Ke Aloha Aina, Volume VIII, Number 26, 28 June 1902 — Page 5

KE ALOHA AINA, POAONO, IUNE 28, 1902.

K ODDLE MANAO MAOLI.

Ua hoou'ua ia aku ia he leta ia Kimo Boe, Luna Nui o au Hana Hou, mai a Kiaaina Dole aku e kuhikuhi aku ana i kona manao maoli e pili ana no ke komo pu ole aku o na Luna Aupuni e hoohaikau pu iloko o na hana kalaiaina, aka aole nae he mea ia no lakou e haalele loa ai i ko lakou ku ana ma ko lakou aoao kalaiaina, a o keia iho kana leta i hoolaha ia ae:

Honolulu, Iune 23, 1902.

Mr. J.H. Boyd, Luna Nui o na

Hana Hou, Teritori o Hawaii.

Aloha;-

No na mea i noonoo ia iho nei maloko o ka halawai a ka Aha Hooko maluna o ke kumuhana e pili ana i ke komo pu ana aku o na luna aupuni iloko o na hana kalaiaina, o ko'u manao oia keia, oiai, aole i manao ia e haalele aku na luna aaupuni i ko lakou mau pono kivila maloko o na hana kalaiaina, aka, aole loa lakou e hoohana i ko lakou mana pili aupuni no ka manao e hapai ae i ka aoaa kalaiaina a lakou i huipu aku ai a i ole ka noho mana ana aku maluna o ka hopena o kekahi kau koho balota.

O ka noonoo kaulike no ka pono kalaiaina ke alakai maikai e hoea mai ana ma keia hana, a me kona ano io maoli aole he pohihihi me ka paakiki ka hoakaka ana ae. Ke apono nei au o keia maluna ae ke pakui ia aku ma na kuhikuhi ana no keia kumuhana i hoo puka la ae.

Me ke aloha,

S.B. Dole.

O ka manaoio maoli o keia leta ke hoomaopopo iho a ke kiaaina e a'o nei i kona mau paa lalo, oia keia, ua ae ia lakou e hele e hookomo i ko lakou mau balota, aka, aole, nae e komo pu aku iloko o na haiolelo hooikaika balota ana, na kakau manao ana, a me na hana e ae e holomua ai kekahi aoao kalaiaina.

He puupuu ikaika keia a Kiaaina Dole i paluku aku la i ka aoao Repubalika, a o na Luna Aupuni e hooloha ole ana i keia mau kuhikuhi a ke kiaaina, aia ka puka ua hamamano ko lakou ku ana ae a haalele iho i ko lakou mau keena oihana.

 

KE HAAWIPIO ALA.

 

Ladana, Iune 16. He lono kuikawa kai loea mai nei mai Aferika Hema mai e hoike ana, aia ana Boa @ke haawi pio aia me na manao maikai. O ka nui o na kanaka i haawi pio aku i na Beritania na hoea aku ia i ka heluna mahuahua o 16,500, ke haawi ala na Beritania i na hookipa ohaoha ana no lakou.

 

 

LAWE'NA OLELO HOOPUNI PUNI A KEKAHI HAOLE.

 

Maloko o ka napepa Kahea o Kapaikiko i ike iho ai makou i kekahi mau kii i pa'i ia maloko o laila @a luapele o Kilauea a malalo iho oia mau kii he kii o o kekahi poe e holo ana, e haule make ana, e kokua aku ana kahi i kahi, a mahope aku o lakou he lua pele i hoohalike ia me ka lua o Kilauea e hoolei ana i na pohaku a me na lepo no luna o ka lewa. He keu a ka epa. Aole wale oia na hana hoonuinui a kekahi poe i hoi aku i Amerika, aka, eia iho kekaho mau olelo hoopunipuni ioa a kekahi haole penei:

Redding Iune 13. O Roy Frickery, he kanaka opio no ka okana aina o Shasta, i huli hoi mai la mai Honolulu mai, na hoike ae oia no kekahi mau hiohio@a kupalau ha iluna o ka lewa i manaoia mai ka luai pele mai no ia o Manna Pelee.

He elima a i ole eono ahiahi mamua o kela luku ia ana o Martinique, o na paia lani mauna ae o Honolulu ua piha ia me ka ula wea i ike ole ia mai kinohi mai. Ua like keia ula me ka malamalama e ikeia ai a na poai welau loa o ka honua nei. O ka manawa e ike ia ai keia malamalama hookalakupua mahope koke no ia o ka napoo ana aku o ka la. Ua hoohikilele ia na kanaka a o kahi poe na piha maoli no me ka weliweli.

Mawaena o na kanaka hilipai i na uhane lapu ua manaoio lakou ua kokoke mai ka hopena o ke ao nei. Ei kiai ana lakou i ka wa e hoea mai ai keia malamalama kupaianaha, aiaila, e haule iho no lakou maluna o ko lakou mau kuli me ka pule a me ka uwe ana. E piha ana lakou me ka weliweli nui a e moe ana mawaho o ko lakou mau pupupu hale i ka po holookoa me ka makau nui a me ka oni ole. O keia malamalama iluna o ka lewa me he la mai ka lua mai no ia o Kilauea, maka mokupuni o Hawaii, e liuliu ana no kekabi luai pele, aka, aole nae na kanaka i ike i keia mea, a pela lakou i maopopo ole ai i kahi i hoea mai ai o keia malamalama kupaianaha.

 

HE HUI DEMOKALAKA.

 

Eia na Pukiki ke koaia mai uei he ahahui Demokalaka ma ka apana o Auwaiolima. O ka manao nui o keia ahahui oia no ke komo ana aku iwaena o na Pukiki a pau a lawe mai ia lakou e hoopaa i ko lakou inoa i ka papa kakau inoa koho balota, o na poe a pau i kupono i ke koho balota a i loaa ka mana koho o lakou na laia o keia hui. Wela ka hao i na Pukiki.

 

KUAI HOEMI NUI I KEIA PULE

Na Uhimoe Keokeo Laula Nui

O na ano maikai loa mamui $1.00 i keia wa 85 keneta.

 

Na kinamu Makepono Loa

Kikokiko a me kahakaha o na waihooluu a pau 16 ia $1.00.

 

Na Lole Zephyrs Kahakaha

Bolu, Akaia, Omaomao, Eleele me Melemele 10 ia no $1.00

 

Na Dimiti Hou Loa

11 ia no ke $1.00 8 ia no ke $1.00   7 ia no ke $1.00.

6 ia no ke  1.00            5 ia no ke  1.00   4 ia no ke 1.00.

 

Papale o na Lede mena Opio

O ka loaa ana mai ia no ia, he ui a e loaa no ma na kumukuai a pau

N. S. SACHS DRY GOODS CO.

Honolulu, Alanui Papu.

 

HOPU IA NO KEKAHIHEWA

KARAIMA KOIKOI

Ma ka La Pole nei ua lawe ia mai la no ka halewai he haole nona ka inoa o J. Edward Langrem no ka hoopaa ia ana no ka nooopoino ana i ka maluhia o kekahi wabi kaikamahine o 12 makahiki ma kahi hoomalu ma ke alanui Waina ae nei. Ua lawe ia aku ke kaikamahine @ hoopo ino ia no ka haukipila he hoopai koikoi loa ke kau aku ana maluna o Langrem i ka wa e ku ai ka hewa iaia. E kali ia ana ka hoolohe ia ana o kona hihia no na hoike a ke kaikamahine opio i hoopoino ia.

 

Nuhou Kuloko.

I ke@a Poalima ae ka Pokiulai, malalo ana o Polea e malama ia ai na heihei waapa mawaena o ka Matala a me ka Healani. Ma ke Kinau o ke Poalua nei i haalele iho ai o W. I. Medeira ia Honolulu nei no Hilo no ka lawe ana ae i ke kulana Luna Leta no ka hale leta malaila.

E hoohui ia ana ma ka berita lahia o ka mare o Mr. James. Keaumahe Kaulia Miss Mabei Kua ke hiki aku i ke ahiahi Pohaha ae nei, lulai 3 maloko o ka halepule o Sana Anaru.

Nui na ohua i holo aku ia no Hilo hoohala ai i ko lakou la Pokiulai ma ke Kinau o ka Poa ina nei, mawaena oia poe ke Keikialii a me Kama @iiwahine Ka wananakoa a me Samuels Paka a me kana lede a me ka ohana.

Ma na lono i loaa mai nei ma ka Mauna Loa aia ko Lahaina mau kupa ke liuliu ala no ka hookipa ana aku i na haumana kula Sabati e hoea aku ana ilaila no ka hoike kula sabati hui o na mokupuni iloko ae nei o Iulai. E  laukanaka aku ana ka Main Ulu o Lele ma keia pule ae i na poe kula sabati.

 

N@i ka wela o ke@a mau la@@

E loaa no na waiwai aahu maika loa me ka emi pu ma kahi o N.S. S@chs.

Aia no ka pele ma ka lua o Kila uea, peia na hoike i loaa mai la maluna o ka mokuahi Noeau i hoea mai ma ka la inehinei.

Ke hoomaka nei na Home Rula e hele e kakau inoa ma na apana no ka imi pono ana i ko lakou kulana ikaika o keia kau koho balota e noe mai nei.

Ua hoole loa ae o Lan@kanawa Estee i ka oiaio o na i mea hooiahaia he wahine mare kana i okila a i make mai nei ma Nu Ioka.

 

ELELE R. W. WILIKOKI

 

Ma ka mokuahi Alameda o keia la i upu ia aika Elele Wilikoki e huli hoi mai ai. Aole ka Alameda i ikeia i keia wa a ka kakou hiwahiwa e oili aku nei.

 

OLELO HOOLAHA.

Ke kauoha ia aku nei o Kepola Pahau e kii koke mai i na Ume@e Niu he ewalu a'u e malama nei no ehiku mahina @@e ka maikai, nolaila mamua o kona kii ana mai i keia mau waiwai i hoakakaia ma keia hoolaha. E uku mai oia i ko'u luhi i hana ai $600. Lilo aila hoohinuhinu $125. Lilo o na wawae umeke 50c. Luhi o ko'u malama ana $300. Lilo uku hoolaha $150. A ke hala na ia he 15 me ke kii oleia mai he mana ko'u e h@ol@lo aku ai me ke keakea ole ia. E loaa no au ma ke kihi o ke alanui Lilina a me Wiuia helo 15.

Owau no me ka oiaio, S. K. KAWAI.

Honolulu, Iune 28, 1902.

 

Wm. RINGER

 

Eia au imua o oukou e o'u mau hoa labui Hawaii, ua wehe ae aei au he halekuai kika, kikiliki, pakanau o na ano a pau, kini mea ai o na ano like ole, wai momona, paka Hawaii o Kailua Kona paka on a, a pela me ne Opelu maloo. Ua hiki ia'u ke hoolawa i na makemake o'u mau hoa hanao o na mokupuni. E loaa no au ma alanui Muliwai, kekoke i alanui Kukui. P.O. Box 482.