Ke Aloha Aina, Volume VIII, Number 34, 23 ʻAukake 1902 — Page 3
| This text was transcribed by: | Cyndi Defenbaugh |
| This work is dedicated to: | Kaelene Puanani Ahu-Rey |
KE ALOHA AINA
KE ALOHA AINA, POAONO, AUGATE 23, 1902 3
HE MOKUAHI ME NA LUINA
WAHINE.
Philadelphia, Aug. 2. He mokuahi Ausetura mai ka Hikina Loa mai, kai hoea mai la i ka nuku o ke awa o Deleware i keia la. O ka inoa o keia moku o Zora, a he hapa o kon amau luina he mau wahine Tureke, a e malama ia ana he mau kiai ia ana e na luna nana limahana i kona wa e hoea mai ai i Marcos Hook i keia ahiahi.
Iloko o na hoomanao a na poe holo moku kahiko o keia kulanakauhale o ka mua loa keia o na moku i hoea aku i keia awa kumoku o Deleware me na luina wahine. Ua olelo ia ma ka Hikina he mea keia i ike nui ia. Malaila ua kepa aku na wahine iluna o na moku e like me na kane. O ko lakou mau aahu e komo ana he like loa no me ko na kane.
HE KUMAKENA A HE U
ALOHA KEIA.
E. L. Like Esq.
Lunahooponopono o KE ALOHA AINA.
Aloha oe:---
E oluolu oe e kookomo iho i keia wahi ukana luuluu ma kahi kaawale o kau nupepa oia iho keia:
He walohia kumakena a he u aloha keia no David Trask i pau ahe mai i keia ola ana.
Ia Mrs. Lize Trask a me na keiki i hoonele ia i ka makua ole a me ka ohana a pau, me ka luuluu.
O makou iho me ka haahaa na hoahanau o k aekalesia hui ia o Koolau, Kauai, ma o ko makou mau komite la.
Oiai, ma ka Poaha la 7 o Augate 1902, ma Kalihi, Oahu, na kipa ae la ka anela o k amake a lawe aku la i ka hanu hope loa o ko makou hoaloh ai aloh anui ia David Trask a hoa paahana pu hou ma na hana o ka uhane, a he koo ikaika hoi no ka ekalesia huiia o Koolau, he Luna Ekalesia oia a he Hope Kahu Kula Sabati no k aluakini o “Poni Moi,” he puuwai hamama maopopo oia, a he makamaka heahea a he hale kipa no kela a me keia. Mamuli o kona hele ana aku la ua pau ka lohe ia ana o kon aleo i ka haawi ana mai i na manao paipai i n ahoahanau a pela pu hoi me na haumana kula sabati. E ke ahi o Kalalea e, aole oe e ike hou ana iaia e maalo hou ana ma kou alo pali. A e ke koa hihi o Kahihikolo e, aole e hehi hou ana kona mau kapuai maluna o kou mau lala kamehai. A e ka Malu Kukui o Koolau e, ka home aloha o ka makou hoaloha, na ike anei oe i kana wahi i hele aku nei. Ae ua lawe ke Akua i Kana o ka Uhane, a e hoi ka lepo i ke lepo.
Hooholoia. 1. Ke komo pu aku nei makou e kumakena pu me ka wahine, na keiki a me ka ohana a pau no ka mea i hala.
Hooholoia. 2. O ka makou pule i ka Makua Lani e hoomama mai i na naau luuluu o ka wahine na keiki a me ka ohana a pau no ko lakou makua i haalele mai.
Hooholoia. 3. Me keia mau mea ke hooonani ae nei makou i ke Akua ka mea nana i hana na mea a pau. O ke kanaka i hanau ia e ka wahine he mau la hapa kona a ua piha i na popilikia, nana no i haawi mai a nana no i lawe aku, e hoomaikai ia Iehova.
G W Mahikoa,
S M Heha
J. Keani,
H W Pukalo,
S K Kane,
Komite ma ka aoao o na kane.
Mrs Emy Mahikoa,
“ J E. Kamakai,
“ Mary Kane,
“ Kalua Panole,
“ Keamalu Kuuane
Komite ma ka aoao o na wahine.
“Poni Moi,” Aug. 10, 1902
HE IWI KANAKA MALALO O
KA HALE KEOKEO.
Wasiketona, Aug 3. O na kanaka hana e wawahi ana ia loko o ka Hale Keokeo ma kela pule aku nei, ua loaa aku la ia lakou ma kona kahua malalo he hapa o kekahi kino iwi kanaka. Ua hoao ia e huna keia iwi ka naka mai ka lohe ana o ka lehulehu no ka noii pono ia ana aku. Ua a’o ia aku na kanaka hana aole e kamilio wale i keia mea huna, a o na poe kuleana ole ma ia wahi ua hookapu ia mai ke komo ana aku iloko o ka hale.
Ua loaa aku keia iwi kanaka i na poe hana i ka wa a lakou a eli hou ana i ke kahua o lala no ke kukulu ana i kekahi kapuahi hoopumehana. Ua hooiaio ia he kahua hale no mamua malaila i ke au kahiko a maluna ona i kukulu ia ai ke kahua o ka Hale Keokeo, oiai, ua ike ia no kona mau paia pohaku. Maloko o kekahi paia pohaku i loaa aku ai kekai oma nui, a e waiho kokoke ana i ua oma ala keia iwi kanaka i loaa iho la. Ma ka manaoio o na kanaka hana ua loaa ia lakou he lua kupapau kahiko, nolaila, na puhee aku na paele me ka weliweli. He oma puhi kanaka io no paha keia.
O ka manao o na Demokalaka ina he manao ko na Home Rula e huipu mai malalo o ka inoa Demokalaka aole he mau kue e hana ia, aka, o ke komo ana aku o na Demekalaka malalo o ka eheu o ka Home Rula he hana paakiki no ia.
KUAI HOOPAU NUI KUIKAWA
---O NA---
KAMAA WAHINE
HAAHAA a me LI
OXFORD NANI.
He helena nuku wale no i koe—Eia me makou na helu like ole o na ano i aneane e pau loa---ina eia maanei kou kamaa o ka wa kupono wale no keia e kuai ai i na kamaa haa haa a me @ no ka hapalua o ko lakou mau kumukuai. Ua hanaia lakou @ na hale hana kaulana a no keia au hou. O ko lakou kumukuai maoli mai ka $4.50 a ka $6.00. E nana iho i ka makou mau kumukuai malalo iho nei.
(picture of woman’s shoe) NA KAMAA LI OXFORD, LOUIS HEEL
Kuai kuikawa $2.00 a me $3.00
NA KAMAA HAAHAA LOUIS HEEL
Kuai kuikawa $1.50 a me $2.00
NA KAMAA LI OXFORD
Haahaa o ka Hila $1.50, $2.00, $2.50
MANUFACTURES’ SHOE CO., LTD.
1057 Alanui Papu.
Aohe oiaio o na olelo e hoohui ana na Demokalaka me na Repubalika.
MA KE KAUOHA
KUAHAUA.
Ma o ke a’o ia ana mai no ka pono o na poe koho balota o ka Apana Koho Ekahi, e kono ana e hoomahuahua hou ia ae na heluna o na Mahele Koho. Owau o SANFORD B. DOLE, Kiaaina o ke Teritori o Hawaii, m aka mana i loaa ia’u ma ke kanawai, ma keia ke hookaawale a ke kukulu nei i keia mau mahele a me na wahi koho maloko o ka Apana Koho Ekahi i oleloia:
Mahele Ekahi—O Puna apau koe o Keaau a me Olaa. Wahi Koho, ma ka Hale Hookolokolo ma Pohoiki.
Mahele Elua—O na aina o Keaau a me Olaa, Wahi Koho, Halelio o ka Papa Alanui ma ka mile 11 3-4, Alanui Kaluaopele.
Mahele Ekolu—O ka hapa o Hilo e waiho ana mawaena o Puna a me ke alanui Ponahawai me kona laina e holo ana a hiki i ke kai. Wahi koho, Hale Hoahu Ukana Aupuni ma ka uwapo Pili Waapa.
Mahele Eha—O kela hapa o Hilo e waiho ana mawaena o ka Mahele Ekolu a me ke kahawai o Honolii. Wahi koho, Hale Hookolokolo ma Hilo.
Mahele Elima—O kela hapa o Hilo e waiho ana mawaena o kahawai o Honolii a me ka aina o Makahanaloa. Wahi koho, Halekula ma Papaikou.
Mahele Eono—O kela wahi o Hilo e waiho ana mawaena o ka Mahele Elima a me kowa o ke kahawai o Waikaumalo. Wahi koho, Hale Hookolokolo ma Honomu.
Mahele Ehiku—O kela hapa o ka Apana Koho Ekahi e waiho ana mawaena o ka Mahele Eono me ke kowa o ke kahawai o Kaula. Wahi koho, Hale Hookolokolo ma Laupahoehoe.
Mahele Ewalu—O kela hapa o ka Apana Koho Ekahi mawaena o ka Mahele Ehiku a me ka aina o Kalopa. Wahi Koho, Halekula ma Kaohe.
Mahele Eiwa—O kela hapa o ka Apana Koho Ekahi e waiho ana mawaena o ka Mahela Ewalu a me ke kowa o ke kahawai o Malanahae. Wahi koho, Hale Hookolokolo ma Honokaa.
Mahele Umi—O kela hapa o ka Apana Koho Ekahi e waiho ana mawaena o ka Mahele Eiwa a me Kohala. Wahi koho, Halekula ma Kukuihaele.
HAAWIIA MALALO O KUU LIMA
a me ke Sila o ke Teritori o Hawaii i keia la 11 o Augate, M. H. 1902.
(Sila) SANFORD B. DOLE.
Palapala Hooia Hoahu
E like me ia i Hoopukaia e La
HUI HAWAIIAN REALTY A ME
MTURITY KAUPALENAIA
Hoahu Maraki 30, 1901
Huina Waiwai $50,000
5,000 MAHELE; $10.00 PAKAHI;
UKU PAU IA
Heaha na Kumu?
1. Aole makou e koi aku ana ia oe e uhaai i kau dala.
2. E haawi ana makou i kekahi ala hele palekana e hiki ai ke hoopuka puka a loaa ke dala mamuli o ka hoohui i na huina liilii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.
3. O ka nui o n amaka hiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.
Hooia Hoahu
4. Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia iloko o 75 mahina, me eha (4) Palapala (Coupons) Hooia o $50 pakahi i hoopilipuia oka averika no ka puunaue iloko 19 mahina, a e ehi ana makou $150, a e loaa ana ia oe $200. O kou puka $33.33 no kela a me keia dala pakahi i hoahu ia e loaa ana ia oe he 33-1-3 keneta puka.
5. No kamea aole oihana hoopukapuka i ikeia i oi aku ka pomaikai mamua o keia. E kakau mai i na hoakaka piha. E hauoli mau ana ka Hui e hoike a e hoakaka piha aku i na mea a pau a me na lawelawe ana ke makemake ia, ke kakau ia mai ma ka leta a ke ninau kino ia mai.
HUI HAWAIIAN REALTY A ME
MATURITY KAUPALENAIA.
McIntyre Hale kihi o na Alanui Papu a me Moi. Rumi 3 a me 4. Pahu Leta 262
L. K. KENEWELA,
Peresidena
CAMARA & CO.,
Kihi o Alanui alakea me Moiwahine.
MEA KUAI
Waina, Bia me na Waiona
Na Kauoha a pau e Hooko ia no.
NA BIA BUDWEISER, RAINIER
ME PRIMO.
PAHU LETA 664.—TEL. BLUE 492
Eia maanei o W. Rice, kekahi o na Hawaii i noho loihi me Frank Brown.