Ke Aloha Aina, Volume VIII, Number 44, 1 Nowemapa 1902 — Page 3

KE ALOHA AINA

 

PEPEHIKANAKA WELIWELI MA MAUI.

 

            He mau hoike kai loaa mai la i anei mai Wailuku, Maui mai, no kekahi pepehikanaka weliweli i malama ia ae ma ka mahiko o Kihei ma ke awakea o kela Poaha aku nei, Okatoba 23. O ka mea i make ke wahine Iapana nona ka inoa o Monono, a o ka mea hoi nana i lawelawe keia mau hana puuwai eleele he ipo na ua wahine ala, he Iapana no nona ka inoa o Fujita. O lohi ke kane mare oiaio a keia wahine, ma ka noho hana ana ma ka mahiko o Hakalau, Hawaii. Ia laua i haalele aku ai ia Hakalau ua hoi mai la laua no Hilo, a malaila i hui mua ai o Monono me Fujita, ka limakoko hoi nana i lawe ae la i kona ola me ka menemene ole.

            O ka hopena o keia hui ana ua haulehia aku la ua Monono ala i ke aloha kulipolipo no Fujita me ka hoolohe ole aku i ka leo uwalo a kana kane, ua hoi aku la o Monono a noho pu me Fujita. Iloko o keia mau la a ke aloha wela e pumehana ana iloko o Monono i ae aku ai ua wahine ala e lawe ae i kekahi hoohiki weliweli, oia hoi, in a o ke aloha ana e hiipoi ana no Fujita a he aloha wale no ma ka lehelehe, alaila, he kuleana piha ko Fujita e lawe ae ai i kona ole. O keia hoohiki a Monono ua lawe ae la kana ipo a malama me ka manao kuio a no kekahi mau mahina ko laua noho ana iloko o ka hauoli ua hoomaka mai la na noonoo o ka wahine e hoi hou aku me ke kane i berita ia ai oia i kinohi, aka, no Fujita nae ua aloha pupule loa maoli oia no Monono.

            Iloko o keia wa aia na kukai malu ke lawelaweia ala mawaena o ka wahine a me Ichi kana kane no ka haalele ana iho ia Hilo no Maui, i wahi no Monono e kaawale mai ai mai a Fujita. He mau la mahope mai ua ka@ mai la o Ichi me kana wahine a lele ma Maalaea, maluna oia moku hookahi no o Fujita, a ma ke awa o Lahaina oia i lele ai, ua maopopo ia Fujita kahi a kana pio e mahuka nei no Kihei, nolaila, he mau la pokole wale no mahope iho, @a hoea aku la oia i Kihei e noi hana ai. He mea oiaio, na ae ia mai kaua noi, a i ka la mua no a Fujita i hoomaka ai e noho hana ma ua mahiko ala i hooko aku ai oia i kela hana weliweli, ma kekahi ulia o ka laki i loaa ia Fujita ua kokoke loa kana wahi e hana ana ma kahi a Monono a me kekahi mau wahine Iapana e ae e hoopulu ko ana.

            E k@ hookahi ana @ Monono i ka wa i loaa aku ai ia Fujita, oi ai ka hapanui o na wahine ua mamao loa mai a iaia aku. Imua o ka wahine i hoike aku ai o Fujita i ka berita ana i uhaki ai, oia hoi, e pepehi aku o Fujita iaia a hiki i ka make ana. Ua kue aku o Monono aole e hiki ia Fujita ke pepehi iaia, no ka mea, aole oia i hoole i ka hoi hou ana ake me ia. Ua hoike aku o Fujita i ka wahine ma o na la i hoauwanaia ai oia, aole hoi oia e kali hou aku ana no kana mau hana hoopauha, aka, e hooko aku ana oia i kana mea i hoohiki ai. Alaila, hapai ae la ia i kona lima me kekahi pahi e paa ana, a me ka menemene ole pahu pololei aku la ia iloko o ka puuwai o Monono, o ka elua o ka pahuna pahi ma ia wahi hookahi no, ke kolu ma ka pu-ai, aka, aole nae o Fujita i hoopau i kana mau hana weliweli a hiki i ka inu ana o kana pahi i ke koko o ka wahine no ehiku manawa. I ka wa a ka limakoko i ike ai i kana pio e ali ili ana i kona hanu hope loa, ua hooko hoi oia i ka hoohiki a ka wahine i hana ai, ua makemake iho la oia e hele aku e haawi pio iaia iho imua o ke aupuni. He luna Iapana he mau haneri i a ka mamao, i kona ike ana ua nalowale o Monono ua hele aku la oia e huli i ka wahine a loaa aku la iaia e waiho ana iluna o ka lepo ma kahi o kanalima kapuai mailaila aku e ku ana o Fujita e paa ana i kekahi pahi pelu i haukae i ke koko, ua ninau aku ka luna ina paha nana keia mau hana, ua ae mai oia me ka hoike mai, aole ona makemake e hopu ia, aka, nana ponoi e lawe aku iaia imua o ka oihana makai ma Wailuku, ua hookuuia aku oia aka, mamua nae o kona hoea ana aku i Wailuku ua loaa mua aku la ka lohe ilaila ma ke telepona a imi mai la na makai a hopu iho la iaia ma ke alanui. I ka huli ia ana aku o kona poli aole ka pahi ana i lawelawe ai i kana hana lokoino, aka, o ka apana pepa wale no a ka wahine i kau ai me kona pulima ponoi e ae ana e lawe ia kona ola i kona wa e kue ai i kana hoohiki kai loaa aku.

 

            I keia Poalua iho e malamaia ai keia kau koho balota. E koho e na poe aloha aina oiaio i ua paa balota lahui, no ka mea, aia wale no ma o lakou e loaa ai ka makemake o ka poe ilihune, aole i ka aoao Repubalika.

            Ma kela mau po aku nei ua komo aihue ia ae ka Halekuai Laau Honolulu a ua lilo aku kekahi mau waiwai. O kahi a ka aihue i komo ai maluna iho o kaupoku, eia ka oihana makai ke hanu nei i ke kolohe.

 

NA MOHO HOLO BALOTA O OAHU NEI.

 

            O keia malalo iho ka inoa o na moho holo balota o keia kau e hiki mai ana i ka Poalua ae nei, Novemaba 4, 1902, o na aoao kalaiaina like ole a me na moho holo kuokoa, a i waiho ia aku me ke aupuni mamua o ka pau ana o na hookomo inoa ana ma ke@a Poaono aku nei.

 

Kuokoa Home Rula

 

ELELE I WASINETONA.

            R. W. Wilikoki.

NA SENATOA.

            Jesse P Makainai,

            Edgar C@ypless,

            Charley Notley (Kale Nokale)

NA LUNAMAKAAINANA.

Apana Eha.

            Samuel K. Kamak@ia,

            D. Kaona,

            C J. McCarthy, (Makake,)

            J. D. Holt (Keoni Holo),

            Joseph Aea,

            D. I. Nauna,

Apana Elima.

            D. M. Kupihea,

            Ng Monwar,

            J. K. Paele,

            Damiana,

            N. K. Kou,

            S. K. Oili.

 

Demokalaka

 

ELELE I WASINETONA.

            R. W. Wilikoki.

NA SENETOA.

            Jesse Makainai,

            Edgar Caypless.

NA LUNAMAKAAINANA.

Apana Eha.

            C. J. McCarthy, (Makake),

            J. D. Holt (Keoni Holo),

            G. Wilder (Waila),

            Harry A Jue@ (Hale,

            D. Kaona,

            Joseph Aea,

Apana Elima.

            F. R. Harvey (Palakiko Hawe),

            D. M. Kupihea,

            J. K. Paele,

            Damiana,

            N. K. Kou,

            S. K. Oili.

 

Repubalika.

ELELE I WASINETONA,

            Jonah Kalanianaole.

NA SENATOA.

            William C. Aohi,

            D. P. R. Isenberg,

            L. L. McCandless, (Linekona Eliwai)

NA LUNAMAKAAINANA.

Apana Eha.

            Frank Andrade,

            William Aylett (Wili Aileke)

            Samuel F. Chillingworth,

            William W. Harris,

            Jonah Kumalae,

            Carlos A. Long.

Apana Elima.

            J. M. Ezera,

            John Lot Kaulukou,

            L. B. Nainoa,

            Ben Naukana,

            James E. Shaw (Kimo Ko)

            Henry C. Vida (o Halemaumau)

 

Aole Aoao Kalaiaina

SENATOA.

            Clarence W. Ashford (Akepoka)

NA LUNAMAKAAINANA.

Apana Eha.

            J. M. Camara.

Apana Elima.

            William Mossman Jr., (Mokimana opio.)

 

            O ka leo o ka lehulehu oia no ka leo o ke Akua.

 

HOOLAHA KUAI A KA MEA PAA MORAKI.

 

            Ke hoolaha ia aku nei ma keia no ka hooko ana aku i ka ma@@ hoolilo o kekahi moraki i hana ia ma ka la 30 o Sepatemaba, 1901, e Tom Lum, Pang Lum Man Gem, Tom Mo@, Sun Wo a me Chick Wa, no Honolulu, Mokupuni o Oahu, Teritori o Hawaii nei, lakou a pau, aoao mua ia Andrew Dempster o Lihue, mokupuni o Kauai, Teritori o Hawaii i oleloia, aoao elua, a i hoopaaia ma ke Keena Kope Aupuni, Oahu, buke 236, aoao 434@6, ke manao nei ka aoao elua e hooko i ua moraki ala i oleloia no ka h@h@k@@a o ka aelike, oia ka uku ole ia o ke kumupaa a me ka ukupanee i ko laua wa uku.

            Ke hoolaha hou ia aku nei ma keia o ka waiwai i hoakaka, kuai, a hoolilo ia ma ua moraki ala e kuai kudala ia ana, ma ke keena kudala o James F. Morgan, Alanui Moiwahine, Honolulu, Poaono, la 8 o Novemaba, 1902, hoea 12 awakea.

 

NA WAIWAI I HOAKAKA IA MA KA MORAKI.

            Oia keia aelike hoolimalima i hanaia ma ka la 1 o Mei, 1900, mawaena o Hattie K. V@v chases o Honolulu ma ke ano mea hoolimalima a me Tom Lum, Pang Lum, Man Gem, Sun Wo a me Chock Wa mea paa hoolimalima no ka manawa o 20 makahiki mai ka la 1 aku o Iune, 1900, ma ia e haawi ana i na pono, inoa a me ke kuleana a pau o ka aina i na mea paa hoolimalima ma kela apana a i ole mahele o ka aina e waiho ana ma Kapalama, Honolulu i oleloia, maloko oia ua hoakaka ia e hookuu pu ia me na wawai a pau.

            ANDREW DEMPSTER,

            Mea Paa Moraki.

 

            Kuike ke dala ma ke gula Amerika; lilo palapala kuai ma ka aoao o ka mea kuai. No na mea i koe e ninau ia Holmes me Stanley, na loio o ka mea paa moraki.

            Honolulu, Okatoba 11, 1902.

            Oct 15, 22, 29, Nov 5.

 

CAMARA & CO.,

Waina, Bia me na Waiona

Kihi o Alanui Alakea me Moiwahine.

 

WAIN CLARET 50c … 1 Galani

WAINA SWEETS 75c … 1 Galani

PRIMR BIA $2.00 o ke … doz qts

 

            Ua loaa mai ia makou he heluna nui o na waiona like ole Waiona, Bia, Gini, Wisike ame Barani a ke kuai ia nei me ka emi loa.

 

            Emi maanei o W. Rice, kekahi o na Hawaii i noho loihi me Frank Brown. Nana e hoikeike aku ia oukou i keia mau waiwai.

 

KAUKA HANA NIHO IAPANA.

 

M. Asahina.

 

            Ke hoike ia aku nei ka lohe i na poe a pau ua nee mai ko'u Keena Hana ma ke kihi o na alanui Beritania a me Nuuanu.

            Na hona hana: 8 a.m. a 5 p.m.

                                                            7 p.m. a 8 p.m.

            Ke kono ia aku nei na poe a pau he niho eha ko lakou e kipa mai ma ko'a keena, a e l@@a no na lapaau maikai ana me ka uku haahaa.

            KAUKA M. ASAHINA.

            Honolulu, Oct. 9, 1902.