Ke Aloha Aina, Volume VIII, Number 43, 25 October 1902 — Page 1
This text was transcribed by: | Arnold M. Hori |
This work is dedicated to: | Prof. Thomas A. Schroeder; University of Hawaii/Manoa |
KE ALOHA AINA
Ke Aloha Aina
HILO BAY, HAWAII
UA MAU KE EA O KA AINA I KA PONO
HOOKUMUIA I MEI 20, 1895
BUKE VIII. HONOLULU, POAONO, OKATOBA 25, 1902. HELU 43
LIULIU BERITANIA E KAUA ME RUSIA
Aia na Mokukaua ke ku Makaukau Ala
no ka Oehu Aku i na Ai a ka Ui.
Ladana, Oct 13. Ua loaa mai na hoike ianei ala he ulu mokukaua nui o Beritania e kiai ana i ke Kai Waenahonua i loaa mai la na kauoha pupuahulu no ka lawe ana ae i na kulana nee kaua ana ma kahi kokoke i Salonica a me Smyrna, a o na aumoku hoi ma Malta a me Gibarleta e hoopuipui koke ia aku ana lakou. O ke kumu o keia mau liuliu kaua ana ua manao ia mamuli no la o ka Rusia mau hoao ana e koi aku ia Tureke e loaa ka mana i kona mau aumokukaua maloko o na wai o ka Dardnaelles.
Ladana, Oct. 18. O ko Rusia manao e hoololi aku i ke Dardanelles i kowa nona e hiki aku ai i ke Kai Waenahonua a me he la o ke keehina mua ia o kana kahua hana i hoopuka ae ai no ka hoohoa ana aku i ko Beritania kuleana. Oiai, na Luna Aupuni ma Ladana ke kanalua nei i keia lono hoohoi o Rusia me Tureke e hauwawa nei iwaena o na keena kiekie o Beritania Nui a me Europa, o ka manao o ka hehulehu na lawe ae ia ke aupuni o Rusia i ke keehina mua o kekahi hana ano nui.
O ko Beritania Nui manao, no keia mau hana a Rusia oia no kona omuo koke ana ae oi opioopio ma ka hoohana ana aku me ka ikaika o kona mau aumoku kaua e noho makaukau ala no ke kauoha hope no ka hoea mai o ia wa o ka hana.
O keia mau mokukana o Beritania Nui e kali nei i ke kauoha ua ike ia o ia ka ulumoku nui a pukonakona i akoakoa ae i ike ole ia mamua, koe wale no ma na wa hookahakaha. Iloko o keia niu moku he iwakalua-komamaiwa mokukaua hakaka hou o ka papa ekahi, iwakaina mokukaua holo mama palekila a maluna aku o kanakolu mau moku topido wa wahi.
Oia kauoha hookahi i haawi ia aku ia i na mokukana, nua haawi pu ia aku ia i na pakoa pu kaa Beritania ma na kapakai o ke kai Waenahonua e hoomahuahua ia ae lakou me ke ku makaukau mau ana. Ua olelo ia ae eia o Rusia ke kokua ia nei e Farani ma keia hana uhaki kuikahi i hana ia ma Parisa, Farani no.
O ka hana akamkai a Rusia oia kona hoololi ana i kekahi pauku ano pohihihi maloko o ka Aha Elele Lahui e pili ana i ke komo ana aku ma ke kowa o Dardanelies; ma ke kuikahi o na mokukaua wale no e lawe ana i na moi a me ua poo kiekie o na moku aina kuokoa o lakou wale no kai ae ia e komo iloko o keia kowa me ke keakea ole ia. Aka, ua hoouna ia nae ke Duke Kiekie Nicholas maluna o ka George Pobledonstzeff, ka mokukaua nui loa o Rusia no ke kipa ana aku e ike i ke Suletana o Tureke ma kela kowa.
He ubaki maopopo ana keia i ke kuikahi, aka, ua hoakaka ae o Rusia o ke Duke Kiekie he elele no la na ka Za, a na like hoi kona kalana ia wa me ka Za. Me ke kanalua ole ua ike aku o Europa holookoa ua hahaki ia ke kuikahi o Parisa, a ua koho wale ia he manao ko Rusia e hoopau i kona noho hou apa aku iloko o keia heikahi, i hana ia i ka wa i pau ai o ke kana Crimea, ke kana hoi uaua i hoohui ae ia Farani, Tureke, Sardinia a me Beritania Nui a hoauhee aku i na koa o ke Za o Rusia.
O ka la hope loa keia e hookomo ia ai ka inoa o na moho balota me ke aupuni.
HE KAI KUKUI NUI.
E malamaia ana a ka aoao Repubalika he kai kukui nui i keia ahiahi Poaono mamoa o ka wehe ia ana o ka lakou mau hana haiolelo maloko o ka Ema Kuea. E hoakoakoa ana ka huakai ma ka Kuea Unlon,m laila akue nee mai ai ka huakai me na kukui ma na alauni nui o ke kulunahale a mamua o ka paa ana e hiki loa aku ai ke kai kukui i ka Ema Kuea. Mamuli o ka manao ia e nai ana na poe hoolohe halolelo a hiki ae ana ma kahi halawai i keia po e hiki ole ai ke pau maloko o ka halekeaka Ofiuma, pela a malama ole ia ai keia mau hana halolelo maloko o kona mau paia.
O ka nui o na poe e komo ana iloko o keia huakai maluna aku no ia o na haneri. Ma ka hora 7:30 ponoi e haalele aku ai i ke Kuea Union a nee mai ma na alanui Moi, no Nuuanu, no ke alanui Beritania, iho ma ke alanui Papu, nee ma ka Hotele, pii ma ke Alakea a me Ema a hiki i ka Ema Kuea
Ua make he limahana Pukiki ma kahi wawahi pohaku ma Puu nui, ma o ke pahu ia ana e ke kiani pauda lala e hoopahu ana i kekahi lua pohaku. Ua olelo ia ae ua halawai oia me keia ulia poino mamuli o kana mau hana hoohemahema. He 46 ka nui o kona mau makahiki, a na haalele iho oia he wahine me na keiki.
E KIAI O AMERIKA I KA
LAHUI HAWAII.
Topeko, Kan. Oct, 14. He mea pono ia Amerika Huipuia e haawi aku i na kiai ana i ka lahui Hawaii mai na kanaka apuka aku, wahi a Senatoa Amerika Burton i huli hoi mai la mai Hawaii mai. O na Hawaii aia iakou iloko o ka hune i keia wa, wahi ana i hoomau aku ai, no ka mea, he heluna o na misionari mai Bosetona aku i kuai aku ia lakou ma ke ano wahahee he mau tikiki ka e hoea aku ai i ke aupuni o ka lani a lawe mai la i ka aina a me na waiwai o na kanaka. O kela mau hana na holopono ia iwaena o na kanaka naaupo oia mau mokupuni. O na kanaka nae i ike ia mau hana apuka na hoopihaia lakou me ka inaina no keia aupuni.
O keia ke la na olelo a keka hi o na Komisina i huli hoi aku nei.
Ua lawe ia ae o Miss Helen Alohikea. imua o Lunakanawai Wilikoki no ka hoolaha oia i kona mau makua, aka, i kona ninau ponola ana aku ua hoike mai la ke kaikamahine ua haalele oia i kona mau makua no ka makemake e hoomare iaia me kekahi kanaka o 40 makahiki, i ka lohe ana o ka lunakanawai ua hookuu ia mai ka mea i hoopii ia. O ka nui o na makahiki o Helen he 14.
NA HANA NIHO
O KEIA AU HOU
He Nui ke Emi
Ina he makemake oe e hana i kou niho e hele ae i na Kanaka Kaulana i ka Haua Niho ma ka Arlington Block, 215 Alanui Hotele ma kai aku nei o ke Alanui Uniona. He eleu a milioi laua ma keia ihana a ua lawelawe ia a lana no kekahi mau makahiki loihi. O ka pana ana aole he uku. He Lede Hawaii kekahi e kokua nei ia laua.
Papa Niho gula . . . . . . } | Hoopiha me ke Gula . . . . . $1 a pii aku
Papa Niho Dala . . . . . . } $5 | Hoopiha me ke Dala . . . . . . 50 keneta
"apa Niho Maoli . . . . .} | Heka@ki An@ . ..... . . . . 50 kenet@
O ka maua mau lako paalana niho no hel@ au hou. O no poe pau e hana ia aua ko lakou m@u niho o maka ua hiki ia mana ko h@ oiaio he paa loa no ia.