Ke Aloha Aina, Volume VIII, Number 35, 30 August 1902 — Page 3

This text was transcribed by:	Karen Mah-hing
This work is dedicated to:	Awaiaulu

KE ALOHA AINA

POAONO, AUGATE 30, 1902

POINO KA MOKUPEA CEYLON

Ma ka huli hoi ana mai nei a ka mokuahi Hanalei mai ka mo kuponi Laysan mai i hoihoi mai ai oia i ke kapena a me na luina o ka mokupea Ceylon i hoi aku no lalo o ka hohonu he mau haneri maile mawaho mai o Laysan.

Ua haalele aku ka Ceylon i ua mokupuni ala i ka la 23 o Iune no Honolulu nei me ka piha i ka ukana lepo manu. Ua ike mua o Kapena Willer i ka liu o ka moku mamua o kona haalele ana aku ia Laysan, aka, me ka manao io aole ia e nui loa ae ana, ua kamoe mai ia ka huakai a ka Ceylon no keia awa. I ka elua o ka la o ka moku ma ka moana, ua hoomaka mai la ke komo nui ana mai o ke kai, a oiai, ka makani e pa mai ana mahope, ua manaoiho la ke kapena ua hiki no ka moku ke hoea maalahi mai i Honolulu nei. Ua hoomaka koke ia na pauma e hoohana no ka pauma ana i ke kai o loko o ka moku.

He mau la ka holo ana o ka moku, a la lakou i kokoke mai ai ma kahi he ekolu haneri mile mai Niihau aku. Ma keia wahi ua halawai ka moku me kekahi ino nui, me na kikiao makani e pakui kui aku ana mamua o ke alahele. Ma keia wahi i pau ai ka manao lana o ke kapena no ko lakou hoea mai i Honolulu nei, no ka mea, ua piha mai la ka moku i ke kai, a o na pauma hoi i keia wa na piha me ka lepo a hiki ole ke hoohanaia.

Mahope o na kuka ana a na aliimoku me na luina ua hooholo iho ia lakou e haalele i ka moku a huli hoi hou no Laysan maluna na waapa no ka hoopakele ana i ko lakou mau ola. I ke kakahi aka o ka la 4 o Iulai i haalele aku ai lakou i ko lakou hale lana me ke kau ana ae o na mea a pau maluna o na waapa elua, ke ka pena, wahine me ke keiki, malama moku elua, ekolu luina me eha Iapana me kekahi waapa. Ma ka lua o ka waapa ka malama moku ekahi me ke koena o na luina. O na lako holo moku a pau maluna o ka waapa o ke kapena me ka haawi ia aku o ke kauoha i ka waapa o ka malama moku ekahi e ukali kokoke mai me ka waapa mua. Ma ka po he kukui uiauia ke hoa ia ana e ka waapa mua i wahi no ka waapa hope e nalowale ole ai, a pela lakou i holo aku ai. No eha ao a me ekolu po o keia alo hoomanawanui ana o keia mau olulo iluna o na ale o ka moana, ua pae maalahi hou aku la lakou i ka mokupuni Laysan. He eono pule o ko lakou pae hou ana aku i Laysan i ka wa a ka Hanalei i hoea aku ai ilaila, a hoihoi mai la ia lakou no Honolulu nei.

He moku apuiu no ka moku pea Ceylon i hiki aku na makahiki o kona alo ana maluna o ka ili o ka moana i ke kanalima, a ua hopohopo kahiko ia ho kona hiki ke hoomau aku i ka holo moana ana. O ka hui o Hakafila ma, ka ona o keia moku a ua lilo mai ia lakou uo ka $9,000.

EIA HOU NO KEIA PAUAHI

Ma ka auina la Poaono nei ua hoohikilele ia ae ke kulanakauhale nei no kekahi pauahi nui i olii ae mailoko mai o ka hale hoahu ukana o ka halekuai Lako Hawaii, e ku ana mahope pono o ka hale pohaku o Kimo Ona Miliona. Mailaila ke ahi i pahola mai ai a komo aku la iloko o ka hale pohaku i hoike ia ae ia me ka hoopoino ana aku i kekahi mau keena oihana ma ka hale maluna a me na keena kuai ma ka hale malalo.

Ua haawi koke ia aku ka lohe i na kaa kinaiahi a iloko o na minute pokole aia lakou e haawi ana i na hoonakele ana no na hale poino, a mahope o kekahi mau hora ekolu o ka paio ana ua pio iho la ke kahi. O ka nui o ka poino o na keena like ole mai ke ahi a ka wai aku, aia no ia maluna o na tausani dala, aka, ua pae no nae ka hapanui o keia mau keena oihana i ka in@aua la.

NUI NA OLA I LILO I KE KAI.

Culiacan, Mekiko, Aug 15. O ka aoao laio o ke kulanakauhale o Altate, ma ke kapakai Pakipike, ma ke komohana iho o Culiacan, ua puiumi ia ae ia e kekahi kai mimiki, a aole i emi malalo iho o 30 poe i hoomaopopo ia ua piholo i ke kai a he nui pu ua waiwai i hoopoinoia.

Ua hoike pu ia mai he nui na kauhale ku kahakai i kipa ia ae e keia kai mimiki hookahi, a o ka nui o na oia i poino ma keia mau wahi ua olelo ia ae he koikoi loa no ia.

O na kokua no na poe poino o Altata e hoouna ia aku ana mai Culiacan aku, a ua manao ia e haawi pu aku ana ke aupuni i na kokua ana i na poe i hoopilikia ia.

O ka Poalua o keia pule ae ka la hanau o Kalani Aimoku.

He anaina puhi ohe ke haawi ia ana e ka bana aupuni ma ka hale hoolulu kaaahi o B.F. Dilinahama ma keia ahiahi.

O ka Poakahi mua o keia mahina ae ka la kulaia o na limahana, aohe mau hana hoeueu i malama ia e na luna nui oia la.

He nui na waiwai like e loaa ana ia oukou no ka 10 keneta ke kipa ae ma ka halekuai o Whitney @ Marsh me, alanui Papu:

KUAI HOOPAU NUI KUIKAWA

--O NA--

KAMAA WAHINE

HAAHAA a me LI

OXFORD NANI.

He helena nuku wale no i koe—Eia me makou na helu like ole o na ano i aneane e pau loa—lua eia maap@ o ka wa kupono wale no keia e hoai ai i na kamaa @ a me li no ka hapalua o ko lakou mau kumkuai. Ua @ hale kapu kaulana a no keia au hou. O ko lakou @ mai ka $4.50 a ka $6.00. E nana iho i ka @ mau kumukuai ma aio iho nei.

NA KAMAA LI OXFORD, LOUIS HEEL

Kuai kuikawa $2.00 a me $3.00.

---

NA KAMAA HAAHAA LOUIS HEEL

Kuai kuikawa $1.50 a me $2.00

---

NA KAMAA LI OXFORD

Haahaa o ka Hila $1.50, $2.00, $2.50.

MANUFACTURES’ SHOE CO., LTD.

1057 Alanui Papu.

HE IPO I HOEHAEHAIA.

Parisa, Aug 9. O Elesie Ramsey, nona na makahiki he 19, a i hoea mai ianei me kona makuakane mai Pittsburg mai, a i hoopalau hoi me kekahi aliikoa o ka oihana kaua moana o Farani he ekolu mahina i hala ae nei. Ma kela La Pule aku nei, mahope o kekahi papaleo oolea mawaena o keia mau aloha ua kaawale ae la laua. Ua uwalo aku ka wahine opio i kana aloha aole e haalele mai iaia, aka, na nele nae ka puuwai o ke ailikoa i ke aloha no kana wahine i hoopalau ai. A i ka wa a ka wahine i ike aku ai i kana aloha i ka huli ana ae a haalele iaia, ua hina aku la oia i hope a waiho maule aku la, a mai ia mana wa mai a hiki i keia wa aole i kaakaa hou mai kona mau maka ua hoao ia na hana ma na ano a pau e loaa iaia ke ala hou ana mai, aka he nele nae ka mea i ike ia.

MALOKO O KA AHA HOOKOLOKOLO KAAPUNI O KA AHA KAAPUNI EKAHI

Willemina Proper

vs. Palapala Kii.

Anton J. Proper

Ke Teritori o Hawaii:

I ka Makai Nui Kiekie o ke Teritori o Hawaii, a i ole, kona Hope, ka Makai Nui o ka Mokupuni o Oahu, a i ole, kona Hope: Ke kauohaia aku nei oe e kii aku ia Anton J. Proper, mea i hoopilia, ina nae na waiho mai oia i kana pane ma ke kakau ana maloko o iwakalua la mahope o keia hana, e hiki mai imua o ka Aha Kaapuni i oleloia ma ke Kau o Augate, e malamala ana ma Honolulu, Mokupuni o Oahu, ma ka Poakahi, la 4 o Augate ae nei, i ka hora 10 a.m. a waiho mai i kana kumu kue no keaha ia ke koi a Willemina Proper, mea hoopii, aole e hookoia aku e like me na olelo o ka palapala hoopii i huiia. Alaila, e hoihoi mai oe i keia palapala kii me na hoike piha o kau hana maluna ona.

(Sila) HOIKE Hon. A.S. Humphreys, Lunakanawai Ekahi o ka Aha Hookolokolo Kaapuni Ekahi ma Honolulu, i ka la 5 o Iulai, M.H. 1902.

(Kakauinoaia) GEO. LUCAS,

Kakauolelo

Ma keia ke hooiaio nei au o keia ma luna ae he kope piha oiaio a me ka pololei o ka palapala kii o ka hihia i oleloia, a ke kauoha nei ka Aha Hookolokolo i oleloia e hoolaha aku ua hoopaneeia keia hihia a hiki i Novemaba, M.H. 1902, Kau o keia Aha Hookolokolo.

J.A. THOMPSON,

Kakauolelo o ka Aha Hookolokolo

Kaapuni o ka Aha Kaapuni

Ekahi, Teritori o Hawaii.

6ts—Aug 9, 16, 23, 30, Sept 6, 13.

Palapala Hooia Hoahu

E like me ia i Hoopukaia e ka

HUI HAWAIIAN REALTY A ME MTURITY KAUPALENAI@

Heahu Maraki 30, 1901

Huina Waiwai $50,000

5,000 MAHELE; $10.00 PAKAHI

UKU PAU IA

Heaha na Kumu?

Aole makou e koi aku ana ia oe e uhaai i kau dala.
E haawi ana makou i kekahi ala hele palekana e hiki ai ke hoopuka puka a loaa ke dala mamuli o ka hoohui i ua huina liilii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa, ole ana ia oe kekahi wahi pomaikai mai loko mai ola mea.
O ka nui o na makahiki a me ka oihana a hana aka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

Hooia Hoahu

Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia iloko o 75 mahina, me eha (4) Palapala (Coupons) Hooia o $50 pakahi i hoopilipuia, oka averika no ka puunaue iloko 19 mahina, a e ohi ana makou $150, a e loaa ana ia oe $200. O kou puka $33.33 no kela a me keia dala pakahi i hoahu ia e loaa ana ia oe he 33.1.3 keneta puka.
No ka mea aole oihana hoopukapuka i ikeia i oi aku ka pomaikai ma mua o keia. E kakau mai i na hoa kaka piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.

HUI HAWAIIAN REALTY A ME MATURITY KAUPALENAIA.

McIntyre Hale kihi o na Alanui Pa@ a me Moi. Rumi 3 a me 4. Pahu Lei. 262.

LR. KENEWELA.

Peresidena

IWAIWA KUAI

Ma kahi noho o Mrs. A. K. Hopkins ma ke alanui Young, ma o aku o ke alanui Punahou a ma kai @ o kahi noho o B.F. Dilinahama.

Honolulu, Aug. 19, 1902