Ke Aloha Aina, Volume VIII, Number 41, 11 October 1902 — Page 2

KE ALOHA AINA, POAONO, OKATOBA 11, 1902.

 

_________________________

 

 

NA MOHO HOLO BALOTA O KEIA KAU.

_________________________

 

            O keia malalo iho ka papainoa o na moho o kela a me keia Apa na Koho Balota i waiho mai la i ko lakou mau inoa i ke Kakau olelo o ke Aupuni ma ke ano he mau moho holo balota no keia kau koho e hookokoke mai nei. O keia mau inoa no na mokupuni wale no mawaho aku nei, a i ko-mo aku mamua o ke paniia ana o ka hookomo hou ana aku i na inoa ma ka Poaono nei.

            Elele i ka Ahaolelo 58: --Jonah Kuhio Kalanianaole, Robert W. Wilcox (Wilikoki).

            MOKUPUNI O HAWAII.

            Na Senatoa:--- OK Apiki, Stephen L Desha (Kiwini), RH Makekau, John D Paris (Palika), Samuel K Pua, Palmer P. Wood.

            Apana Koho Ekahi: -- Na Lu-namakaainana; David Ewaliko, Antone Fernandez, SH Haaheo, JM Kauwila, M Kekino Kealawaa, Rev. David Keliipio, James Lewis (Kimo Lui), James Mattoon (Kimo Makuna), Wm B. Nailima, George W. Paty, Joseph Prat-ehard, WN Purdy.

            Apana Koho Elua: --- Na Luna-makaainana; Basil Apiki, Frank R. Greenwell (Kinawe), WM Ka-laiwaa, HM Kaniho, John K Kekania, Joseph William Kelii-koa, John N. Keouli, S. Lazaro (Lakalo), Robert Makahalupa, Henry Parker Kaahu Malulani, Julian Monsarrat (Maunakea), Charles George Naope, Charles H. Pulaa, William J. Wright (Ui-lama Laika.)

MOKUPUNI O MAUI ME MOLOKAI.

            Na Senatoa:--Thomas Clark (Kamaki Kalaka), C.H. Dickey, J. Kamakele, William White.

            Apana Koho Ekolu:---Na Lu-namakaainana; D.H. Aukai, Fred W. Beckley (Kahapula), Adam K. Forsyth (Akamu), W.A. Haia J.P. Hihio, Samuel E. Kalama, G.P. Kauimakaole, Solomon K. Kawaihoa, Samuel Keliinoi, C.L. Kookoo, Charles K. Makekau, Joel Nakaleka, Pala Naki, Philip Pali, John Richardson (Keoni Likikini), Louis von Tempsky, George P Wailehua.

            MOKUPUNI O KAUAI.

            Na Senatoa:-- 1 H Kahilina, S W Wilcox.

            Apana Koho Eono:-- Na Lunamakaainana; J Apukai Akina, Charles Blake (Kale Palaika), J.K. Gandall, H A Jaeger, I K Ka-auwai, SW Kaili, EA Knudsen, G W Mahikoa, R Puuki.

_________________________

 

            Ua weheia ae nei he hale hulahu-la maluna o kiekiena Pakipika e na ona oia kiekiena no ka ume ana aku i na dala a na poe puni lealea.

 

_________________________

 

UA HAALELE LOA AKU LA.

_________________________

 

            Ua loaa mai ia makou na hoike i hooiaio ia ua haalele loa aku la o W. Mokimana i kona kulana holo balota maloko o ka paa balota a ka aoao Home Rula i apono iho nei, ma hope o kona ike ana o ka inoa ana i kue loa ai oia o Monwar, ka pake a ka Aha Elele i wae iho nei, ua ae ole oia i ka unuhi ana aku i kona inoa mailoko aku o keia paa balota. Ma ko Mokimana manao, he mau hana hoohaahaa maoli keia i ka Lahui Hawaii, ka lawe ia ana mai o kekahi pake i mea hana ka-pawai no ke Teritori o Hawaii nei. E hoike amaka aku ana i ka Aha olelo o Amerika Huipuia, ua hiki ole i na kanaka Hawaii ke hoopono-pono i ko lakou aupuni, nolaila, ua lawe mai lakou i pake kekahi e hana i na kanawai no na kanaka Hawaii.

            Ua manaoia ua waiho loa o Moki-mana i kona manao holo balota, aka, na keia mua iho nae e hoike mai i kona holo moho kuokoa a me ka ole. O J.K. Paele ka inoa i lawe la mai la no ka hoopiha ana i ka paa balota a ka aoao Home Rula no ka noho i hoohakahakaia ma ko Mokimana haalele loa ana iho la.

            O Samuel Kamakaia ka Lunama-kaainana Home Rula i pani ae la ma ka makalua o L.K. Kenewela i waiho mai i kona kulana holo moho mamuli o ka piha pono ole o kona mau makahiki i noho ai ma Hawaii nei, e hiki ai oia ke hoolilo ia i ku-pa Amerika.

_________________________

 

UA PII MAHUAHUA AE NA LAHUI E.

_________________________

 

            Ma keia kau hoopaa inoa ua pii mahuahua ae na lahui e i hele aku la e hoopaa i ko lakou mau inoa no ka loaa ana ia lakou o ka mana koho. O ka hapanui o ke-ia poe oia na poe i loaa ole ka mana koho i kela kau hoopaa inoa aku nei mamuli o ka piha ole ana o na makahiki a ke kana-wai i kauoha ai no ko lakou lilo ana i mau kupa no ke Teritori Hawaii, a me ka poe hoi i hoo-kupa maoli aku no ke aupuni o Amerika Huipuia. He hapanui iwaena o na lahui e i hele iho nei e hoopaa i ko lakou mau inoa he Pukiki. I kela kau koho aku nei he 100 wale no Pukiki i loaa ka mana koho, aka, i keia kau koho e hiki aku ana ma kahi o 300 i loaa keia mana ia lakou. No na Hawaii ke emi liilii nei ko lakou heluna koho mamuli o ka ohi nui ana a ka make, a he uuku loa hoi na opuu Hawaii hou e pani nei i na makalua i hoohaka-hakaia.

_________________________

 

            Ua hookuu akea ia ka lehulehu e holo makaikai aku iluna o ka ino kukaua Geremania i ka La Pule iho nei.

 

_________________________

 

KAUOHA IA O KIMO BOE E HOI MAII

_________________________

 

            Ua hala aku ia maluna o ka mokuahi Sierra he kauoha pili aupuni na Kiaaina Dole e kauoha aku ana ia Kimo Boe e huli hoi koke mai me ka hoohakalia hou ole aku, oiai kona keena e waiho nei iloko o ka hemahema nui. O na la hoomaha i haawi ia aku no-na ua hoopau ia i keia wa, a o kana hana pono wale no o ke kau iho maluna o ka moku a huli hoi mai i ka wa e loaa aku ai o keia kauoha iaia.

            O ka loaa ana iaia he kumu pale kupono ke alahele wale no e loaa ai iaia na huikala ia ana aku e ke aupuni a i ole pela e kuahaua ae ana ke Kiaaina he noho ia i hakahaka a e koho ia ona pani ma ia wahi ke hoi ole mai oia.

_________________________

 

HE MAKANA MANAONAO.

_________________________

 

                        (Mai ka Hilo Herald mai)

           

            He wahine Iapana e noho lawela-we nei ma kahi o R.T. Guard, ua hoohikilele ia ae oia ma ke kakahi-aka Poalua nei i ka wa i loaa aku ai iaia o kekahi wahi leta me keka-hi mea maloko. I ka wa i wehe ae ai o ka wahine i ka wa hi leta, aia hoi, ua hoohikilele ia oia i ka ike ana iho he leta e waiho ana i ka-kania ma ka olelo Iapana, a he apa-na lole i oiwili ia, a maloko o ua apana lole ala ua ike iho la ia he manamanalima kanaka i okiia ma kahi o ke ami mua. Iloko o kona piha weliweli ua lalau iho la oia i ka leta a heluhelu iho la, a nana i hoike mai i ka mea nona keia mana-manalima ana e ike nei, no kana kane mare no ka i kaawale mai ia ia aku no kekahi wa loihi.

            Maloko o ka leta, e hai mai ana oia ua hoouna mai la oia i kona manamanalima mua, no ka uwalo ana mai e huli hoi hou aku ka na wahine me ia, a o kona manao e hoomau aku no oia i ka okioki ana  i kona manamanalima i kela a me keia ia a hiki i ke koe ole ana hoo-kahi, ina e ko ole ana kona manao.

            Ua olelo ae ka wahine, o ke ku-mu o kona haalele i kana kane ma muli no ia o kona hoeha, a aole loa hoi he manao iloko ona e hoi hou aku e noho me ia. Ua waihoia aku keia hana ia Hope Makai Nui Ove-rend no ka imi pono ana i ke kumu o keia Iapana i makemake ai e oki-oki i kona mau manamanalima, ma ka hoomaopopo ia ana iho me ke la aole i oki maoli ia, aka, ua wiliia a hiki i kona moku ana.

_________________________

 

            Ina he makemake oukou e ike i kahi e loaa ai ia oukou na lole maikai me ka emi e hele ae ina halekuai o Whitney a me Marsh, LB Kerr, White House a me NS Sachs.

 

_________________________

 

ELELE WILIKOKI NO HAWAII.

 

_________________________

 

            Maluna o ka mokuahi Claudine haalele iho la i ka Poalua nei i kau aku ai ka Elele Wilikoki me kona mau hoahele Senatona D. Kalauoka ia i a me D. Kalauokalani Opio, no ke kaahele haiole hou ana i ka mokupuni o Hawaii. E lele ana lakou ma Kawaihae, a mailaila la-kou e nee aku ai no Waimea, kahi e loaa aku ai ia lakou o na moho Se-natoa Palmer Woods a me Samuel Pua. E hele aku ana lakou mauka o ka aina mai na apana o Kohala, Hamakua, a hoea loa i Hilo, mailai-la aku no Puna, Kau me na Kona, a mailaila mai lakou no Maui. A i ka pau ana o ka lakou kaahele ana i ka mokupuni o Maui, e huli hoi mai ai lakou no Oahu nei. Ua ma-naoia aole o Elele Wilikoki e holo aku ana i Kauai, oiai ka manawa ua kuhaiki loa, aka, e hoouna ia 'ku ana no nae he mau haiolelo mai ka aoao Home Rula i ka mokupuni o Kauai ma keia mua koke iho.

_________________________

 

HOONAUEUE IA O HILO E KE OLAI.

_________________________

 

            O na hoike no kekahi hoona-ueue olai ikaika i ike la ma Hilo ma ke kakahiaka nui La Pule, Sept. 28, ua loaa mai nei ia ma-luna o ka mokuahi Kalaudina, a o keia iho na hoike a ka nupepa Tribune:

            Ma ka hora 6:13 o ke kakahi-aka La Pule nei, ua hoonaueue ae kekahi olai ikaika loa ia Hilo nei, i ike ole ia hoi kona lua no eono makahiki i hala ae nei. O ka loihi o ka naue ana he eha sekona e nee ana mai ka hikina akau no ke komohana hema.

            He nui na wahi i hoike mai no ka pau o na pa a me bola i ka nahaha, aka, aole nae he mau po-ino kuhohonu e ae. Ma ka hale a Le Baron Gurney ma Puueo, he nui na lako i makee nui ia e Mrs. Gurney ma ke ano he mau waiwai hooilina i kiola ia no lalo o ka papahele a pau i ka nahaha. Ua olelo ae o Luna Nui Waldron o ka Hotele Kaluapele, ua ike ia no keia oiai mauka o laila, aka, aole nae he mau loli o ke kulana o ka lua i ikeia.

_________________________

 

OLELO HOOLAHA.

_________________________

 

            E ike mai e na kanaka apau. Owau o Samuela Kauhane, Luna nui o na Aina o ka Hui hanai holo-holona e waiho ala ma Kapua, S. Kona, Hawaii. Eia ma ko'u lima he elua mau lio komohewa, he hookahi lio kane ahinahina hao kuni O, uha hope akau, hookahi lio kane keokeo, aole maopopo ka hao kumi. O ka mea nona keia mau lio i hoike ia ae la, e kii koke mai iloko o na la umikumamalima mai keia la aku me ka uku pu mai i na lilo o keia hoolaha a me ka uku aina. Ina e hala ka manawa i hoike ia ae la maluna e lilo no keia mau lio i ka hui.

                        Owau iho me ka oiaio,

                                    SAM KAUHANE

                                    Sepatemaba 14, 1902.