Ke Aloha Aina, Volume VIII, Number 27, 5 Iulai 1902 — Page 7

KE ALOHA AINA, POAONO, IULAI 5, 1902

 

MA KE KAUOHA

KEENA O KA PAPA OLA Iune 27, 1902

            Ma ka halawai a ka Papa Ola i malamala i Iune 18, 1902, o keia ma@ pakui a me na hoololi i na Rula Malama Ola o ka Papa Ola, ua hana ia Penei:

            Na Rula Teritori, I huipuia me na Rula Malama Ola no ka Teritori o Hawaii mawaho aku o ka Apana Malama Ola o Honolulu.

 

Malamalama a me na Puka Makani o na Hale Noho.

Pauku 3. O kela a me keia rumi Pakahi i manaoia a i ole i hoohanaia no ka noho paa ana o ke kanaka e hoolakoia me ka puka makani o ewalu kapuai kuea akea, me ka akeakea ole ia o ke komo ana mai o ka ea no kela a me keia 100 kapuai kuea o ka papahele o ka rumi i olelo ia ao ke komo laula ana e hana ia e na poe e noho ana maloko o ka rumi; he hookahi kowa pani puka makani e hanaia me ka hiki ke hoonee ia a i kupono no ka makani e komo mai ai. O ka huaolelo “rumi” ma keia pauku e hoomaopopoia ka manao oia na kowa a pau e noho a i ole e hoohanaia ana a i hoopuni ia e na paia a i ole e na paku nona ke kiekie elima kapuai a oi aku.

 

Kowa Ea Malalo o na Hale

            Pauku 4. Ona hale a pau e loaa he averika o iwakalua iniha no ka ea e holopuni ai, mawaena o ka papahele laau a me ka lepo, a e loaa hoi he puka makani kupono ma na paia mawaho a hiki ai i ke ea ke komo mai; aka, o keia mau kowa a ole ia e eliia malalo iho o ka iliwai o ke alanui me ka pa a ia hale i oleloia e ku ana, koe wale no o keia eli ana aole ia e hoopilikia i ke ola o ka lehulehu; a ina aole keia kowa ea i olelo ia e hanaia e kulike me keia rula, o ka papahele kahua o na hale a pau e uhlia me ka Puna, pohaku a i ole kekahi ano ae i hulia me ka paa loa e loaa ole ai he haka haka malalo.

 

Pahale, ili Aina, Alanui Ololi a me Alahele Oioli.

            Pauku 5. Ma na manawa a pau e noonoo ai ka Papa Ola a i ole kona mau agena ua kono aku ke ola o ka lehulehu, e kauoha a e kuhikuhi no lakou i na pa hale a pau, ili aina, alanui oloii, alahele oloii e kipapa pono ia me ke ka ia i wahi e pale aku ai ike kawau a me ka pelapela o ka lepo a me ke ea, a oia mau pa hale, ili aina, alanui oloii, a me alahele oloii, i kipapa a kipapa ole ia, ma na manawa a pau e malamaia me ka maemae mai ka hoiliili ana o na lehu, opala a me kekahi mau mea ino e ae e na ona, poe noho ana a me ka poe no lakou ia kule ana.

            Pauku 7. Aole hale a i ole o kekahi ano mea e ae i kukuiuia e hoohanaia ma ke ano hale noho a i ole wahi noho a i ole kahua paa e ku ana maluna o ka aina i hanaia ma o ka hoopiha ia ana me na opala, lepo holoholona a i ole kekahi mau mea pelapela a hoopilikia e ae e hoopilikia ai i ke ola o ka lehulehu.

 

Pili ina Lua Liilii a me na Lua Hookio Wai ino.

            Pauku 8. Aole lua lua liilii wahi @oloipa a i ole lua hookio wai ino ma keia hope aku e hanaia a i ole e kukuluia maloko o kanalima kapuai mai kekahi kahawai mai lokowai, loko, luawai a i ole punawai, aole maloko o elua kapuai o ka laina o kekahi Pa, aole e hanaia ma ke ano e hiki ole ai ke holoi a hoomaemae ia; aole eliia kekahi lua hooki’o wai ino a oi aku mamua o umi kumamawalu a i ole malalo o eono kapuai hohonu, aole lua liilii e hanaia a oi aku mamua o ekolu kapuai a malalo aku o ka uhi, a e ku pololei ia e like me ke kae o mua o ka noho lua liilii i olelo ia. O ka huaolelo “lua hokio wai ino” e hoomaopopoia ka manao ua huipu ia na lua a pau i eliia no ka hookahe ana i na wai ino a pau i hookahe ia o ka huaolelo “lua liilii” ma keia pauku e hoomaopopoia ka manao ua huipuia na lua a pau i eliia no ka hoahu ana i na mea ino maloko oiaila aole nae wai e hookahe ia.

Pauku 14.  Ona wahi hookahe wai a pau e hanaia me ka hao, kepau, lepo pohaku, puna a @ole me kekahi ano e ae e paa ai ka wai. Ina he hao a i ole kepau o na hookui a pau e hoopipili ia me ka kepau hehee, ina lepo pohaku e hoopipili ia na hookui me ka puna me ka paa loa, o na hookui a pau e pahee maloko.

 

Na Makeke.

            Pauku 24. O na makeke a pau o ka lehulehu a me ka mea hookahi me na lako paahana a pau, na mekini a me na lako a pau e pili ana no ia oihana a me na waiwai a pau e waiho ana a i ole e kuai ia ana ma ke ano he mea ai a i ole inu a me na mea a pau ma loko o na pahu hau a me na pahu hoanuanu maloko olaila e malamaia ana ua mea ai a i ole inu o na ano a pau a i ole i malamaia no ke kuai ana aku, he mana ko ka Papa Ola a i ole kona agena i na hora kupono a pau e nana ai, a i ka wa e loaa ai kekahi bipi, i o holoholona, manu, moa, mea ai, mea ulu a i ole kekahi ano mea ai o ae a i ole inu i ka Luna Nana, agena a i ole kahi lala o ka Papa Ola iloko o ke kulana kupono ole a hiki iloko o ke kulana kupono ole a hiki ole ke hoohana ia ma ke ano mea ai na pa kanaka, ua hiki no laia ke kue aku ia mea a e kauoha e hookaawale ia me ke kiolaia, malaio o na lilo o ka ona, nana ia mea.

            Pauku 25. Aole kekahi kanaka e waiho a i ole haawi aku no ke kuai a i ole kuai a i ole hana ai ole ae aku e hoohanaia ma ke ano mea ai a inu i kekahi mea i kue ia e ka Papa Ola a i ole e kona agena.

 

Pili I’ke Kanu Ana a me na Kino Make.

            Pauku 48. Ona make a pau e ike ia ana maloko o ke Teritori o Hawaii e hoikeia aku’ia i ke Keena Hoopaa Make me ka inoa, kane a wahine paha, me na makahiki o ka mea make, ina ua mare a mare ole, lahui kahi i hanau ai, la i make ai, loihi o ka ma’i ana, inoa o ke kauka nana i nana a lapaau ina o ka mea i make he kamaaina a i ole malihini a me ka ilina kahi ona i manaoia ai e kanu. Aole ialoa a i ole kanu ana e ae la ma na mokupuni o Oahu, Hawaii, Maui, Molokai a i ole Kauai, me ka loaa ole he ae mai kekahi agena aku o ka Papa Ola, a maloko o ka Apana o Kona, mokupuni o Oahu, e haawi ia na ae ma ke kakau ana.

            Aole ae e haawi ia no ke kanu ana maloko o na palena o ke kulanakauhale o Honolulu, e like me na mea hoakakaia ma keia rula, koe wale no ina poe mea pa hina, aole no i na poe mea pa ilina koe wale no ma na wahi a ma na kulana a ka Papa Ola ma kona huli ana aole e hoopoino ia ke ola o ka lehulehu. O na palena kulana kauhale i olelo ia maluna ae oia ka apana hoopuni ia ana, penei. E hoomaka ana ma ka aekai ma ka aoao hema o ka aina o Halawa, alaila, holo ma ka palena hikinia o Halawa no ka piko o na mauna o Koolau alaila, holo i ka hikina ma kapiko mauna i olelo ia no ke awaawa o Palolo, alaila, no ka hema ma ka laina o na kualapa hikina o ke awawa o Palolo a hiki i ka aekai ma ka aoao hikina o Daimana Hila, alaila, holo ma ka aekai no ke komohana no kahi i hoomaka ai.

            O keia rula aole ia e pili i ke kanu ia ana o ka lehu o kekahi kino make i puhi ahi ia.

            Ona rula mua a pau e pili ana no ka ae ana aku e kanuia ma keia ua hoopau ia.

            Pauku 49. Aole kanu e hanaia no kekahi kupapau a i ole no kekahi kino make i emi ole malalo o eono kapuai ka hohonu, aole maloko o 100 kapuai mai kekahi punawai, lua wai, lokowai, loko, a i ole kahawai, aole maloko o elua kapuai mai ka pelena mai o kekahi pa, aole ma na wahi a pau, koe wale no ma kahi a ka Papa Ola i huli ai oia kanu ana aole ia i hoopoino aku i ke ola o ka lehulehu.

            Pauku 50. Aole kupapau, aole ke kino make o kekahi kanaka e waiho wale ia, a i ole hoonioni ia a e i ole lawia mai kona wahi i kanuia ai, aole wahi hoahu, pahu a i ole pahu kupapau maloko olaila e waiho ana ia kino make a kupapau e wheia , lawe ia a i ole hoonioni ia mahope o kona kanu pono ia ana, koe wale no ma na olelo o ka palapala ae i haawiia e kekahi agena o ka Papa Ola.

            Mahope oia lawe a i ole hoonioni ia ana e hoopiha kokeia ka lua kupapau me ka hoihoi ia e like me kona kulana mua.

 

Na Rula Malama Ola o ka Papa Ola no ka Apana o Honolulu.

 

Malamalama a me na Puka Makani.

 

            Pauku 3. O keia a me keia rumi Pakahi i manaoia a i ole i hoohanaia no ka noho paa ana o ke kanaka e hoolakoia me ka puka makani o ewalu kapuai kuea akea, me ka akeakea ole ia o ke komo an mai o ka ea no kela a me keia 100 kapuai kuea o ka papahele o ka rumi i olelo ia ao ke komo laula ana e hana ia e na poe e noho ana maloko o ka rumi; he hookahi kowa pani puka makani e hanaia me ka hiki ke hoonee ia a i kupono no ka makani e komo mai ai. O ka huaolelo “rumi” ma keia pauku e hoomaopopoia ka manao oia no kowa e pau e noho a i ole e hoohanaia ana a i hoopuni ia e na paia a i ole e na paku nona ke kiekie elima kapuai a oi aku.

 

Kowa Ea Malalo o na Hale.

 

            Pauku 4. Ona hale a pau e loaa he averika o iwakalua iniha no ka ea e holopuni ai, mawaena o ka papahele laau a me ka lepo, a e loaa hoi he puka makani kupono ma na paia mawaho e hiki ai i ke ea ke komo mai; aka, o keia mau kowa a ole ia e eliia malalo iho o ka iliwai o ke alanui a me ka pa a ia hale i oleloia e ku ana, koe wale no o keia eli ana aole ia e hoopilikia i ke ola o ka lehulehu; a ina aole keia kowa ea i olelo ia e hanaia e kulike me keia rula, o ka papahele kahua o na hale a pau e uhila me ka Puna, pohaku a i ole kekahi ano ae i huiia me ka paa loa e loaa ole ai he hakahaka malalo.

 

Pa Hale, Ili Aina, Alanui Oioli, Etc.

Pauku 5. Ma na manawa a pau e noonoo ai ka Papa Ola a i ole kona mau agena na kono aku ke ola o ka lehulehu, e ka noha a e kuhikuhi no lakou i na pa hale a pau, ili aina, alanui ololi, alahele ololi e kipapa pono ia me ke ka ia i wahi e pale aku ai ike kawau a me ka pelapela o ka lepo a me ke ea, a oia mau pa hale ili aina, alanui ololi a me alahele ololi , i kipapa a kipapa ole ia, ma na manawa a pau e malamaia me ka maemae mai ka hoiliili ana o na lehu, opaia a me kekahi mau mea ino e ae e na ona, poe noho ana a me ka poe no lakou ia kule ana.

            Pauku 7. Aole hale a i ole o kekahi ano mea e ae i kukuluia e hoohanaia ma ke ano hale noho a i ole wahi noho a i ole kahue paa e ku ana maluna o ka aina i hanaia ma o ka hoopiha ia ana me na opala, lepo holoholona a i ole kekahi mau mea pelapela a hoopilikia e ae e hoopilikia ai i ke ola o ka lehulehu.

 

Pili i na Lua Liilii a me na Lua Hoo kio Wai Ino.

Pauku 8. Aole lua lua liilii wahi holoipa a i ole lua hookio wai ino ma keia hope aku e hanaia a i ole e kukuiuia maloko o kanalima kapuai mai kekahi kahawai mai lokowai loko luawai a i ole punawai, aole maloko o elua kapuai o ka laina o kekahi Pa, aole e hanaia ma ke ano e hiki ole ai ke holoi a hoomaemae ia; aole eliia kekahi lua hooki’o wai ino a oi aku mamua o umi kumamawalu a i ole malalo o eono kapuai hohonu, aole lua liilii e hanaia a oi aku mamua o ekolu kapuai a malalo aku o ka uhi, a e ku pololei ia e like me ke kae o mua o ka noho lua liilii i olelo ia. O ka huaolelo “lua hokio wai ino” e hoomaopopoia ka manao ua huipu ia na lua a pau i eliia no ka hookahe ana i na wai ino a pau i hookahe ia o ka huaolelo “lua liilii” ma keia pauku e hoomaopopoia ka manao ua huipuia na lua a pau i eliia no ka hoahu ana i na mea ino maloko olaila aole nae wai e hookahe ia.

Pauku 13.  Maloko o kanakolu la o ka haawi ia ana o kekahi hoolahai kakauia i ka ona a mau ona, poe e noho ana ai ole poe i kuleana i kela a me keia aina maloko o na palena o ka paipu hookahe wai ino o ka lehu lehu, e kanoha ana i ka ona a mau ona i olelo ia e hoohui me ke paipu hookahe wai ino, o ka lua liilii a me ka lua hookio wai ino e hoopauloa ia aku ia mau mea mai ia mau aina aku, o na lua hookio wai ino a pau e ka ia, hoomaemae ia a hoopihaia e like me ke kuhikuhi a keia mau rula a me ke ola o ka lehulehu; a o na lua liilii a pau e hookaawale ia aku, koe wale no ma ka ae ana aku a ka Papa Ola e hoolilo aku lala i hale lua liilii i hoohui ia me ke paipu hookahe wai ino.

Pauku 18.  O na lua hookio wai ino a me na lua liilii e hoolako ia lakou me na paipu hao hoopuka ea o eha iniha i hookui ia me ke kepau a i ole paipu hao piula, e ku ana aole e emi malalo umi kumamalua kapuai iloko o ka ea, a ina maloko o i wakalua kapuai mai kekahi hale aku e noho ia ana e na kanaka o ke poo oluna oia mau paipu e oi ae ko lakou kiekie maluna o kaupoku o ka hale kiekie loa e ku ana he iwakalua kapuai ka mamao, mai a lakou aku. O keia mau paipu hoopuka ea a pau e hookupololei ia lakou.

Pauku 19.  O na lua liilii a pau e hanaia me na noho a me na po’i i hoopaa ia me na ami no ke pani ana i kahi hamama, a e pani ia oia i kona wa e hoohana ole ia ana.

Pauku 20.  O na wai ino a pau ma na wahi holoi pa, hale anau, na wahi holoi a i ole hale lua liilii aole e hookahe ia iloko o na kahawai lokowai, loko a i ole auwai a i ole maluna o ka lepo, koe wale no ma kahi a me na kulana e hoopilikia ole ai ke ola o ka lehulehu.

Pauku 21.  O na wahi hookahe wai a pau e hanaia me ka hao, kepau, lepo pohaku, puna a i ole me kekahi ano e ae e paa ai ka wai. Ina he hao a i ole kepau o na hookui a pau e hoopilipili ia me ke kepau hehee, ina he lepo pohaku e hoopilipili ia na hookui me ka paa loa me ka puna, o na hookui a pau e pahee maloko.

 

No na Holoholona Make.

            Pauku 32. Aole kanaka e kiola ina holoholona make maluna o kela a me keia alanui maloko o elima mile mai ka Hale Leta aku.

 

Hale Pepehi Holoholona.

            Pauku 33.  Aole hale pepehi holoholona e ae ia maloko o ka apana o Honolulu ma kela a me keia kahua i apono mua ole ia e ka Papa Ola a i ole e kona agena i hoomana ia.

 

Ili Holoholona a me na ili.

            Pauku 34.  Aole kanaka e ae ia e kaulai a i ole kapi paakai i na ili holoholona a me ili maloko o na palena o ka Apana Malama Ola o Honolulu ma na wahi a pau i apono mua ole ia e ka Papa Ola a i ole e kona agena @ hoomaua ia.

            Pauku 35.  O ka malamaia ana o na puaa ma ke Kulanakauhale o Honolulu, maloko o eha mile maika Hale Leta aku, ma keia ua hookapu loa ia, koe wale no ma kahi e hoopoino ole ia ai ke ola o ka lehulehu.

 

Lawaia me ke Kuai ia ana o ka la ma ka Apana o Honolulu.

            Pauku 1.  O ke kuai akea ana o ka a a me na mea ai apau o ke kai ua hookapuia ma ka Apana o Honolulu, koe wale no maloko oka hale makeke hou a me na wahi e ae a ka Papa Ola i ae ai kahi o ka ia a me mea ai a pau o ke kai e waiho ana no ke kuai ia malalo o na hooponopono ana a na Luna Nana i kohoia e ka Papa Ola.

            Pauku 2.  Oia mau Luna Nana he mana ko lakou no ka hopu, kue a me ka hoopoino ana aku i na ia a me na mea ai a pau o ke kai e waiho ana no ke kuai, a i ole i laweia mai i ka makeke i loaa ia lakou he kumu e manaoio ai ua lawe ia mai ia i’a mai kahi i hookapu ia e keia mau rula, a i ole i kupono ole ia no ka ai ana.

            Pauku 3.  O ka lawe ia ana mai o ka ia, i’a iwi, a i ole o kekahi mea e ae o ke kai a i ole o ka moana mawa ena o ke alanui Sheridan maloko o ke kulanakauhale o Honolulu, a i huipuia ka pa hoomalu o Kalihi, maloko o ke kulanakauhale o Honolulu, a i huipuia ke kahawai o Kalihi e hoomaka ana mai ka palena kiekie o ke kai a hiki ma ka lihi makai o na kuaau, a i huipuia ke awa o Honolulu, a me ke kahawai o Nuuanu a hiki i ke alanui Kukui ma keia ua hookapu loa ia.

 

Na Rula e Pili ana no Hilo, Hawaii, Na I’a.

            Pauku 2.  Oia mau Luna Nana he mana ko lakou no ka hopu, kue a hoopoino ana i na i’a apau a i ole o kekahi mea ai e ae o ke kai e waiho ana no ke kuai a i ole i laweia mai i ka makeke i kupono ole no ka ai ana.

 

Ka Malama ana i na Puaa a me ka Malama ana i na Hale Pepehi Holoholona.

            O ka malama ana i na puaa, koe wale no ma kahi e hoopoino ole ia ai ke ola o ka lehulehu, a o ka malamaia ana o na hale pepehi holoholona maioko o ka apana i hoakakaia ma Hilo, Hawaii, ma keia ua hookapuia.

                        H.C. SLOGGETT.

                        Peresidena o ka Papa Ola

Hoike, C. CHARLOCK,

            Kakauoleleo o ka Papa Ola.

 

KALIVALANA A ME HILA.

            Nu Ioka, Iune 19.  O ka hui lokahi ana o na Demokalaka oia na mea i ike ia i keia no iwaena o na Demokalaka i akoakoa mai na wahi like ole mai no ka wehe ia ana o ka hale hou o ka Hui Tilden. He mau haiolelo mai kekahi mau Demokalaka kai hana ia, a mahope iho he paina no na hea hanohano i hiki aku ma ia ahiahi kai haawi ia.

            O ka mea ano nui loa o keia la oia no ka launa oluolu i ike ia mawaena o Peresidena Kalivilana i pau a me David B. Hila, e hoao ana e holokahi hou i ko laua mau manao kalaiaina a me na kuee o na la i hala aku.

            O ka makamua ioa keia o ko Kalivilana ike ia ana e lawelawe hou ana i na nana pili kalaiaina mahope o kona hoomaha ana no elima makahiki. Ua kono ia aku o W. J. Baraiana e hiki aku, aole nae no ka walaau, aole he pane i loaa mai iaia aku.

            O ka loihi o ka noho kuee ana o Kalivilana a me David B. Hila maluna o ke kahua kalaiaina mai ka 1882 mai i ko Kalivilana wa e noho Kiaaina Lutanela ana no ia mokuaina no. O ko laua lokahi ana mahope o kekahi noho mokuahana ana ua hoohauoli aku ia i na Demokalaka a pau.

 

            He ehiku mau haumana o ka pipa ekahi o ke kula Punahou i hookuu pono ia mai i keia makahiki oia o Charlotte Dodge, May Paty, Cariotta Stewart, Hattie Hapai, George Hapai, William Heen a me Edward Young.