Ke Aloha Aina, Volume VIII, Number 21, 24 May 1902 — Page 8

KE ALOHA AINA

 

8          KE ALOHA AINA, POAONO, MEI 24, 1902.

--

HAWAII MA BUFFALO

--

Mai ka aoao 6 mai.

--

DETROIT MICHIGAN.

 

oia no ka wai kuono o ka loko moana Huron.  Lehulehu wale na moku kalepa e holoholo mai ana ma keia wai.

            Hora 12 45 p. m. komo makou i Windsor, ma ke kae o ka muliwai, a o ka palena no hoi keia o Canada.  Ku iki makou maanei no ke kali ana i ka moku o makou e holo ai me ke kaaahi a kau ma kekahi aoao o ua muliwai nei.  He hapaha hora mahope iho, ua kau aku la ko lakou kaa maluna o ka moku a holo no ka aoao Amerlika, a pae ma ke kulanakauhale kaulana o Detroit.

            He kulanakauhale nui keia a na aneane no e like kona nui me Buffalo.  He ui no, a he nunui a kiekie no hoi kauhale.  Eia ma keia wahi na hale hana laau lapaau nunui loa o ke ao nei.

            He mau mile wale no ka mamao o ke kula nui o Michigan mai keia wahi aku.  Malaila o Ann Arbor-kela kula a'o kanawai kaulana a ko kakou poe i holo pinepine ai i na kau i nala aku.

            I ka makou holo ana i Buffalo, hiki makou ma keia wahi i ka hora 12 o ka po, a ia wa au i ike ai i ka aa mai o na kukui uwila maluna o na pou kiekie a ka launa ole, aneane 70 kapuai ke kiekie.   I kei hoi ana hoi o makou, ike pono aku la au i ke kiekie ino loa o na mau pou la.

            Ma keia wahi au i aka ai i kekahi mau haole on a miliona.  E ku ana makou maloko o ka hale @oolulu me kekahi mau hoaloha maikai o ia kulanakauhale i iho mai e ike ia makou, kamailio mai nei kekahi haole penei:  O oukou i keia wa, he poe pio oukou no makou.  I aku nei au, he poe pia oukou no makou.  Pane hou mai la kela, aole o oukou kai lilo pio ia makou; hoole hou no au, a paakiki mai la kela, aole o oukou kai lilo pio ia makou; hoole hou no au, a paakiki mai la no hoi kela on a ka pololei.  Pela ko maua hoopaapaa ana a li'uli'u, i mai nei kekahi o kona mau hoaloha:  E ninau aku oe i ka opio, pehea la oia i manao ai he pio kakou na lakou?  Ia wa, ninau mai nei ua haole elemakule nei:  E! pehea iho la oe i manao ai ua pio makou na oukou?  Ia wa, pane aku nei au, he eha ae nei makahiki o ko oukou hooikaika ana e lilo pio na Pilipine, aohe nae he pio iki.  Ke olelo nei oukou me ke kaena nui, he lahui ikaika oukou, aka, i ko'u ike, he nawaliwali loa.  He kakaikahi loa ka nui o na kanaka Hawaii o kau aina aloha, a he mau miliona ko oukou nui   Ua hele mai kekahi mau kanaka elima i Wakinekona me kekahi apana papa hoohuiaina a ua lilo pio ko oukou Mana Aupuni a ua lilo ia Hawaii ka Hae Amerika.  I ka lohe ana o keia poe haole i keia mau olelo a'u, nui ko lakou aka no ka hoka o kahi elemakule.

            Maumuli nae o keia mau olelo, ua hoike mai la keia poe haole, o lakou kekahi i komo pu maloko o kela hui e hhoomoe nei i ka uwea moana mai Kapalakiko mai.  Na lakou i hoike mai ia'u, e paa ana keia uwea telegarapa mamua ae o keia Dekemaba iho.

            Hora 2:45 p. m. haalele makou ia Detroit a holo no Kikako.  Ma keia mau wahi, he ano maikai iki ka aina, he uliuli iki i ka naua aku, no ka paa pu ole i ka hau.  He nui no hoi na wahi mahiai me na wahi hana mekini o kela a me keia ano.  Pela makou i holo ai ma na kaona liilii a hiki i ka poeleele ana, pau ka ike aku i ka aina.

            I ko makou hookokoke ana i Kikako, o ka hora 9 paha ia, ku loihi loa makou ma kekahi kaona nuku, Auburn Junction, mamuli o kekahi ulia poino mamua o ko makou alahele, he kaaahi poino.  Aole nae mau oia i poino pu.

            I ko makou holo hou ana komo i Kikako hora 9 paha ia, ku loihi loa makou ma kekahi kaona uuku, Auburn Junction, mamuli o kekahi ulia poino mamua o ko makou alahele, he kaaahi poino.  Aole nae mau ola i poino pu.

            I ko makou holo hou ana komo i Kikako hora 10:30 p. m. a na hala e iho ia nae ko makou kaaahi no ka Hema, i ka hora 9:45 p. m.  No keia kumu, ua hooholo makou e kali a kekahi po mai, Sabati, Nov. 17, i ke kaa o ka hora 9:45 p. m.

 

HOAUMOE I KIKAKO.

 

            I ko makou ku ana mai halawai iho la makou me kekahi o ka makou mau kumu o Sana Lui ae nei.  Me Bro. Louis.  Nui ka hauoli i ka launa ana me ke ola kino oluolu mkaikai.

            Mamua ae o ko makou hele auwana ana aku la ia po e makaikai i kekahi mau wahi o Kikako, na halihali mua makou i na wahi opeope o makou i ka Merchants Hotel, ma kekahi aoao mai no o kahi hoolulu-Dearborn Station.

            Pono hele aku nei makou-Malina, Keawe, Kauhane, Waiwaiole, a me a'u, a hiki i ka State Street.  Ia makou e ku ana, me ka ha'iha'i ana o na ai koloau i ka nana i na hale kiekie a ka launa ole, hoea ana keia haole ano aoo, o Mr. Strowe kona inoa.  He hoaloha no Col. Soper.  I kona ike ana ia makou, hoomaopopo mua mai la kela he poe keiki Hawaii makou, nolaila, kono mai nei oia, e hele pu makou me ia i kona hale haua.  Hele like aku nei makou a komo i ka hale telegarapa-Western Union Telegraph Building.

            He hale kiekie keia, he 11 hale.  Ma keia wahi makou i ho ikeike ia ai i na paahana a pau loa o ka oihana telegarapa.  Maloko o keia hale, aole i emi malalo o 5000 poe hana.  E hana mau ana keia poe ma na mikini hoolele olelo.

            Ma ka papahele mua, malaila na mikini hoouna palapala maloko o na paipu pneumatic tube.  Hookom ia ka pepa i kakau ia a na ka makani e lawe me ka awiwi loa a loaa i ke keena i makemake ia ai.  He nui ka ike o ka haole ma keia mau mea.  Ma kekahi papahele no ike makou i kekahi mikini e telegarapa ai i Nu Ioka a me Kapalakiko i ka manawa hookahi.

            Ia makou i kau ai i ka hale iluna loa, ua puka makou a ku ma ka lanai o luna loa, a nana aku i ka hale hoohehee hao kila (steel).

            No ka maluhiluhi loa o ko'u mau hoa hele, nolaila, na hiki ole ia makou ke makaau hou ma kekahi mau wahi e ae, a ua hoi makou no kahi i hoomakaukau ia no ka hooluolu ana.

            I ke kakahiaka ana ae a pau ko makou paina, hoomaka hou no makou e hele makaikai.  No ka paa o na kauhale kuai, ike ole ai i na waiwai like ole oia mau wahi.  Ma na alanui wale iho la no makou i pokakaa hele ai a hiki i ke awakea, hele au i kahi o ko'u mau hoaloha.  Ia makou nae e kaahele ana ua kiekie a ka launa ole kauhale.  Nui no na kaa uwila me na kaa ahi.  Holo kekahi kaa malalo, a maluna ae kekahi, ua hanaia he alanui kau maluna ae o kekahi me he uwapo la, malaila e holo ai kekahi mau kaa.

            Ia'u i hele ai i kahi o ko'u mau hoaloha maikai loa, ua ike au i kekahi uwapo kupanaha o kona mau paahana.  E holo ana ke kaa uila me na kaaahi, a i ka wa e holo mai ai o kekahi mokuahi o ka wa ia e pii ai o kekahi aoao o keia uwapo a ku plolei iluna a holo ae ua mokuahi ala malalo, a hala ia, alaila, hoi hou aku keia uwapo a kona kulana mua.

            I ko'u mahawa e ku ana maluna o keia uwapo, ua ike maoli au i ka hihia o na alahaka o keia wahi, me he maka upena ala ka moe ana o na alahao.  Nui no hoi na kaaahi e holoholo mau ana.

 

HAALELE IA KIKAKO

 

            I ka hoano ahiahi ana iho, ua hoakoakoa hou ma ka hale hoolulu e kali ai no ka holo o ko makou kaaahi.  I ka hora 9:45 p. m. kau makou a holo no Kansas City maluna o ke kaaahi o ka hui Sante Fe.

            He maikai wale no keia holo ana o makou a aneane i ka hora 4 o ka wanaao, hoala ia au e ke kupakako o ke kaa.  Hah i mai mai nei kela ia'u ua poino ia kekahi kaaahi mamua o makou ma kekahi mamua o makou ma kekahi aoao o ka muliwai Misgissippi.  Ala ae nei au a noho mawaho o ke alapii, ike aku la au i kela muliwai nui akea.  Aneane no e hapalua mile kona akea, a papau nae.

 

MISSOURI.

 

            I ke kaa ana ma ka aoao komohana o ua muliwai ala komo i ka mokuaina o Missori.

            He aina maikai no keia nui na mahine ai a ka haole, nui no hoi na holoholona hanai a keia poe. 

            Ma Carrollton i halawai ai au me kekahi kahunapule o ka Hoomau Christian, o Rev. Edgar.  Nui kona oluolu me kana mau olelo maikai i hoopuka mai ai no na oiwi o keia aina.  Ua lohe wale oia no Hawaii nei, aole nae i hiki kino mai, na i mai oia, ma kekahi o keia mua iho e holo mai ana oia ianei.  Ua holo like makou a hiki i Kansas City i ka hora 1,05 p. m.

 

MOKUAINA O KANSAS.

 

            He wahi ano pupuka keia i ka nana aku, a he lepo apuupuu ke kulana.  Ina paha makou iki ma na wahi ano nui, in a paha ua ike i kona nani.  I ka hale hoolulu no makou u hiki i ko makou holo hou ana i ka hora 2:35 p. m.

            Ua kono ia au e noho maanei e haiolelo ai maloko o ka halepule no na mea pili ia Hawaii.

            Me keia wahi a makou e hele nei he oia mau na hiohiona o ka aina, e like me ka makou i ike mua ai.  Aole no hoi he mau mea ano nui a makou i ike aku a hiki wale no maou i Ottawa.

            O keia kulanakauhale he wahi uuku no ia a he n@ no nae.  No ka molehulehu loa ana iho hoi nolaila, ike ole ia aku ai kona mau hiohiona ano nui.  O ka hora 6 keia o ke ahiahi.

            Mamua ae o ko makou haalele ana aku i keia wahi, ua kau mai la he 30 poe lede opio me ka lakou mau kumu no.  I ko'u ninau ana i kekahi haole aoo, ua hoike mai ola, he poe lakou no ke Kula Nui o na kaikamahine ma Emporia.

            Mamuli o ka oluolu o na keonimala ala, ua hoolauna ia aku la au me ke kumu nui o na kula la, ia maua e kamakamailio ana no na kula o HAwaii nei, na mele mai la ua mau lede opio nei i ka lakou mau mau mele.  A mamua ae o ko makou hookokoke ana i ko lakou wahi ma Emporia, ua himnei aku no hoi makou i ka mau mele hoonanea.  Pela makou i holo like ai me ka oluolu a hiki i ko lakou wahi, mamua ae o lakou lele ana, ua lulu lima like makou a pau, a ia lakou i lele aku ai, na haawi like lakou i ekolu huro no na oiwi Hawaii.  Ua panai aku no hoi makou me na mele kaili aloha o ka aina nei.

            Ma keia wahi aku iloko o ka pouli ko makou holo ana a puka ka la komo ma ka mokuaina o Colorado.