Ke Aloha Aina, Volume VIII, Number 36, 6 Kepakemapa 1902 — Page 7

KE ALOHA AINA

 

MOOLELO HOONI PUUWAI

 

-:NO KE:-

 

KAKELA LANAFODA

 

-:KA:-

 

Ipuka o ke Kuewa me ka Aea.

 

-:KA:-

 

Pua Lilia Ahiu o Sanadela.

 

MOKUNA XXIV.

 

            KA MOI KUEWA O NA PELEKANE-KA PAAHAO’MA KE KAKELA HUSA.

 

O ke ki hoomau mai a na pukuniahi a na kipi, me ka nui o ka poino i loaa i ka aoao o ke hulanakauhale, ua aneane hiki ole i na koa aupuni ke hoopakele ae mai ka lilo ana i puulehu na na lapalapa ahi, nolaila, o ka wehe ana aku i ka lakou mau poka pukuniahi o ka panai a hoolele mainna o ke kahoa o na enemi, o ia wale no ke alahele pokole e hooko ia ai ka hoena o keia kukala kaua o ka po.                  E like me ka leo haawi kauoha ki i na pukunihahi, ua luai aku la na batari me ko lakou mau leo paa paaina e hoonaueue ana i ka honna. Aka, no ka poul@ o ka po ua hiki ole i na koa aupuni ke ike aku, pehea la ke kulana hoonee kaua o na enemi, a o keia hoi ke kaua pale a na koa aupuni imua o ka ikaika kue o na enemi i olelo ia ai he kulana kaua nawaliwali, oiai ua loaa i ka aoao o ka poe kipi he kulana kaua maikai loa e hoiele ai i ka lakou mau poka maluna o ke kulanakau hale me ka hala ole.        Ua hooiaio loa ia mai keia mau olelo me ka pololei kekee ole ma ke auhee ana o ka aoao aupuni ma ua @o ala, a o na manaolana hou ana e loaa ia lakou he kuleana e kapa hou ia ai he puali koa aupuni ua weluwelu loa ia a nohaha liilii. Alaila, hiki mai ia ka hopena i sila ia maluna o ka Moi Kale o na Pelekane, he moi Kuewa ia ma keia po.             Ae-iloko o na hooho ikaika ana o ke kaua e lohe ia ana e na palena apau o ke kulanakauhale, aia hoi ua uina nakolokolo ae la @oe ke kamahao ka pukuniahi noailona, e hoike ana ua auhee kona aoao ma keia po, a ua makemake pu ia hoi oia e ka leo o keia pukuniahi hoailona e haalele koke iho i ka halealii me na waiwai. Alaila, ua ku ae la ua moi la a haalele i ka halealii; a holo iloko o ka pouli maluna o kona Lio Keokeo malalo o na pailaka ana a ka Pua Lilia Ahiu o Sanadela.                        O ka moi hookahi wale no kai holo aku me ka ukali ole ia e kehahi kanaka lawelawe, a o ka home. Ka kela Ulaula o ka Pua Liha Ahia k@ puuhoomaha mawaena o kamahele kuewa, mamua o ka hoomau ana aku o ua moi Kuewa la o na Pelekane ma kona alahele aea a kuewa mai kona nohoalii mai e lilo aku a nana aku i kona hae nani e welo ana maiuna o kona pahu, oiai kona mau koa e auhee ana o ke Kuewa no ia o Lnafoda. E paa ana oia i kana pahikiua me ka hiehie nui, a he kulana kilakila hoi kena a me ke haaheo iaia e ku ana malalo o kela pahu hae, ua wehe ia a paa ma ka-lima o ua kuewa nei kona papale, a me he la o ke kulana o ua koa opio aia iaia e ku ana e haawi ana oia i kaua mau hoomaikai hope ana malalo o na hoomalu ana a ka mana o kona mau enemi. O keia ka makamua loa o ka lilo ana o keia moi aloha i kuewa maloko o na ululaau o kona aina ponoi, ma ke ano he moi i nele me ka nohoalii a maluna o kona po ke kau ala ke kike eleele o @@@@lelo hoino o ke –kipi.-           Ma ua po ala, aneane hapalua o ke kulanakauhale o L d na i lilo i puulenu, a o na koa aupuni hoi i hilinai ia ai ka lakou mau hoopakele ana ua anhee loa aku lakou mai ke al@ aku o ae enemi kiri. O ke Duke o Ioka ka Alihikaua nui o na puali koa aupuni, ua mahuka pu aku oia ma ua po ala a holo no ka hoopakele ana i kona ola iho no na hilana o Wale. O ke kanaka koa loa i ko hookahi iho maluna o kela kahua kaua auhee o na koa aupuni, no kona hae aloha mamua o kona “hae” haele ana i lalo.      Sr Generala: Ke haawi ako nei au ia’u iho he paahao no ke kahua kaua iloko o kou malu, a eia kuu pahikaua he pio i hopu ia me kona haku. E haawi mai i kau hoopai maiuna o’u a ua makaukau au e auamo ia mau ehaeha apau.                   O keia na olelo i hoopuka ia aku e ke kanaka opio i ike mua ia ae nei e ku ana malalo o kela pahu hae, a o ka panai ma ka aoao o ke Generala kipi, na hoihoi hou mai oia i ka pihikaua a ke kanaka opio, a o kana mau olelo o ka hoopuka ana mai. He paahao nui no ke kahua kaua, a na ke kanawai koa e ahewa a hooholo i kou hoopai. Alaila, lawe ia aku la ua koa Kuewa nei o Lanafoda he pio no ke kaua a kali no kona hookolokolo ia ma ke kakahiaka apopo. Mamaa o ka hoea ana mai o ka manawa e hookolokolo ia ai ka paahao, aia na kipi e hauoli ana no keia lanakila nui i loaa ia lakou, ua ki ia na pu, ua hookani ia na bele, a ua kahea koke ia he halawai kuikawa maloko o na paia o ka halealli Weseminiseta  Abe. Ma ka noho ana o kela halawai kuka, a maloko o ua halawai ia o ka lakou olelo hooholo kapula i hoopuka pupuahuia ai, e hoopaehao ia ke alakai opi@@@ na koa aupuni ma’oko o ke keena @@@@@ne a mehamaha o H@sa, a hiki i ka wa e loaa ai o ka Moi Kale a me ke Duke o Ioka, @l@iia ia wa e lawe houia mai ai oia no ka hookolokolo ia ana imua o ko Pelekane aha hookolokolo Lunakanawai kiekie loa, ina paha ua ku ka hewa iaia e make ai oia a i ole, hoopakele ia. Ua hoopuka pu ia ke kauoha no ka hopu ana i ke kino o na luna aupuni kiekie apau i noho malalo o ka Moi Kale, a hoopaahao ia lakou maloko o na paia o ke Kakela H@st.                        O keia kauoha, ua hookoia me ka awiwi a ua lawe ia aku ke Kuewa o Lanafoda a hoopaahao ia maloko o ke kakela Hasa, a o na nema olelo ma ka lehelehe o na kanaka, e kamaiho mau ana ia no ka hoopaahao ia o ke kanaka koa alakai opio o na koa aupuni. O na poe i ike maka i na alakai a me na lawelawe kaua ana a au kanaka opio ala, ua haawi ae lakou i na mahalo kiekie ana nona, a ua hoao ae lakou e no noi e huikalaia oia a malia ma ia hana ana e hoohuli ia aku no ia ma ia aoao. Aka, no na poe i piha lili maoli me na manao inaina, ua kue loa lakou i keia noi huikaia mawaho ae o ka olelo hooholo a ka Aha hookolokolo.

 

MOKUNA XXV.

 

KA MAKUA MONEKA O KA MANAOIO.

O ka waahine me ka puuwai aloha oiaio no kana kane he waiwai ia i oi aku imua o na momi, a ka mana o na lani i haawi mai ai ma keia ao honua e hoonani ai ia kanaka a hoonani iho, a iwaona oia mahele pili i ke aloha i lokomaikai ia mai ai i na wahine, o ka Lede Lanafoda a Pua Lilia Ahiu kekahio Sanadela i loaa ia haawina maemae, ua ho ike mai ke aloha oiaio o keia lede opio no kana kane i ka pupili paa o ka holo ana o ke koko mamua o ka wai, a o na waiwai o keia ao aole loa i helu ia imua o ia aloha.                 Noiaila, ma keia po ana i haalele aku ai i ka halealii, a holo mai no ka hoopakele ana i ko laua mau ola oiai ka aoao aupuni e auhee ana, aole loa oia i poina i ke aloha, a me na hoomanao ana no kana kane i haalele aku ia. E kuko mau ana oia no ka palekana o kana kane, a e ehaeha ana hoi me ka luuluu, ke hoomanao pu ae o kana kane aloha pu kekahi i haule make pu iho la me kona mau hoaloha “koa” e like me ia ana e lohe pinepine ai iaia “kane” i ke kamailio, e hooiilo ana i kona mau koa o kona mau hoalo ha no ia.            No keia manao ikiiki iloko o ka puuwai o ka wahine aloha kane oiaio, na ia mea i hoopilihua mai iaia, a ia laua i hoea aku ai noke Kakela Ulaula, a lele mai ko laua mau lio iho, ua huli keke ae ia ma luna o kekahi naita kauho o kona makuakane a hoouna aku la i kan@ mau olelo; Sir, ua hoomana ia oe e kau maluna o kekahi lio holo loa o ke kakela nei, a holo me ka hoomaha ole no Ladana a haawi i kau mau hoolohe ana me ke akahele loa, no ka hopena o ke kaua mawaena o na kipi a me ka aoao aupuni, @ e huli hoi awiwi mai me kau hoike pili oihana. E haawi pu i kau mau hoolohe ana no na mea e pili ana i ko oukou Haku Opio; Nao Sir e hele a o na lani pu kahi me oe.                  Ua hala aku la ka elele, a o ka moi hoi ua hookipa ia aku ia e like me ka hanohano a me ka ihi@hi o kona kulaua, a me he la eia no ia ma kona halealii, ma ka lawa ma na mea a pau. O ka lono mai ke ka hua kaua mai, oia kana a me ka haku wahine o ke kakeia i kali ai no ka huli hoi aku o ka elele, a ma ke kakaniaka noi o kekahi la ae ua hoea aku ua elele aia a hoike me keia mau olelo o ka hoopuiwa.     Ua auhee a pio ka aoao aupuni, a o ka Haku Opio o ke Kakeia Ulaula ua hoopaahao ia oia ma ke Kakela Husa, a kali i kona hookolokolo ia ana a hiki i ka wa e paa ai o ka moi a me ke Duke o Ioka.               Ha! Ua hoopaahao ia anei ke Haku Opio o Lanafoda, a ke kai nei kona hookolokolo ia a paa au i ka hopu ia? Wahi a ka moi me ka hooho pihoihoi ana ae. Ae e ka moi, oia ka olelo hooholo i hoopuka ia e ka halawai a kekahi ahha kuka i malama pupuahuluia ma ka la mehinei.            Alaila, e hooluu mai ia Kale Ku aka ka Moi Kuewa o na Pelekane e huli hoi aku no Ladana, a haawi pio iaia iho ina he mea ia e huikala ia ai kela kanaka opio a na miliona kanaka Pelekane i aie nui ai, wahi hou a ka moi.                Aole, aole! Mai hoolilo ia oe i hehena a i pupule ma ka haawi ana aku ia oe iho iloko on a lima o kela poe kipi, o kou paa ana iloko o ka mana o na kipi; o ka hookoia ana no ia o kela hoopai weliweli nou maluna o ka paepae oki. E hoopakele nou iho maloko o na puha laau a me ana, a na kekahi a ko’u mau kanaka e alakai aku ia oe no ia mau wahi huna, a hala ae na la kupikipikio a onene o ka aina, alaila, e hoouna hou aku no au nou. No ka’u kane ka Haku Opio o Lanafoda, e haawi ana au me ko’u ikaika a pau e hoopakele ia ai oia. Ano e ke alii ka moi, ke hoomaopopo mai ia anei oe i ka’u mau olelo?              Na keia mau olelo ma ka aoao o ka Lede o ke Kakela Ulaula, ua ae mai ia ka moi me ka maikai e holo aku la e pee maloko o na ana pohaku, no ka mea, ua maopopo e hoea mai ana ka huli nona ma ia mau wahi. Nolaila, o na hilinai a me ma pa@lele ana no kona palekana aia no ia malalo o na alakai a me @a pailaka ana a na kanaka o ke kakela, a ua malama makee ia kona kulana palekana o ka pee ana ma loko o na ana pohaku, a na ua m@@ a pea i ka hopu ia he p@ahao no ke Kakela hooanoahoo Husa.