Ke Aloha Aina, Volume VIII, Number 43, 25 October 1902 — Page 3

KE ALOHA AINA, POAONO, OKATOBA 25, 1902.

 

_________________________

 

AIA O CASTRO ILOKO O KE KUPILIKII.

 

_________________________

 

            Will?mst?d, Caracas, Oct. 15. Ua loaa mai ia na nuhou i anei mai Caracas mai e hai mai ana o ke kaua i hoouka ia ma La Vito-ria mawaena o na puali o Peresi-dena Castro i hiki aku ma kahi o 4,000 kanaka me 15 pukuniahi me na kipi, i hoomaka ia ma ke kakahiaka Poakahi nei, aole he maopopo o ka hopena e ike ia ala.

            Ma ka hooponopono aku na hoopuni ia o Peresidena Castro e na enemi. O ke taona o El Consejo, e waiho ana mahope aku o La Vitoria, ua lawe ia ae la ia e na kipi. O ke kulanakauhale o Valencia eia ia ke kokoke loa aku nei i kona hopena o ka hau-lehia ana aku iloko o ka lima o na enemi, ua lele kaua ia aku oia ma ka Poakahi a me ka Poalua nei e Kenerala Riera. Aole e hiki i ke aupuni ke haawi aku i na kokua ana mai Caracas aku. oiai, ka laina kaaahi Geremania mailaila aku no Valencia aia ke pee ia ala e na kipi.

            O na poe i hoeha ia maloko o ke kaua aia lakou ke waiho ala me ka loaa ole o na kokua a i ole o na lapaau ia ana aku, ua waiho lakou ma ko lakou wahi i haule ai maluna o na kahua kaua, a o na nanaina malaila he ku i ka weliweli.

_________________________

HE MAKE HIKIWAWE.

_________________________

 

            Ma ka hora 11 o ke kakahiaka Poakahi nei, ua hina a make loa he kanaka nona ka inoa o Po-haialii mawaho iho o ka Home Lu-ina ma Ainahou. Ma ia kakahiaka ua hoike aku oia i kona haku i ko-na nawaliwali, nolaila, ua hookuuia mai oia e hoi mai ka hana mai. I kona hiki ana mawaho o ka Home Luina na ikeia aku la oia e puliki ana i ka pa, aka, no kekahi manawa pokole wale no a ikeia aku la oia i ka walawala ana aku i hope a lele loa ae la kona aho. He kanaka oia ma kahi o 50 makahiki.

_________________________

 

MANAOIA UA HOI AKU NO LALO.

 

_________________________

 

            Ma ka hoea ana mai la o ka mo-ku pea Italia Wallacetown, ua lawe pu mai la oia he hoike no kona halawai ana me kekahi heluna papa nui hewahewa e lana ana iluna o ka moana ma kahi he mau haneri mile wale no ma ka Hikina Hema aku nei o keia mau mokupuni. O kela heluna papa ma ke koho ana a ke kapena, ua hiki no ia ke hoopi-ha i ka oneki o kekahi mokukuna. O ka moku nona mai keia mau apa na pepa ua manaoia ua hoi aku oia no lalo o ka opu o ka moana ma o kona halawai ana me kekahi ino nui.

 

_________________________

 

KUKALA KAUA NA PILIPINE

_________________________

 

            Manila, Oct 12. O ke Soletana o Bacolou, Mindanao, ua hoole loa aku la oia i ka launa hou ana me Kenerala Sumner, ke alakai o na pualikoa Amerika ma ia wa -hi, maloko o kekahi leta i kakau ia aku i na kenerala, penei:

            O ka lini o ke Suletana o Baccled ua makemake oia e hoomau ia aku ke kaua. He manao nui oia e hoo-mau ia aku ka malama ia ana o ka hoomana a Mahomeda. E hoopau ia na kukai leta ana. O ko makou iini loa o ke kaua. Aole o ma-kou makemake i kau mau hana kokua.

            Ma ka hoike a na hoaloha Moro-o na Amerika aia ke Soletana o Baccled ke liuliu aia i kona mau papu kaua, ua lako hoi me na pu raifela. Ua manaoia he puali Amerika ke hoouna ia aku ana e hoopio i keia papu kaua o ke Suletana o Baccled ma keia mua kake iho.

 

_________________________

 

HE MAU RULA HOU NO NA HALEKUAI.

 

_________________________

 

            Malalo o ke kauoha a ke Luna Nui o na Hana Hou Kuikawa, H.E. Kupa, ua hooko aku la o Ma-kai Nui Baraunu i ka hoopuka ana i ke kauoha i na makai no ka hopu ana i na poe e kue ana ia kauoha, oia hoi o na anini apau mawaho o na halekuai, e hanaia lakou he 7 1/2 kapuai ke kiekie mai na alanui hele aoao ae, i wahi e hoopilikia ole ia ai na po e hele ana ma na alanui hele aoao. O ka elua o na kauoha, ua hookapu loa ia na halekuai i ka hoahu ana a loihi i na ukana mawaho o ko lakou mau halekuai maluna o na alanui hele aoao, no ka mea, he hoopilikia wale ana aku ia i ke alahele o ka lehulehu.

_________________________

 

UWAPO HOU O HILO.

_________________________

 

            Ma ka halawai ana a ka Mana Hooko o ke Aupuni i ke kakahiaka Poakolu nei ua apono ia iho la he aelike mawaena o ke Aupuni a me ka Hui Uwapo o Hilo. Ua haawi ia aku ka mana i keia Hui he mau manawa i hala ae nei no ke kapili ana i keia uwapo hou o Hilo. O keia uwapo no ka lehulehu a e hana ia hoi kona auhau e ke Aupuni a mahope o elima makahiki e kuai aku ai ke Aupuni nona. Iloko o na makahiki mua elima e ohi ke Aupu-ni he 8 pa keneta o na loaa.

            O keia uwapo e kapili ia aku ana ia ma ka nuku o ka muliwai o Waia-kea ma ke kaikuono o Hilo, he 800 kapuai kona loihi a mai ke 80 a ka 100 kapuai laula. O ka lilo no ke kapili ana i keia uwapo e hiki ana no ia ma kahi o aneane $80,00.

_________________________

 

            Nui ka hookuikui ia o ka aoao Repubalika ma na wahi a pau a na Repubalika a haiole ai. He hoike moakaka maoli no ko lakou hilinai ole ia e ka lahui oiwi o ka aina.

 

_________________________

NA MOHO A NA AOAO LAHUI.

 

O KEIA IHO NA PAA BALOTA A KA AOAO HOME RULA A ME KA AOAO DEMOKALAKA NO KA LA 4 O NOV., 1902.

 

_________________________

Kuokoa Home Rula

 

ELELE I WASINETONA,

R.W. Wilikoki.

                        NA SENATOA.

Jesse P. Makainai,

Edgar ?,

Charley ?,

NA LUNAMAKAAINANA.

            Apana Eha.

Samuel K. Kamakaia,

J. Kaena

CJ McCarthy (?)

JD Holt (Keoni Holt),

Joseph Aea,

D.L. Nauna.

            Apana Elima.

D.M. Kupihea,

Ng Monwae,

J.K. Paele,

Damiana,

N.K. Kou,

S.K. Oili.

 

_________________________

 

Palapala Hooia Hoahu

E like me ia i Hoopukaia e ka

HUI HAWAIIAN REALTY A ME MATURITY KAUPALENA IA

 

Hoahu Maraki 30, 1901

            Huina Waiwai $50,000

5,000 MAHELE; $10.00; UKU PAU IA

_________________________

 

Heaha na Kumu?

1. Aole makou e koi aku ana ia oe e uhaai i kau dala.

2. E haawi ana makou i kekahi ala hele palekana e hiki ai ke hoopuka-puka a loaa ke dala mamuli o ka hoohui i ua huina liilii i kela a me keia mahina, a mamuli o ia mea, e koe ana he huina dala mai ka hooillo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.

3. O ka nui o na makahiki a me ka oihana a hana a ka mea hoahu, aole loa ia he kumu hoamoe a hoololi, no ka mea, ua hiki i na kane, na wahine a me na keiki ke lilo i poe hoahu.

 

                                                Hooia Hoahu

 

4. Na makou e kukulu i mau home no oukou a e hoopuka no no makou i Huina Hoahu Hoopukapuka e hookaa ia iloko o 75 mahina, me eha (4) Palaoala (Coupons) Hooia o $50 pakahi i hoopilipuia, oka averika no ka puunaue iloko 19 mahina, a e ohi ana makou $150, a e loaa ana ia oe $200. O kou puke $33.33 no kela a me keia dala pakahi i hoahu ia e loaa ana ia oe he 33-1-3 keneta puka.

5. No ka mea aole oihana hoopuka-puka i ikeia i oi aku ka pomaikai ma mua o keia. E kakau mai i na hoa kaka piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

HUI HAWAIIAN REALTY A MF MATURITY KAUPALENAIA.

            McIntyre Hale kihi o na Alanui Papu a me Moi, Rumi 3 a me 4. Pahu Leta 262.

                                    L.K. KENEWELA,

                                                Peresidena

 

_________________________

CAMARA & CO.,

Waina, Bia me ne Waiona

Kihi o Alanui Alakea me Moiwahine.

_________________________

 

WAIN CLARET 50 C . . . . . 1 Galani

WAINA SWEETS 75 C . . . . 1 Galani

PRIMR BIA $2.00 o ke . . . . . doz qts

 

_________________________

            Ua loaa mai ia makou he helu-na nui o na waiona like ole Wai-ona, Bia, Gini, Wisike a me Barani a ke kuai ia nei me ka emi loa.

_________________________

 

Eia maanei o W. Rice, kekahi o na Hawaii i noho loihi me Frank Brown. Nana e hoikeike aku ia oukou i keia mau waiwai.