Ke Aloha Aina, Volume VIII, Number 24, 14 June 1902 — Page 1

KE ALOHA AINA

 

Ke Aloha Aina

Picture Hilo Bay Hawaii.

UA MAU KE EA O KA AINA I KA PONO

HOOKUMUIA I MEI 20, 1895

 

BUKE VIII.               HONOLULU, POAONO, IUNE 14, 1902.              HELU 24

 

Hoomanaoia Iloko o

ka Hauoli.

 

            O ka la 11 o Iune, ka la hanau o ka Na'i Aupuni Kamehameha I., ua hoea mai la ia a hala aku la iloko o ke ohohia nui ia. Ua malama ae na lahui a pau maloko o keia kulanakauhale ia la i la kulaia no lakou, a ua mehameha maoli no o loko o ke kulanakauhale nei ia la holookoa mamuli o ka pau ana o kekahi mau tausani kanaka waho o Waikiki e makaikai mau haneri hoi ma Kapunahou i ka paina a me na hana Loonanea a ke kula sabati o Kaukeano Hou, a o kekahi poe hoi he lehulehu ua holo aku lakou maluna o na kaaahi no lalo o Ewa a me Waianae.

            He nui na pili akea i hanaia ma kahi heihei no na lio na lakou ke eo, a o na poe i hoopomaikai ia ma ka lakou pili ana ua hoi mai me na helehelena hauoli, aka, o ka poe i puehu aku ua hoi mai lakou me ke kukule me he poe aia i loaa i ka ma'i.

            O na lio na lakou i ahai ae ka hae o ka lanakila ma keia la oia keia:

            1          Heihei hapalua mile, makana Kiaha Union Feed Co. me $100; eo ia Nullah.

            2          Heihei lio kaa, papa 2:30 minute, elua eo ana iloko o ekolu holo ana, makana $150; eo ia Cyclone.

            3          Heihei lio liilii Polo, ekolu hapawalu mile, makana kiaha $50; eo ia Grey Boy.

            4          He ekolu hapaha mile, e hoohaule ia ka manawa holo loa e paa ia nei e Garteline 1:16, noa i na lio a pau, makana $100; eo ia Certer Harrison @ me ka haule pu o ka manawa o Garteline, manawa i holo ia 1:15 1 5.

            5          Heihei lio kaa, ekolu eo ana iloko o elima holo ana, makana $150 eo ia Waldo J.

            6          Heihei hookahi mile, noa i na lio a pau, makana Kiaha Rusita me $200, he $50 pakui ina e haule ka manawa holo loa e paa ia nei e Vioris 1:45; like a like o Wela a me Del Vista, me ka haule pu o ka manawa o Vioris, manawa i holo ia e laua 1:42 2 5.

            7          Heihei lio kaa hookahi mile no na lala o ka Hui Heihei Lio i kalaiwa ole i kekahi lio heihei mamua no kekahi makana. Makana ekahi, kiaha $50 me ke kaa, makana elua, kaa bage; makana ekolu, ilikaa; lilo ia Violin ka makana ekahi o ke K eikialii Kalanianaole kona kalaiwa, ia Walt-a-Little ka makana elua, a ia Frank Murphy ka makana ekolu.

            8          Heihei ekolu hapawalu mile, noa i na lio a pau, makana $100; eo ia Certer Harrison.

            9          Heihei ekolu hapaha mile, noa i na lio a pau, makana, Kiaha Oceanic S. S. Co. me $25; eo ia Amarino.

            10        Heihei hookahi mile me ka hapaha, noa i na lio a pau, makana $100; eo ia Wela.

            O ka heihei hookahi mile mawaena o Wela a me Nei Vista kekahi o na heihei holo loa i ike ia ma Hawaii nei. a ua hoemi iho laua i ka manawa holo e paa ia ana e Vioris 1:45 minute a ka 1:42 2-5 minute. O ka manawa holo loa e paa ia nei e ke ao nei no hookahi mile he 1:38 minute, nolaila, he 4 2-5 sekona wale no koe a loaa aku i keia mau lio. I ka hoomaka ana o keia mau lio e holo ua lilo ia Del Vista ka lio o Hilo ke alakai ana a hiki i ka hapalua mile akahi no a ike ia aku o Wela e pili mai ana mahope o Del Vista, a pela oia i pii lilii mai ai, a i ko laua hoea ana i ka pahu hopu ua kau a kau na poo o na lio. Nolaila, ua hooholo mai la na lunakanawai ua like a like keia heihei. Ua mahele like ia ka makana mawaena o laua. Ua manao ia e heihei hou ana laua ma ka P@ kahi ae nei i wahi o pau ai ke pohihihi i ka lio oi ae o ka holo o laua.

 

Picture

 

HALEPULE O MOURNE ROUGE.

 

            O keia kii e kau ae la oia no o loko o ka halepule katolika e Mourne Rouge, kahi o ke aka pahaohao o Karisto i ike ia ai maluna o ke kuahu i ka wa o ka pule meka e malama ia ana, a o ka pele maluna o Mauna Pelee e hooweliweli ana e luku aku i ua wahi kauhale ala. He mea oiaio iloko o keia manawa o ka noho piliaiku ana o na kanak, ua hoike kino aka wailua mai la o Karisto me he la e i okoa mai ana. owau pu no me oukou i ko oukou mau hora o ke kaumaha. Ua luku aku ka luaipele i ke kulanakauhale o Sana Pierre me ke koe wahi ola ole, aka, no Mouren Rouge nae aole he ola i hoopoino ia e ka pele. Ua hoopuni ia oia e ka anele luku o ka make, aka, aole nae ia i aa e komo aku i kahi a ka Haku e hoike ana i kona aloha. A hiki i keia la aia no keia wahi kauhale ke ku ala me ka pono ole, ua hele ae no na hoopoino a ka pele ma kahi okoa a koe no keia wahi. He kakaikahi loa na kanaka e noho ala maloko ona i keia wa ma o ka pau ana o ka hapanui o na kanaka o ka naholo mailaila aku. O ka nui o na wahi kanaka o keia wahi kauhale he 700.

No anei na kumu viregini i hoea aku ai i Sana Lucia me ka moolelo o ka ike la ana o ke kino aka o Karisto e na mea a pau.

 

Poino Hou ia Mau

Olalli ka Pele.

 

            Valaparaiso, Kili, "Iune 3, He hoike kuikawa kai loaa @ mai la mai Lapaz, Bolivia mai, e hai mai ana ua ulupa ia a neoneo he elua mau kauhale me ka lilo pu ana o na ola he kanahiku kumamalima ma o ke pahu ana o ka pele o ka luapele o ke teritori o Chioco, aia no oia ke a ala me ka ikaika.

 

PAU KA BALUNA I KE AHI.

 

            O ka hora 5 o ka auina la Poaha nei ka la a Porofesa Leonard i hoolaha akea ae ai no ka haawi hou ana he hoikeike lele baluna ma Honolulu nei ma ke kahua waiho wale makai iho o ka Hotele Hawaii. I ka hoea ana mai o ka wa a ua haole nei i kukala mai ai no kona lele ana ua akoakoa aku kekahi mano kanaka nui malaila e ike kumaka i kana mau hana hookalakupua iluna o ka lewa. Mamua o kona lele ana ua kukaliki mai oia i na hana ana e lawelawe ana i ka lawe, a i ka pau ana ua hele mai la oia iwaena o ka lehulehu e lulu aku i mau dala nana.

            I ka loaa ana o kekahi mau dala i hiki aku maluna o ke kanakolu ua hele aku la oia e hoopiha i kona baluna i ka uwahi no ka lele ana, aole nae i piha kupono ua baluna ala no ka lele ana i ka wa o na Ialapa ahi i ike ia aku ai i ka oili ana ae maluna pono, a iloko o na sekona pokole aia ua baluna ala e waiho ana iluna o la lepo he puu lehu, Ua kukala hou mai ua haole lele baluna nei mamua o kona haalele ana iho ia Honolulu nei e hana hou ana oia i baluna a lele maanei. O ka waiwai@o o ka baluna i pau iho la i ke ahi aiai no ia maluna aku o na haneri dalal.

 

            E hoomaha ana na kula aupuni a pau ma ka poalima, la 20 o Iune nei.

            Maka Alameda o ka la 27 o keia mahina i manaoia ai e huli hoi mai ai o Elele Wilikoki.