Ke Aloha Aina, Volume VIII, Number 19, 10 May 1902 — Page 8

KE ALOHA AINA

 

8 POAONO, MEI 10, 1902.

 

MOOLELO HOONI PUUWAI

 

––––: NO :––––

 

Kuu Aloha i na Pua, Kuu Ipo o na Launahele!

 

––––––––

 

Ka Makaikiu Kupaianaha!

 

––––––––

 

Mai keia mau la mai o ke kamalii ua ulu awiwi ae ia maua iloko o ke kanaka makua, a o ko maua mau makahikihoi ua hoomahuahua mau ia ae ia mai ka liilii a pii a mau a hiki i ka huina o iwakalua, a ia maua i hemo mai ai mai na ku la kiekie o Okefoda a me Kamabariga aia e paa ana i ka huina hua helu o ko mana makahiki i ka iwakalua kumamahiku, ua huli hoi mai maua no ke alo o ka mana makuakane me na lima ohaoha o na makuakane ala o maua e lilo ana maua i mau lima akau a i mau lima hema e kokua ana iaia ma na hana e hoomau ia ai ka hanohano, ka waiwai a me ka ihiihi o ka inoa o ka hale o Kalivi, eia ka he mau kuko palaualelo wale no ia, no ka mea o ka io o na io a me ke koko o kona koko ponoi oia no ka lima koko pakaha a me ka puuwai eleele nana i powa kona ola.

 

Mamua ae o ka hoea ana mai o kela minute weliweli a pakaha i ke ola o ko maua makuakane, ua noi mua aku ua hoahanau lima koko nei o'u i ko maua luaui makuakane e mahele ia aku kona hapa ma ka hooilina waiwai, aka, o ka pane naauao o ka makua e noho like maua pela na keiki a hoi aku oia i ka lepo e like me ia i olelo ia ma kinohi, alaila, ia wa e loaa ai i kela a me keia kona hooilina waiwai. O keia mau olelo naauao a ko maua makuakane, he make ka mea a ke kaiki e haawi aku ai.

 

He aneane eha mahina mai ko maua hemo ana mai ke kula mai, aia hoi, ma ka po hope loa o ka piha ana o ka eha mahina ua lawelawe a hooko ia iho ia ua karaima ekaeka loa nei. Aole loa he mea i i ike o ke Akua wale no ma ka lani, hala aku la ka pouli o kela po i lawelawe ia ai kela hana karaima weli weli ua hoea mai la ka la me kona nani nui me kona malamalama kamahao ka la hoi a'u i ala ae ai me ka hauoli nui e hui a halawai pu hou me ka makua me ka moeuhane mua ole ua koekoe a anuanu kahiko kona kino a he hauoli kuhihewa wale iho no keia, a iloko o na haupuupu a halia mua ole, aia hoi, poha wawalo ana ka leo o ke kauwa wahine me ka leo hooho ua pepehi au powa ia ke ola o ka Haku Lodi Kalivi.

 

Me he poka ala i pahu ae malalo o'u aia aia au ua hoea aku la no ke keena moe o ko maua makuakane a me ko'u mau waimaka e hanini ana ike iho la au i na hana weliwe li a ka limakoko. E waiho hamama ana kona opu me kekahi moku pahi nui mai kahi aoao a i kahi aoao a ma kona umauma hema e paa ana he pahi puhaka loihi i pahu ia aku i ka puuwai a hula ma ke kua nona ka wini ua kapoo iloko o ka hela, ua nalowale ka maka o ka pahi inoko o ke kino a o ke kuau wale no ke oioi ana iwaho.

 

He weliweli o na weliweli a he mainoino a me ka manaonao o na manaonao na hana a keia puuwai eleele i lawelawe ai, a iloko o ko'u mau waimaka e kahe ana a ma ka aoao hoi o kela moe make o kuu makuakane i mainoino, ua hoopaa ae ia au i ka'u hoohiki e hanu ana au ma ka meheu o ka mea nana i pepehi i kuu makuakane a hiki i kona waiho ana he luahi make na'u iloko o ka honua. Mai kela hoohiki a'u i hoopaa ai, hoouna aku la au no ke Keena Oihana Makai no ka hoea ana mai a lawe in a hoomalu ana mai a lawe in a hoomalu ana i ke kino make a hiki i ka hoea ana mai o ke kiure niele.

 

Ua hoouna pu aku no hoi au no ke keena oihana makaikiu no ka hoea ana mai o kekahi kiu akamai loa no ka lawelawe ana i keia nana a ua hoea mai oia he mau minute mahope iho o na kiure hanohano o ka Ahaniele, a i ka pau ana o ka lakou mau hana a me niele ana ua haawi a waiho iho la lakou i ka lakou olelo hooholo, ua make kuu makuakane ma ka lima o kekahi puuwai eleele i ike ole ia ma ka hou ia ana me ka phi puhaka. I ka Aha Koronelo i haalele mai ai ua lawe koke ae la ka makaikiu a hooko i ka hanohano o kana oihana, a mahope o kana noii akahele ana ua huli mai la oia a hawanawana ia'u me keia mau olelo––haawi mai i kau mau hilinai ana o ka paulele maluna o'u a na'u no e lawe mai i ka limakoko imua o ka Aha Hookolokolo, alaiia, me ka leo nui moakaka kamailio ae la ma ke ano uhiuhi i ka oiaio o kana olelo i ka pane ana mai. Haku Baroneka, o keia hihia he hihia keia aohe manaolana e loaa ana ke pepehikanaka nolaila, e kaia mai ia'u a e imi hou aku i kanaka kiu hou, alaila, haawi mai ia oia i ke aloha kunou poo a haaleie mai la i ka hale nei. O ka'u mau hoohuahualau ana aku iaia no kona manao ua loaa ole he haina kupono koe wale no kela ho ike ana he hihia eohe manaolana. Aka, i kela po a me keia po e hoea mau mai ana oia no ka hale nei a haawi i kana mau hakilo ana me ka noii akahele no na puka huna me ka ike ole ia e kahi mea kino kauaka e ae mawahoae o'u, a no hookahi makahiki o kona lawelawe pauaho ole ana no keia hihia, aia hoi ua laweia mai la imua o ka Aba Hookolokolo o na lunakawai he 12 poe kanaka a o kuu kaikaiua keka hi iwaena oia poe kuu hoakauau po noi Haku Ioane Beranada me na hooia pololei loa e aheawa ia ai oia me ka hoopaapaa ola ia.

 

KUAI HOOPAU O NA WAIWAI

 

MA KAHIO

 

WING SING LOY

 

Alanui Moi kokoke i Alanui Aala.

 

HOOMAKA ANA I KA POAKAHI

 

MEI 12, 1902.

 

––––––––

 

Na Waiwai apau o ko Makou Halekuai

 

Na Kalakoa, Keokeo, Papale, Pahu Lole, Huluhulu,

 

a pela aku he nui wale.

 

Ke konoia aku nei na makamaka Hawaii e kipa mai

 

HALA IA ALOHA AINA OIAIO.

 

––––––––

 

I ka auwina la o kela Poaono aku nei ua loaa mai la he nuhou hoohikilele i ko makou nei keena o J. K. Kaunamano, ua haia i ke ala hoi ole mai, a ua pau hoi kona manawa a ka Mea Mana Loa i hoo kuu mai ai e ike i na inea o keia ao lohi. He kanaka aloha aina oiaio oia a hiki i kona hala wale ana aku la no. Aloha no na poe aloha aina e lawe liilii ia nei e ka make. Ma ka La Pule nei i manele ia aku ai oia no kona home lua. Ke komo  pu aku nei KE ALOHA AINA iloko o ke kaumaha me ka ohana o ka mea i hala.

 

PAKELE MAI LILO KE OLA.

 

––––––––

 

Ma ke ahiahi Poalua nei, oiai o David Kanewanui, Lunahooponopono o ke Kuokoa, a hoonanea ana me kekahi o kona hoa ma kona home ma ka hale hui o na keiki Kamehameha e ku nei ma Alanui Papu. Ua hoea aku ia kekahi o kona mau hoaloha opio nona ka inoa o Daniela Io, a iloko o ka lakou mau paani ana ua lalau aku la o Io he pu panapana a kau mai la imua o Kanewanui, no ka hoike ana he pu okoa ae no kahi ana, ua kii aku ia oia i kana pu raifela, a me ka manao mua ole o Io aia no he poka iloko o ka pu panapana ua kaulona pono aku la oia i ke poo o Kanewanui. He poha ana ua ua kapoo aku la ka poka ma ka papalina a holo pahia aku la a paa mahope.

 

Ua telepona ia o Kanka Way son a me Taylor, ua hoea mai a haawi i na kokua ana i ka mea poino. Ma ka Poakolu ua hoao ia e huli ka poka, aka, aole nae i loaa. Eia o Kanewanui ke waiho nei maloko o ka haukipila, a ua manao ia e loaa ana no ka maha iaia iloko o na la pokole Aole ia hopu ia o Io, ma Kanewanui mau olelo e hoike ana, ua loaa keia poiuo iaia ma ke ano ulia, a aole hoi he manao iloko o Io o hoopoino i kona ola. Na East Kahulu e hooponopono nei i ke Kuokoa i keia mau la.

 

HE LA NUI NO NA HAWAII MA KA FEA O KALE–KONA.

 

––––––––

 

Wasinetona, Apr. 26. Ua haawi ia aku la he kono akea i ka Moiwahine Liliuokalani a me ka Elele Wilikoki e Komisian J. F. Knapp no ka hoea ana aku a ka hoikeike o Kalekona ma ka la i hookaawaleia no na Hawaii. Aole i maopopo ka la e hookaawale ia ana no ko laua hiki aku. I ka hoea ana mai la o Komisina Knapp i Wasinetona nei ua like me 40,000 mile i kaahele ia eia ma na mokuaina o ke Komohana na Teritori a me Hawaii no ka imi aua i na mea e holomua ai keia hoikeike nui.

 

HE PANE IA KUOKOA.    

 

E ka Lunahooponopono o Ke Aloha Aina.

 

Aloha oe:––

 

E oluolu oe e hookomo iho ma kahi kaawale o kau pepa i keia wahi pane e like me ka pane a ke Kuokoa e pili ana i ka pelapela o ka hula Hawaii. Owau he koko Hawaii oiaio, elua kau hoikeike o ko'u hiki ana i Amelika malalo o ka hula Hawaii, aole he mau hana pelapela i hana@@ e Hawaii Ponoi, he maemae wale no na hana i hanaia. Aole he wehe o na wahine i ka lole, aole hoi he malo ko na kane i ka wa e hula ai, i kulike ai me ka pane a Kuokoa i No ka pelapela anei o ka hula Hawaii ka mea i hele mai ai o ka poe hanohano a me na kahunapule o ike i na hana a Hawaii oiaio.

 

Ua hana ia ka hula Hawaii me na aahu kupono i na make o ka lehulehu, hke nana aku aole hoi o ke au lole ole o Hawaii nei. Nolaila o ka hula ana a ka Hawaii he rula no. He kaokoa no ka wahine pela no ke kakne. Aole pela ka hula ana o keia au hou aia a huia like ke kane me ka wahine, apo aku a apo mei, alaila, kohu iho la ka hula ana o keia au naauao. Pehea la kou manao ana no ka hula Hawaaii.

 

Ua maemae Puna i ke ahi a ka wahine,

 

Ua aloha ke one o Kahuloa e ka ua Nanhuuahu,

 

Eha aku ia poli o Keawe i ke ahi a L@@@makua,

 

E iliwai ka hana i kaulike ke aloha.

 

            Owau no.  H. M. Konakaiopua

 

Ma ka auina ia o ka Poaina nei na lilo i ke kai a make a Welau.