Ke Aloha Aina, Volume VIII, Number 30, 26 Iulai 1902 — Page 3

KE ALOHA AINA, POAONO, IULAI 26, 1902.

 

HE HOOMAIKAI.

Ia Hon. a me Mrs. J. W. Kalua,

            Aloha nui alua:

            Ma ka olua mau hana maikai, ka olua mau hana hookipa a me ka malama hoomanawanni ana ia makou, oiai, e noho ana makou malalo o ko olua malu ma Lahalua, a oiai no hoi, he aie nui makou ia olua no ia mau hana maikai a pau a olua.

            Nolaila, e hooholo ia o makou na haumana a me ko makou kahu o ka ekaleaia a me ke kula sabati o Haili ma ke makou mau komite ala.

            Ke haawi nei aku nei i ko makou mau hoomaikai aloha ia olua no ka olua mau hana lokomaikai a makou e poina ole ai.

            Hooholo ia, ke pule nei makou i ka Makua Lani, e haawi nui mai maluna o olua a me ko ka hale o olua ka malu o ka mea nana i olelo mai, he malihini au, a hookipa mai ia oe ia’u, he pololi ko’u a hanai mai la oe ia’u. A o kou hana ana i kekahi o keia poe liilii, na hana e mai oe ia’u.

            O makou no me ka hoomanao mau.

S. L. Desha,

Mrs. Mary Brown,

Z. Mahaiula,

Keahialoa Nalimu,

E. Keaha Kaiwa,

D. M. Kualii,

David Keawehano.

 

HE HOALOHALOHA.

           

            I ka wahine kane make.

            Mrs. C. E. Richardson.

 

Luuluu wale:

            “Ke nee nei ke au o ka manawa, ke maalo ae la a nalo aku la na kamaaina. Ua upoi iho la ka maka o na mea aloha, ua hoomaha iho la i na luhi o ke ao ehaeha nei, a o ka hoomanao nae na lakou, e hiipoi aloha ia ana no ia.”

            Oiai, mamuli o ka makemake o ka Makua Mana Loa, ua kipa ae la ka lima palanehe o ka make, a ou ae la i ke ola makamae o kau kana aloha Charles E. Richardson a mawehe o olua, ae hooko ana i ka olelo o ka Buke Nui.

            “ua moku ke kaula kala; na naha ke kiaha gula; ua naha ka pakeke ma ka punawai. Ua na ha ke kaa ma ka luawai, a ua hoi ka lepo i ka honua, a o ka uhane i ke Akua nana i haawi mai.”

            A oiai no hoi. He hoaloha aiaio oia no na kanaka Hawaii, a he makamaka kokua aloha no ka Ekalesia o Haili, a na kona mau lima noeau i kukulu i ka luakini o Haili a ke waiho nei iwaena o makou kana mau hana.

            Nolaila, e hooholo ia, o makou ka Ekasesia o Haili, ke komo pu aku nei me oe, kau mau kaikamahine makua ole, a me kou ohana, e uwe pu me ke kanikau no ka makua aloha i hala. Hooholo ia, ke pule nei makou me ka haahaa ia oe a me kou ohana iloko o keia wa kaumaha.

            Hooholo ia, e hookaawale ia ke Sabati Iulai 20, 1902 i la e haawi ia ai kekahi mau olelo aloha hoomanao no Charles E. Richardson maloko o ka luakini o Haili. Hooholo ia, e hoo@a ia he kope o keia olelo hoalohaloha i ka wahine kane make a me koua ohana a o kekahi hope i ka Nupepa Hawaii, Ke Aloha Aina.

            O makou no ka Ekalesia o Haili ma ko makou mau komite.

Na Komite.

            S. L. Desha,

            J. Keliikahi,

            Mrs. Lahilahi Kaapa.

 

HE HOOMAIKAI.

            I ke kahu, na luna, na hoahanau a me na makamaka o ka Ekalesia o Wainee.

 

Aloha oukou;

            Mamuli o ka oukou mau hooikaika panaho ole, ma ka hoo kipa ana i ka lehulehu o na Kula Sabati ma Lahaina, a oiai, o makou aloha e oukou.

            Nolaila, e hoeholo ia, o makou ke Kula Sabati o Haili ma ko makou mau komite. Ke haawi aku nei makou i kou makou may manao hoomaikai nui ia ouiou, no ka oukou mau hana aloha a lokomaikai ia makou, oiai makou e noho ana iwaena o oukou.

            Hooholo la, ke pule nei makou i ka Makua Lani, e pahola mai i na pomaikai lehulehu maluna o oukou a Nana hoi e hiipoi aloha ia oukou iloko o Kona malu aloha.

            O makou iho no ke Kula Sabati o Haili ma ko makou may may komite.

Na Komite,

S L Desha,

Z Mahaiula,

Samaela Kalilikane.

 

HE HOALOHALOHA NA KE KULA SABATI O HAILI.

Miss Elivira M. Richardson,

Lihaliha wale;

            Oiai, mamuli o ko ke Akua manao paa a kaulike, ua lawe aku Oia i ke ola makamae o kou ma kuakane, a waiho iho la maluna ou a me kou ohana i ka ukana kaumaha o ka luuluu, a oiai no hoi kekahi o na kumu Kula Sabati o ke Kulat Sabati o Haili.

            Nolaila, e hooholo ia, o makou o ke Kulat Sabati o Haili ma ko makou mau komite ke komo pu aku nei me oe iloko o na kaumaha e u pu aku me oe a me kou ohana no ka makua aloha i hala aku la.

            Hooholo, ia ke nei makou i ka Makua Laui, e hoomama mai ia oe iloko o keia mau la ninipo o ke kanikau.

            O makou iho no me ka luuluu,

Na Komite.

Levy D. Keliipio,

Samuela Kalilikane,

H. E. Nalimu.

 

MA KE KAUOHA

 

HOOLAHA AINA AUPUNI.

            I ka la 4 o Augate, 1902. A ma ia hope aku ma ke Keena o E. D. Baldwin, Hilo, Hawaii, e waiho mai ai na noi i loaa ai ke kuleana kuai i na Hoolimalima Aina Aupuni ame na Hoolimalima Home Hookuonoono malalo o na kahua o ke Kanawai Aina o M. H. 1895, i pili loa aku nae i na manao o na Pauku VII ame VI e ua kanawai la i oleloia ae la no keia mau apana aina e waiho la ma ka Apana o Puna, mokupuni o Hawaii.

            34 apana ma Kaimu, Mahele o Makena, ili aina 3 a 358 eka; kumu waiwai i hooholoia $1 a $8.00 no ka eka.

            33 apana ma Kikala, Mahele o Keokea, ili aina 5 a 185 eka; kumu waiwai i hooholoia 50 keneta a $5.00 no ka eka.

            24 apana ma Keauohana, Kehena, Keekee Kamaili, ili aina 11 a 83 eka; kumu waiwai i hooholoia 10 keneta a $8.00 no ka eka.

            5 apana ma ka Mahele o Malama, ili aina 7 a 15 eka; kumu waiwai i hooholoia $4.00 a $6.00 no ka eka.

            9 apana ma ka Mahele o Kaniahiku, ili aina 10 a 46 eka; kumu waiwai i hooholoia $4.00 a $10.00 no ka eka.

            6 apana ma Kaimu, Kalapana, Mauka, ili aina 12 a 39 eka; kumu waiwai i hooholoia $3.00 a $6.00 no ka eka.

            23 apana ma Keonepoko-iki, ili aina 5 a 11 eka; kumu waiwai i hooholoia $2.00 a $3.00 no ka eka.

            I ka la i oleloia maluma ae a ma ia hope aku, ma ke Keena o E. D. Baldwin e waiho pu mai ai i na noi i kulike me na manao o ke Kanawai o M. H. 1895 no na Kuleana Kuai Hoolimalima a i pili loa aku I ko ka Pauku VII o ke Kanawai Aina i olelo mua ia ae nei.

            Aole no hoi e aeia kekahi mea noi e kuai a oi na apana i lawe ole ia a i hoihoiia mai, a o ia poe noi la e hele mai me na makaukau i kulike ai me na kuhikuhi o ka Pauku VII o ke Kanawaii i hoike mua ia ae nei.

HOOLAHA AINA AUPUNI.

            Ke hoolahaia aku nei ma ke akea ma ka la 4 o Augate M. H. 1895 a ma ia hope aku e hoomakaia ai ka wehe ana no na noi apau no na Hoolimalima Home Kookuonoono o n aaina apau i hoakakaia malalo iho nei i k@ like ai me na kuhikuhi o ke Kanawai Aina o M. H. 1895.

PAPA KUHIKUHI O NA AINA.

            18 apana ma Papa, Kokna Hema, Hawaii, no 6 a 7 eka ili aina o ka apana hookahi.

            O na noi apau no au mau apana aina la I oleloia ae nei e waiho mai lakou i na noi me ka hele mai nae o kela ame keia mea noi ma ke Keena o ka Hope Agena ma Kaulua, Kona Akau, Hawaii, kahi hoi e maopopo ai no pono pili aina ame na kii palapala aina. E weheia ana ke keena no na noi apau i ka hora 9 a.m. o ka Poakahi la 4 o Augate, M. H. 1902.

            E. S. Boyd,

            Komisina o na Aina Aupuni.

            Keena o na Aina Aupuni, Honolulu, Iulai 1, 1902.

 

Palapala Hooia Hoahu

E like me ia i Hoopukaia e ka

HUI HAWAIIAN REALTY A@ME

MATURITY KAUPALENAIA

Hoahu Maraki 30, 1901

 

Huina Waiwai $50,000

5,000 Mahele; $10,00 Pakahi;

Uku Pau ia

 

HEAHA NA KUMU?

1. Aole makou e koi aku ana ia oe e uhaai i kau dala.
2. E haawi ana makou i kekahi ala hele paiekana e hiki ai ke hooopuka puka a loaa ke dala mamuli o ka hoohui i ua huina liilii i kela a me keia mahiua, a mamuli o ia mea, e keo ana he huina dala mai ka hoolilo ia ma kekahi ano e ae, a e loaa ole ana ia oe kekahi wahi pomaikai mai loko mai oia mea.
3. O ka nui o na makahiki a me ka oihana a hana a ka mea hoahu, aole loa ia he kumu hoanoe a hoololi, no ka mea, ua hiki i na kane, na wahine a me na keiki ke lilo i poe hoahu.

HOOIA HOAHU

4. Na makou e kukulu i mau home no oukou a e hoopuka no ho makou i Huiaa Hoahu Hoopukapuka e hookaa ia iloko o 75 mahina, me eha (4) Palapale (Coupons) Hooia o $50 pakahi i hoopilipuia. o@ averika no ka @ iloko @9 mahina, a e ohi ana makou $150, a e loaa ana ia oe $200. O kou puka $33.33 no kela a me keia dala pakahi i hoahu ia e ioaa ana ia oe he 33-1-3 keneta puka.
5. No ka mea aole aoihana hoopukapuka i ikeia i oi aku ka pomaikai ma kua o keia. E kakau mai i na hoa kake @iha. E hauoli mau ana ka Hui e hoike a e hoakaka piha aku i na mea a pau a me na lawelawe ana ko makemake ia, ke kakau ia mai ma ka leta a ke ninau kino ia mai.

HUI HAWAIIAN REALTY A ME MATURITY KAUPALENAIA.

            McIntyre @ale kihi o na Alanui Pa@ a me Moi. Rumi 3 a me 4. Pah Lete 262.

            L. K. Kenewela

            Peresidena

 

HOOLAHA KUAI A HOOKO A KA MEA PAA MORAKI.

            No ka hooku ana aku I ka mana o kekahi meraki i hana ia a Manuela Vieira Bronco o Honolulu, Mokupuni o Oahu, Teritori o Hawaii, (Paepaina Hawaii), i ka Portuguese Mutual Benefit Society, he ahahui i kukulu pono ia a e ku nei malalo o na kanawai o ke Teritori o Hawaii, i hanaia ma ka la 13 o Novemaba, 1899, a i hoopaa ia ma ke Keena Kope Aupuni ma Honolulu, i olelo ia buke 196, ma na aoao 482, 483 a me 484, ke hoolaha ia aku nei ma keia he manao ko ka mea paa moraki e paa i ua moraki ala i olelo ia no ka uhakiia o ka aelike, oia hoi, ka uku oleia o ka ukupanee i kona wa uku.

            Ke hoolaha hou ia aku nei ma keia mahope o ka hala ana he ekolu pule mai ka la i puka ai keia olelo hoolaha, o ka waiwai i hoakaka ia maloko o ua moraki ala i oleloia, e hooliloia aku no ia ma ke kuai kudala ia ana ma ke keena kudala o James F. Morgan, ma Honolulu, i oleloia, ma ka Poanno, la 2 o Augate 1902, ma ka hora 12 awakea o ka la i olelo ia.

            No na mea i koe e ninau ia

            J. M. Vivas,

            Loio o ka Mea Paa Moraki, Honolulu, Iulai 10, 1902.

 

Na Waiwai i Hoakakaia Maloko o ka Moraki:

O kela apana a mahele aina a pau e waiho ana ma Kaliawa, ma Kalihi, Kona, Mokupuni o Oahu i oleloia, nona ka ili aina 5 28-100 Kuea Kahiahao, o ka Apana 1 o ka Palapala Sila Nui Helu 4136, i lilo aku i ka mea moraki ma kekahi palapala kuai i hanaia e Joaquim Gomes de Medeiros ma ka la 10 o Novemaba, 1899.

            Iulai 10, 12, 19, 26, 30. Aug 1.

 

OLELO HOOLAHA

            Owau o ka mea nona ka inoa ma lalo, he kaikaina ponoi no Malie Welewele i make maloko o ka hale ma’i o Kalihi, mokununi o Oahu, T. H., i ka la – o Ianuari, 1902. Nolaila, ke hoike nei au imua o ke akea ina ua hana o Malie Welewele i kekahi moraki i kona wa e ola ana e pono ka mea paa moraki e hoike ae iakona kuleana imua o ke akea.

            Owau no me ka oiaio,

            Mrs. Umi Kauhoe.

            Kapaa, Kauai, Iolai 12, 1902.

 

HOOLAHA

            Ua makemake o Maunakea e hoike eia oia ke manao nei o pakui mai i mahele waiwai paa iloko o kana oihana lolo a e lawelawe aku ma na ano hooponopono ana a pau e pili ana i na aina. He manaoio kona e oi loa aku no ka hooopomaikai ia o ka lahui Hawaii ke waiho mai ma kona mau lima i kekahi aina a lakou e manao ai e hoolilo, hoolimalima a moraki paha, a e hooko koke aku no hoi oia me ka eleu ia hana. O kona ike olelo Hawaii ame ka ike i na aina a me na noo-waiwai a hookuleana o na aina ma Hawaii nei ko na mea i kupono loa ai no ka hooko ana aku ia ano hana no na Hawaii oiwi.

            Keena Oihana: Hale Kama @ela. Rumi 20-21. Kihi o na Alahu Kalepa me Papu.

 

HE KOLOKA LOAA.

            Eia ke waiho nei ma ke Keena o Ke Aloha Aina he ko@ wahiue eleele i loaa ma ke alanui Beritania e kokoke ana i ke alanui Moi. O ka mea nona keia kolika e kii koke mai me ka uku mei i na lilo o ka hoolahi a ae ka malama ia ana.