Ke Aloha Aina, Volume VIII, Number 36, 6 September 1902 — Page 5
| This text was transcribed by: | Lufi Luteru |
| This work is dedicated to: | No ka Lahui o Hawaii |
KE ALOHA AINA
POAONO, SEPATEMABA 6, 1902.
hihi he alualu nahaehae. Ua hoopaneeia ka halawai a ke ahiahi Poaono hui hou, keia Poalima e haawi mai ana ka Home Rula he halawai makaainana, a owau ka lakou malihini ma ke ano he "Aloha Aina" Demokarata-- Wela ka hao i ke ALOHA AINA Demokata o Maui.
Mahope o ka pau ana o keia mau haiolelo ua hapai ia ka noonoo ana no ka wae moho Senatoa me Luna makaainana. Na Thomas Kalaka i waiho mai i ka inoa o na moho o na aoao kalaiaina ekolu Senate.
REPURALIKA.
Senatoa:
C. Dike 0
A N Kepoikai 2
Lunamakaainana:
Pilipo Pali
Pika Noa
S Keliinoi
Kikaha Opio:
ALOHA AINA DEMOKARATA.
Senetoa:
W H Cornwell 0
J Richardson 20
Lunamakaainana:
A Fosty 14
Kikaha Makua 11
J H Nui 3
Paia Naki 8
Beni Lyons 19
Kalaka 20
HOME RULA
Senetoa:
W White 0
Lunamakaainana:
J K Hihio 0
S Kawaihoa 0
Beckley 14
C L Kookoo 0
Wailehua 0
C K Makekau 0
D A MAHUKA
KA MANAO HOOHUI O KA ELELE WILIKOKI
Ma ka nana a hoomaopopo aku i ka manao hoohui o ka Elele Lahui R. W. Wilikoki, me ka aoao Demokalaka me he mea ala ua ike oia ma ia alahele wale no e loaa ai ke kakoo ikaikaia ana o kana mau bila kanawai ano nui e waiho ala imua o ka Ahaolelo Nui. E like me ka hoike a kekahi mau alakai Demokalaka o Amerika Huipuia i hoouna mai nei ia Komite Lahui Konuela o ka aoao Demokalata ua hoike mai lakou me ka oiaio he elua no aoao kalaiaina a ka Ahaolelo o Amerika Huipuia e ike mai ana o Hawaii nei ke hele aku ilaila oia ka aoao Repubalika a me Demokalaka, nolaila, i na pela iho la ka oiaio maoli, a laila ua pololei no ko ka Elele Wilikoki oi ana maila i ka aoao Demokalaka i hele aku ai oia he elele na ka Home rula a me ke Demokalaka, he hana maikai ole no na Home Rula e kulai ai i ka hana a ko lakou mau alakai e manao nei e hoohui ina o ke ala ia e loaa ai o na pomaikai i ka lahui Hawaii. O ka loaa mai o kekahi mau pono ia Hawaii nei mai ia Amerika mai, oia ka mea i iini nui ia, aole o ka nele e like me ka kakou i ike iho nei.
Ua kali ia ke kuahana ia ana o ka hui o ka aoao Home Rula me ka aoao Demokalaka a hiki i ka wa e hoi mai ai o Senatoa Kalauokalani mai Hawaii mai.
NA HIONA O KA LA HANAU O KA MOI== KAPUALIOKEALOHA.
Imua o ka Makuahine Alii a ka Lahui ko kakou Moiwahine Liliuokalani i aloha nui ia, ua hoea aku la na lala o Kapualiokealoha i alakai ia e Rev. Samuela K. Kamakia, ko lakou makua. O lakou ka Ahahui mua loa nana i wehe ae i na hana hoomanao aloha no ka hanohano o ka la hanau o --
Liliu o loloku
O Walania i ke kii Onohi
O kamakaeha kou Inoa ia Olaia e o --e;
A eia iho ka papa kuhikuhi o ka lakou nana imua o ka Moi.
1. Solo & Scho. E mau e ke ea o ka aina.
2. Pule hooalohaloha i ke Akua.
3. Solo & cho. E naʻi wale no oukou i kuu Pono aole e pau.
4. Heluhelu. He moriala i ka Moi "me ka pane aloha mai ka Moi mai."
5. cho. E ka Lahui Hawaii Oiwi ponoi.
-. Hawaii Ponoi.
Hookuuia na hana me ka lulu lima aloha pumehana pu ana me ko lakou Moi i aloha nui ia.
A maluna ae o na mea a pau, ua hoi puolo no na lala a pau o Kapualiokealoha. Oiai hoi, ka leo alii i pa e mai. E hoi e aʻu keiki aloha, a e hoomau aku oukou i ka oukou hana maikai. A na ke Akua o ka maluhia e kokua mai ia oukou, no ka pono a me ka holomua o ko oukou Puali me keia hope aku. Pela ka Haku e kokua mai ai i ka oukou hana maikai ma keia mua aku. Aloha oukou a pau.
Memoriala a ka Puali o ke Aloha imua o ka Moi.
E ke alii ka Moi, ka Hakualii Kiekie o ko Hawaii Pae Aina;
E ka Hoku o ka I--
E ola mau loa oe.
O makou o kekahi o kou mau makaainana aloha alii oiaio, he mau hoahanau hoi iloko o ka "Puali o ke Aloha o ke Akua;" e noho ana ma ka apana o Kauluwela, Honolulu nei, ua hele mai nei imua ou me ko makou puuwai aloha alii oiaio a pau, e komo pu aku me oe ma ka hauoli pu aha i kou la hanau e ka lani.
A oiai hoi, o keia ka mua loa o keia puali i hoea mai la imua o kou kapu alii i keia la, a he kia hoomanao poina ole hoi iloko o ko makou puuwai ma keia hope aku. Nolaila, imua o kou hoano alii; aohe a makou makana e ae imua ou. Hookahi wale iho no "O ke Alii wale no ka makou makemake, o ka luhi o makou me lakou nei; Hookahi no--a makou makana la--- O ka leo--no o e--."
E ae oluolu mai kou puuwai alii, e lawe aku i ka makou kanaenae aloha. He wahi hoomanao pumehana pu ana na kela Puali o ke Aloha i kou la hanau e ka Haku o ka I. A ke pule nei makou i ke Akua o ka maluhia, e hoopanee a e hooloihi hou aku i ke kanawalu o na la hanau o ko makou Moi aloha nui ia.
O makou iho no ma o ko makou alakai ala. REV. S. KAMAKAIA.
HAKIHAKI NA IWI O KE KOLOHE.
Oiai o makaikiu Chester doyle e ku ana ma ke alanui Moiwahine ma kahi kokoke i ka uwapo o Burua ma ka po Poalima nei, aia hoi, ua maalo ae la kekahi kaa otomabila, a i ka ike ana mai o ke kalaiwa kaa iaia nei, ua ku iho la ke kaa me ke kono ana mai i ke kiu e kau aku iluna o ke kae. O ka manao kuhi hewa o ke kalaiw kaa he aliimoku keia no luna o kekahi o na moku kalepa e ku nei maloko nei o ke awa. Ua kapa mai oia i ka malihini ma ka inoa malama moku, aka, ua kue ia aku nae keia inoa e ka malihini me ka pelo aku he kapena oia no luna o kekahi o na moku kalepa i kipa mai la i keia awa me ka maalea nui.
He mau alanui o ke kulanakauhalae nei i holo ia e ke kiu, a ia wa i huli hou ae ai ke kalaiwaa kaa a ninau ina paha aole ona makemake i hoa aloaio pu kekahi nona no keia po kehau anu. Aole i hoole ia aku keia leo kono e kana ohua, aka, ua ae koke ia aku, no ka mea, ua honi aku la na puka iho o ka makaikiu i na hohono kukalahea o kekahi mau hana haihai kanawai e lawelawe maluna ia nei e kekahi poe kalaiwa kaa.
E like me ka ae i haawi ia aku e kana ohua ua hoohuli ia ae la ka ihu o ka otomabila no ka home a ka nunu maka onaona e kali ana no ke ahele ana aku i na iiwi polena, i ko laua maalo ana ae mawaho e a mai ana no ke kukui a e ala ana no na wahi makua o ua eueu nei. Ua hoohuli ae la ke kaa a hoolalau aku la no ke kali ana o ka hiamoe o na wahi makua a me ka pio o ke kekui, a he mea oiaio, i ka maalo hou ana ae o ke kaa mawaho o ka hale aia hoi, ua meha ke kula aohe lele pueo. Ia no wai kau mai ai he wahine haole opio a noho iho la ma ka aoao o ka makaikiu. O ka hana akamai a ke kiu i keia wa oia no ke kauoha ana ae i ke kalaiwa e holo mua aku lakou i ka halawai, no ka mea, aia he elua o kona mau laina ke paa ala a ua makemake oia e hookuu ia laua mamua o ko lakou pahee loa ana aku i ka welowelo.
O keia noi ua ae ia mai la, a iloko o na minute pokole wale no aia ke kaa a me kona mau ohua e ku ana mawaho o ka halewai. Ua komo aku o Chester Doyle iloko a hana iho la i palapala hopu no kana mau lawehala, a i kona puna hou ana mai ua hopu iho la oia i ke kalaiwa kaa a me ka wahine opio no ka hewa hoowalewale. I keia la, Poaono, e hooloheia ai ko laua hihia.
HOOLAWA HALAWAI.
E noho ana ka halawai mau a ka Hui Hooulu a Hoola Lahui ma ka hale "Hoohanau Kapiolani" ma keia Poakolu ae Sept. 10, 1902, hora 10, oia kakahiaka. Ua makemake ia na lala a pau e hiki ae, no ka noonoo ana i kekahi mau meanao nui e pili ana no ia Hui.
Ma ke kauoha. (Ikea) E.K. REIS., Kakauolelo. Honolulu, Sept. 4, 1902.
KUAI HOOPAU NUI KUIKAWA O NA KAMAA WAHINE HAAHAA A ME LI OXFORD NANI.
He heluna uuku wale no i koe. eia me makou na helu like ole o na ano i aneane e pau loa. Ina eia maanei kou kamaa o ka wa kupoo wale no keia e kua ai i ua kamaa haahaa a me li no ka hapaina o ko lakou mau kumukuai. Ua hanaia lakou e na hale hana kaulana a no kela au hou. O ko lakou kumukuai maoli mai ka $4.50 a ka $6.00. e nana iho i ka makou mau kumukuai maalo iho nei.
NA KAMAA LI OXFOR, LOUIS HEEL. Kuai kuikawa $2.00 a me $3.00
NA KAMAA HAAHAA LOUIS HEEL. Kuai kuikawa $1.50 a me $2.00
NA KAMAA LI OXFORD. Haahaa o ka Hila $1.50, $2.00, $2.50
MANUFACTURESʻ SHOE CO., LTD.
1037 Alanui Papu.
Ke paila nei na ipuhao kalaiaina i keia mau la.