Ke Aloha Aina, Volume VIII, Number 37, 13 September 1902 — Page 4

KE ALOHA AINA

 

KE ALOHA AINA

 

Hookumuia no ka

Pomaikai o ka Lehulehu, a he Nu pepa no ka Lahui Hawaii.

 

EDWARD L. LIKE.

Luna hooponopono

 

JOSEPH K. LIKE

Luna Hoopuka

 

ALEX NAWAHI

Luna Hohana

 

EMMA A. NAWAHI

Puuku o KE ALOHA AINA

 

PUKA PULE.

E hoopuka ia ana ma na kakahiaka Poano a pau.

 

                        No ka Makahiki . . . . . . . . $2.00

                        No ka Eono Mahina . . . . . $1.00

                        No ke Kope Hookahi . . . .     .05

 

KEENA HANA.

            Ma alanui Moi, Leleo, Helu 370, Kokoke ma ka Hale Hoolulu Kaaahi. Pahu Leta 513.

 

HONOLULU . . . . . . SEPT. 13, 1902

 

            No MAKOU iho, aole no a makou ahewa ke puka ke Keikialii Kalanianaole i Elele na ka lahui ina no ia e kohoia ana e kona aoao Repubalike, a ina no he nui na poe e ae e apo aku ana i kona inoa a kakoo. Ke hilinai nei makou ma kona ano he opio alii hanau no ka aina, a he Hawaii oiaio koko piha no loko o ka lalani o na alii kiekie o Hawaii, nona na kupuna i eha ai ka ili i ka ihe laumeki no ka paio ana i ka pono o lakou na'lii a me na makaainana. Aole no hoi pa ha e nele ana kona puuwai i ke aloha ana iho a me ke kaupaona ana i ka pono no ka poe waiwai a me kakou ka poe ilihune nawaliwali o kona lahui, O ka makou koho wale keia.

           

            OIAI no makou e lawelawe nei ma keia oihana hoolaha nupepa, o ka pono no o ka aoao lahui ka makou peku ia Wilikoki ina e nui kona ohohia hou ia a puka hou oia ma keia Kau ae, ina nae oia e lilo ana i Elele Lahui ma ka inoa o ka aoao Demokalaka a me ia inoa oia e hele hou aku ai i ka Ahaolelo Nui o Amerika i keia Kau ae. Alaila, he manaolana ko makou e loaa ana paha ka pono i kahi mau bila ana i hoohiamoe aku nei maloko o ka Ahaolelo, a keia Kau ae hoala hou mai, no ka mea, le loaa ana iaia he mau hoaloha nana e paio a hooikaika nona mawaena o na poe Demokalaka oiaio o loko o ka Hale. Aka, hele kohana hou aku no ia ma ka aoao Home Rula (hoaloha ole) O ka makou no ke peku iaia, na ike makou e hoi hou mai ana no oia me ka nele.

 

HE PAINA I HAAWI IA NO KA HANOHANO O NA WAHINE A NA KOMISINA

 

            Ua haawi ae o Mrs Kuaihelani Paka he paina luau ma ko laua home ma alanui Emma, ma ke awakea o neihinei, no ka hanohano o na wahine a na Komisina. Malaila pu ae ka Moiwahine Liliuokalani, me kekahi mau lede kamaaina o ke kulanakauhale nei kahi i luana pu ai me na malihini, Mrs J O Carter, Mrs. S C Alani, Mrs Haalelea, Mrs Koni, Mrs. Makapolena, Mrs. Kulika, Mrs Freeth, Mrs Stillman, a me Mrs Nawahi. Na ka Hui Himeni Emerala i hoonanea i na malihini oiai lakou e paina ana. Ua piha hauoli na malihini, a nui ko lakou  mahalo i ka ono o na mea ai Hawaii, me ka lokomaikai pu o ke kamaaina nana ka papaaina. He poe laiwale wale no keia, a he piha hauoli hoi ma na ano a pau.

 

KU NO KA HOI KA PILA HANA KA HAAWE A KALAUOKALANI MA E NOKE ALA.

 

            He nai ka ka hoino launa ole o Kauokalani ma lana o Mokimana e noke ala i ka nupepa "KE ALOHA AINA" ma na wahi a pau a lakou e hele 'la. O ka manao paha oia mau hoinoino ana aku imua o na kanaka i wahi e haalele mai ai kona poe helueelu i ke ohohia ana nona, i ole ai e mau kona ku ana maluna o kona kahua kakele a hiki i ka wa o lakou o komo hou ai ma keia Kau ae, alaila i "uhi pa ahu ia" no na ino a lakou e hana hou ai, a e alakai pauaka hou ai i ka lahui ma kkeia Kau hou ae.

            O ka mea anei nana i hoikeike mau aku i na hana a lakou i hana hoomaauwea wale ai no i ka pono o ka lehuleku, a o ko lakou pono no ka lakou i noonoo nui ai, oia nae ka lakou 'la e olelo hele ala he wahi nupepa ino. I kona wanana anei i ka mea pololei, aole mea nui i hana ia e oukou maanei a he oki pu no me ka Elele a oukou i o a hoi wale mai la no me ka nele. A e nele mau ana no ina aole lakou e komo iloko o kamaa buti o kekahi o keia mau aoao mana elua, Repubalika a me Demokalaka. Ke haiolelo nui 'la i ka hoopunipuni o keia wahi nupepa; Hoolaha ae keia i ka lawe o makou i ke dala kipe, eia nae, he puni ka holo o kahi Lunahooponopono e mihi. Eie na hookamani nui; mai hoole manawaipo ia mea. O ke Akua kai ike i ka oukou mea i hana ma u ai, a ua ike pono oia me kona mau maka nunui i ka lawe ana o oukou i na waiwai kipe, he hoole wahahee ia a oukou pela, I mihi ka hoi ko makou Lunahooponopono opio i ke aha, kai no hoi i mihi i ka hele ia ana mai e apoipoi e na hoaloha o oukou a me makou pu, kekahi o na poe i ike a i hoomaopopo i ke alahele o ua mau hana lawe kipe nei a oukou e hooleole wahahee wale iho la no, a'o mai la i wahi e hoopokole ia ai ia mau hana i pahu ae ai ma ka nupepa, me ka i mai. E hoihoi hou ka Lunahooponopono o ka nupepa ia mau mea e pono ai, a e mihi i ole e hele keia mea i ka nui. Eia no ka hoi e hele aku ana no hoi i ka nui.

            Ua aa makou e hele e hoike imua o na "Komite Ninaninau a ka Ahaolelo i koho ai" ma ke awakea o ia la, aka, hiki e mai la na hoaloha e kaomi ia makou me ka Lunahooponopono ma @ia kakahiaka, a pela makou i emi pu ai, a ae aku ai ko makou Lunahooponopono e mihi ina ia o ke alahele e uluaoa ole ai oukou na hoa o ka Ahaolelo, Ua ai makou e hele a hoike i ka inoa o kela hoa o ka Aha Hookoa oukou, ka mea nana i hoike mai ia makou i na mea a pau a oukou i hana ai, me ka i mai; na na wahi haole no na Emaluka ma me Pain ma no ka oukou dala e hoopaki ana ia mau ia mai ka wa koho balota mai, a pela me kela kikoo dala o $2,000 i kaulaua ae ai ia mau ia, mai iaia ponoi mai ia lohe ana o makou, a pela makou i hilinai ai he oiaio na mea a pau, oiai, he kanaka nui oia no loko o ka Aha Heoko o oukou, a he mea hoi i hiki ke hilinai ia na ike oia i na mea a pau. Ua makaukau pu hoi makou e lawe aku i ka inoa o kekahi mau wahine a kekahi mau hoa hanohano o ka Ahaolelo i hoike ma ko makou aoao no keia mau mea. Heaha ka mea o ke kii ana aku a ia mea uhiuhiu hou ae, a O ka maunu ia e huli ai kanaka. Ke olelo nei makou me ka oiaio loa. Ina aole i huli aku nei ke Keikialii Kalanianaole ma ka aoao Repubalika, owai la oukou i ka lahui i keia Kau ae. Mamuli o kona lawe ana aku la i ka aoao a ka lahui i wahawaha ai, pela i hoi hope hou ai kahi poe, a loaa ka oukou. Aka, nana aku paha ia mua.

 

NA OLELO WAHA-A A KAHI POE HOONAAUAO OLEL AE NO HOI I KA NOONOO.

 

            Ua loheia kekahi mau olelo i puka ae ma ka waha o kekahi poe Home Rula waha-a manao haiki maoli no, a hiki ole ke hoakea ae i ka koonoo nona mea ma kahi e a me na mea pili koko ke iho maanei. I ka wa i pahola ae ai o ka lohe na hoohui ia mai la na aoao lahui elua "home Rula a me Demokalaka" a lilo i hookahi, ma ka wae like ana i mau moho na laua no keia kau ae. Eia ka pane a ka poe waha-a hupo ike ole i ka noonoo maikai. Al paholo ia Demokalaka nawaliwali malalo o ka Home rula ka aoao ikaika. Pela io no paha, aole he mea nana e hoole keia, he aoao nui a ikaika io no ia a kakou i ike ai maanei, Aka, heaha ka waiwai oia nui ma Amerika, kahi o kekahi mau ha na a kakou e waiho aku nei e hana ia mai. Nolaila, oia aoao ikaika maanei, he anwaliwali nae kona kulana e like me ka ole ma o. Aohe nana ia mai e na hoa o ka Ahaolele, ke ole ka Elele he mea i hoouna ia aku na kekahi o keia mau aoao mana elua iloko o ka hale. Oia iho la no ke kumu nui i pahu-a ai a holopono ole kekahi mau bila a Wilikoki. Owai kona mau hoaloha Home Rula malaila na lakou e paio ikaika no kona pono? Aole; Oia ike maoli o ka Elele i kona hookunana ia e keia mau aoao mana elua oioko o ka Hale Ahaolelo, nolaila, oia iho la ho ke kumu o keia hooikaika loa o ka Elele a me C@ypless e hoohui keia mau aoao elua. Ina oia e puka hou ana ma keia kau ae, alaila e hele aku ana oia ma ka inoa he Elele Lahui Demokalaka mai ke Teritori Hawaii aku,.

            heaha ka waiwai i loaa mai nei iaia mamuli o kana hele ana aku nei mamuli o kana hele aua aku nei he elele lahui Home Rula aohe mau hoaloha o loko o ka Ahaolelo na lakou e hooikaiaka no ka pono o kana mau bila kanawai. Ehoomaopopo kakou, he mau Repubalika wale no me Demokalaka ko loko olaila, aohe Home rula. Nolaila, e hoopau a kapae loa ae ia mau olelo waha a hupo a hookahi mea nui e nana i ka pono laula o ka lehulehu. O ka pono laula o ka lehulehu. O ka aoao Demokalaka a oukou e olelo nei he nawaliwali maanei, he ikaika hoi paha ia nawaliwali ma o. O ka aoao ikaika hoi maanei oia ka Home Kula, he ole oia mao.

 

MRS. KAHALEWAI KEONI KAMAKI UA HALA.

 

            Ma ke kakahiaka Poakolu nei Sept 10 1902 hora 10 a. m., i hoo kuu mai ai oia i kona aho hope ma ka home o kana kaikamahine muli loa, Mrs. May Kibling, ma Alanui Iana. O Mrs. Kahalewai Keoni Ka maki, oia kekahi o ua wahine Hawaii o ke kulana  kiekie a hanohano i ikei nui ia ma keia kulanakauhale iwaena o na lii a me ka pohai o na poe ko'iko'i o ka aina, a hiki aku i na lopa haahaa. ke makuahine pauwai hamama, he noaloha no na mea apau i kamaaina pu me ia. I ka wa i kahui ai ke aupuni moi i ka makahiki 1893, oia kekahi o na makuahine i hoowelania ia kona puuwai i ke aloha i ka aina a me ka makee i ka nohoalii, ka mea ana i haaheo ai mai kona mau la opio mai. Ua kome pu oia me ka hapa nui o na wahine Hawaii  e hana, a e heoikaika a e paio pu ana no ke aloha i ka aina hanau, me ia haawina makamae oia o ke kupaa naue ele a hiki wale i kona hala ana aku la, Ua waiho iho la oia mohope nei he kane aloha i piliia mai kona mau la ui mai, a he mau kaikama hine ekolu; Mrs. Kaumaka Walker; Mrs Piikea Kahi Mersberg; Mrs may Kibling a me hookahi keiki kane, o Thomas Cumminsg, a me na moopuna he lehulehu wale e u aku nona. Ma ka hora 3 auina la o ka Poaha nei Sept. 11, 1902. i hoo lewa ia aku ai kona kinowailua no ka Ilina o Maemae, me ka nui o na makamaka a me na hoaloha i ukali pu aku i kana huakai hope. O na poe hapai pahu oia no na Keikialii Kawananakaa a me Kalaniole, J O Carter, Capt. Tripp, Chas Hopkins, a me Frank Harwoy, Ua ukali pu aku ma kona huakai hoolewa, kona mau hoaluhi i hooikaika pu ai @ua hana aloha aina i na kau i haia oia na poe makuahine o ka Hui Aloha Aina, ka hui ana i neho hope Peresidena ai i ka wa o Mrs Kuihelani Gampbell e noho Peresidena nui ana. O KE ALOHA AINA pu kekahi iloko o ke kaumako, me ka oha o ka mea i hala aku la i ke ala hoi ole mai. Aloha no ia makuahine o ka lahui.