loa he mana malalo o ka poepoe lani nana e o@ a hookaawale ia laua, a pela no hoi me ka mana o na kanawai o ka aina a pela io no, ua hookoia ka mana o na olelo kahoahoa a ka Aki bihopa nui o Kanaberi, a o na la a pau o ka noho ana o ka moi me kana moi wahine ua hoohalaia iloko o ka hauoli.  Ma na lawelawe ana o na hana pili aupuni o keia moiwahine kekahi o na kakoo ikaika o ka aoao o ka moi, a he kulana hookele aupuni naauao maoli no e loaa ole ai he mau nema ia mai, a iloko o na la hope o ko Kale noho moi ua kukulu a hoala hou ia ae kahi o ke kula nakauhale o Ladena i pau ai i ke ahi, a ua hoala ia ke kukulu ana ka halepule o Sana Paulo.  Malalo no hoi o ka Moi Kale, ua hoala @ kukulu puia ae ke kula ahi o na mea akeakamai, a me kula a'o a kilo hoku o Gerinawiki.  Ma keia wahi no hoi i kukulu hou ae ai ka Moi Kale i halealii no ke kau makalii a e ikeia ma ka inoa ka halealii Gerinawiki, a i hoolilo ia i hale ma'i no na koa i eha a mai e ka Moiwahine Mele.  Ua kaulana pu ae iloko o keia mau makahiki hope o ko Kale noho mai ana ka ikeia ana maloko o na keena kau kii a me hoomanao o na kii pena i maiau ia e ka ike o ke kanaka pena kii mabala i kalai ia, a o kekahi o keia mau kii pena ua laweia mai ia e ka ike o na kanaka pena kii kaula na mai loko mai o na buke oihana a na lunaolelo, a i ka nana aku i na helehelena o ua poe kii ala me he meu ala he poe kino ola maoli ala no.

            Ma ka la i piha ai ka makahiki o ka noho ana o ka moi kane a me ka moiwahine iloko o ke ano maemae a laahia o ka mare, ua hosana a halelu ia ae imua o kekahi anaina noi o na tausani lehulehu ke mele lahui mua loa o na Pelekane malalo o ke poo - "E ola ka moi i ke Akua" Good save the King a i kela a me keia wa e mele ia ai o ua mele lahui ala e hemo no ka papale o kela a me keia kanaka Pelekane no ka hoonani pu ana i ke mele aloha o kona aina hanau.  Malalo iho o ka la aole loa he kanaka a lahui i makee i ka hanohano o ko lakou mele aloha.