Ke Aloha Aina, Volume VIII, Number 32, 9 ʻAukake 1902 — Page 3

KE ALOHA AINA, POAONO, AUGATE 9, 1902

 

AHEWA IA O KENERALA SMITH.

 

WASINETONA, IULAI 16. Ma kamahi kauoha mana hooko hoopuka ia ma keia kakahiaka, e Peresidena Rosewala e kauoha aku ana ia ia Kenerala Jacob H. Smith e hoopau ia aku ola mai ka noho hou ana aku iloko o ka oihana kaua, ma kea no na hoahewa ia oia no ka haewi ana aku i ke kauoha ia Mekia Waller o ka paolikoa marina e luku a e puhi ia Samar.

 

Eia o Kenerala Smith ke huli hoi mai nei no Amerika maluaa o kekahi moku lawekoa Amerika  me ka maopopo ole i keia hopena awahia i loaa aku la iaia a hiki i kona hoea ana mai i Kapalakiko

 

He mana ko ka Peresidena e hoopau ai i kekahi aliikoa mawaena o ka 62 a me 64 makahiki, aka, aole nae he lawelawe nui ia o keia mana. O keia olelo hooholo a ka Peresidena no ka hihia o Smith na hoohikilele ae ia i na mea a pau ma keia la.

 

Ma ka hookolokolo kanawai koa ia ana o Smith na ahewa ia o oia me ka manao ia e a’o ia aku oia, aka, ua lawe ae la nae ka Peresidena i kona mana.

 

KE HULI NEI I NA ANA

 

He nui na koa Amerika e ike ia nei i keia mau la e poala nei ma na ana maloko o Leahi no ka huli ana i na lua huna o na alii i manaoia na kanu ia malaila, no ka lawe ana mai i na waiwai e loaa aku ana ua kanu pu ia me lakou.  Ua olelo ia ae na loaa i kakahi koa Amerika mamua aku nei he le palaoa maloko o kamahi ana ma Leahi, a na lilo aku i ke kuai ia no ka $125.  A mai ia wa mai na lilo o Leahi he wahi pii mau ia e na koa no ka huli ana i na waiawi kahiko o Hawaii nei.  Ma kekahi o keia mau hukai huli a na koa iluna o Leahi i loaa aku ai ke kino make o Hornef, ka haole hana gula o ka halekuai lako gula o H. F. Wikimana.

 

HE MOKU NO KA POE MONEKA

 

Paris, Iulai 23.  Ma no lono i loaa mai he moku kupanaha kai hoea aku i ke awa o Taganrog, Rusia, Asia.  O keia moku oia no ka moku nui Pokrow-Pressiyayta-Borodzi, a i ike ia hoi ka home lewa i ke kai o na moneka.

 

O na poe a pau maluna o keia moku he poe moneka o Mauna Athos.  O ke kapena oia no o Makua Gerassion, ka luna kiekie loa o na moneka.  O na luina a pau he moneka no, aka, ua oki ia nae o lalo o ko lakou mau aahu loloa i wahi e hoopilikia ole ia ai lokou ma ka lokou oihana hilo moana.  Una pena eleele ia ka moku, i ma kona ihu e ku ana he kea nui.

 

Ua olelo ae ke kapena a malama ia ana ka meka i na la la a pau, o na loina a pau o ka noho ana o na moneka na ikeia ia maluna o keia moku.

 

‘Ua hookapu loa ia na wahine i ka pii ana aku iluna o kona oneki.  O na luina a ne na aliimoku a pau he mau kanaka Rusia, aka, e holo ana nae ka moku malalo o ka hae aupuni o Tureke.

 

HOME RULA.

 

Ma ka Poalua nei i oili mai ai ka helu mua o ka nupepa Home Rula, malalo o ka noho ona ia ana e Mrs. R. W. Wilikoki. O ka Looponopono o ua wahaolelo hou la o ka lahui oia no o D. Kalauokalani Opio.  Aole keia he nupepa akahi no a hanau mai aka, o ka nupepa no keia a Mrs Wilikoki I hoopuka ai ma kela mua mahina i hala aku la e o ana hoi malalo o k a inoa Home Rula Repubalika.  Aka, e like nae pa ha me ke kiola ana aku o ka Elele Wilikoki i ka inoa Repubalika mahope o Home Rula, pele paba i haalele aku ai o Mrs. R. W. Wilikoki i ka pakui ana mai i ka inoa Repubalika mahope o ka na inoa kana pepa.  O na kalai manoa na hana ia ma ka olelo Enelani a me Hawaii.

 

He 10 keneta o ke kope hookahi he keu ka pii o ka auhau o kela pepa, olai na kolamu heluhelu he uuku loa, he mau manao imi dala wale no keia.

 

NA WAHINE AKO LAUOHO

 

He hookah haneri me kanalima ka nui o na wahine ma ke kulanakauhale o Kikako e ola nei a ma ka ako lauoho a me ke kahi umiumi ana, He 15 makahiki i hala ae nei he hookahi wale no wahine e laweiawe ana i keia oihana, aka, ua pii mau ae na wahine baba i kela a me keia makahiki a hiki i ka loaa ana, ae la o keia heluna.

 

He oi ae ka piha mau o ka hale ako lauoho o na wahine mamua o ko na kane, a o kahi mea kamehao i ikeia ma kahi wa i keia mau wahine e ako ana i ka lanoho a i ole e kahi ana i ka umiumi o na kane ua lihi lou ae la ko lakou mau puuwai, a o ka hopena ua hipuu polena ia ae lakou ma ke kaula kaakolu a ka mare.

 

Ma ka hoike a kakahi wahine opio ako lauoho he oihana kupono loa ka ako lauoho i na wahine, no ka mea, aole keia he hana koikoi a e ohi mau ana hoi he puu dala mahuahua.  O ka uku o na wahine ako lauoho o Kikako he $10 o ka pule, he uku kiekie maoli ia lakou.  I kinohi ua ku ae ka ihu o na kane iluna, aka, i ko lakou kamaaina pono ana i na wahine baba ua pau ae la ko lakou kue ana – Chicago Tribune.

 

KUAI HOEMI NUI I KEIA PULE

 

Satinia Farani Nani

Kupono i na Holoku 31 iniha laula @a hoemi ia 35c a ka 25c o ka ia.

 

Ogandi, Dimiti, Lawns

Nani iloko o na waihooluu a pau ua hoemi ia 20c a ka 12 ½ c o ka ia.

 

Pique Keokeo Maikai

Me ke @ @ @ Laalaau iloko na waihooluu @ ole 28 iniha ua hoemi mai ka 20c a ka 15c o ka ia.

 

Duck Keokeo Nani

A me Laalaau Eleele 29 iniha @ ua hoemi ia 8 @ a ka 14 ia i ke 100.

Maselina, Akala, Bolu, Poni

26 iniha laula ua hoemi ia 8 ia i ke 14 ia i ke 100 @ 18 ia i ke 100.

 

Na Papale Nani ona Opio

O ka loaa ana mai ia no ia ma keia mau mokkuhi mai la.

 

Pique, Huluhulu Falanela

Plaids me Mettons.

 

N. S. Sachs Dry Goods

Honolulu, Alanui Papu.

 

MA KE KAUOHA

 

KUAHAUA.

 

Ma o ke a’o ia ana mai no ka pono o na poe koho balota o ka Apana Koho Eha e koi ana e hoololi ia na palena o kekahi mau mahele koho, Owau o SANFORD B. DOLE, Kiaaiana o ke Teritori o Hawaii, ma ka mana i loaa la’u ma ke kanawai, ma keia ke hookaawale a ke kukulu nei keia mau mahele a me na wahi koho maloko o ka Apana Eha i oleloia. 

 

Mahele Ekahi—O kela wahi a pau o ka apana i oleloia i huiia maloko o ka Apana o Honolulu, a e waiho ana ma ka hikina o kekahi laina e holo ana mai ka uwapo loihi Ala Moana a ke kihi hikina o na alanui Moi a me Puanhou—ma ka moe pololei ana Ak. 30 deg. 30 min. Hlk., alaila, ma ke alanui Punahou a hiki i ke kumu o ke alanui Manoa, alaila, mauka a ma ka lihi komohana o ke awawa o Manoa no ke poo oia wahi hookai.

 

Wahi koho—Kokoke I kahi hookuina o na alanui Moi a me Puanhou.

 

Mahele Elua— O kela wahi a pau o ka apana i oleloia e waiho ana mawaena o ka polena komohana o ka Mahele Ekahi a me kekahi laina mai ka aekai mai ma ke alanui Sheridan, alanui Piikoi i hoakeaia a me alanui Piikoi a ma ka @aiena komohana o ka pa o Lunalilo Home no ke kihi hema o Kalawahine, a ma ka palena hikina o Kalawahine a hiki i ka hookui ana ma ka acao komohana o ka Mahele Ekahi ma kekahi wahi he 1400 kapuai mauka aku a Tantalus.

 

Wahi koho—Makiki Paka

 

Mahele Ekolu— O kela wahi a pau o ka apana i oleloia e hoopuniia ana e na palena komohana o na Mahele Ekahi, Elua a me Ewalu, alanui Nuu, anu a me Kula, he laina e holo ana mai ka hookuina o na alanui Kula a me Nuuanu no kahi o ka pou hae kahiko maluna o Puowaina a me ka piko o Konahuanui.

 

Wahi koho—Ma ka hale ma ka hookuina o ke alahao kaa uwila Kiekiena Pakipika a me alanui Nuuanu.

 

Mahele Eha—O kela wahi a pau o ka Apana i oleloia e hoopuniia ana e na Mahele Eloku a me Ewalu a me na alanui Beretania a me Nuuanu.

 

Wahi koho—Ema Kuea.

 

Mehele Elima— O kela wahi a pau o ka apana i oleloia e hoopuniia ana e ka Mahele Ewalu a me na alanui Beretania, Puowaina, Moi e me Mililani a me ka lihikai.

 

Wahi koho—Kapuaiwa Hale.

 

Mehele Eono— O kela wahi a pau o ka apana i oleloia e hoopuniia ana e na alanui Mililani, Noi, Puowaina, Beretania a me Nuuanu a me ka awa.

 

Wahi koho—Honolulu Hale, alanui Kaiepa

 

Mahele Ehiku—O kela wahi a pau e waiho ana mawaho aku o ka apana o Honolulu.

 

Wahi koho—H@ekula Waimanalo.

 

Mahele Ewalu— O kela wahi a pau o ka apana i oleloia e waiho ana mawaena o ka palena komohana o ka Mahele Elua a me kekahi laina e holo ana mai ka aekai mai ma na alanui Hema, Moi e me Alapai, a mai ke poo o ke alanui Alapai no kahi o ka pou hae kahiko maluna o Puowaina, alaila ma ka lihi hikina o ke awawa o Pauoa a hiki i ka hookui ana me ka laina komohana o ka Mahele Elua, ma kekahi wahi makai o ke kumu o ka oioina o Tantalus.

 

Wahi koho—Halekula Kindergarten ma alanui Beretania.

 

HAAWIIA MALALO O KUU LIMA a me ka Sila o ka Teritori o Hawaii, 1 keia la 30 o Iulai, M. H., 1902.

 

(Sila)   SANFORD B. DOLE

 

Palapala Hooia Hoahu

E like me ia i Hoopukaia e ka

HUI HAWAIIAN REALTY A ME

MTURTY KAUPALENAIA

Hoahu Maraki 30, 1901

Huina Waiwai $50,000

5000 Mahele: $10.00 Pakahi;

UKU PAU IA

 

Heaha na Kumu?

1. 1.         Aole makou koi aku ana ia oe e uhaai i kau dala.
2. 2.         E haawi ana makou I kekahi ala hele paiekana e hiki ai ke hoopuka puka a loaa ke dala mamuli o ka hoohui i ua huina liilii i kela a me keia mahina, a mamuli o ia mea, e koe ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.
3. 3.         O ka nui o na makahiki a me ka oihana a hana a ka mea haohu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

 

Hooia Hoahu

1. 4.         Na makou e kukulu i mau home no oukou a e hoopuka no ho makou i Huina Hoahu Hoopukapuka e hookaa ia iloko o 75 mahina me eha (4) Pelapala (Coupons) Hooia o $50 pakahi i hoopilipuia, oka averika no ka puunaue iloko 19 mahina, a e ohi ana makou $150, a e loaa ana ia oe $200.  O kou puka $33.33 no kela a me keia dala pakuhi I hoahu ia e loaa ana ia oe he 3S-1-3 keneta puka.
2. 5.         No ka mea ao’e oihana hoopukapuka i ikeia i oi aku ka pomaikai ma mua o keia.  E kakau mai i na hoa kake piha.  E hauoli mau ana ka Hui e hoike a e hoakaka piha aku i na mea a pau a me na laweiawe ana ke makemake ia, ke kakau ia mai ma ka leta a ke ninau kino ia mai.

 

HUI HAWAIIAN REALTY A ME MATURITY KAUPALENAIA.

McIntyre Bale kihi o na Alanui P@ a me Moi. Rumi S a me 4. Pahn Let 862

L. K. KENEWELA

Peresidena