Ke Aloha Aina, Volume VIII, Number 22, 31 Mei 1902 — Page 1

KE ALOHA AINA

HOOKUMUIA I MEI 20, 1895

BUKE VIII    HONOLULU, POAONO, MEI 31, 1902     HELU 22

 

PUOHO HOU KA PELE MALUNA O MAUNA PELEE ME KA HOOWELIWELI ANA I NA KANAKA O MARTINIQUE

 

            Ma na mokuahi Kaleponi apau e hoea mai nei aohe mea nui e ae hoea mai nei aohe mea nui e ae maloko o na nupepa, aka, o ka moolelo wale no e pili ana no kela luapele a hooweliweli ala i ka mokupuni o Martinique nana hoi i hooneoneo aku i ke kulanakauhale o Sana Pierre, a e hooweliweli ala i ke kapitala oia mokupuni i keia la.  Ke unuhi aku nei makou i kekahi mau hoike ano nui i ike ai kakou Hawaii i ka weliweli maoli o ka hana a ka pele e luku ala i na ola he mau tausani ma kela mokupuni mai na makua na keiki a hoea loa loa aku i na holoholona uhane ole, i loaa ole he lua o kona weliweli mai ka hookumuia ana paha o ka honua nei.

           

WELIWELI NA HANA A KA PELE.

 

            Fort de France, Mei 21.  O kekahi o na la i piha me ka weliweli loa ua hoohala ia ae ia e na kanaka o Martinique ma ka la inehinei.  No eono hora ma ka la inehinei na hoolei mai ka luapele i na pohaku wela maluna o Fort de France, ke kapitala o Martinique e ku ana he 15 mile ka mamo mai Sana Pierre aku.  O na pohaku wela a me na lep kelekele ua helelei mai lakou mailoko mai o na aouli, a ua piha pu hoi ke ea me na ea hohono pakui e hiki ono ole ai ke hanu.

            A ma kekahi manawa ua aneane maoli no e make na kanaka i ka hiki ole ke hanu maikai.  Ua nui na hale i hoopoino ia e na pohaku wela a ma kekahi mau wahi lehulehu ua oili ae ke ahi.  Oiai, aole he nui o na ola i poino, aka, o ka luai pele nae o ka la inehinei ua oi loa aku kona weliweli i ko kela luai pele i luku ai i na ola he 25,000 o Sana Pierre ma ka la 8 o Mei.  No kekahi mau hora ua like me he la aole he kahua paa i koe malalo o Martinique e nakanaka wale ana no.

            Ua haule hou mai na pohaku nunui enaena maluna o Sana Pierre a ulupa hou aku la i na paia hale olohelohe e ku ana, a i keia wa aole he hiopa i koe o ia kulanakauhale, aka, he kohu waoakua mehameha kanaka ole, ke hoomau ala no ka lehu pele i ka haule ana maluna ona, a ma kahi wahi ua hoea aku ka manoanoa o ka lehu pele i ka eono kapuai.

            He mau tausani i haalele iho ia Fort de France i keia mau hora kupilikii a imi aku la i ko lakou wahi e palekana ai maluna o na mauna a ma na mokupuni e pili kokoke ana.  O na moku a pau e ku ana iloko o ke awa ua hoopuni ia lakou me na kanaka maluna on a waapa e uwalo aku ana e hookau ia aku lakou iluna o ka moku, o ka poe i hele me na waapa he mau haeri olakou i au maoli aku no kahi o na moku.

            Mai na wahi mai a pau o ka aina e puhee mai ne na kaua ka no ke kulanakauhale o Fort de France nei; ma kela a me keia wahi o na alanui mawaho aku o ke kulanakauhale e ike ia aku ana no na kino i haule make i ka pololi ai a me ka nawaliwali.

            Ua haawi ia na puu dala no ke kii ana aku e kokua i na poe pilikia e haule ana ma na alanui, aka, aole nae i lilo ia i mea makaala @ ia aku, oiai ka weli a ka pele a me ka makau e kau ana maluna o na mea apau.

            O na hiona weliweli loa ua ike ia no ia ma ka la inehinei i ka wa i oili mai ai ka la me ka pohina i ka lehu pele.  Ua hoopiha ia ka lewa ia wa me na ao ahi e poka kaa a e lulumi hele ana ma o a maanei o ka lewa, a he nui a lehulehu na poe i manao kuhihewa e haule mai ana keia mau popoahi maluna o lakou.  Aohe he wa i oi aku ai o ka weliweli o na kanaka e like me keia.

            Ua piha na alanui i keia wa me ua kane, wahine, kamalii, koa a me na luina me na helehelena pihoihoi e holo hele ana ma o a maanei me ka maopopo ole o ko lakou wahi e pakele ai.  E uwe ana kahi, e hailiili ana kahi, a o kekahi poe hoi ua haule iho lakou maluna o ko lakou mau kuli a nonoi aku i ka Mea Mana Loa e hoopakele ae i ko lakou mau ola, he kakaikahi loa na poe i hele na waimaka maluna o ko lakou maulihilihi.  I ke kualiiili ana mai o ka helelei ana o na pohaku a me na lehu pele oia no ka wa o na kanaka i holo aku ai no luna o namauna a me na lae kahakai, a he lehulehu wale hoi i ohi ia e na waapa o na mokukaua e lana hele ana iluna o ka ilikai.

            Aia na kanaka ke uku la i na uku moku kiekie no ka lawe ana aku ia lakou ikekahi mokupuni okoa aku me ka minamina ole, no ka mea, o ke dala he loaa ia ke imi aku, aka oke ola aole loa ia e loaa hou.

            St. thoams, Mei 20.  He nui ka weliweli o keia kulanakauhale i ka wa i hoea mai ai o kekahi au i piha me na lapalapa ahi a kaupono i ho la maluna o keia keia kulanakauhale, mailoko mai o keia ao ua oiliili mai na huna ahi, me he la, aia he luahi iloko ona, a mahope o kona kau malie ana ua nee aku la ia a nalowale.  Ua hopohopo ia he poino weliweli kai hoea ae la maka hema aku nei okeia wahi.

 

 

KA LUNA KULA HOU O KA MOKUPUNI O MAUI

 

            O Noa Kepoikai kekahi o na Komisina Kai Pono Pauahi ka mea i hookohu ia aku i Luna Kula no ka mokupuni o Maui ma kahi o Sam Keliinoi i hoopauia; ma ka lohe mai me he @ e kokua wale ana no oia ia hana no ka manawa o elua a @ ole e olu paha mahina a hiki i ka @ hou ai he mea ma la wahi alaila, no oola waiho aku ia hana @ muli o kona pilikia me kana mau @ iho.

 

HOIKE A NA POE I HIKI I PIERRE

 

            Fort de France, Mei, 11.  Ua pae maalahi aku la kekahi poe iuka o Sana Pierre a hoomaka aku la e n@i i ka weliweli o ka luku ana a ka pele.  O na poe i hoi mai la i keia kulanakauhale ua hoike ae lakou, ua loaa aku ia lakou na kino make e waiho mokaki ana ma o a maanei o ke alanui.  O ka hapanui o lakou e waiho olohelohe ana, me he la, ua pau ko lakou mau aahu i ke ahi.  He nui ka inoino o ke ea o ke kulanakauhale mai na kino makemai.  Ma kekahi wahi ua loaa aku kekahi ohana he eiwa ka nui e puili aku ana kahi i kahi a e waiho ana hei lakou na papaa i ke ahi. E okuu ana ono kahi poe me he la na hoea mai la ko lakou hopena iloko o ka imo ana a ka maka.  O kahi muimuia loa o na kino make i loaa aku mawaho no ia o na halepule me he la i ka wa o ka ahailono o ka make i pahola mai ai ua holo aku la na kanaka no keia mau wahi no ka haawi ana aku i ka lakou mau leo pule hope loa.  He mau tausani o na holoholo i loaa pu e muu mokaki ana.

 

 

HE KUMU MORAMONA UA HIKI MAI.

 

            Mawaena o na ohua i hoea mai ma ka mokuahi Sierra mai na Panalaau mai o ka Hema o Alekanadero Kamika kekahi o na alakai o ka Hoomana Moramona i hooponopono hou ia.  E ukali ia ana kana huakai e kana wahine me na keiki ekolu a me kana kakauolelo.  Ua hoohala ia e kamika he mau mahina loihi ma Tahiti no ka hooponohopo ana i na mea pili hoomana malaila, ma kana hoike he mau tausani o na kanaka Tahiti e noho ala he mau hoahanau no ia hoomana.  E noho ana o Kamika maanei no ekolu pule mamua o ka huli hoi loa ana aku no kona kahua hana ma Amerika.