Ke Aloha Aina, Volume VIII, Number 28, 12 July 1902 — Page 5

KE ALOHA AINA, POAONO, IULAI 12, 1902

 

NA HALAWAI

            Pauku 13.  E malamaia i halawai mau na ka Mabele Kuwaena ma ke ahiahi Poaha o kela ame keia pule a i kekahi manawa e ae paha a ka Peresidena e kahea ai.  Ua lawa no Laia 9 e malama i ka halawai a ka Aoao Kuokoa Home Rula i na manawa apau.

            NA KANAWAI

           Pauku 14.  Ua hiki no i kela ame keia Mahele, a i kela ame keia Papa Hooko e kau i mau Rula nona iho i kue ole i keia Kumukanawai.  E hiki no ke noololi a pakui a hooponopono hou i ke kau wahi o keia Kumukanawai, ke hoolahaia mai ia hoololi, pakui a hooponopono ma kekahi hlawai ana a ma ka halawai ho uana a ka Aha Elele e aponoia ai.

  O ke kope maluna ae, oia no ke kope oiaio o ke Kumukanawai o ka Aoao Kuokoa Home Rula.

 

            D. KALAUOKALANI,

  Peresidena Nui o ka Aoao Kuokoa Home Rula.

Na ka Peresidena, Aoao Kuokoa Home Rula                        J.K. Nakookoo,

Kakauolelo Nui, Aoao Kuokoa Home Rula.

____________________________

NA LUNA NUI O KA AOAO KUOKOA HOME RULA.

            1.   D. Kalauokalani, Peresidena.

            2.   J. K. Kaulia, Hope Peresidena.

            3.   J. Kanui, Peresidena Hanohano.

            4.   T.C. Polikapa, Hope Peresidena Hanohano Elua.

            5.   J. Keau, Hope Peresidena Hanohano K@ahi.

            6.   J.K. Nakookoo, Kakauolelo.

            7.   W. H. Kailimai, Puuku.

            8.   W. H. Kaleihuia, Lua Hooia.

            9.   J. B. Kaohi, Komite Waiwai, Hawaii.

            10.  S. E. Kaiue, Komite Waiwai, Maui.

            11.  J. N. Uahinui, Komite Waiwai , Molokai.

            12.  J. Kanui, Komite Waiwai, Oahu.

            13.  J. P. Leleiwi, Komite Waiwai, Kauai.

___________________________

PAPA INOA O NA LALA O KA PAPA HOOKO.

            1.   J. K. Kaulia.

            2.   J. M. Kealoha.

            3.   W. H. Kailimai.

            4.   J. C. Quinn.

            5.   J. K. Clark,

            6.   J. K. Nakookoo

            7.   S. K. Pua.

            8.   J. P. Kahahawai.

            9.   D. H. Keliiaa.

            10.  Geo. Kaia.

            11.  R. N. Boyd.

            12.  t. C. Polikapa.

            13.  Moses L. Kaaikaula.

            14.  Sol. Meheula.

            15.  E. C. rowe.

            16.  L. K. Nakookoo.

            17.  S.B. Kaneihalau

            18.  D.w. Kamaliikane.

            19.  J. Keau.

            20.  JJ. Kanui.

            21.  Kalaeokekoi.

            22.  J. M. Kekala.

            23.  S. H. Meekapu.

            24.  H. B. KJeliiheenalu

            25.  J. Hale-liilii.

            26.  J. W. Hoioua.

            27.  W. Kalaehao.

            28.  Kawaiki.

            29.  William Ringer.

            30.  A. Kaluna.

            31.  Timoteo

            32.  D. Ai.

            33.  J. H. Kanakaliilii

            34.  D. Crowningburg.

            35.  Henry Huka.

'           36.  C. B. Maile.

            37.  G. W. Kualaku.

            38.  M. P. Palau.

            39.  Maikai.,

            40.  Panoko.

            41.  Keohokapu.

            42.  W. Kaaihue.

            43.  J. M. Mahuka.

            44.  D. M. Kupihea.

            45.  Nakaikuahine.

            46.  Kaimimoku.

            47.  Manuhiu.

            48.  Kanoa.

            49.  John Lii.

            50.  John Hina.

            51.  J. Kuakaulalii.

            52.  F. W. Erving.

            53.  Naphea.

            54.  D. Kaona.

            55.  W. K. Kaleihuia.

            56.  E. W. Palau.

            57.  D. Kaheleua.

            58.  Ioela.

            59.  Kaka.

            60.  J. Alapai.

            61.  Lapana Keawepoole.

            62.  P. Haiola.

            63.  B. Hao.

            64.  William Kapela.

            65.  W. K Kaleihuia.

PAPA INOA O NA ELELE O KA AHA ELELE O IANUARI, 1901.

            1.   N. J.  Hiapoole.

            2.   G. W. K. Kauimakaole.

            3.   G. M. Keone.

            4.   Moses L. Kaaikauia.

            5.   Lapana Keawepooole.

            6.   Joseph Kauahoa Clark.

            7.   T. C. Polikapa.

            8.  W. Kaaihue.

            9.   John Lii.

            10.  Mrs. R. N. boyd.

            11.  J. Kanui.

            12.  S. K. Oili.

            13.  Henry Kaliimai.

            14.  S. K. Mahoe.

            15.  Kaimimoku.

            16.  Kalaeokekoi.

            17.  J. P. Kahahawai.

            18.  J. K. Nakookoo.

            19.  C. B. Maile.

            20.  W. K. Kaleihuia.

            21.  J. M. Kealoha.

            22.  D. M. Kupihea.

            23.  W. H. Kailimai.

            24.  Mrs. G. W. Kualaku.

            25.  Mrs. Iwa Keanu.

                        MOKUPUNI O HAWAII.

            26.  J. M. Kauhi.

            27.  D. M. Kuali.

            28.  S. W. M. Kwelo.

            29.  J. Kauahi.

            30.  M. K. Kou.

                        MOKUPUNI O MAUI.

            31.  P. K. Kalohelani.

            32.  E. H. Kekapai.

            33.  Dan. Mahuka.

            34.  G. P. Wailehua.

            35.  E. R. Keike.

                        MOKUPUNI O MOLOKAI.

            36.  G. Kekipi.

            37.  J. N. Uahinui.

                        MOKUPUNI O KAUAI.

            38.  D, Kapahu.

            39.  James K. Lota.

            40.  P. M. Castro

            41.  J. W. K. Nawai.

                        MOKUPUNI O OAHU.

            42.  L. M. Keaunui.  He Elele keia i hiki mai i na hora e aneane an e hookuu na hana o ka Aha Elele.

            43.  J. Waioia.

            44.  Nakapuahi.

            45.  J. K. Mahoe.

            46.  D. H. Keliiaa.

            47.  S. K Hui.

            ________________________________

Honolulu, Iulai 9, 1902.

I`ka Peresidena âme na Elele o ka Aha Elele o ka Aoao Home Rula:

            E na Keonimana:---O kou Komite no ka hoololi ana i ke Kumukanawai o ka Aoao Home Rula ke waiho haahaa aku nei me keia he Kope o ke Kumukanawai e hoohui ana i na hoololi i manaoia ua kupono i mea alakai no ka Aoao no keia mua aku.

            O na Pauku mua eha o ke Kumukanawai aole i hoololiia a o ke koena aku ua hooponopono hou ia e hooemi mai ana i ke Komite Hooko i kanakolu lala, a e kohoia lakou mai na Apana Koho mai o ke Tertori e like me na Lunamakaainana, a na ka Hope Peresidena o ka Aoao e hoomalu i ka lakou mau halawai.

            He ehiku lala o ke Komite Kuwaina, hookahi mai keia ame keia Apana Koho mai am@ ka Peresidena o ka Aoao, a o ua Peresidena `Ia ke hoomalu i ka lakou mau halawai.

            O na Elele i ka Aha Elele o ke Teritori e kohoia lakou mai kela ame keia Mahele mai---hookahi elele kaulele a hookahi elele o kela ame keia 50 balota Home Rula `i hookomoia i ke Kau Koho Balota i hala.

            O na Elele Apana e kohoia lakou mai kela ame keia Mahele mai---hookahi elele kaulele a hookahi elele no keia ame keia 25 balota Home Rula i hookomoia i ke Kau Koho Balota i hala.

            Ke mantovana nei makou ke aponoia keia mau hoololi e waihoia aku nei, eloaa ana ka hoolaia ana o na kulana hana iloko o ko kakou Aoao Kalaiaina.  Me ka haahaa,

                        JOHN EMMELUTH,

                        D. K. EWALIKO,

                        J.W. BIPIKANE,

                        JOHN KAAUWAI,

                        J. B. KAOHI,

                        G. P. WAILEHUA

                        GEO. W. MAHIKOA,

Komite Hooponopono Kumukanawai.

____________

KUMUKANAWAI O KA AOAO OMERULA I KUKULUIA MA HONOLULU, MOKUPUNI O OAHU, MA KA LA 10 O IULAI, M. H. 1902.

            NA OLELO HOAKAKA MUA.

            Oiai ua ikeia ae nei ka loli ano nui ana o ko kakou kulana kalai Aupuni o keia manawa e nee aku nei imua, a he mea hoi nana e kono mai ia kakou ka Lahui, e ku me ka makaala no ke kiai ana i na pono pilipaa o na Oiwi ame na kupa makaainana Amerika i manao hana like.

            Nolaila, ma ka noho ana o ka Aha Elele o na AHAHUI ALOHA AINA ame AHAHUI  KALAIAINA i huila ma ke Kulanakauhale o Honolulu, Mokupuni o Oahu, Panalaau o Hawaii, ma ka la 8 o Ianuari, M.H. 1901, ua hooholoia e hoohuiia na AHAHUI ALOHA AINA ame  KALAIAINA i oleloia ma ka Inoa ame ke kuleana kalai aupuni no keia mua aku e kapaia KA AOAO KALAI AUPUNI "HOME RULA."

            Pauku 1.  Ma keia ke kukuluia nei he Aoao Kalai Aupuni Kuloko no na Kupa Amerika apau i manao hana like o loko o ka Panalaau o Hawaii nei, a e ikeia ma kona kulana ame ka Inoa---ka Aoao Home Rula me kona Mana Hooko piha ma ke Kapitala ma Honolulu, ma ka Mokupuni o Oahu.

            AOAO HOME RULA.

            Pauku 2.  O ka loaa ana he Aoao Kalai Aupuni malalo o kekahi Olelo Hooholo Hoohui a ka Aha Elele o na AHAHUI KALAIAINA  ame ALOHA AINA, i aponoia ma ka la---o Ianuari, M. H. 1902, e kapaia a e ikeia no, o ka AOAO HOME RULA.

KAHUA HANA.

            Pauku 3.  Ua manao makou he mea pono---e hookumuia na Aupuni apau maluna o na kuma kuokoa o ka noho lanakila, ka noho keakea, ole la, ame na pono kaulike e loaa ai he kahua lanakila no ka lehulehu.

            Ua manao makou ua hanau pu la mai ke kanaka me kona ma@a kuokoa, a he like hoi na mea apau imua o ka maka o ke Kanawai, a i hoohuaia mai hoi me na kuleana kaokoa, oia hoi ke ola, ka noho lanakila ana, ame ka imi ana i na mea e oluolu ai ka noho ana me ka hoomaluia mai na hana lima ikaika mai, ame na manao alunu o ka hoohaiki mana, a e loaa oiaio ai he Aupuni kulike no ka lehulehu, ma o ka lehulehu, a na ka lehulehu.

            O ka manaoio o ka AOAO HOME RULA, ua hookumuia no maluna o ka moto:  Ka Pono Kaulike o ka Lehulehu---"Equal Rights for the People."

NA LALA

            Pauku 4.  O na lala o ka Aoao Kalaiaina HOME RULA,  oia no na kane kupa Amerika apau o na Ahahui Kalaiaina ame Aloha Aina i Hulia ame na Kupa Amerika e ae i manao hana like i hiki aku na makahiki i ka 21 a oi aku, a i loaa hoi iaia ka mana koho balota ku i ke Kanawai, e noho ana iloko o ka Panalaau o Hawaii, a i kakauinea hoi malolo o ke Kumukanawai a i ole malalo o na Rula.

ALOHA AINA----4

KOMITE HOOKO.

            Pauku 5.  I kanakolu lala o ke Komite Hooko o ka AOAO HOME RULA,  a e kohoia e kela ame keia Apana Kohe Lunamakaainana e like me ke ano ame ka nui o na Lunamakaainana i ka Ahaolelo; a aole e manaoia i poe noho paa lakou no loko o na Apana o lakou i kohoia mai ai.

            E kohoia lakou ma ka halawai mua o kela ame keia Mahele Koho iloko o Iulai, M.H. 1902, a i kela ame keia Elua Makahiki mahope aku; a e paa lakou i ko lakou mau kulana me ka hoopono no na makahiki elua.  O ka Hope Peresidena o ka AOAO HOME RULA, ka mea nana e hoomalu i na halawai apau o ke Komite Hooko.  E koho no ke Komite Hooko i kona mau Luna Nui mai waena ae o kona mau lala.  E manaoia he 12 lala o ke Komite Hooko i akoakoa mal ma kekahi halawai o ua Komite la, he Koramu ia no ka hooholomua ana i na hana o ua Komite ia ma kona mau halawai apau e maimaia ana i keia a me kela mahina.

KOMITE KU WAENA.

            Pauku 6.  E kohoia i Komite Ku Waena no ka AOAO HOME RULA 7 lala.  O ka Peresidena ame 6 lala o ke Komite Hooko---a o keia mau lala 6, na ke Komite Hooko no e koho kela Komite, a e lilo no lakou i mau lala no ke Komite Ku Waena, a e paa lakou ma ia kulana no ka manawa o ko lakou noho lala ana no ke Komite Hooko; a na lakou no e hooponopono i na hana pili i ke koho balota apau no ka pono o ka AOAO HOME RULA malalo o ke alakai ana a ke Komite Hooko; a e koho lakou i 3 lala no loko mai o ko lakou heluna no ke Komite Waiwai; a e koho no hoi lakou pela, 1 Puuku.

            E lilo na lala o ke Komite Ku Waena i mau hoa kuka a i Komite Kukai me na lala HOME RULA o ka Ahaolelo; a na lakou no e hooponopono a e hana i mau Rula no lakou me ke kuhikuhi ame ke apono ana ola mau lala o ka Ahaolelo.

KUKULU A HOALA ANA I NA AHAHUI MAHELE.

            Pauku 7.  O na lala o ka AOAO HOME RULA o kela ame kela Mahele Koho a puni ka Panalaau, e kukulu a e hoaia i mau Ahahui Mahele; a e koho lakou i ko lakou mau Luna Nui ame na Komite Apana i kulike me na Rula i hooponoponoia e ke Komite Kukulu Ahahui.

KOHO ELELE ANA.

            Pauku 8.  Ma ke Koho Elele iloko o Iune, M.H. 1904, a i kela me keia elua makahiki mahope aku, e koho kela ame keia Mahele Koho i Hookahi Elele Kaulele a i hookahi Elele no kela me keia 50 balota 1 kohoia no ka Moho HOME RULA i loaa ka balota kiekie ma ke Kau mau i hala; a o kela me keia Elele i kohoia, e noho lakou iloko o ka Aha Elele Wae Moho i kela me keia manawa e ke Komite Hooko e kauoha ai, iloko o 30 la mahope iho o ko lakou kohoia ana, no ka hoomakaukau ana i ka Papa Hana no ke Kau Koho Balota e hiki mai ana, ka wae ana i Moho Elele no ka Panalaau i ka Ahaolelo ma Amerika Hui puia, a o kekahi mau hana e ae paha e hiki mai ana imua o lakou; a e paa lakou ia kulana me ka hoopono no na makahiki elua e hiki mai ana, a e halawai no lakou i kela me keia manawa a ke Komite Hooko e kauoha ai ia lakou a i ole i ka manawa a ka Peresidena o ka AOAO HOME RULA e kahea ai me ke apono nae o ka Mana Hooko.

NA ELELE APANA ME KA AHA KELELE.

            Pauku 9.  Ma ke koho ana o na Elele iloko o Iulai, 1902, a i kela me keia elua makahiki mahope aku, e koho kela me keia Mahele Koho i 1 Elele Kaulele, a i 1 Elele no kela me keia 25 balota i kohoia no ka Moho HOME RULA i loaa ka balota kiekei ma ke Kau mau i hala.

            E hui a e halawai na Elele apau i kohoiama ko lakou mau Apana Koho pakahi ma o ke kahea ana a ke Komite Apana iloko o 60 la mahope iho o ka noho ana o ka Aha Elele o ka Panalaau, no ke apono ana i ke Kahua Hana o ke Kau Koho Balota e hiki mai ana, ka wae ana i na Moho no ka Ahaolelo o ka Panalaau, a me kekahi mau hana e @@ hiki mai ana imua o lakou  E paa lakou ma ia mau kulana me ka hoopono no elua makahiki.  E halawai lakou ma kela a me keia manawa a ke Komite Apna e kauona ai.

NA PERESIDENA ME NA HOPE PERESIDENA.

            Pauku 10.  E kohoia e ka Aha Elele e noho ana ma Honolulu i Iulai, 1904, a ma kela me keia elua makahiki mahope iho i Peresidena, Hope Peresidena  1 Peresidena Hanohano, a me @ Hope Peresidena Hanohano no ka  AOAO HOME RULA.  A hiki i ke koho ana i Iulai, 1904, e like me ia 1 hoakakaia, e mau no keia mau Luna e paa nei.

            Na ka Peresidena e  malama i na halawai ame na kukakuka ana a ka Aha Elele o ka Panalaau, ame ke Komite Ku Waena; e hoopaa oia i kona inoa oihana no ka AOAOA HOME RULA maluna o na Palapala i lilo ai i mea mana.

            Na ka Hope Peresidena e malama i na halawai ame na kukakuka ana a ke Komite Hooko, a e komo mai no ka Peresidena ma keia mau Halawai ana no ke kuka ana ame ke koho ana.

            O na hana apau a ke Komite Hooko, e pono e apono mua ia e ka Peresidena, aka nae hoi , ina e vitoia e ka Peresidena ia mau hana, e hiki no e hookoia ia makemake o ke Komite Hooko ma o ka ae ana o elua hapakolu o ke Komite Hooko.

KAKAUOLELO

            Pauku 11.  O ka hana a ke Kakauolelo o ke Komite Hooko oia no ka malama ana i na moolelo apau oia Komite ame ke Komite Ku Waena hoi, ma ke ano he hoa kuka me ka mana koho ole, a me ka Aha Wae Moho o na Elele, a me na hana apau o ka AOAO HOME RULA;  a e malama oia i ka Papa Inoa o na lala apau, a aia hoi iloko o kana malama ana ka Sila o ka Aoao Kalalaina; a e hoohana wale ia no maluna o na palapala pli oihana.

PUUKU.

            Pauku 12.  Na ka Puuku o ke Komite Ku Waena e malama na waiwai apau, na daia loaa ame na waiwai a ae o kela me keia ano i ikeia no ka AOAO HOME RULA.  Aole e ukuia kekahi bila a mau bila paha me ka apono ole o ke Komite Waiwai.    

KOMITE WAIWAI

            Pauku 13.  Na ke Komite Waiwai e hoolala a e imi i na ano ame na hana e loaa ai he waihona no ka AOAO HOME RULA, a o na loaa apau i loaa mai i ua Komite la, e haawila aku ia i ka Puuku ma ke ano he waiwai a he pomaikai no ka AOAO HOME RULA.

HALAWAI KUIKAWA O KE KOMITE HOOKO.

            Pauku 14.  O na halawai kuikawa a ke Komite Hooko e kaheaia no ia e ka Peresidena o ka AOAOA HOME RULA ma o ke noi ana a 5 lala o ua Komite la, a e hoolahala aku i na lala he 24 hra mamua ae o ka noho ana oia halawai.

NA RULA ME NA HOOLOLI.

            Pauku 15.  Ua hiki no i ke Komite Hooko ke hana i kona mau Rula hooponopono ke kue ole i na mahele o keia Kumukanawai.

            E hiki no ke hoololiia keia Kumukanawai ma kekahi halawai o ka Aha Elele i akoakoa mai, ma o ka hoolaha mua ia ana ma kekahi halawai mua ae no 24 hora, a e aponoia no na hoololi a pakui paha ma ka halawi mahope iho me ka ae o elua hapakolu o na lala i hiki mai.

___________________________________________________________________________________________________________________________

            O ke KOPE maluna ae kekope oiaio o ke KUMUKANAWAI o ka AOAO HOME RULA.

……………………………………………………………………………………………………………………………………………………………………………………………………..

            Peresidena o ka Aoao Home Rula.  Na ka Peresidena, Aoao Home Rula:

…………………………………………………………………………………………………………………………………………………………………

Kakaolelo.

___________________

            Ke ike pono iho ia oukou, o na Pauku mua eha o ke Kumukanawai kahiko ua laweia mai a hookomoia, no maloko o ke Kumkanawai hou.  Eia iho i ka Pauku 5 ka hoololi a e nana iho oukou i ke kulike ole.  Ma ke

___________________________________________________________________________________________________________________________

( E nana ma ka aoao8)

_____________________

Mai ka aoao 2 mai

___________________________________________________________________________________________________________________________

komite oia no ka Elele Wilikoki Maloko oia komite hoi e lawa mai ai o Moses Kaaik aula i kana ma hoopii a pau no Peresidena Kalauokalani, a imua hoi oia komite e pane aku ai o Kalauokalani i na kimu hoopii a pau i hana ia aku nona, a ma ka noho hou ana o ka hale i kekahi la ae e hooloheia ai ka hoike a keia komite.  Mahope o keia olelo hooholo ua noi ia e hoopanee ia ka hale a noho hou i ka hora 10 o kekahi la ae (Poakolo).

                                                                                                                                                                                         (Aole i pau)