Ke Aloha Aina, Volume VIII, Number 23, 7 June 1902 — Page 1

KE ALOHA AINA

 

HOOKUMUIA 1 MEI 20, 1895

 

BUKE VIII.   HONOLULU, POAONO, JUNE 7, 1902     HELU 28

 

LA 11 O IUNE

 

      Eia ke kahua heihei lio o Kapiolani Paka na makaukau no ka hookipa ana aku i na tausani o na poe makahiki e akoakoa aku ana e ike i kona mau lealea.  I keia mau la i hala iho la ua haawi ia he mau hooponopono ana i ka hale o na makahiki maloko o ke kahua.

            Mamuli o ka nui o ka poe ona oia la i ike mau ia mawaho o ke kahua heihei, nolaila, ua hookaawale ia ae la he elua uku komo he $1 a me $150.  Ma kahi $1 ua hookuu akea la na poe ona malaila, na poe e pili dala ana me ka hoopuka ana i na olelo ino, a ma kahi hoi o ke $150 he poe wale no o ke kulana lede a me keonimana kai ae la malaila.

            I keia mau makahiki aku nei ua noho huikau na poe maikai me na poe ino, a he nui na olelo pelapela i hoopukaia e na poe ona i kupono ole i na poe maikai ke hoolohe aku, aka, he ui wale no nae i na poe i uluhia ia e ke daimonio o ka waiona e hailiili ana i ka wa e haule ai ka lakou mau lio i pili ai.

            He nui na lio heihei holo loa e komo ana ma na lealea o keia la, a e hoomaka ana hoi na lealea heihei i ka hora 10 ponoi o ke kakahiaka.  O keia malalo iho nei ka papa kuhikuhi o na lealea heihei oia la:

            1.         Heihei hapalua mile, makana Kiaha Union Feed Co. me $100.

            2.         Heihei lio kaa, papa 2:30 minute, elua eo ana iloko o ekolu holo ana, makana $150.

            3.         Heihei No hilii Polo, ekolu hapawalu mile, makana kiaha $50.

            4.         He ekolu hapaha mile, e hoohaule ia ka manawa holo loa e paa ia nei e Garteline 1:16, noa i na lio a pau, makana $100.

            5.         Heihei lio kaa, ekolu eo ana iloko o elima holo ana, makana $150.

            6.         Heihei hookahi mile, noa i na No a pau, makana Kiaha Rosita me $100, he $50 pakui ina e haule ka manawa holo loa e paa ia nei e Vioris 1:45.

            7.         Heihei lio kaa hookahi mile no na lala o ka Hui Heihei lio i kalaiwa ole i kekahi lio heihei mamua no kekahi makana.  Makana ekahi, kiaha $50 me ke kaa, makana elua, kaa b ge; makana ekolu ilikaa.

            8.         Heihei ekolu hapawalu mile, noa i na lio a pau, makana $100.

            9.         Heihei ekolu hapa mile, noa i na lio a pau, makana, Kiaha Oceanic S. S. Co. me $25.

            10.       Heihei hookahi mile me ka hapaha, noa i na lio a pau, makana $100.

            E hoea pa ae ana ka hana aupuni me ke kahua heihei no ka hoonanea ana i na poe makaikai.

 

KE HEA MAI LA O HALEMAUMAU UA ENAENA E KE AHI A KA WAHINE.

 

            Ma kekahi o na mokuahi holo piliaina, Noeau, i ku mai inehinei i loaa mai la na lono makamaka hou loa ka a io ana o ka pele o Kilauea, aia ke hoike mai la ua luahine hookalakupua ala i kona mau hiona kupaianaha ma kona kakela eehia anoano o Halemaumau.  Ma ka mokuahi Helene i loaa mai ai na lono hope loa ua piha ka lua o Kilauea i ke ahi pele i keia wa, a e kahe ana paha i kai o Kau, ma ke Kinau o keia la e loaa hou mai ai na hoike.

            E piha kui aku ana ka luna o Kaauea i na poe makaikai, a he wa maikai io no keia no na poe i ike ole e hele ai e ike pono i ka nani o na mea kupaianaha a ke Akua i hana ai.  Ike ia Kaluaopele o ka puni no ia o ke ao nei wahi a ka olelo.  Polokei kela.

            He mea hihiu ka pele i na aina haole aole oe e kokoke aku a i ko Hawaii nei he laka loa, na hiki loa oe ke hele a noho a pau ka makemake, aole hoopilikia wale mai.

 

IKE IA KE KINO KAHOAKA O KRISTO

 

            Nu Ioka, Mei 30.  He lono kuikawa kai loaa mai la i ka nupepa Journal mai Sana Lucia mai, olelo ana:  O na Kaikuahine Vireginia Katolika he 23 i pakele mahunehune mai na luai pele mai o Mauna Pelee, ua hoea mai la lakou ianei i keia la me kekahi moolelo kupaianaha o ko lakou pakele ana mai mai Morne Rougel mai, he wahi kauhale uuku e pili pu ana me Sana Pierre.  Ua hoike ae lakou o ka palekana o Morne Rougel mai ka pele mai, aole ia i kekahi mea okoa, aka, mai ke aloha wale mai no o ke Akua, a o keia ka mea kupaianaha loa a lakou i ike ai maloko o ka halepule i ka wa a na kanaka i holo aku ai iloko o ka halepule ko lakou puuhonua wale no i ka wa a ka pe'e e hooweliweli ana no ka luku ana i na ola a pau.  A i ka wa o ka pule me ka e malamaia ana, aia hoi, ua ike aku la na mea a pau i ke aka kino wailua o Karisto e ku mai ana maluna o ke kuahu me ka hoike ana mai i ka puuwai laa hia.  O ka helehelena o Karisto ma ka lakou ike aku e hoike mai ana ia i ke kaumaha a me ka haikea.

            Wahi a Kaikuahine Marie Infant Jesus Alaila, ike aku la makou i kekahi ao weliweli, i ukali ia e ka hekili a me ka uwila, e iho mai ana mai Mauna Pelee mai maluna ae o ko makou poo a haule aku la maluna o ke kulanakauhale o Sana Pierre.  Ua holapu koke ia ae la ia wahi e ke ahi.  O ko makou manao ia wa ua hoea mai ka hopena o ke ao nei.  Ua pule hoomau iloko o ia la holookoa o ka weliweli.  O ke ahi, ka mahu a me ka lepo kelekele e paila ana ua hoopuni ae la ia Morne Rougel, aka, aole nae he ola i make a i ole manuheu.  Nui io no ke aloha o ke Akua ia wahi kauhale.

 

MOKU POINO

 

            Ia makou e liuliu ana e hoopuka aku i kakou hiwahiwa aia hoi kapalulu ana ka leo o ke telepona i ko makou nei keena e hai mai ana i ka nuhou hope loa.  Ua ku mai la ka Maki mai Kauai mai me na hoike na pae ae la i Makaweli ke Kapena o ka moku kiaha Beritania Fannie Carr me 15 o kona mau luina maluna o na waapa.  Ua pau i ke ahi ko lakou moku ma kahi he 800 mile malalo aku o Kauai, a he ewalu la o keia mau olulo maluna o ka moana mamua o ka pae ana i ka aina.  O ka malama moku me kona mau kanaka he 15 aole he mea i loheia no lakou.  He nanahu ka ukana a keia mokupea e lawe ana.

 

 

UA HULI HOI MAI O DOLE

 

            Me na helehelena ulumahiehie i keehi mai ai o Kiaaina Dole i ka aina nei, ma ka auina la o nehinei.  I ka wa i loaa mai ai o ka lono mai kahi kiai moku mai ua ike ia ka Alameda ka moku o ke kiaaina e huli hoi mai ai, ua kau aku la kona mau hoaloha me ka bana maluna o ka moku kolo Eleu a holo aku la e hui me ia.  Ua ikeia aku o Done e k@ aa iluna o ka oneki a e haawi mai ana i ke aloha no na ka naaina i hiki e aku e haawi i ko lakou k@naenae aloha nona.  I ka pili ana mai o ka moku i ka uwapo aia he mau haneri o na hoaloha o Dole e haawi aku ana i na leo huro nona.

            Ua hoi mai la oia no ka hoomau hou ana aku ma kona kulana kiaaina ua haule na @@@@@ hoop@i i hana ia aku ai nona.

 

            Ua makemake ia na lala a pau o ka Hui Aloha e hiki ae ma @o lakou halewai i ka hora 1 p. m. o ka la apopo.

            O na hui kinipopo e paani ana i keia auina la ke kahua kinipopo o Kupanahou, oia keia, Honolulu me Maile Ilima, Kamehameha me na koa Amerika.